教育王國

標題: 真人真事~ 對海洋公園血的控訴 [打印本頁]

作者: noeyesee2007 時間: 07-12-6 13:07 標題: 真人真事~ 對海洋公園血的控訴

我們在12月2日帶我6歲的兒子到海洋公園玩, 他在玩其中一個叫” 太空摩天輪” 時, 從坐位中掉了下來, 撞得頭破血流,滿面傷痕 .

在玩那機動遊戲前, 我們已先問那工作人員我兒子是否適合玩, 當時工作人員清楚告訴我 “ 可以, 因小孩的身高已過122cm.” 我們當時再問,需要大人倍他嗎? 因那機動遊戲是沒有 ”安全帶” 的, 但他們說 “ 不需要”. 我們唯有相信他們的專業, 這是很錯,很錯的決定.
事後海洋公園當值主管不但沒有即時停機, 測試是否機件有問題, 只不停地告訴我們海洋公園的所有機動遊戲已通過所有政府的安全測試, 是很安全的.
如果真的那麼安全, 那我兒子為什麽會受傷呢?
我兒子在海洋公園受了傷, 我們要自行乘救護車離去 (自費), 他們從不關心小孩的傷, 還在當我在醫院時, 打電話給我叫我 ” 快點駛走我那停泊在海洋公園停車場的車, 因他們八時半收工, 車是不可在停車場過夜的.”
已去信海洋公園投訴, 回愎仍然是他們沒有錯, 已PASS 給保險公司跟進.
相信事情亦會”不了了之” .:cry:
當然海洋公園沒有錯, 有錯的是機動遊戲生產商的錯, 因機動遊戲安全有問題, 有錯的是政府給他們通過安全測試, 及父母錯信海洋公園.
所謂人微言輕, 我真的不知什樣做才可幫我兒子討回公道, 請各位家長給我一些意見.

作者: mingming1314 時間: 07-12-6 13:50

投訴是對. 但因由是什麼? 每個同齡小孩能力有別, 可能工作人員太高估妳小孩的能力了.

作者: noeyesee2007 時間: 07-12-6 13:58

我相信意外是因為那機動遊戲是沒有 ”安全帶” 的.

原文章由 mingming1314 於 07-12-6 13:50 發表
投訴是對. 但因由是什麼? 每個同齡小孩能力有別, 可能工作人員太高估妳小孩的能力了.

作者: littlesister 時間: 07-12-6 14:06

"太空摩天輪" 係邊款機動遊戲

你小朋友好高喎, 6歲就高過122cm, 不過係咪小朋友企起身

我囡囡今8歲先夠高玩咋, 大個d知危險, 會坐定定, 咁就冇安全帶都冇問題

希望你小朋友早日痊癒

作者: noeyesee2007 時間: 07-12-6 14:18

多謝!

我兒子全程都是 " 坐定定" 的, 他沒有企起身.
相信是遊戲 "涌" 力太大, 又沒有安全帶, 他又唔夠力抓主果喲啲"鐵支",
所以就掉了來.

原文章由 littlesister 於 07-12-6 14:06 發表
"太空摩天輪" 係邊款機動遊戲你小朋友好高喎, 6歲就高過122cm, 不過係咪小朋友企起身我囡囡今8歲先夠高玩咋, 大個d知危險, 會坐定定, 咁就冇安全帶都冇問題

希望你小朋友早日痊癒 ...

作者: 200012 時間: 07-12-6 14:44

原文章由 noeyesee2007 於 07-12-6 13:07 發表
我們在12月2日帶我6歲的兒子到海洋公園玩, 他在玩其中一個叫” 太空摩天輪” 時, 從坐位中掉了下來, 撞得頭破血流,滿面傷痕 .

在玩那機動遊戲前, 我們已先問那工作人員我兒子是否適合玩, 當時工作人員清楚告訴我 ...

陰功,傷得嚴重嗎?有無打去報館?

作者: noeyesee2007 時間: 07-12-6 14:54

對我來說很嚴重, 起碼他到現在還很驚.
他滿面傷痕, 所以不能去小一其他的interview.
很可憐.

原文章由 200012 於 07-12-6 14:44 發表

陰功,傷得嚴重嗎?有無打去報館?

作者: newdingdong 時間: 07-12-6 15:27

how's your son now? take care ar....

作者: noeyesee2007 時間: 07-12-6 15:29

Thank you!!

原文章由 newdingdong 於 07-12-6 15:27 發表
how's your son now? take care ar....

作者: 麟媽媽 時間: 07-12-6 15:41

其實樓主一樣高估自己小孩的應付能力，
嗰個咁嘅洗衣機，一路轉一路升到90度角，
而且車卡仲會自轉，我仔９歲我都唔敢比佢坐！

原文章由 mingming1314 於 07-12-6 13:50 發表
投訴是對. 但因由是什麼? 每個同齡小孩能力有別, 可能工作人員太高估妳小孩的能力了.

作者: noeyesee2007 時間: 07-12-6 15:45

是我的錯,我錯信海洋公園!

原文章由 麟媽媽 於 07-12-6 15:41 發表
其實樓主一樣高估自己小孩的應付能力，
嗰個咁嘅洗衣機，一路轉一路升到90度角，
而且車卡仲會自轉，我仔９歲我都唔敢比佢坐！

作者: YongXin 時間: 07-12-6 15:57

麟媽講得好啱呀!

唔係信邊個既問題, 而係妳跟本就唔應該比阿仔一個人玩0的咁危險既野嘛. 日後去邊度玩都好, 請信妳自己既判斷.

祝阿仔早日康復.

原文章由 noeyesee2007 於 07-12-6 15:45 發表
是我的錯,我錯信海洋公園!

作者: 麟媽媽 時間: 07-12-6 16:07

YongXin,

係吖！嗰個咁嘅「魔」天輪，
我15 歲時玩過一次，
呢世我都唔再坐架喇！
根本唔適合小朋友玩，
當時我有成15 歲，
玩完都企唔穩仲好想嘔呀！

作者: noeyesee2007 時間: 07-12-6 16:08

當時小孩真的很想玩, 而工作人員又說"無問題", 我當時很難對他
say no! 嘆.....

原文章由 YongXin 於 07-12-6 15:57 發表
麟媽講得好啱呀!

唔係信邊個既問題, 而係妳跟本就唔應該比阿仔一個人玩0的咁危險既野嘛. 日後去邊度玩都好, 請信妳自己既判斷.

祝阿仔早日康復.

...

作者: 麟媽媽 時間: 07-12-6 16:21

我諗起你個仔係個籠入面，
一路fing一路撞…都好肉赤啊！
有時ｄ細蚊仔樣樣都想玩，
我地大人有時迫住做衰人say no。:cry:

原文章由 noeyesee2007 於 07-12-6 16:08 發表
當時小孩真的很想玩, 而工作人員又說"無問題", 我當時很難對他
say no! 嘆.....

作者: YongXin 時間: 07-12-6 16:27

麟媽, 唉! 我都係讀中學時, 同我妹一齊坐0個架野, fing到! 坐完仲想嘔, 係坐過0個次, 以後逢親呢0的野都咪攪, 從此都無再玩過任何機動遊戲喇, 攞苦來辛0羊!

