教育王國

標題: 因為留長髮問題而放棄基灣 (愛蝶灣) [打印本頁]

作者: quoquo 時間: 07-7-9 14:00 標題: 因為留長髮問題而放棄基灣 (愛蝶灣)

誘因係我個女想保留長髮方便跳芭蕾舞，但最令人難受的是校長的態度.預其個女會因為無剪頭髮而比人踢出校, 倒不如揾過第二間. 大部份人都不值校長的態度,但有部份話應該剪左阿女D頭髮, 我選擇放棄係因為:
1) 好學校除了好成績,都應該有好的老師,如果連校長都咁...我會好擔心
2) 我都係基督徒,好難明白點解個校長D態度會咁差，簡單D講, 佢想話你知,你讀就剪,吾剪就過主!
3) 根本吾明點解要剪, 我可以每一日都束起阿女D頭髮, 再用夾夾起前面D髮碎....

而家總算循道, 蘇浙, Rosary Hill, 北角官小都收,我就諗梗循道好定係Rosary Hill好, 大家可否比D意見?

作者: babyhowie 時間: 07-7-9 14:19

原文章由 quoquo 於 07-7-9 14:00 發表
誘因係我個女想保留長髮方便跳芭蕾舞，但最令人難受的是校長的態度.預其個女會因為無剪頭髮而比人踢出校, 倒不如揾過第二間. 大部份人都不值校長的態度,但有部份話應該剪左阿女D頭髮, 我選擇放棄係因為:
...

當年我個女入協恩幼稚園都有同樣難題要過，
註冊時，老師俾歷屆師姐d相我睇，
叫我係其中揀個髮型同個女剪定開學。
相中所有女孩都係冬茹頭，當其時我都好唔開心架，
同個女留左把長頭髮，佢把長髮係佢標誌咁滯，
突然話要佢剪個冬茹頭，全家人都反對。
但我又好擔心，唔剪會唔會令學校對佢印象唔好。
結果，我地膽博膽，決定唔剪，打定輸數，
我老公仲話，如果學校一定要佢剪，我地情願放棄唔讀。
好好彩，順利過關，一路學校都冇話。
後尾同d老師傾開，原來佢地要求d學生剪短頭髮，
係因為佢地每日都會有運動，每次d女都會通頭大汗，
如果個個長頭髮，玩到d頭髮散晒，唔通排隊叫老師整返？！
佢地唔話我個女，係因為我每日都幫佢整到個頭好整齊，
點玩都唔亂，所以過到骨！

作者: wing_miu 時間: 07-7-9 14:47

基灣(愛蝶灣)的女生是一定要短頭髮, 你選它時應該一早就知, 為何現在禁大反應. 不過校長態度好似唔係幾好.

作者: sandylaw 時間: 07-7-9 14:50

之前知道新基灣要女生剪短髮之後，我都有問過阿女點睇，佢當時同我講：要我剪短d頭髮，我情願唔讀果間學校

作者: quoquo 時間: 07-7-9 14:52

咁請恕我"貝"啦, 真係無諗個而家仲有香港學校要人剪短頭髮, 校長個答案係:剪頭髮係校規,如果吾遵守,就會記缺點, 如果一路累積至大過, 就會出校!

作者: lillymarie 時間: 07-7-9 14:59

咁D女學生要跳芭蕾舞, 咪要帶假髮?

校長對呢個問題, 有咩意見呢?

作者: quoquo 時間: 07-7-9 15:10

校長個答案係:芭蕾舞考試係6月,你個女可以係4月開留番頭髮;
我話:咁跳芭蕾舞吾係淨係考試,仲有好多表演, 上堂考師都希望佢到可以長頭髮.
校長答:咁剪左頭髮, 平時上堂你可以用GEL GEL起佢!
咁都得!!:cry:

作者: quoquo 時間: 07-7-9 16:04

個校長最後仲話：我地D家長個個都好合作!

作者: AndyRain 時間: 07-7-9 16:16

唔係嘛, 要d女仔全部剪短頭髮??? 而家mei年代呀??!!! 總之個細路整齊咪得攞!!! 我真係唔知道有學校有咁既要求. 我仲 "背"過你. 好彩你係入學前知道, 唔係買晒校服, 書簿先知, 到時仲熉.

我個女把長頭髮係我同個女既命根黎架, 尋日佢老豆叫佢剪短d咋, 佢死都話唔得呀. 我無諗過會有這問題發生的.

咁全香港除了這間, 還有沒有其他學校有這樣的要求呀?? 因10月會幫亞女考小學, 早d知道就唔去考了, 免side時間.

作者: Hei-Hei 時間: 07-7-9 16:30

我同家姐以前 (廿幾年前) 讀基灣上午校時已經唔比留長頭髮, 到而家.................

