教育王國

標題: 有教無類? [打印本頁]

作者: longheifung 時間: 11-6-19 02:06 標題: 有教無類?

所有學校都說自己有教無類,但當我仔仔去報讀幼稚園時,卻遭到校長拒絕,認為他語言遲緩及有情緒問題,找了幾間,現在仍在找尋中.其實他不是典型A仔,但現在3歲半才開始單字,當然有情緒問題.唉!點解學校不比機會發展慢的小朋友?什麼有教無類?其實都是有偏見的!

作者: crystal媽咪 時間: 11-6-19 09:53

相信大部份的學校都係咁的, 講有教無類只是說說罷了. 你問返大部份有自閉症的家長, 佢地在報幼稚園普通位的時候有無同校長講佢地的情況 !??!?
有好多家長無講到, in的時候小朋友無發脾氣就即刻收(因為佢地有d認字/顏色/形狀概念好叻). 又話好叻呀, 好鐘意佢地呀!! 咁家長就坦白講左小朋友的情況, 個老師就話, 小朋友有機會發脾氣, 老師一個對10幾個, 到時處理唔到. 上午班的位無晒, 不如試下下午班, 甚至有d老師話要請示校長, 結果無再收到學校的回覆.

作者: apple~y 時間: 11-6-19 11:57

原帖由 longheifung 於 11-6-19 02:06 發表
所有學校都說自己有教無類,但當我仔仔去報讀幼稚園時,卻遭到校長拒絕,認為他語言遲緩及有情緒問題,找了幾間,現在仍在找尋中.其實他不是典型A仔,但現在3歲半才開始單字,當然有情緒問題.唉!點解學校不比機會發展慢的小 ...

呢個情況係存在的,係人都唔想收多多問題小朋友,
怕煩呀,無法搵多幾間再試試,
總好過收0左個小朋友,比晒學費,買晒校服
番0左幾日學,先話學校唔適合你小朋友,要你走
如果小朋友可以靜靜地坐埋一邊hea,發呆,遊魂
學校都客易接受,話比小朋友試0下番
但你話小朋友有情緒問題
呢個問題就係好多學校怕怕,一個小朋友如果影響大班上堂
就會影響其他小朋友上堂
你唔可以要求老師多多0野,要求多多
只會話"我0地學校無資源幫特殊須要小朋友"

再努力搵學校!!!

作者: pipi331 時間: 11-6-19 18:06

提示: 作者被禁止或刪除內容自動屏蔽

作者: kiki2007huang 時間: 11-6-19 23:10

樓主點介唔備佢去拍政府S位呢？

作者: pocoyo123 時間: 11-6-20 00:10

請問佢讀K?呢, 如果是K1, 只講單字, 應有一些學校要求不太高, 會OK, 但如有情緒問題, 則很多學校是不會收的, 因為, 會因你一個而有機會令其他人受影響, 所以家長要諗諗

原帖由 longheifung 於 11-6-19 02:06 發表
所有學校都說自己有教無類,但當我仔仔去報讀幼稚園時,卻遭到校長拒絕,認為他語言遲緩及有情緒問題,找了幾間,現在仍在找尋中.其實他不是典型A仔,但現在3歲半才開始單字,當然有情緒問題.唉!點解學校不比機會發展慢的小 ...

作者: JJran 時間: 11-6-20 18:07

原帖由 crystal媽咪 於 11-6-19 09:53 發表
相信大部份的學校都係咁的, 講有教無類只是說說罷了. 你問返大部份有自閉症的家長, 佢地在報幼稚園普通位的時候有無同校長講佢地的情況 !??!?
有好多家長無講到, in的時候小朋友無發脾氣就即刻收(因為佢地有d認字/顏 ...