樓主呀樓主, 小朋友讀中三前, 都無危險意識架. 就咁望0的機動遊戲, 梗係覺得無0羊野架, 坐到上去就知味道. 即使係無咁刺激既機動遊戲, 咁細個都唔識保護自己啦, 唔好講話有跌撞, 就算剩係故障停機吊響半空, 嚇都嚇死啦. 唔準玩就唔準玩.

原文章由 麟媽媽 於 07-12-6 16:07 發表
YongXin,

係吖！嗰個咁嘅「魔」天輪，
我15 歲時玩過一次，
呢世我都唔再坐架喇！
根本唔適合小朋友玩，
當時我有成15 歲，
玩完都企唔穩仲好想嘔呀！ ...

作者: noeyesee2007 時間: 07-12-6 16:52

嘆!我都知道.
但我們好少去海洋公園, 我們自己從小在外國長大, 真的不知道會有危險的.
我當日都有比佢玩" 越礦飛車" 及其他機動遊戲, 見佢玩得好開心, 所以唔知會有問題.
如果早知會受傷,我當然肯定唔會比佢玩啦!
我已好後悔啦, 請幫我想吓點樣可以幫我兒子討回公道呀!

send 信去海洋公園,佢地話已pass 個case 比保險公司, 打比保險公司又話我唔係claim $$ , 所以幫我唔到. 叫我call 返海洋公園.
我只覺得比人當ball 咁.

原文章由 YongXin 於 07-12-6 16:27 發表
麟媽, 唉! 我都係讀中學時, 同我妹一齊坐0個架野, fing到! 坐完仲想嘔, 係坐過0個次, 以後逢親呢0的野都咪攪, 從此都無再玩過任何機動遊戲喇, 攞苦來辛0羊!

樓主呀樓主, 小朋友讀中三前, 都無危險意識架. 就咁望0的 ...

作者: jk67jk 時間: 07-12-6 16:59

原文章由 麟媽媽 於 07-12-6 15:41 發表
其實樓主一樣高估自己小孩的應付能力，
嗰個咁嘅洗衣機，一路轉一路升到90度角，
而且車卡仲會自轉，我仔９歲我都唔敢比佢坐！

講得啱！
即使係極其低能的機動遊戲﹐講明適合6歲兒童的﹐只要個機動遊戲能容納成人﹐我就一定搵人陪住我 6 歲的仔玩, ie. 我或其父親。
哩個太空摩天輪係「成人機動遊戲」﹐點可能俾一個小朋友自己玩架！

祝小朋友身心靈早日康復！

作者: jk67jk 時間: 07-12-6 17:05

原文章由 noeyesee2007 於 07-12-6 16:08 發表
當時小孩真的很想玩, 而工作人員又說"無問題", 我當時很難對他
say no! 嘆.....

Say "NO" 有乜問題！
我係亞媽﹐我話 No 就 No.
哩個世界好多野都有人做﹐有人俾d 細路做；但係個細路係自己的﹐自己絕對有權掌管佢甚麼可以做、甚麼不可以做！！

樓主﹐
如果證實沒有機件問題﹐令公子又真的合乎遊戲的最低高度﹐佢跌落黎﹐唔一定關海洋公園事。你一係就睇下可唔可以 claim 佢地保險 (醫藥費之類)；定係你想海洋公園寫封慰問信俾你呢？

[ 本文章最後由 jk67jk 於 07-12-6 17:07 編輯 ]

作者: heiheihoho 時間: 07-12-6 17:12

點解時唔報警備案先呢？
如果之後小朋友有乜事起碼有得追夠！

作者: 麟媽媽 時間: 07-12-6 17:25

如果你要追究，你要講清楚ｄ，
你話個仔由車卡跌出黎，其實部機停左未？
因為行緊跌出黎太恐怖！睇怕唔係嘛？
咁係唔係行緊嘅時候，亞仔捉唔實，
失重心繼而撞向車卡入面嘅鐵欄呢？
還是最後玩完落車，差錯腳再跌落地？
因為因乜野受傷，先可以投訴嘅。

作者: rc2003 時間: 07-12-6 17:38

樓主, 其實我都覺得海洋公園既事後處理手法好有問題, 我相信你依家只可以send 信去媒體投訴, 睇下會唔會受理你個case!

btw, 其實父母既判斷係好重要, 記住仔女係你自己的, 只有你先知道你仔女既能力!  唔好只係一面倒咁相信其他人, 你仔女受傷, 其他人係無感覺架, 係咪?!
現在只希望你小朋友快d好番, 忘記d 咁得人驚既意外!  god bless!

作者: noeyesee2007 時間: 07-12-6 17:38

我當時好驚, 只係想快啲送個仔去醫院.

原文章由 heiheihoho 於 07-12-6 17:12 發表
點解時唔報警備案先呢？
如果之後小朋友有乜事起碼有得追夠！

作者: emiluihk 時間: 07-12-6 17:48

noeyesee2007 ,

大家都明白你現在有幾心痛,那麼你所指的討回公道
可否具體一點 ? 正如樓上說的你想要"海" 怎樣做才能算是
你所指的討回公道 ?

如果真的要問責, 個人覺得兩者皆有責
1) 工作人員每日可能見過唔少同齡或相同高度的小朋友自行
參與此遊戲,幸運地他們没有發生過意外,那麼他也是跟足安
全指引辦事喔 !

2) 你小朋友尚小,據你提及令公子應尚未入讀小學,前人所言
甚是,以他們來說危機意識不高, 雖則好說他坐定定,
但要他對意外發生時作出反應,相信真的還要過一陣子。

至於賠償方面,個人認爲你先致電"海" 之有關部門備案,清楚
講明要求賠償(at least 都要醫藥費la) 你嗰日搭的士有無搵收據?
此外,keep 起所有因此事而付的醫藥單據,最後才一次過討回。
但記得要先打去備案喔！

祝小朋友早日康復 (

記得介口喎 , 留有疤痕在臉上第日唔靚仔喔!)

[ 本文章最後由 emiluihk 於 07-12-6 17:55 編輯 ]

作者: Sindy 時間: 07-12-6 17:50

原文章由 noeyesee2007 於 07-12-6 17:38 發表
我當時好驚, 只係想快啲送個仔去醫院.

我個女好細粒,除左要134CM既機動遊戲,部部都玩過晒,都OK架喎..我覺得係個操作員有問題,點會係部機度跌得出黎架?海洋公園直情係衰格,完全唔係以客為先,有投訴就卸博,我領教過囉

作者: noeyesee2007 時間: 07-12-6 18:44 標題: 回覆 #4 rc2003 的文章

我個仔之前喺外國都玩過類似機動遊戲都冇問題. 問題係估唔到佢冇安全帶囉. 上次去嘉年華玩, 我個細仔騎木馬都要安全帶啦.

作者: noeyesee2007 時間: 07-12-6 19:59

原文章由 emiluihk 於 07-12-6 17:48 發表
noeyesee2007 ,

大家都明白你現在有幾心痛,那麼你所指的討回公道
可否具體一點 ? 正如樓上說的你想要"海" 怎樣做才能算是
你所指的討回公道 ?