作者: iloveyoub4 時間: 07-7-9 16:43

我見識小，原來ｅ＋仲有ｄ咁既小學

原文章由 Hei-Hei 於 07-7-9 16:30 發表
我同家姐以前 (廿幾年前) 讀基灣上午校時已經唔比留長頭髮, 到而家.................

作者: quoquo 時間: 07-7-9 17:47

這樣的校規固然難受, 校長的態度仲難受....學校係好好....但係...

作者: Happyfamily 時間: 07-7-9 19:49

Hi quoquo

我同意你的講法, 校長的態度真係難受

新基灣個校長真係好c"吋", 因為之前阿仔3次都選它, 都派唔到, 有一日在學校門口咁岩見到個校長, 跟著同個校長講小一後補d野, 她都冇心機同你講, 隻眼都冇望著你講, 好似自己一個人發up 風, 跟著, 你同她講bye bye, 她都唔睬你, 你話呀, 為人師表, 仲係校長.....可能自以為係東區名校, 多人爭, 眼角高....但係為教育係咁既咩, 所謂貼在學生的標語 :教養孩童, 使他當行他的路...., 實行都咩...

學校只不過係派往中學的band1 比率高, 所以咁多人爭. 但係有一話那裡d學生一放學就去一間專補基灣的補習社補習, 所以應該係補習社的功勞.

原文章由 quoquo 於 07-7-9 17:47 發表
這樣的校規固然難受, 校長的態度仲難受....學校係好好....但係...

作者: wing_miu 時間: 07-7-9 19:56

係呀, 有一間在學校附近的補習社, 專補它們的學生, 小一就要開始補.

作者: Xanthe 時間: 07-7-9 22:47

ME TOO, MY DAUGHTER SAID "NO WAY"

原文章由 sandylaw 於 07-7-9 14:50 發表
之前知道新基灣要女生剪短髮之後，我都有問過阿女點睇，佢當時同我講：要我剪短d頭髮，我情願唔讀果間學校

作者: Xanthe 時間: 07-7-9 22:55

真嫁喎，有個朋友個女返學，門口有個訓導主任拿住間尺度呀，跟住朋友個女就要打電話見家長，叫家長聽日前要剪短晒！不過講真，揀學校前應該了解清楚先揀！

[ 本文章最後由 Xanthe 於 07-7-9 23:00 編輯 ]

作者: Xanthe 時間: 07-7-9 23:03

YES AT LEAST 3 HOURS TIM WOR

原文章由 wing_miu 於 07-7-9 19:56 發表
係呀, 有一間在學校附近的補習社, 專補它們的學生, 小一就要開始補.

作者: Kubi 時間: 07-7-9 23:14

嘩~唔知以為自己個囡入咗警校

作者: FatWater 時間: 07-7-9 23:14

唔係長髮、短髮的問題，而係點解為人師表讀咁多書，都唔識尊重人哋嘅自由？

家下乜年代呀，仲咁「法西斯」主義，乜都學校話事？

我又唔係唔整好Ｄ頭髮就返學，又唔會影响其他人，點解唔俾我自由選擇自己頭髮嘅長度先？唔通學校只係鍾意果Ｄ乜都聽哂話嘅「應聲蟲」，而唔想培養能夠有自由思想、識分辨是非的人？多Ｄ呢種學校，我哋Ｄ下一代點算？:tongue:

作者: ching~mama 時間: 07-7-9 23:46

之前我打去問收生問題, 就連聽電話嗰個人啲態度都好差, 我都無セ好感,所以我都費事去考. 而家終於明白原來嗰校長都係敢......
唔知如果佢教d學生都係用呢d態度對返佢哋, 佢哋會唔會覺得好自豪呢??

但我又唔覺名校會特別寸喎, 有好多都好好, 佢哋只係個別例子啫.

[quote]原文章由 Happyfamily 於 07-7-9 19:49 發表

Hi quoquo

我同意你的講法, 校長的態度真係難受

新基灣個校長真係好c"吋

作者: AndyRain 時間: 07-7-10 10:22

但我接觸過的劉校長ok nice喎. 未試過覺得佢寸的. 雖然就只是一兩次而已. 唔知關唔關我唔係佢學生既家長事呢???

原文章由 ching~mama 於 07-7-9 23:46 發表
之前我打去問收生問題, 就連聽電話嗰個人啲態度都好差, 我都無セ好感,所以我都費事去考. 而家終於明白原來嗰校長都係敢......
唔知如果佢教d學生都係用呢d態度對返佢哋, 佢 ...

作者: sandylaw 時間: 07-7-10 10:32

原文章由 wing_miu 於 07-7-9 19:56 發表
係呀, 有一間在學校附近的補習社, 專補它們的學生, 小一就要開始補.