我個仔去in 大埔聖x祿時, 仔仔校長有校長問, 自己有自己答, 校長即時話像他這麼有[個性]的小朋友, 不適合她們學校, 她們也handle不了->感覺她們不是很有愛心(當時未確診) 收我都不敢讓仔仔讀!
我相信有情緒問題, 就算唔係A仔, 很多學校都怕麻煩及影響其他同學而不敢收, 但無情緒問題及大的智力問題的A仔, 學校知道的話, 我覺得收的機會最多都是一半半!
我會選擇儘量在K1前教好個仔 , 如話他認知及語言能力都漸漸追上, 學校又收佢的話, 我唔會自己刻意話俾學校聽佢係A仔 , 如果他的能力都真的追不上, 勉強無幸福, 我會俾仔仔入S或I位, 始終要以真的幫到他學習為首要考慮, 自己的心理關口要自己解決, 面對現實才是最重要, 我只想他將來可以好D, 其他都不再重要了....

作者: longheifung 時間: 11-6-21 00:54

其實我真係好爭扎係咪考慮政府s位,i 位就不考慮了,因為聽好多人說e位有媽媽在家幫忙,效果好d,而i位如果遇到無愛心的老師,學習效果一樣唔好.所以一直排e位,但排了年半,未有位,仔仔惟有上私人言語治療.有問過社工可否改排s位,佢話仔仔情況不是太嚴重,只是有自閉特征,而不是典型自閉,無須安排上s位,況且可能排到佢k3都仲未有位,所以建議我繼續排住e位先.
好多人都說s位易入難出,怕走錯了路!
佢9月升k2,因為在原本學校讀k1,老師明示不太適合繼續讀,所有惟有轉校,最慘係個仔只懂部份單字,又有情緒問題,校長都怕煩,唉!

作者: apple~y 時間: 11-6-21 11:22 標題: 回復 1# longheifung 的帖子

其實你可以同小朋友番s位暫托
就知s位運作如何,真的不是易入難出
我之前都係排e位,小朋友係發展遲緩
就係0個類學習被動,遊魂,
係主流番k1(巳經是下午班)進步得太小,
因為唔太大情緒問題,
學校都可以比他一路番
但我覺得長始下去真係唔掂
就早上比小朋友番s位暫托,順便了解s位情況
加上聽了s位主任意見
所以大派位前轉了s位
很開心今年派了位8月入學,係協康會第一志願,中心社工巳來了我做家訪
詳細解釋中心情況,仲話今年畢業小朋友大多數出番去搵k3讀
話我仔仔有兩年時間番,有時間追
社工話好多case 係番i位,到5age幾
都係唔多掂,所以最後轉番s位
但巳經大個無太多時間幫小朋友,就巳經離開
所以你真係好好諗0下
我係2010年1月排位的

[ 本帖最後由 apple~y 於 11-6-21 11:23 編輯 ]

作者: pipi331 時間: 11-6-21 13:08 標題: 回復 2# longheifung 的帖子

提示: 作者被禁止或刪除內容自動屏蔽

作者: pocoyo123 時間: 11-6-21 14:52

longheifung :
你小朋友情緒問題是否會打人? 或自己無故大叫?定係其他問題 ?

自理能力好嗎, 食飯, 穿衣, 去厠所得唔得? 小肌可執筆寫字未?剪紙? 認字?跟大班做手工? 大肌又是否可以?

相信如你搵一間普通幼稚園讀K2, 以上問題學校都會考慮, 或者退一步, 比佢重讀K1, 可能有進步,如免強去K2, 只會浪費多一年時間, 6歲前是小朋友的黃金學習期, 不要因為家長自己無謂的顧慮, 令自己&小朋友後悔

作者: BKVIP 時間: 11-6-21 17:17

原帖由 apple~y 於 11-6-21 11:22 發表
其實你可以同小朋友番s位暫托
就知s位運作如何,真的不是易入難出
我之前都係排e位,小朋友係發展遲緩
就係0個類學習被動,遊魂,
係主流番k1(巳經是下午班)進步得太小,
因為唔太大情緒問題,
學校都可以比他一路番
但我 ...

apple 你就好啦今年派到s位，你個b 几大？佢有咩行為上問題要著重訓練呢？

我個b 已2歲半，今年仲未派到... 要等下年到時佢已經3歲半啦，依家我咩訓練都未排到...

