教育王國

標題: Fanny's workshop ~ [打印本頁]

作者: babeBBDoll 時間: 10-11-23 09:26 標題: Fanny's workshop ~

想請問有冇媽媽之前上過佢地既 playgroup ? 情況如何 ? 有冇小朋友入到心儀既幼稚園呢 ?
其實佢地係可以幫手拎邊間幼稚園既 form 呢 ? 因為聽過講座同上過試堂, 我覺得佢係力推, 太子 ~ 明慧, 佢又冇提及究竟係拎邊間既 form, 只係話 St. Cat & York o個 d, 咁即係邊幾間呢 ?

請之前上過 Fanny playgroup 既媽媽分享下
thx ~~~

[ 本帖最後由 babeBBDoll 於 10-11-23 09:29 編輯 ]

作者: dennispapa 時間: 10-11-23 13:08

1) Playgroup同其他講座都好好！我小朋友上左大半年 playgroup (有1歲3個月開始)

2) Fanny, Ms Wong同Ms Yeung都好關心我地同小朋友既成長，佢地教我地點同小朋友相處及點教小朋友，教我地點幫小朋友成長同訓練佢地面試既基本功。其他playgroup可以令小朋友接觸到五花百門既野；而fanny佢地做到既係幫小朋友同家長打好根基。
佢地對我家庭既影響係：先改造我同我太太去教導我地小朋友。我女女係09年03月BB，Fanny一早覺得我女女比較有性格，所以佢了解過我地家庭環境之後建議我地比小朋友去讀托兒所。搵一間合適既托兒所並唔係易(因為好多家長係小朋友1歲都未夠就已經申請)，不過我同我太太經Fanny改造後更加清晰我地要做既野，所以變得更加堅強，屢敗屢戰咁去搵合適我地小朋友既托兒所，最後小朋友返左保護兒童會William Grimsdale Day Creche一直至今。

3) 小朋友已收到迦南(窩打老道)同黃埔 William (Smart) International 既取錄信。心儀既樂基同劍鳴都未 interview，所以未知黎緊得唔得！遲下希望有好消息可以係到 update！不過就小朋友 in William Smart 當日既表現，應該唔會有問題 (因為我一向認為係三線既 William Smart 既 interview 出奇地多野同偏難)

4) 已前梁錦松講過既：教人捉魚，而非食魚！
比/拎張 form 其實唔難？寄個回郵信封就可以！
我相信呢個唔係Fanny佢地既目標同selling point
佢地教曉家長們清楚自己小朋友，清楚邊間適合小朋友，同點去自己拎 form，其實比一切都更重要！

我覺得fanny唔想令家長們放錯重點
所以佢地唔會標榜拎乜野交乜野
本來我都唔想講呢個 topic 費事過份渲染

但係就聽到有人中傷Fanny佢地係幫人download form就話幫人拎form。
就呢d我覺得唔清楚就胡亂中傷別人既講法唔係好負責任，甚至係過份，所以我就按我今年11月6號拎form既例子同大家分享下！

今年11月6號我有搵人幫我排隊去拎 form，有托人幫我download form，亦有托Fanny佢地幫手拎form。因為當日我參加左Fanny佢地搞既九龍塘幼兒/稚園參觀。

當日我同成車家長係親眼見Fanny親身入去呢間幼兒/稚園到拎一大疊已經連埋receipt既報名表出黎。呢疊form同download及親身去拎既無論紙質同編號係有唔同既，所以最終我都係選用左Fanny幫我拎既form。

除左我有拎form個間，仲有其他，不過我覺得唔岩我小朋友，所以我無拎，詳情就唔太清楚！

5) 太子明慧的確係細B既一個不二之選，所以如果您小朋友係細B，又或者小朋友正接受面試準備既訓練，揀明慧我覺得好合理。好似我小朋友最早第一次 in 九龍塘啟思都 fail，接住 in 其他都收，仲要越 in 越好。in 下明慧打定個底，同用黎做下準備去 in 其他我認為較合心水既幼兒/稚園都唔壞。

6) St. Cat 無 PN 我唔知！York 有其他家長透過Fanny拎左。

作者: water77 時間: 10-11-23 13:45

http://forum.edu-kingdom.com/viewthread.php?tid=2131583

作者: Jimmie 時間: 10-11-23 13:46

我囡囡大約8個月開始已經在 fanny's workshop 到返playgroup，現在已經26個月了。我都好認同DENNISPAPA 所講，他們是幫小朋友同家長打好根基。教曉家長在INTERVIEW 時如何跟老師對答OR填問卷，令你比較容易入到好既幼兒園。
N1 時我印象中沒有幫我們拎任何FORM，只是會在上堂時REMIND 我地去DOWNLOAD D FORM，因為N班唔係大部份九龍塘學校都有同埋唔難拎。
今年考 K1 他們就幫我地拎到ST. CAT, 根德園果幾間比較難拎到FORM 既學校。
但他們唔係寫包單可以入到名牌學校囉，因為好睇天時地利人和，小朋友在PLAYGROUP 表演如何好，到INTERVIEW時可能是小朋友午睡時間OR要等太耐而不耐煩等都會影響表演，導致考唔到心儀既學校。
我諗大家帶小朋友返PLAYGROUP 都係想小朋友早D接觸多D小朋友學下社交同紀律。如果係為左入名牌學校已去返一間PLAYGROUP 的話，我諗大家想錯了。用平常心當多一個渠道了解現在幼稚園收生情況作一個準備同點教小朋友都係一個不錯既選擇。

作者: youwant888 時間: 10-11-24 13:30

點解每個星期都有搞講座和英文拼音班?
我之前以為幾個月先有一次, 所以有緊張地報咗, 聽完之後, 覺得很Commercial, $200參加講座, 送一堂Playgroup, 講座sell 英文拼音班, 即時填form報名, 最後還賣玩具添, 我有朋友2個月前訂咗玩具, 至今仍未有, 並沒有聯絡她是否應退款... Admin. 亂, Teacher 差 (唔夠愛心), 賺錢school

歡迎光臨教育王國 (/)