如果真的要問責, 個人覺得兩者皆有責
1) 工作人員每日 ...

哎當時亂哂點會醒起攞收據吖. 兼且我原本都冇諗住claim佢.
點知佢地咁過份, 根本就冷酷無情, 剩係想劃清界線.

作者: dcyc_88 時間: 07-12-6 20:33

我就覺得只要付合海洋公園的要求, 唔會驚, 就可以玩.
就算是小童, 海洋公園是有責任肯定玩者的安全.
如果事件發生係外國, 那間公司一定要負全責.
而唔係好似海洋公園咁, ~關人鬼事咁嘅
試想想, 如果所有香港嘅公司都係咁, 錢就照收, 出咗事就唔負責, 咁香港人就好保障啦!

原文章由 jk67jk 於 07-12-6 16:59 發表

講得啱！
即使係極其低能的機動遊戲﹐講明適合6歲兒童的﹐只要個機動遊戲能容納成人﹐我就一定搵人陪住我 6 歲的仔玩, ie. 我或其父親。
哩個太空摩天輪係「成人機動遊戲」﹐點可能俾一個小朋友自己玩架！

祝小朋友身心靈早日 ...

作者: ChuChuTau 時間: 07-12-6 22:13

我想問是山上那個大摩天綸，還是兒童王國那個小型摩天綸？
不過我又覺得奇怪，兩個摩天綸成人都可以一同乘撘，點解你會比一個K3咁大的小孩子自己去玩呢？我覺得你都有責任wo！

作者: babymui 時間: 07-12-6 23:37

乜海洋公園咁差勁架:tongue:

作者: 5354 時間: 07-12-7 00:22

睇極我都唔明點'從坐位中掉了下來'.......係咪阿仔在車卡內撞傷呀?....又唔係好明點解要'自費'乘救護車? 你有無打999架?

[ 本文章最後由 5354 於 07-12-7 00:23 編輯 ]

作者: ttamy123 時間: 07-12-7 01:31

I have not written here for a while, but many parents seem to concentrate on the precautions to avoid such events.  I would like to add some view points regarding the responsibilities of the Ocean Park.

I would like to suggest the following:

1. First, report to the police about this incident.  It's never too late.  You must get the report no. from them for future reference.

2. Keep all related documents e.g. medical records, medical expense records, documents for interviews, etc.

3. You should write to the Manager of the Ocean Park :

(a) request them to follow up this case, give you a reason why you had followed all the instructions and you son still was injured;

(b)  request them for compensation for :
(since this is their negligence under the law of tort: they should have put enough warnings or set a higher standard to avoid accidents)
  - medical and related expenses.
  - compensation for the suffering: (e.g. pain and loss of opportunity for interview) ( For your information: for a minor traffic accident a bus insurance company has set $5,000.00 as a minimum for the suffer of pain, and I once have successfully asked for a double plus all related expenses even taxi expenses without receipts.  And to avoid wasting my time, I agreed with them to settle the amount (for a minor bus accident happened to my mum).

4.  If they have no response, tell the Manager (find out his name) that if they do not handle this case seriously you would report to the major newspaper.

Finally if you  can afford the effort, you may consult a lawyer or find a lawyer friend for help.

Hope the above can help.

[ 本文章最後由 ttamy123 於 07-12-7 02:35 編輯 ]

作者: awah112 時間: 07-12-7 03:02

提示: 作者被禁止或刪除內容自動屏蔽

作者: Zen 時間: 07-12-7 09:20

我比較細膽，永遠都係認為唔怕一萬，只怕萬一，有意外發生，就算有人負責，就算獲得賠償，身心痛苦都係自己／小朋友承受，所以有得選擇，我唔會俾細過１２歲既小朋友玩，假如一定要玩，我都一定陪同一齊，起碼大人會比較懂得應變．

好似越礦飛車咁，身前既欄杆根本係無法穩固120cm高的小朋友，小朋友係會滑離座位，但以海洋公園的標準，夠高就可以玩．所以其實是否應該建議海洋公園修訂身高標準？不過到時可能又有反對聲音話樣樣都唔俾玩，揾苯．

作者: 麟媽媽 時間: 07-12-7 10:12

其實你係唔係講下面呢個？
定另外兩個摩天輪？
因為呢個點樣跌左個仔出黎？
如果係真係太得人驚！死得人架喎！

[youtube]pjkkzIu0uFc[/youtube]

作者: jk67jk 時間: 07-12-7 10:23

麟媽媽：

佢一講太空摩天輪﹐我都意會係哩個。我一直諗緊﹐成人的機動遊戲﹐差不多在操作途中跌個人出黎﹐都死得人架！樓主個仔只係全身擦傷﹐咪執到囉！ (好似d 拜神的話齋—— 要還神囉！) 我仲不斷諗﹐(1)究竟佢係喺裡面坐唔穏四圍撞而撞傷；or (2) 小朋友喺車未停定企唔穩跌落地呢？ ...............

睇到啦！睇到啦！樓主話佢個仔係個座位跌落黎﹐應該係係個籠裡面撞傷﹐咁... ... ... 係事主沒有/沒法"渣"緊扶手﹐咁.... 邊個負責呢？

講真﹐只要在場觀察一次「太空摩天輪」的運作情況﹐都知係超級勁野……… (唉 ~ 我唔明.... 我 19 歲時見到佢轉動的樣子﹐都有D 腳軟﹐雖則係腳軟之下﹐都連玩了3次﹐有朋友頂唔順﹐玩完去嘔~ )

[ 本文章最後由 jk67jk 於 07-12-7 10:42 編輯 ]

作者: YongXin 時間: 07-12-7 10:34

係呀! 咪係呢架咁野囉, 妳咁叻揾到條片. 架野叫"太空摩天輪", 樓主咪話阿仔坐"太空摩天輪"而受傷既.

我估係樓主阿仔坐唔穩, 咁個"車廂"咁大得一個小朋友坐, 阿仔又唔識得大力捉實車廂则邊0的一條條鐵, 咪係咁響裏邊比架野朗來朗去, 唉! 真係心痛呀!

跌出來? 唔會掛? 大吉利是一早頭版見喇.

原文章由 麟媽媽 於 07-12-7 10:12 發表
其實你係唔係講下面呢個？
定另外兩個摩天輪？
因為呢個點樣跌左個仔出黎？
如果係真係太得人驚！死得人架喎！

pjkkzIu0uFc

作者: jk67jk 時間: 07-12-7 10:47

一句講晒﹐家長係有責任保護小朋友的。小兒5歲﹐去長隆玩室內的迷你機動遊戲﹐佢坐隻兒童「海盜船」﹐有安全欄﹐第一次玩﹐未能適應那搖擺力﹐個pat pat 坐唔穏﹐都要我拉住佢。再玩第二次﹐他就 ok 了！小朋友始終係小朋友﹐家長應自我提高安全意識呢！有得claim、搵到人向你叩頭認錯、炒左位職員、甚至向海洋公園發律師信...嬴了又如何？如果自己沒有作風險評估﹐信晒人而受傷﹐損失始終係自己及孩子的一生(如發生大意外)。

希望樓主兒子儘快康復﹐不要留下童年陰影。

[ 本文章最後由 jk67jk 於 07-12-7 10:59 編輯 ]

作者: 麟媽媽 時間: 07-12-7 11:01

我覺得樓主仍可去信，因為卡車座位為金屬，
如果身高只得120，對脚根本撐唔住，
如果條褲質地為Nylon，一定冼，坐唔穩，
所以呢架機絕對需要安裝安全帶。
我見樓主唔係想claim 金錢上損失的話，
都嘈吓，希望有関方面檢討，
部機十幾二十年竟然一直無安全帶？真係奇？！

[ 本文章最後由麟媽媽於 07-12-7 11:05 編輯 ]

作者: jk67jk 時間: 07-12-7 11:10

原文章由 麟媽媽 於 07-12-7 11:01 發表
部機十幾二十 ...