作者: JJran 時間: 11-6-21 23:32

原帖由 BKVIP 於 11-6-21 17:17 發表

apple 你就好啦今年派到s位，你個b 几大？佢有咩行為上問題要著重訓練呢？

我個b 已2歲半，今年仲未派到... 要等下年到時佢已經3歲半啦，依家我咩訓練都未排到... ...

有無考慮私人S位, 協康的私人位比較好, 我囝囝5月中確診, 四圍搵, 6月初開始返樂X教室, 都幾好, 有進步, 但其他媽咪話邁X唔好...因言語治療及職業治療要另俾錢加~
我仔仔有N1收左8月中入學, 但28個月確診時醫生即刻幫佢排S位, 樂X的校長話佢又唔係完全唔望人, 但理解能力差D, 因他除左唔肯飲水同少少遊魂外, 情緒很穩定, 校長說他基本上都很乖!
雖然私人S位真的很貴, 但我仔仔的情況可能不適合N1, 同老公商量過返N1如其學唔度野, 不如先返半年私人S位再看情況轉返一星期兩次訓練小組及治療, 再自己做家居訓練 (我9月份去學自己做家居訓練, 有興趣一齊上嗎 ?)

作者: pipi331 時間: 11-6-22 04:12 標題: 回復 2# BKVIP 的帖子

提示: 作者被禁止或刪除內容自動屏蔽

作者: JJran 時間: 11-6-22 11:28

原帖由 pipi331 於 11-6-22 04:12 發表
去您心儀的s位中心申請暫託,同時s位第一間揀佢. 系果間嘢度坐暫託到有正式s位為止. 咁樣可以最快攞到比主流好的人手比例又平過私人s位. 到輪到時您同小朋友都熟哂中心環境, 慳到時間... ...

贊成! 如果經濟唔許可返私人s位, 返心儀的s位暫托都幾好, 我未搵到私人s位時返了兩星期暫托, 你可以打去問, 姑娘會要求你帶囝囝一齊去俾佢地見一次, 我帶囝囝去大埔果間協康的特殊幼兒中心, 覺得環境都唔錯, d姑娘好多都上左年紀, 同佢地傾覺得佢地幾有經驗同愛心, 如果派到位我會囝囝入讀到佢地認為可以轉主流為止, 暫托時間由你地商量決定, 因佢地唔係常常有暫托空位, 收費方面幾十元一日同住公立醫院價錢差不多! 但留意是你的小朋友可同其他s位小朋友一齊坐在課室內, 可玩玩具, 但沒有訓練及只屬旁聽生! 若要訓練要另外自己出去補 !

作者: owl_2046 時間: 11-6-22 14:21

S位唔係想像中咁恐怖, 亦唔係易入難出.
佢地係用程度分班, 有D小朋友係可以轉番出去讀普通幼稚園, 可以hold住個S位一頭半個月先, 只要你仔能力可以, 又有學校收就可以放棄S位.
S位教師,姑娘都好理解我地呢D小朋友情況, 愛心同耐性相對較好, 出面果D幼稚園老師又點做到. 加上3T齊全, 你又可以跟堂. E位對我個仔黎講真係學唔到野, 我仔都係由E位轉S位.
以我所知"保良局"幼稚園係唔會"選擇"學生, 你可以試下.

原帖由 longheifung 於 11-6-21 00:54 發表
其實我真係好爭扎係咪考慮政府s位,i 位就不考慮了,因為聽好多人說e位有媽媽在家幫忙,效果好d,而i位如果遇到無愛心的老師,學習效果一樣唔好.所以一直排e位,但排了年半,未有位,仔仔惟有上私人言語治療.有問過社工可否 ...

