教育王國

標題: 如何令/ 幫助屋企人接受?! [打印本頁]

作者: ren 時間: 10-9-15 14:54 標題: 如何令/ 幫助屋企人接受?!

仔仔22個月剛去完CAC"見姑娘", 我知有排等才有得見醫生/ 治療師做評估, 所以都報了協康同基教的言語治療評估.
(仔仔除"唔好"外沒有其他有意思的單字, 鐘意玩車轆, 開閂柜桶/ 門鎖, 唔鐘意同小朋友玩, 但有同人eye contact...)
自己有作最壞打算, delay 肯定有, 差在delay 幾多同是否自閉, 都睇左一些資料, 開始可以較正面地面對.
但現在覺得老公反而唔係咁接受到 (佢一直認為仔仔是"慢""懶", 係"教得少", 但一定唔係自閉.), 可能我之前很negative, 同佢講左有些delay 的case 是因為腦傷, 自閉症. 現在到他很upset. 我都不知點開解佢.

另外, 仔仔那邊又是否應該搵私人的check check, 但只22個月, 測試會否不準確?!

有無mama家長可俾些意見?!

作者: fatsum 時間: 10-9-15 15:27

我同你情況差不多, 等唔到CAC, 搵私人做評估都要等3個月.

小朋友被評為自閉+發展遲緩, 排緊E+S位. 我老公仲未接受到, 佢覺得小朋友只係學講野慢. 我同佢講, 唔緊要啦, 今日排隊, 唔係聽日就有位比你讀, 要等成年半, 或者, 到時阿b已追番晒d野呢.

我問老師小朋友返學情況, 答案係, 自由行, 唔合群. 我老公先肯面對現實.

而家, 最頭痛係想比阿b讀私家, 全部得半日班, 無人可以湊佢返放學.

作者: ttlucky0303 時間: 10-9-15 15:33

其實你都未做評估, 可能係發展遲緩, 反而你咁早發現佢有問題肯去正視真係好好, 你而家要做既,你地兩夫婦要去學點同小朋友玩遊戲, 參加一0的社交班, 語言治療...另外佢兩歲,你就同佢報讀N班..

我個女之前又係表達好差, 唔鐘意同同齡玩, 講野唔望人, 2歲-2歲半都只係講英文生字同2詞句子, 2歲半同佢去做言語治療(私人)話佢遲9個月, 3歲排到CHECK完, 原來係發展遲緩(語言同認知遲左9個月- 1年), 再同朋友(心理學家同幼稚園老師)講下睇下佢點, 心理學家,幼稚園老師同言語治療師都話佢認知唔係差, 可能只係遲少少.

幾個月黎我既密集訓練(即係係咁同佢講野, 玩多0的互動遊戲, 每星期同佢出去JOIN左社交班同言語治療, 近呢兩星期我個老師朋友特登黎我家同佢玩)進步左好多, 上個月開始3詞句子, 而家可以表達自己同投訢人, 又會同小朋友玩..

作者: ren 時間: 10-9-15 16:08

Thank you 兩位 mama, 我都覺得早d去排隊做assessment是好的, 無事當後備, 唔係到有事時就遲了.
仔仔現在是6299+印印湊的, 我兩公婆湊晚上同星期日.
見完姑娘佢話要等半年起碼, 並叫我試下呢半年自己湊番, 看能否改善, 請問大家平時如何幫仔仔囡囡的呢? 例如認知, 例如說話的動機. 我下個月起會自己湊返!
姑娘話我要先教仔仔如何"正確地"玩玩具, e.g. 車是推的不是玩轆, 再互動地玩玩具, e.g. 推車/ 波給我, 煮飯仔, 餵公仔食之類, 佢話要互動到才有溝通的動機. 請問大家的小朋友是如何學懂推車車的呢? 另外, 如果佢鐘意玩轆, 玩門, 應該禁止還是由得佢? 我現在是由得佢玩但唔鼓勵佢玩, 催佢快些玩完玩第樣. 這樣做ok 嗎?
我之前沒報N1 (極後悔!), 現報了K1等10月interview (好擔心!)), 我見其他mama講e/s/i 位都要等評估後, 才可以排. 打算有K1收的詔返住先, 看看有否改善.

作者: owl_2046 時間: 10-9-15 17:41

可以的話返私人S位先啦, 有齊3T, 又係4-6人小組密集式訓練.
當初反而係我自己唔接受亞仔有問題, 但一返N1就出事, 又係"自由行" 成日想"衝閘"走路, 絕飲絕食, 以淚流面....
終於停學, 返私人S位, God bless my son 返左3個月已排到政府S位. (都係多得一位BK媽教我及開解我)
一定要接受現實(我知好難及好痛, 我都係過來人)但真係冇辦法, 唔係我地或者個仔/女想係咁樣, 只係時也命也.....
傷心又要過, 開心又要過, 不如積極面對啦!

原帖由 ren 於 10-9-15 16:08 發表
Thank you 兩位 mama, 我都覺得早d去排隊做assessment是好的, 無事當後備, 唔係到有事時就遲了.
仔仔現在是6299+印印湊的, 我兩公婆湊晚上同星期日.
見完姑娘佢話要等半年起碼, 並叫我試下呢半年自己湊番, 看能否改 ...