冇安全帶﹐可能因為冇需要。佢係個籠裡面﹐其實已經好安全 —— 以我玩佢玩到發顛的經驗。
也許應該註明﹐120-140 cm 小朋友必須有成人陪同下方可參與吧！

p.s. 麟媽媽：

你未玩過喎！個座位好矮架！係屈住knees 的矮座黎架！

[ 本文章最後由 jk67jk 於 07-12-7 11:15 編輯 ]

作者: katrinaau2002 時間: 07-12-7 11:13

係呀! 咪係呢架咁野囉, 妳咁叻揾到條片. 架野叫"太空摩天輪", 樓主咪話阿仔坐"太空摩天輪"而受傷既.

我估係樓主阿仔坐唔穩, 咁個"車廂"咁大得一個小朋友坐, 阿仔又唔識得大力捉實車廂则邊0的一條條鐵, 咪係咁響裏邊比架野朗來朗去, 唉! 真係心痛呀!

同意你的講法
BUT我覺得係父母的責任啦...玩呢個野係可以2個人玩嫁..佢成360度咁轉...點都要有個大人係到先頂得住嫁....怪竟怪父母點解唔自己睇清楚先比個仔去玩啦...危險意色咁低...

作者: cdcd 時間: 07-12-7 14:30 標題: 回覆 #1 katrinaau2002 的文章

My thoughts are that it is the responsibility of the theme park, provided that the kid didn't do anything to deliberately break their rules.

Say if a kid fell (not climbing) into a pond with no fences at a shopping centre (ie: no seat belts on the ride),  then i think it is a negligence of the provider.

If a toy says it is suitable for under 3 year olds but in fact it is not, then is it the parent to blame for choosing this toy?

There are far too many incidents like these already so the public must pressure those organizations to provide safer products/environments to the general public. Of course parents must be cautious too, but there are far too many safety traps in our society nowadays. Poisonous food, toys.... why is it that it is always the money paying consumer who suffer?

[quote
Although amusement parks are the scenes of many happy memories, recent trends show that they can turn into occasions of trauma and tragedy. In the year 2000 there were 10,580 emergency injuries at amusement parks of which the disproportionate numbers were young girls under the age of 10. Amusement park accidents can occur for a variety of reasons, but the most common ones stem from sort of negligence, especially in maintenance or safety precautions. It is the duty and responsibility of people who own and operate these rides and amusements to make sure that everyone who uses them does so in the safest way possible. Should you or someone you know suffer injury in an amusement park you may have the right to seek damages from those responsible.
quote]
ref: http://www.kerrysteigerwalt.com/public/amusementparkaccidents/

[quote
"ensure safety or order" (確保安全或秩序) means ensure-

(a)  the health or safety of any person in Ocean Park;

(b)  the health or safety of any animal in Ocean Park;

(c)  the safety of any property in Ocean Park; or

(d)  the orderly and undisturbed enjoyment of any part of Ocean Park by any
      person;
quote]

Just my thoughts, correct me if I'm wrong.

作者: noeyesee2007 時間: 07-12-7 16:24

有打999!

原文章由 5354 於 07-12-7 00:22 發表
睇極我都唔明點'從坐位中掉了下來'.......係咪阿仔在車卡內撞傷呀?....又唔係好明點解要'自費'乘救護車? 你有無打999架?

作者: littlesister 時間: 07-12-7 19:35

麟媽

你搵到條片咁厲害既

我都誤會左, 以前鞦韆o個個添, 哩個好勁下, 上次我唔俾個女玩呀!
其實諗極唔明點樣趺得出黎喎

我自己玩過, 離心力都好勁下, 個人會貼住backrest, 唔會點"朗下朗下"喎, 如果兩個人坐既話, 後面o個個會俾前面o個個"責偏"架, 我honey咪俾我"責偏"左囉

原文章由 麟媽媽 於 07-12-7 10:12 發表
其實你係唔係講下面呢個？
定另外兩個摩天輪？
因為呢個點樣跌左個仔出黎？
如果係真係太得人驚！死得人架喎！

pjkkzIu0uFc

作者: 雪文 時間: 07-12-7 20:09

好得人

, 我以後都唔俾亞仔玩啦, 仲有個反天飛鷹, 又係好高都無安全帶加

原文章由 麟媽媽 於 07-12-7 10:12 發表
其實你係唔係講下面呢個？
定另外兩個摩天輪？
因為呢個點樣跌左個仔出黎？
如果係真係太得人驚！死得人架喎！

pjkkzIu0uFc

作者: BUNNYLEE 時間: 07-12-8 01:03

作者: acer1 時間: 07-12-8 01:23

原文章由 jk67jk 於 07-12-7 10:47 發表
一句講晒﹐家長係有責任保護小朋友的。小兒5歲﹐去長隆玩室內的迷你機動遊戲﹐佢坐隻兒童「海盜船」﹐有安全欄﹐第一次玩﹐未能適應那搖擺力﹐個pat pat 坐唔穏﹐都要我拉住佢。再玩第二次﹐他就 ok 了！小朋友始終係小朋友﹐家長應自我 ...

totally agree!!!

作者: 雪文 時間: 07-12-8 09:12

今日見報啦, 仲係大大頭條, 我諗海洋公園會正視了掛.

作者: AA媽媽 時間: 07-12-8 10:11

樓主, 我唔係有心加把咀怪責你, 而係想講我既經歷。

迪士尼入面有個"space mountain", 即係好似過山車咁既野。咁個遊戲身高限制係要高102cm。拿, 咁我個仔果時都仲好似未過3歲生日, 但已經高過102cm, 呢個時候, 我覺得唔可以單靠話catch到個game身高限制, 而俾我唔夠3歲既囝囝入去玩。果時工作人員都有話, 雖然我個仔高過102cm, 但因為太細, 所以都唔建議帶阿仔入去玩。我玩完之後, 的確覺得係唔適合3歲小朋友入去玩, 因為個game真係好激！

好嘞, 我想講既係, 我個仔高過102cm, 如果工作人員俾佢入去玩, 工作人員本身係冇錯既！但如果我個仔玩完之後, 嚇到喊晒驚晒咁, 我覺得問題會係我身上囉！

原文章由 noeyesee2007 於 07-12-6 16:08 發表
當時小孩真的很想玩, 而工作人員又說"無問題", 我當時很難對他
say no! 嘆.....