作者: longheifung 時間: 11-6-24 01:20

owl_2046:
"保良局"某幼稚園都選學生,因為校長已即時拒絕

作者: longheifung 時間: 11-6-24 01:24

pocoyo123:
我仔大小肌ok,吃飯穿衣等都ok,去大小便ok,不過在學校就不太敢表示,所以老師要求他穿片回校,夜片也已戒
認字方面不錯,已認了很多中英文生字,不過未識講,只有個別字識讀

作者: longheifung 時間: 11-6-24 01:26

pipi331:
佢認字不錯,只是講不到,現在階段只是說到少少單字

作者: longheifung 時間: 11-6-24 01:31

JJran:
我的經濟無法去讀私人s位,付擔不起,排政府e位也排了年半,都未有位,仔仔在私人中心上了大半年言語治療,不過開始覺得進展不大,每次上堂都是用玩具/遊戲引他說某一單字,但遇到他無法說的單字,怎說也說不了,他就發脾氣.你學家居訓練?在那裡學?時間如何?因我還要湊細仔(2yrs),未知可否一起學

作者: longheifung 時間: 11-6-24 01:36

近來仔仔在學校有打老師的行為出現,不知為了什麼,以前沒有的,近期卻總是有意打老師,我每次都狠狠罵他,叫他要尊重老師,他總說"知",但情況未有改善,老師表示沒有罵過他,不知為何他會這樣做,唉,好頭痛,在校打人是很嚴重的問題,如果比其他學校知道,邊有人會收?

s位暫託?我都可以試下考慮,不過只是旁聽,沒有訓練,不知他可否安定坐下來

作者: JJran 時間: 11-6-24 12:25 標題: 回復 2# longheifung 的帖子

我是報讀9月份(日間密集8日在油麻地上午10:00時左右上半日課), 另外暫托等資料我放在家裡, 請pm我可電話傾傾比較清楚!

作者: STMFHH 時間: 11-6-24 13:06

JJran: 我有興趣報讀, 可否給我多些資料 ... 9月份(日間密集8日在油麻地上午10:00時左右上半日課) thanks.

作者: pipi331 時間: 11-6-24 13:15

提示: 作者被禁止或刪除內容自動屏蔽

作者: apple~y 時間: 11-6-24 14:47

原帖由 longheifung 於 11-6-24 01:36 發表
近來仔仔在學校有打老師的行為出現,不知為了什麼,以前沒有的,近期卻總是有意打老師,我每次都狠狠罵他,叫他要尊重老師,他總說"知",但情況未有改善,老師表示沒有罵過他,不知為何他會這樣做,唉,好頭痛,在校打人是很嚴重 ...

你可以就0甘打去附近s位中心,問有無暫托
真係經濟好多,雖然小朋友係跟住上堂
始終人手密集些,仔仔小0左遊魂坐定定一起上堂
姑娘都會講比我聽仔仔上堂情況,
當多個環境刺激都幾好
我之前都有番私人s位,但錢都係問題頂唔到好耐

[ 本帖最後由 apple~y 於 11-6-24 14:51 編輯 ]

作者: shaniachan 時間: 11-6-24 15:05 標題: 回復 5# longheifung 的帖子

可以問下老師每次在他打老師之前發生過甚麼事情，不善表達，往往因情緒而引起了不當的行為。
或留意會否是一些聲音引起的不安。

作者: longheifung 時間: 11-6-28 01:02

JJran:
我唸我去唔到密集訓練,因為我仲有個細仔要湊,佢未返學,要TAKE CARE佢.

作者: JJran 時間: 11-6-28 11:14 標題: 回復 1# longheifung 的帖子

你參加唔到真係可惜, 其實我都係夾硬請no pay leave 去上課, 因最近工人又放假, 仔仔又禁, 我沒辦法唔一直間著請no pay, 同上司講過我因我仔仔的問題可能要常請假, 佢無回應, 但對我態度客氣左, 可能佢自己都有兒女, 會理解我的難處吧! 我上完再話你知有無幫助~

作者: BKVIP 時間: 11-6-28 16:28

原帖由 JJran 於 11-6-21 23:32 發表

有無考慮私人S位, 協康的私人位比較好, 我囝囝5月中確診, 四圍搵, 6月初開始返樂X教室, 都幾好, 有進步, 但其他媽咪話邁X唔好...因言語治療及職業治療要另俾錢加~
我仔仔有N1收左8月中入學, 但28個月確診時醫生即 ...