[ 本帖最後由 owl_2046 於 10-9-15 17:54 編輯 ]

作者: ren 時間: 10-9-16 08:56

其實仔仔方面我想自己試試多些時間教的效果會怎樣, 看有否改善. 小朋友有時都好奇怪, 明明9月初去健康院唔識指身體部位, 十天後又突然識指眼耳口nose頭肚手腳pat pat. 因為我發覺6299一路都唔係好教仔仔認嘢, 講嘢. 所以我想自己試試先. (又未做評估, 又唔想太快迫仔仔見私家做評估)
仔仔又唔鐘意返playgroup, 我地又冇朋友有差不多大的小朋友.
大家的小朋友是否join 治療後就有大大改善? 家人如何接受小朋友是"需要" 治療的呢?! (我老公之前一路都話我諗多左, 無事的, 但現在他開始識驚就灰得好緊要, 6299 就一路都話係我痴線, 話我好成日話佢個孫有問題...我都唔知點好!)

作者: kelvin_hmlau 時間: 10-9-16 10:37

建議你搵私人評估. 一來政府要等7個月, 二來做完評估機構會幫你排政府服務.

做評估個日, 叫埋老公, 6299 去, 有事無事都等d 專家去講.

你個仔咁細, join 左d 訓練, 進步空間很大.

講真識唔識湊唔係引致佢自閉的原因. 如果係自閉, 其實都有好明顯的異常表現.

- 最簡單係你用隻手指指住d 野叫佢睇, 佢係無反應 (唔識 reference).

- 你叫佢個名, 佢唔會應你.

作者: urme1997 時間: 10-9-16 12:54

ren
首先自己一定要接受事實, 我囡囡發展遲緩, 1歲4個月做評估,話佢整體遲左1年, 好好彩2歲就等到s位, 返左半年有明顯進步, 今年老師話佢認知到左3歲, 我好開心,所以及早訓練好緊要, 小朋友黃金時係6歲前, 要好好把握, 唔好為左自己心理影響對小朋友0既發展

作者: ttlucky0303 時間: 10-9-16 14:22

N班你而家搵都冇問題呀~~可以插班
你可以搵左0的屋企附近村校仲有冇位, 登記左先因為你仔仔未夠2歲都唔可以讀, 只要佢自理同情緒上冇咩大問題就得架啦.

如何"正確地"玩玩具,  真係要教.
1>玩車,你可以帶車車出去街, 將手上既車同出面車車比較, 原本車車可以咁行路, 返到屋企就同佢行, 你揸一架, 佢揸一架, 再互動地你追我,我追你咁, 再之後可以加路障OR用LEGO排一間間泊車埸, 增加想像力.

2>你可以買一個可以彈得起既波, 可以拍, 可以踢, 總之一個球多0的玩法, 令佢覺得一個玩具可以有唔同玩法, 玩波互動最好, 你傳俾佢, 佢傳俾DADDY, DADDY再俾你, 記住一路講一路傳, 佢知玩法之後, 有時你可以問佢今次傳俾邊個呀,  有時你特登傳錯, 引佢講返岩(可以訓練玩的法則, 眼神接觸同表達)

3>煮飯仔, 餵公仔食, 你可以教佢分享先, 切開後, 一個你食, 一個佢食. DADDY冇得食, 你就叫佢切一個俾DADDY, 先再教放係碟度食, 用FORK, SPOON食, 用杯飲水, 叫佢倒..
再教顏色. 慢慢加野.

4> 鐘意玩轆, 玩門, 你可以同佢講, 我地唔用手都可以轉轉車轆, 推俾佢睇.

5> 玩門最好唔好俾佢, 因為危險, 你可以搵其他野引佢, PEEKAPOO, 個個小朋友都鐘意, 你"理"埋,佢搵你, 你發現佢冇搵你, 你"吱"佢, 走開, 佢就會搵你...慢慢加野..

除左出去訓練重要, 係屋企同佢玩更重要, 唔識可以睇多0的, 增值自己, 我本身有教小朋友,但唔係老師,  都要睇好多書先識同自己個女玩...佢岩岩3歲, 而家識玩左好多, 可以想像遊戲同角色扮演.

努力呀!!!

[ 本帖最後由 ttlucky0303 於 10-9-16 14:28 編輯 ]

作者: ren 時間: 10-9-16 14:39

ttlucky0303,
thanks for all your playing methods advised, seems very useful, I will try them asap.

作者: ren 時間: 10-9-16 14:44

原帖由 kelvin_hmlau 於 10-9-16 10:37 發表
建議你搵私人評估. 一來政府要等7個月, 二來做完評估機構會幫你排政府服務.

做評估個日, 叫埋老公, 6299 去, 有事無事都等d 專家去講.

你個仔咁細, join 左d 訓練, 進步空間很大.

講真識唔識湊唔係引致佢自閉的 ...

已經排緊協康同基教. 我估都要近年尾才輪到.
到時老公應該會去, but 6299 就去都無用, 佢地會話醫生/ 專家痴線!

作者: ttlucky0303 時間: 10-9-16 15:49

我諗你用<"需要" 治療>呢0的字眼俾佢地, 可能呢0的字眼令佢地有少少反感, 你可以同佢地講帶呀仔去學野, 同小朋友玩下等.
有社交班完左之後, 導師會講小朋友既情況, 你記住拉埋你老公去聽, 從中你地可以聽到0的野, 又可以睇到仔仔同其他小朋友分別..
等你老公眼見耳聽, 慢慢接受

咁可能會好0的既

[ 本帖最後由 ttlucky0303 於 10-9-16 15:50 編輯 ]

歡迎光臨教育王國 (/)