作者: 曲曲 時間: 07-12-8 10:16

提示: 作者被禁止或刪除內容自動屏蔽

作者: EQ 時間: 07-12-8 10:42 標題: 回覆 #49 AA媽媽的文章

我覺得最大責任在媽媽身上, 不是海洋公園. 更加唔係有冇安全帶問題.

就算有安全帶, 响不合適配帶+強烈沖擊下, 後果可能更為嚴重.

[ 本文章最後由 EQ 於 07-12-8 10:55 編輯 ]

作者: jutaubing 時間: 07-12-8 11:02

可能媽媽陪住佢玩就會冇事
因為我記得我十幾歲都係同阿妹入去一齊玩, fing o個下個人會黐住個位, 但到落去o個下唔會黐住個座位架喇 (對小朋友黎講, 佢地未必知, 以為之前會黐實, 點知落到去就鬆晒, 所以楂唔穩扶手o係車廂內跌到一仆一碌)

作者: Fatty 時間: 07-12-8 11:03

我睇完個 video 我都腳軟，小朋友真係唔適合玩。

作者: qqwong 時間: 07-12-8 11:17

根本個遊戲係不適合小朋友玩，我就未玩過 (話我膽小都係咁話)，只係睇條片都睇到驚，可想言知幾咁刺激。再者，小朋友一時貪玩，未知有幾咁驚險，做家長就應該勸止，小朋友憎恨你又好，只要當初夠狠心，一口拒絕這個要求，最起碼身體唔會有乜損失，家長也不會為此事奔波勞碌吧！

衷心希望閣下的小兒早日康復，小朋友會很快忘記不愉快的經歷，加油喔！！！:loveliness:

作者: adaleung0716 時間: 07-12-8 11:17

原文章由 AA媽媽 於 07-12-8 10:11 AM 發表
樓主, 我唔係有心加把咀怪責你, 而係想講我既經歷。

迪士尼入面有個"space mountain", 即係好似過山車咁既野。咁個遊戲身高限制係要高102cm。拿, 咁我個仔果時都仲好似未過3歲生日, 但已經高過102cm, 呢個時候, 我 ...

我都係呀.....我過日同62,99,2個仔同我老公....我,99,老公同個6歲仔仔入....剛剛夠高...以為個game都唔會太激啦.....點知上車先知....oooooooooo...出到來我99清曬....我個仔我問他驚唔驚:他話驚呀......我想哭ka....不過忍得住......
唉!個晚幾怕他sleep得不好....好在都ok.....

作者: sundaymorning 時間: 07-12-8 12:36

其實有什麼好得過推過於人, 一旦發生了意外,就是他人的錯, 但是作為家長要教導子女什麼是承擔, 自己作出的決定就要自己承擔責任. 一個幾歲大的小朋友要玩, 家長就要自己衡量小朋友的能力, 聲稱相信他們的專業, 他們沒有錯, 一般小朋友是沒有問題, 但他們不能衡量閣下的小朋友呢, 而且點解你自己不陪同你的小朋友一起玩呢, 因為你自己都知道自己也頂不順啦, 點解你又俾小朋友玩呢?

我希望你的小朋友可以早日康復, 不過也希望你能正確的教導小朋友不要推過於人, 自己作出的決定就要自己承擔.

作者: sundaymorning 時間: 07-12-8 12:54

原文章由 77777 於 07-12-8 12:38 發表
我覺得呢個遊戲係唔適比客人玩, 佢無安全蒂根本係有危險, 我覺得大人都會有機會受傷, 唔只小朋友.....試問如果要排成個幾鐘頭而工作人員又稱安全, 而係上倒機動遊戲個刻先知無安全蒂, 個細路會唔會肯唔玩? 如果果刻 ...

跑步都有危險啦, 政府又起咁多跑步徑, 真係唔應該啦.

我覺得政府要將所有人綁在床上吊鹽水維生, 唔好比佢地通山走有危險.

作者: Sindy 時間: 07-12-8 13:14

原文章由 sundaymorning 於 07-12-8 12:36 發表
其實有什麼好得過推過於人, 一旦發生了意外,就是他人的錯, 但是作為家長要教導子女什麼是承擔, 自己作出的決定就要自己承擔責任. 一個幾歲大的小朋友要玩, 家長就要自己衡量小朋友的能力, 聲稱相信他們的專業, 他 ...

有d野係可以用我地既思想去判斷,有d則唔係我地既範圍,我成日都覺得過山車好危險(成人玩),因為有時甩下'羅c',我地都未必知,我既擔憂其實都好正路,因為都因為有機動遊戲出過呢d問題,但無事無幹時,個個都話我有憂慮証,話我唔係正常人咁睇法,但有一天出左事,乃左野,就話我應該要有危機意識..........係商場有好多灘水,冼到個客,可唔可以話我已經棟左牌架啦,完全不負責任呢?個阿媽果時都唔知可以咁大獲,先心軟比個仔玩,個小朋友扭起計黎,大人又唔肯定後果,心軟都好正常,個仔只要話專業人仕都係建議122cm以下唔玩得,咁個阿媽有咩可以答呢?

作者: Sindy 時間: 07-12-8 13:27

原文章由 77777 於 07-12-8 13:23 發表
分別在一個係主動性發生危險, 一個係被動性發生危險.....

海洋公園可以比得機動遊戲機人玩一定要係安全.......好似最近d眼藥水, 罐頭要回收, 都係因為唔符合安全標準.....出得呢d產品一定要係安全, 鹽水如果有問題 ...

D人成日都話大陸野有問題架啦,d罐頭出事係意料之內架啦,仲食就抵死,係自己責任啦

關咩生產商事呀

作者: sundaymorning 時間: 07-12-8 13:32

原文章由 Sindy 於 07-12-8 13:14 發表

有d野係可以用我地既思想去判斷,有d則唔係我地既範圍,我成日都覺得過山車好危險(成人玩),因為有時甩下'羅c',我地都未必知,我既擔憂其實都好正路,因為都因為有機動遊戲出過呢d問題,但無事無幹時,個個都話我有憂慮証 ...

知識是累積的, 我們有時會擔心, 會憂慮, 因為我們掌握的資料不足夠, 多留意, 多看, 多問, 多了解, 可以幫助我們去分析, 去了解, 去作出決定.

一個商場有灘水, 已有警告牌, 點解仲走埋去呢, 不明, 不了解.

心太軟, 是首歌, 又是好好吃的甜品, 但做父母的就不可以心軟, 阿仔話想試大痲, 荷蘭政府都合法啦, 你會不會心軟呀?

作者: jk67jk 時間: 07-12-8 13:40

個仔只要話專業人仕都係建議122cm以下唔玩得,咁個阿媽有咩可以答呢?

