教育王國

標題: 開學兩個月，無眼睇！ [打印本頁]

作者: numen 時間: 08-11-3 17:00 標題: 開學兩個月，無眼睇！

星期五晚我發現個仔本聖經爛左,我以為個仔整爛,到昨日,咁我問仔點解要整爛？跟住佢同我講話係個同學整爛,仲有人證見到！我問仔，佢點解可以整爛左D野而你唔知要問其他同學，仔話星期四因電腦堂，而學校係每班分開上、下半part落電腦室上,咁我仔就係上part,而下part的同學就留在課室上課。而個位同學就自己掉位就座係我個位，我仔本聖經係放左落櫃筒到,佢就攞出來剪爛左約十頁,大約6-7cm長，聖經則邊邊位又整爛左，好啦，我仔怕我唔信佢，佢就係我面前比打同學問清楚件要，點知同學話阿仔本手冊亦比個位同學整左，我一打開，見到有人用原子筆塗左手冊張相D眼耳口鼻

，和左手冊角位想冒我簽名

！咁到昨晚,我問仔你同老師講定我寫家長信？仔就叫我寫。到老公放工回家，我就一五一十咁講比老公知，我老公好嬲

,話可以報警，係刑毁。我梗係話唔好啦！我話我已經寫左封信，等老師回覆。咁頭先仔返來，我問點樣，佢話只將信放左係老師檯面，真係比佢激死！！咁我就打去比老師，但老師去左開會，係另一位老師接聽，我將件事同左佢講，佢就話要等班主任覆電話比我先。咁我等左差不多等了一小時，班主任打比我，話個位同學仔比較麻煩,而家加埋呢封信就可以記佢缺點，同聯絡個位同學家長，同埋要我仔和其他證人落口供。唉~仲有佢個班已經有幾位同學唔見$、書和筆，有個同學筆袋有成五十幾枝筆，而家得返幾枝。班主任同佢地講，可能要在班房裝閉路電視！唉~而家先開學兩個月，點算！唔通買個鎖鎖書包

？

[ 本帖最後由 numen 於 08-11-3 17:01 編輯 ]

作者: jefferymami 時間: 08-11-3 23:02

嘩！咁都得！
你個仔讀邊間中學？

作者: family_1612 時間: 08-11-4 10:00

而家好多學校都有呢ｄ學生，無論Ｂａｎｄ１，２ｏｒ３都一樣，有些學校處理投訴處理得唔好，令到受害者反被針對，真無奈！

作者: bwmm 時間: 08-11-6 23:38

好慘! 唯有小心這類同學.

作者: 史迪佬 時間: 08-11-7 01:26

真係煩
好睇 d 老師點處理 >.<

作者: 漢堡飽 時間: 08-11-8 12:37

有人證物證，又知邊一個學生，學校應該知道點去處理。

我們可以正面去想，這是學習的一部分，將來社會工作一樣會遇到這些人物。只要學懂如何保護自己，分辨那些是正確，多一個經驗是好事。

作者: saiyeest 時間: 08-11-11 20:51

好想知是那間學校，是Band 幾的中學？

原帖由 numen 於 08-11-3 17:00 發表
星期五晚我發現個仔本聖經爛左,我以為個仔整爛,到昨日,咁我問仔點解要整爛？跟住佢同我講話係個同學整爛,仲有人證見到！我問仔，佢點解可以整爛左D野而你唔知要問其他同學，仔話星期四因電腦堂，而學校係每班分開上、下半part ...

作者: MonaLeung 時間: 08-11-12 10:37

有冇搗錯, 一定要追究到底, 如果班主任草草了事, 我一定會向校長投訢的.

原帖由 saiyeest 於 08-11-11 20:51 發表
好想知是那間學校，是Band 幾的中學？

作者: Viman 時間: 08-11-12 21:36

The most important time is the handling method of this school.

Do u accept?

作者: bubblex2 時間: 08-11-13 10:01

到底係邊間學校啫?

真係心急死人喇....快啲開估啦...

作者: 樂樂 時間: 08-11-13 10:27

原帖由 bubblex2 於 08-11-13 10:01 發表
到底係邊間學校啫?
真係心急死人喇....快啲開估啦...

樹我直言,呢d百厭細路好多間學校(包括band 1)都有架啦,

作者: bubblex2 時間: 08-11-13 10:35

原帖由樂樂於 08-11-13 10:27 發表

樹我直言,呢d百厭細路好多間學校(包括band 1)都有架啦,

雖然我都有聴聞..
但有樣野唔明..
入得band1都應該有咁上下水準..
點解會成績同操行成反比?
呢啲係咪校風既問題?

作者: 樂樂 時間: 08-11-13 10:50

原帖由 bubblex2 於 08-11-13 10:35 發表

雖然我都有聴聞..
但有樣野唔明..
入得band1都應該有咁上下水準..
點解會成績同操行成反比?
呢啲係咪校風既問題?

入得band 1 又點,佢地始終係細路,貪玩,特別係男仔

作者: HPChingchingma 時間: 08-11-13 13:14

原帖由樂樂於 08-11-13 10:27 發表

樹我直言,呢d百厭細路好多間學校(包括band 1)都有架啦,

對呀.

不用太緊張.

不用下下報警.

其實現在的父母也要微謫調一下對, 就是現今上了中學的孩

子們.

其實好多小時候是好聽話的 BAND ONE 學生, 多多少少有

意想不到的行為出現. 在中一開始, 還是再大一些 ???

為何急知那一間中學???

作者: HPChingchingma 時間: 08-11-13 13:35

原帖由樂樂於 08-11-13 10:50 發表

入得band 1 又點,佢地始終係細路,貪玩,特別係男仔

樂快 >>

係喇. 好在有你, 可分享一下

聽了一個BAND ONE 學生的 CASE  , 貪玩 , 學人高買 .
在一間 VCD 鋪拿一隻影碟. 事敗後 . 學校的老師到鋪頭去營救 ( 因好近學校)

原來中學生是只是看下大人, 或是他的父母, 為何一定要佢他們做乖仔. 他心想只想睇影碟不是一件壞事, 為何老媽子硬要亞仔做了一件事, 是他的亞媽是認為好事, 如測驗高分, 或做好一份讀書報告 ?  成事才給亞仔去買呢 ??真是弄巧成拙 .

他們不是小學生, 有 12, 3 歲的少年人,  思維可不同小學生 . 父母也要按照小朋友長大的路程 , 也去按本身性格去輔助他. 同樣地也要給學校信心. 因為對一班有 40 人的老師來說 , 學校處理事件 , 也不能是純粹<捉拿兇手> 就是完結的. 不同主角, 做同一件事 , 相信不能有同一處理方法.

有時小朋友的行為 , 做父母的真要負責任去教育他們, 不可能是全是歸付學校的.

作者: numen 時間: 08-11-14 18:44

原帖由樂樂於 08-11-13 10:50 發表

入得band 1 又點,佢地始終係細路,貪玩,特別係男仔

你講得啱，band 1 生唔通無頑劣學生？我仔間學校band 1 尾，又係一間男校，唔好問邊間中學啦！都唔關學校事，只係個位學生比較麻煩！班主任已經記了個位同學大過啦，但呢位同學又為另外一件事再記大過，即total兩大過！！唉，聽阿仔講，個位同學都依然無改善，有位同學仔想轉班，我都想阿仔轉呀，但阿仔話唔好，因阿仔在呢班已經有好多好朋友，所以佢唔想轉，我唔想阿仔唔開心，為有睇定D再算。

歡迎光臨教育王國 (/)