教育王國

標題: 急!我要買長笛, 有無介紹? [打印本頁]

作者: HappyEE 時間: 09-9-10 21:23 標題: 急!我要買長笛, 有無介紹?

急!我要買長笛, 有無介紹? 邊到買?
點樣選擇, 小四初學?

作者: ming2 時間: 09-9-10 22:40

提示: 作者被禁止或刪除內容自動屏蔽

作者: 凱倫 時間: 09-9-11 09:16

我個女三年級下學期响工x會學長笛(現在五年級), 用一千二百幾蚊响個度買咗支長笛, 結果用咗半年就開始變黑啦!後來見佢好有興趣所以請咗個口碑幾好嘅女老師上門教佢, 老師話如果打算學落去, 都係建議我去通x琴行買支YAMAHA, 最好就係471型號, 因為佢全支都係純銀一定唔會變黑, 可以好耐用, 玩到八級以上都無問題, 不過好貴要$9000, 如果嫌貴可以買支371, 五千幾蚊, 但就只有咀位係純銀做, 因為最易變黑係咀位, 如果都嫌貴就買其他2字頭型號吧!老師話响通x琴行買長笛有原厰保養一年,而且有保証啲, 其實要買支好唔好嘅笛要視乎你小朋友係咪真係會有恒心學落下去, 學習樂器係要落啲本架啦!

或者你可以去問吓小朋友嘅長笛老師建議!

作者: Yanamami 時間: 09-9-11 09:44

Agreed! Flute is one of the musical instruments that has direct contact to the player's mouth. It's better to buy a good quality one. My daughter's flute teacher also recommend Yamaha 221 for beginners. It's about $3300.

原帖由凱倫於 09-9-11 09:16 發表
我個女三年級下學期响工x會學長笛(現在五年級), 用一千二百幾蚊响個度買咗支長笛, 結果用咗半年就開始變黑啦!後來見佢好有興趣所以請咗個口碑幾好嘅女老師上門教佢, 老師話如果打算學落去, 都係建議我去通x琴行買 ...

作者: HappyEE 時間: 09-9-11 11:27

多謝大家回覆, 其實我心目中都係想買Yamaha 221, 但買的時間要注意什麼?

作者: jandtfamily 時間: 09-9-11 14:01 標題: Yamaha 221初學首選！

你好！剛好小兒也是用Yamaha 221，他今年八歲，學了長笛三年了。起初也曾買過一支大陸製的，千幾元，好快變黑且音色普通，及後發現他真的有天份，才投資買一支好少少的Yamaha 221，年幾兩年買通利會員有折，$2800，現在已升值到三千幾，因年年加價，早買早著數呢！

最近都有留意更好的型號，沒錯！再上要五千幾、九千幾、二萬幾.........等。我也會問過長笛老師，Yamaha 221可否用到考八級呢？她說絕對冇問題，她有學生也是用此型號考獲八級長笛，只要小心保養便可(緊記用後用紗巾清潔口水和用洒精抹笛)，我於是也放心不急於換笛了，待他明年五月考獲五級再考慮吧！目標是兩萬幾左右的型號，如：MIYAZAWA、Sankyo聽老師講都不錯的日本牌子選擇。

我絕對建議你買Yamaha 221來好好學習長笛！記得學樂器是要不時練習和要有恆心的，不練的話，就算五、六萬一支笛也吹不好聽呢！最好一星期練三、四次，每次最少45mins至1hr，心情好或放假可再多少少，平日功課也很忙呢！

希望以上分享對你有幫助。
ps:建議當學到差不多，約九個月至一年左右，參加多些比賽取經驗，對日後考皇家音樂試好有幫助的

作者: keroppimama 時間: 09-9-11 14:05

我仔仔小二
啱啱响學校報咗名學長笛
請問你支長笛係乜嘢牌子
適合7歲小朋友
可以面交嗎 ?

原帖由 video_ming 於 09-9-10 22:17 發表
我有一條全新可以讓給你$650.如有興趣找我.

作者: 龍舌蘭 時間: 09-9-11 14:21

原帖由 jandtfamily 於 09-9-11 14:01 發表
你好！剛好小兒也是用Yamaha 221，他今年八歲，學了長笛三年了。起初也曾買過一支大陸製的，千幾元，好快變黑且音色普通，及後發現他真的有天份，才投資買一支好少少的Yamaha 221，年幾兩年買通利會員有折，$2800，現在已升值到三千幾，因 ...

絕對同意.
我們也是剛剛換了221來學. 之前用一大陸製的, 一年多, 現轉了221後, 原來很難吹到的音變得容易了. 小朋友突然覺得自已吹得比以前好了.
以價錢及音色音準來說, 買一支有保障的笛, 對小朋友學習的信心都有幫助. 221可以說是平價之選.
可以經音樂老師代買, 今年有九折. hkd2900

作者: HKdevil 時間: 09-9-11 15:23 標題: 回覆 4# 凱倫的文章

Tell you tell me how much the teacher charge for teaching flute? I want to hire a good flute teacher to teach my daughter too.

作者: 凱倫 時間: 09-9-11 22:00

原帖由 HKdevil 於 09-9-11 15:23 發表
Tell you tell me how much the teacher charge for teaching flute? I want to hire a good flute teacher to teach my daughter too.

HKdevil

對唔住!可能幫你唔到啦, 因呢個樂器老師時間已經好full, 星期一至日都滿晒學生, 之前都想介紹佢比朋友個仔, 佢都話實在抽唔到時間, 連我個女想改時間學都唔得, 其實佢都幾便宜架, 初級$150四十五分鐘, 其實阿女响工x會學完一期初級長笛之後, 未能即時揾到老師, 惟有响柏x琴行學住先, 初級都成$195四十五分鐘, 仲要敎得唔係咁好, 浪費咗幾個月時間, 阿女明年會預備五級試了, 都係$245四十五分鐘, 我相信唔使attach琴行都大約係差唔多價錢, 你用作參考吧!

作者: HappyEE 時間: 09-9-13 01:34

很多謝大家的回覆, 資料很有用, 同老公商量完, 決定買一支全新yamaha221, 謝!

歡迎光臨教育王國 (/)