好簡單！「我認為佢有危險﹐等你大一年再考慮啦！」我唔明身為亞媽﹐點解可以俾一個6/7歲的小朋友"大"一"大"﹐就覺得會冇乎？

d 安全標準除了是最低要求、我覺得都只一個 norm, 自己最清楚小朋友的能力。有D 玩具說明三歲以下不適合﹐咁係咪三歲就一定適合？又未必！

我唔係想講風涼話﹐或者樓主自己從未玩過機動遊戲啦！只要玩過機動遊戲﹐一睇就知哩個「太空摩天輪」不可能讓一個小朋友自己去玩﹐儘管合乎該遊戲的最低要求﹐都必要成人或一個年紀稍長的大朋友陪同。

「過山車」的所謂安全扣﹐我本人都經常驚恐d 瘦人可以"冼"出黎；我年輕時好瘦﹐身型又扁﹐次次我都捉到實﹐因為真係全身"朗來朗去"﹐怕一個唔覺意會"朗"左我出去！

作者: sundaymorning 時間: 07-12-8 13:51

請問你知不知這個機動遊戲已經接待了多少人次, 又有多少人受到傷害, 一定要安全的定義是什麼? 是不是就算不依指示做都要百分百安全呢?

椅子安全嗎? 點解會有人從椅子跌下?

你家的大門安全嗎? 有無試驗過會不會夾到手指??

安全帶安全嗎? 你知不知每日有多少人被安全帶拉傷要去急症室?

如果你有時間去急症室座座, 你會知道沒有什麼是安全的.

原文章由 77777 於 07-12-8 13:23 發表
分別在一個係主動性發生危險, 一個係被動性發生危險.....

海洋公園可以比得機動遊戲機人玩一定要係安全.......好似最近d眼藥水, 罐頭要回收, 都係因為唔符合安全標準.....出得呢d產品一定要係安全, 鹽水如果有問題 ...

作者: Sindy 時間: 07-12-8 14:02

原文章由 sundaymorning 於 07-12-8 13:32 發表

知識是累積的, 我們有時會擔心, 會憂慮, 因為我們掌握的資料不足夠, 多留意, 多看, 多問, 多了解, 可以幫助我們去分析, 去了解, 去作出決定.

一個商場有灘水, 已有警告牌, 點解仲走埋去呢, 不明, 不了解.

心太軟 ...

我有擔心,唔係因為有事發生過咁,純粹係我'諗'既啫,不過後來真係有事發生,如果個個都有能力係任何事上作出適當既判斷,就唔需要咩安全標準,安全標準係幫助我地去判斷架麻,如果係咁,個個阿媽都要有好高學歷,有好多儀器要帶出街先得囉,仲要事先做好晒研究添,我細女果時得八歲(生得矮,啱啱12xcm),海洋公園全部夠高既野都玩過,都無問題,仲話唔夠刺激添,咁佢係承受得到喎,唔通我唔比佢玩呀?我大女高中架啦,佢話要玩跳樓機,我就覺得好刺激,純對唔會有第二次,咁我又唔比佢玩咩?佢可以玩完又排過,來來回回幾次先玩完
個仔咁樣,個阿媽都好赤架啦,講左件事出黎,等海洋公園正視下,再review下個高度限制有無唔妥,我真係好多謝佢,但換返黎比個個咁話佢,真係幾傷心,佢大可以唔出聲,睇下邊個下次又乃野囉......海洋公園今次處事絕對唔啱,呢個亦都係佢地一路以黎對待投訴既方式,我之前都投訴過佢地,佢地就係一副你奈我唔何既態度,我相信迪迪尼唔會係咁,係以客為先囉

仲有呀,兒童王國部蛙蛙跳呀,佢話九十可以玩,但我見d九十去玩,成半個身跌左出黎,個操作員只係停左部機比個小朋友落黎,完全無跟進既動作.........你可以睇到迪迪尼唔係咁架麻......唔係跟本部野既安全標準唔啱,你好彩就無事,咁點得既啫,仲要咁多人話佢啱,等呢個咁十九公園有持無恐

作者: Sindy 時間: 07-12-8 14:05

原文章由 77777 於 07-12-8 13:53 發表
每一間公司出得product, 根據法律生產商一定要負責佢的安全, 雖然有事起來可能係已經做mud都補夠唔番......

你知唔知香港大部份食物都唔係自己生產, 由中國同外國入口, 有好大部份由中國入口, 好難唔用枉, 小至調味 ...

我意思係依sundaymorning既觀點..............

作者: Sindy 時間: 07-12-8 14:09

原文章由 jk67jk 於 07-12-8 13:40 發表

好簡單！「我認為佢有危險﹐等你大一年再考慮啦！」我唔明身為亞媽﹐點解可以俾一個6/7歲的小朋友"大"一"大"﹐就覺得會冇乎？

d 安全標準除了是最低要求、我覺得都只一個 norm, 自己最清楚小朋友的能力。有D 玩具說明三歲以 ...

大一大?我個小朋友好有見解,佢會問好多問題,唔係用父母既權威就可以打發佢,就算可以打發佢,都只會令佢變成一個唔識諗野既人,佢問我專業人仕都話得既時候,我唔可以只係用我'阿媽覺得你唔得',我要比個好好既答案佢,我亦都唔想佢係一個只跟我意思做人既人

作者: chan328 時間: 07-12-8 14:11

But I rode this game in USA & Canada, both no seat belt gar bor.

作者: Sindy 時間: 07-12-8 14:12

原文章由 sundaymorning 於 07-12-8 13:51 發表

你家的大門安全嗎? 有無試驗過會不會夾 ...

你呢個例子好呀,唔係淨係屋企會有機會夾,係學校都一樣,我見保良局有所學校,已裝有防夾手既裝置,我見咁好,介紹比仔仔既學校,學校二話不說,即刻裝埋,佢地大可以話'大人應該教小朋友唔好放手指係門la',夾到都係大人既責任

作者: silvia_ng 時間: 07-12-8 14:15

希望樓主小朋友盡快康復!

我小朋友有一次都係九展有受傷經歷，我係第二日已經寫左封信去投訴。而且九展佢本身都好有"交帶", 會打電話黎follow up, 仲話有咩需要可以隨時call佢地。

我封信只係講事發經過，我個人認為引致意外的漏洞，以及保留追究法律責任(包括心靈受損)。

不過你下次唔好咁大意啦，海洋公園呀頭都係鬼佬, 佢知道衰咩會比人告到七彩。你今次件事佢咁賴賴行，你就知你勝算不高啦:-|你比傳媒知, 都分分鐘只係幫你羅個彩同埋唱衰佢咋。:(

[ 本文章最後由 silvia_ng 於 07-12-8 14:18 編輯 ]

作者: sundaymorning 時間: 07-12-8 14:43

你會覺得一個聲稱六歲(因為還在參加小一面試)的小孩會聽你話依足指示, 那麼真的要恭喜你了, 那麼聽話我們就不需操心了.

你叫佢唔好攪, 他在你未轉身就已動手了.
不要那麼天真了.

原文章由 77777 於 07-12-8 14:07 發表
如果個小孩已依指示都發生危險, 咁係咪個機動遊戲有問題? 呢個小朋友只係坐響入面, 依足指示, 而被動地撞成咁, 你舉門夾手的例子, 係個人要主動咁放隻手指比門夾.....咁如果係咁講, mud野都可以有危險, provide佢係 ...