是愛東商場裡面果間補習社嗎？

作者: singlemum 時間: 07-7-10 10:57

見到個題目好特別, 入呢見版主狂罵校長不是, 以為學校同校長都苛刻. 再入基灣網頁睇睇班相, 原來都不是太短(仲以為係男仔頭). 其實個髮型都可以跳芭蕾舞考試, 無問題呀因為長頭髮扎"計" 仲麻煩. (我囡囡都是短髮的, 芭蕾舞老師都話可以)

校規是全校的, 一致的. 不是歧視個人的. 如果多家長覺得不滿, 試下透過家教會表達意見.
其實轉校都好, 免為小事而影響學業.

作者: SandyWu 時間: 07-7-10 11:12

原文章由 quoquo 於 07-7-9 14:52 發表
咁請恕我"貝"啦, 真係無諗個而家仲有香港學校要人剪短頭髮, 校長個答案係:剪頭髮係校規,如果吾遵守,就會記缺點, 如果一路累積至大過, 就會出校!

我就覺得點解會無留長頭髮既自己既

咩校規呢

如果係我,我首先就唔會同阿囡選e間學校

作者: wing_miu 時間: 07-7-10 11:14

我不知是否你指果間, 我上年問果家長, 她的小朋友是否適應?
她說ok啦, 放學後到補習班, 說補習班全是基灣學生. 我心想小一就要補習, 都幾辛苦.

原文章由 sandylaw 於 07-7-10 10:32 AM 發表

是愛東商場裡面果間補習社嗎？

作者: ii-3 時間: 07-7-10 12:18

呢D校規真係幾out, 其實點解咁古版, 可以規定長留長頭髮的女仔一定要扎頭髮, 整整齊齊上學!

而如果個校長真係咁無禮貌..... 可能呢個校長唔明可為身教....:tongue:

作者: Sigma 時間: 07-7-10 13:18

原文章由 AndyRain 於 07-7-10 10:22 發表
但我接觸過的劉校長ok nice喎. 未試過覺得佢寸的. 雖然就只是一兩次而已. 唔知關唔關我唔係佢學生既家長事呢???

我係學生家長, 同校長唔熟, king 過一兩次, 好間中打下招呼, 覺得佢 ok 啦, 無寸噃.

至於女生頭髮問題, 贊成 singlemum 所講 :[校規是全校的, 一致的. 不是歧視個人的. 如果多家長覺得不滿, 試下透過家教會表達意見. 其實轉校都好, 免為小事而影響學業.]

至於去補習社的問題, 確實有好多基灣學生去某補習社. 但不是全因學業問題: 有些是雙職父母, 無家人可在上班時照顧小朋友; 或有長者可在日間照顧, 但控制不了小朋友在家打機看電視; 有家長英文較弱, 未能指導家課; 甚者自己照顧, 但小朋友心散, 總是拖拉至晚上才完成功課; 當然亦有功課追不上要找導師指點. 既然要找地方, 這間又宣傳得好, 自然集中同校小朋友. 老實講, 忘記帶功課都有得借, 考試又有師兄姐的舊試題溫習. 呢d都係同其他家長聊天時知道的.

成日都有聽到外面話新基灣 7,80分都要見家長. 我兒成績ok, 但偶然失手, 60+分都無須見.

新基灣校風很純, 學習風氣好好, 有些校規很嚴 (好似不可留長頭髮, 加入後不可退出樂隊或詩歌班等), 整體不失為一間好學校. 家長選校時要配合小朋友的性格, 好的學校在這區亦不只這間.

作者: quoquo 時間: 07-7-10 13:18

正如開頭我所講, 跳芭蕾舞只係誘因, 問題係點解要去到咁絶要剪頭髮呢?仲同我諗埋考試6月,4月先開始留番頭髮, 仲叫我平時幫個女GEL起佢, 而佢D老師又大部份長頭髮呢?

再者, 佢從來無打算講下條校規背後的理念, 即係費是同你講, 讀就讀, 吾讀就走!

可鄰既吾係我個女, 可鄰既係佢, 俾勝利沖昏頭腦,為人師表連最基本的榜樣都做吾到.

但係各取所需, 對於我來說, 校風和師資比成績更重要, 我已經CONFIRM左循道, 大家覺得好嗎?

作者: quoquo 時間: 07-7-10 13:23

校規當然係全校, 但都要酌情處理, 就好似每年都會有一兩個小朋友吾可以上體育堂一樣. 如果D女學生為左吾剪頭髮而去長時間學芭蕾舞, 咁都係一件好事.

再者, 校長的態度不得了!
條校規亦都不能因時制宜, 當然, 台灣/大陸都有好多學校要剪頭髮, 但係吾可以咁比較, 吾通我又攞美國來比?
講到底, 做父母既都係想將自己認為係最好的比仔女 ... 我就想比個女知道我吾會將一D無理的要求做係佢身上, 自己都解釋吾到比佢聽啦...

作者: Xanthe 時間: 07-7-10 13:31

not this one.

原文章由 sandylaw 於 07-7-10 10:32 發表

是愛東商場裡面果間補習社嗎？

歡迎光臨教育王國 (/)