作者: 小香香 時間: 07-12-8 15:29

提示: 作者被禁止或刪除內容自動屏蔽

作者: ZZdaphne 時間: 07-12-8 15:29

我和女兒都玩過，
當時她9歲，
我覺得坐位好踄，好滑，
好似舊時D地鐵咁，
一開動，屁股就離位，應要改善，
我要提女兒抓緊扶手。
6歲係太細去玩此機，
仲係獨自玩，太危險，
佢未有無安全意識。

[ 本文章最後由 ZZdaphne 於 07-12-8 15:33 編輯 ]

作者: ZZdaphne 時間: 07-12-8 15:39

意外發生，唔理責任是誰，
海洋公園都要妥善處理。

作者: Sindy 時間: 07-12-8 15:53

電梯/門夾手指,呢d係明顯唔安全既野,但海洋公園話佢地部機係安全架麻.....都唔可以相提並論

原文章由 小香香 於 07-12-8 15:29 發表
7777

你大概就係樓主喇

如果你認為自己毫無責任

點解一開始唔用真身開POST

唔係話海洋公園冇責任..佢地處理手法係有問題

但你都唔應該將作為家長既責任推哂比人

海洋公園有責任..但你自己都有責任架

籍著今次 ...

作者: 小香香 時間: 07-12-8 16:33

提示: 作者被禁止或刪除內容自動屏蔽

作者: 小香香 時間: 07-12-8 16:37

提示: 作者被禁止或刪除內容自動屏蔽

作者: chuiiris 時間: 07-12-8 16:51

我都吾明白點解會容許 6 歲人孩單獨玩, 一看就知父母付最大責任啦.

我小兒 9 歲時在海洋公園話要玩过山車, 他夠高呀, 但我吾準, 因他未知道個種離心力, 我不會博了. 後果自已承擔.

作者: winchehk 時間: 07-12-8 16:53

I don't believe that 二十多年前發生個跌纜車意外, 整家人死了.
If 很久也沒有纜車 = 發生意外 , 但報張井沒有報導, 密封了整件事件. Not making sense if happened in Hong Kong which is small and crowd to hide up such big accident???

[quote]原文章由 77777 於 07-12-8 15:10 發表

你知唔知道海洋公園在二十多年前發生個跌纜車意外, 整家人死了, 個日岩岩我有去, 但等了很久也沒有纜車, 才知道發生意外, 當時井沒有下山巴士, 坐纜車下山時有幾驚, 我之后很多年也不敢去, 但報張井沒有報導, 密封了整件事件.......

作者: Sindy 時間: 07-12-8 17:09

原文章由 77777 於 07-12-8 17:08 發表
呢件事係因為我當日有去, 所以先知, 如果好似我個日有去d人, 一定會知.....

有d日本人問係咪真係有南京大屠殺feel.............

作者: winchehk 時間: 07-12-8 17:28

點解相信發生跌纜車意外, 整家人死了? 有何証據?

一句報張沒有報導,密封了整件事件, 就真係相信咩?

原文章由 77777 於 07-12-8 17:08 發表
呢件事係因為我當日有去, 所以先知, 如果好似我個日有去d人, 一定會知.....

作者: cdcd 時間: 07-12-8 17:53

就算係一個成年人去玩, 但係捉唔實冼底, 跌倒, 受傷. 那是否他/她自己的責任? 因為佢冇清楚評估自己的能力, 所以佢要為自己的錯誤決定負全責?

一句講哂....遊戲是安全的...任何人受傷請自己負責....理由是你自己冇評估過你自己或你的小朋友是否適合玩. 所以要為你自己作出的錯誤決定負全責.

是不是這樣的?

作者: acer1 時間: 07-12-8 17:55

明明見到個摩天輪咁勁仲比個仔玩，最離普兩公婆都無一個願意陪個仔玩，現在出了事又周圉嘈揾人負責任，有這樣不負責任的父母才是最不辛！

就算比你嘈到賠到錢，會駛得安心嗎？真係覺得唔關自己事嗎？

[ 本文章最後由 acer1 於 07-12-8 19:05 編輯 ]

作者: TIKTIKMA 時間: 07-12-8 18:04

多年前訂下的安全標準有問題，現在小朋友的高度同多年前有出入！不大相信122cm的小孩子可以玩大機動遊戲!!

原文章由 77777 於 07-12-8 17:03 發表
個媽咪最大的錯係信錯海洋公園的所謂安全標準, 如果我地去海洋公園玩, 唔信佢d安全標準, 又信mud野呢??

佢地只係列明超過某個高度就可以玩, 咁即係佢地認為係安全啦......咁點解可以"郎"倒周圍撞, 佢地應該熟架機多 ...

作者: lamlam2000baby 時間: 07-12-8 18:16

提示: 作者被禁止或刪除內容自動屏蔽

作者: youma 時間: 07-12-8 21:01

我都希望你的兒子能早日康復。

作者: 積肥 時間: 07-12-8 22:39

原文章由 ZZdaphne 於 07-12-8 15:39 發表
意外發生，唔理責任是誰，
海洋公園都要妥善處理。

agree

作者: acer1 時間: 07-12-8 23:11

原文章由 77777 於 07-12-8 21:02 發表
我諗唔係錢的問題, 但起碼海洋公園應道歉, 個摩天輪咁勁, 無安全蒂, 大人一定不會受傷嗎??

從前港鐵有跳軌自殺事件, 人地都識加玻璃門, 雖然后知后覺, 總好過唔知唔覺, 摩天輪既然係發生左意外, 就證明有危險存在 ...

海洋公園當然應該要改善，但係當時見到咁危險，好多大人都唔夠胆玩，點會求其問人哋話身高夠，就推個仔去玩，連陪個仔都廢事，難怪別人會以為他們搏賠償！

作者: Ling_羚 時間: 07-12-8 23:54

我覺得就算佢夠高`
都5應該俾佢去玩呢D成人玩GE機動遊戲LOR!
海洋公園有兒童王國`
你個仔真係想玩GE可以去果到'
同埋佢得6歲咋WO-3-
你都咁放心俾佢自己1個去玩?!
同埋你有冇話俾D職員聽你個仔得6歲?
我覺得除左果到D職員高估左你個仔之外`
你都1樣高估左佢.
其實根本2個都有錯!

作者: Carman_mami 時間: 07-12-9 01:02

提示: 作者被禁止或刪除內容自動屏蔽

作者: Carman_mami 時間: 07-12-9 01:03

提示: 作者被禁止或刪除內容自動屏蔽

作者: poorpapa 時間: 07-12-9 01:37

Is this the same case?

http://hk.news.yahoo.com/071208/12/2kyy0.html

作者: Sindy 時間: 07-12-9 02:18

原文章由 acer1 於 07-12-8 23:11 發表

海洋公園當然應該要改善，但係當時見到咁危險，好多大人都唔夠胆玩，點會求其問人哋話身高夠，就推個仔去玩，連陪個仔都廢事，難怪別人會以為他們搏賠償！ ...

嘩,越扯越遠.......大人驚未必細路仔會驚......好似我驚跳樓機,我唔陪佢玩,就係唔理佢?邊個'別人'以為佢博賠償呀,係咁諗真係涼薄呀

事情發生左,安慰下個阿媽都無,一味個個指住話佢唔啱,點解海洋公園有唔啱你地唔focus係海洋公園果邊呢?要係個阿媽身上灑salt呢?唔通海洋公園果邊真係唔駛review個高度限制咩?

如果有一日,係電梯發生左意外,會唔會話唔應該撘電梯呢?有無搞錯呀?

作者: ChiChiPaPa 時間: 07-12-9 07:21

今天蘋果

海洋公園瞞事故　機電署遺憾

發生機動遊戲傷人意外的海洋公園，被機電工程署揭發隱瞞事故。機電署表示，前日接受傳媒查詢時，才知悉上周日曾發生太空摩天輪傷人意外，對海洋公園沒有按既定程序即時通報感到遺憾，已責成對方日後要即時通報事故。

作者: sundaymorning 時間: 07-12-9 10:36

一名青年在網上自稱黑社會成員 - 罪成;

一名男子在網上意圖組織快閃強姦黨, 雖然沒有行動 - 罪成;

根據香港法例575章:

以任何方法傳達或提供任何他明知或相信是虛假的消息予另一人

可被判有罪.

其實有沒有罪都事少, 教壞小朋友是事大, 父母自己都講大話, 如何以身作則.

若果你覺得是事實, 請站出來向各大傳媒報告, 還你自己一個清白, 或者由是由我向警方舉報好些呢?

原文章由 77777 於 07-12-8 17:27 發表
在跌纜車時, 我們剛在等纜車, 在等候的人都議論紛紛說纜車跌死人.....

我當年只是讀小學五, 六年級, 當在班房和老師一起提及這件事時, 更有一位同學指出他的舅父便是負責"汁一家人屍"的工作....

...

作者: acer1 時間: 07-12-9 10:36

原文章由 Sindy 於 07-12-9 02:18 發表

嘩,越扯越遠.......大人驚未必細路仔會驚......好似我驚跳樓機,我唔陪佢玩,就係唔理佢?邊個'別人'以為佢博賠償呀,係咁諗真係涼薄呀

事情發生左,安慰下個阿媽都無,一味個個指住話佢唔啱,點解海洋公園有唔啱你地唔f ...

6歲細路跟本就唔識判斷，係自己都驚仲推他去玩，唔係博賠償就係搏好彩。

作者: KOKOMAN 時間: 07-12-9 10:42

我後生果時見到這個冇安全帶摩天輪都唔敢玩，其實大家都有責任。

作者: alkyng 時間: 07-12-9 12:52

Carman_mami:

我贊成妳0既講法, 規距係人定0既(夠高就玩得), 但都要睇番實際情況, 我相信大部份媽咪唔會夠膽比一個六歲小朋友自己上呢架魔天輪玩, 所以我個人睇法, 家長0既責任大好多....(希望唔好介意我講出感受)

原文章由 Carman_mami 於 07-12-9 01:03 發表
你Say yes俾過仔仔入去玩,我覺得個責任係你個度.

作者: susi1024169 時間: 07-12-9 14:45

我都想講下~我好記得我呢世女只係玩過一次,當時係因為我細佬(大約6歲左右)扭計話要玩,我媽見部野停左係度,以為係普通魔天輪咁轉,就叫我陪細佬玩,(我大佢4年,我10歲左右),我當時同細佬入到車箱入面,我坐後,佢坐前(我攬住佢),一開動,嘩....不得了,細佬跟本唔夠力捉住d鐵支,而我不停同佢講:{隻腳快d申直"橕"住前面}而我都用力捉住兩旁既鐵支,用對腳夾實我細佬,但我地兩個都係個車箱入面撞來撞去,嘩~我對手臂痛到,"失頭哥"都魚曬,果兩分鐘好似過左兩粒鐘咁長,細佬一落車就即嘔....而我,勁腳軟~我仲好記得落車果刻我媽,我嫲嫲衝埋黎,面都青曬,問我地有無事...我地口就話無事,但以後見到呢部野都驚驚.......
6歲小朋友跟本唔岩玩....唔夠重,唔夠力去"橕"住,當時如果唔係我係度,我細佬都應該好似樓主個仔咁......即使我陪佢玩,我都撞到傷曬,入面咩安全野都無,撞都撞到內傷啦,真鄧樓主仔仔慘....亦令我諗起呢個恐怖既經歷~所以以後各媽媽都要小心d幫小朋友選擇機動遊戲....如果可以都一定要陪佢地去玩,無得陪咪唔玩囉~

作者: boying 時間: 07-12-9 15:32

原文章由 Sindy 於 07-12-9 02:18 發表

嘩,越扯越遠.......大人驚未必細路仔會驚......好似我驚跳樓機,我唔陪佢玩,就係唔理佢?邊個'別人'以為佢博賠償呀,係咁諗真係涼薄呀

事情發生左,安慰下個阿媽都無,一味個個指住話佢唔啱,點解海洋公園有唔啱你地唔f ...

討論區每個人都可發表正或反意見，
有多人不認同樓主的反意見也是正常，
畢竟是樓主片面之詞，也不見得涼薄。
"越扯越遠"閣下也幫了一把，
因為你也回應過"南京大屠殺feel"。
夠遠吧?

作者: Sindy 時間: 07-12-10 00:34

原文章由 boying 於 07-12-9 15:32 發表

討論區每個人都可發表正或反意見，
有多人不認同樓主的反意見也是正常，
畢竟是樓主片面之詞，也不見得涼薄。
"越扯越遠"閣下也幫了一把，
因為你也回應過"南京大屠殺feel"。
夠遠吧? ...

真榮幸可以幫bk吸引到新國民加入................

作者: P-Ma 時間: 07-12-10 10:58

我覺得雙方都要負責任，負較大責任的一定是父母。我成人也不夠膽坐的，居然可讓一個六歲小孩坐，有問題嗎? 就算加了安全帶，我相信都不會適合小童的。
上月底，我帶小兒(他7歲半，但相信不及樓主的小孩高和大膽)到迪士尼，我也看見一個內地6歲小孩自己玩 (我是親耳聽見職員和那女孩的對話的) 一個類似小飛象的飛船機動遊戲，而小兒卻要站在一邊看了數次，才說肯上去玩，當然是由我陪同啦!
你大可說我小兒膽子小，但相對地，他的安全意識卻比樓主高。
高度是給一個最低要求，不是一個標準要求，我相信外國一個3歲小孩都會比小兒高，但並不代表能力比小兒高，對嗎?
我又不排除有些人有虛榮心，覺得他們的小孩能力很高，比同年齡小孩高許多呢!

這些事，在外國也時有發生。

致於有人提及掉車廂事件，我不是不相信，但我只相信證句，人云亦云的我不會相信。所有提及的都是等車的人說，有沒有人親眼看見車廂掉在山下? 我不相信來回四條線，數十個車廂，那麼多人，沒有一個站出來說出事實，或有人拍到照片，給我們看到。

不過，我都希望樓主的兒子，只是一些小小傷，早日康復。亦希望這次意外得到披露，能夠另大家作為一個警惕，以後做事，要三思而行，量力而為。以後也沒有同類型事件發生。

歡迎光臨教育王國 (/)