家居訓練去邊度學？可以俾資料我嗎？我要睇安唔安排到時間。

作者: BKVIP 時間: 11-6-28 16:33

原帖由 pipi331 於 11-6-22 04:12 發表
去您心儀的s位中心申請暫託,同時s位第一間揀佢. 系果間嘢度坐暫託到有正式s位為止. 咁樣可以最快攞到比主流好的人手比例又平過私人s位. 到輪到時您同小朋友都熟哂中心環境, 慳到時間... ...

自從呀仔普通n班勁病，我已同佢停學，食藥食到真係心都痛埋。

你所講既我都問過，決定9月俾阿呀返心儀既s位暫托，我都係好似你咁諗，等佢有野學下，到真係排到佢已唔駛再從新適應。

其實私人s位協康我已排左9個月，但都仲未有位，可以報既課程我全部都報晒，到依家都仲未有位，肯俾錢都無位

作者: BKVIP 時間: 11-6-28 16:39

原帖由 JJran 於 11-6-28 11:14 發表
你參加唔到真係可惜, 其實我都係夾硬請no pay leave 去上課, 因最近工人又放假, 仔仔又禁, 我沒辦法唔一直間著請no pay, 同上司講過我因我仔仔的問題可能要常請假, 佢無回應, 但對我態度客氣左, 可能佢自己都有兒女, ...

訓練係咪共8日閒日？每日都係上午？即係要請8次上午假？收費如何呢？

作者: JJran 時間: 11-6-28 22:49

原帖由 BKVIP 於 11-6-28 16:39 發表

訓練係咪共8日閒日？每日都係上午？即係要請8次上午假？收費如何呢？

我報左9月12日開班的努力試, 家長一人參加HK$2,780- 夫婦參加平均一人會平D, 8課後會有一節分組學習, 按小朋友年齡及情況分組, 我囝囝係1月初出世大仔~
另外, 私人位我排左邁步同樂天, 樂天先有位, 所以6月開始讀, 有媽咪話柴灣果間協康新開, 她5月報已經排到8月可入學了, 佢地又話邁步唔好, 因密集式訓練課程竟然唔包職業訓練同言語治療要另加...

作者: JJran 時間: 11-6-30 23:46

如果排到S位時, 囝囝的能力仍未達標, 我會俾佢入~ 自己再補D社交訓練, 學術同興趣學習 (如果佢有興趣同能力學我會俾佢試) ~

[ 本帖最後由 JJran 於 11-7-3 23:43 編輯 ]

作者: Anpanmama 時間: 11-7-1 00:49

原帖由 longheifung 於 11-6-21 00:54 發表
其實我真係好爭扎係咪考慮政府s位,i 位就不考慮了,因為聽好多人說e位有媽媽在家幫忙,效果好d,而i位如果遇到無愛心的老師,學習效果一樣唔好.所以一直排e位,但排了年半,未有位,仔仔惟有上私人言語治療.有問過社工可否改排s位,佢話仔仔情況不是太嚴重,只是有自閉特征,而不是典型自閉,無須安排上s位,況且可能排到佢k3都仲未有位,所以建議我繼續排住e位先.
好多人都說s位易入難出,怕走錯了路!
佢9月升k2,因為在原本學校讀k1,老師明示不太適合繼續讀,所有惟有轉校,最慘係個仔只懂部份單字,又有情緒問題,校長都怕煩,唉!

咪鬼唔果啲乜易入難出啦！
要退學邊個阻到你！
3歲幾無語言、表達唔到自己, 情緒當然唔好！
咪鬼等E位啦, 轉過去S位條隊都係用等E位嗰冧把，你再睇吓邊間S位快啲又口碑唔錯, 同社工直接話要轉填表啦！
邊間S位排到邊個期睇吓呢個：http://www.swd.gov.hk/doc/rehab/SCCC%20052011.pdf

[ 本帖最後由 Anpanmama 於 11-7-1 00:51 編輯 ]

作者: jjcow 時間: 11-7-1 05:15

係囉，我都唔明點解有人會咁講？

佢地意思係咪入咗去會仲差咗，變咗出唔番嚟呢？因為見過有Ｄ家長寫話驚小朋友學埋Ｄ唔好野... 例如本來唔尖叫會變咗尖叫...

其實有時睇到有人咁寫，自己都好擔心&唔開心，將心比己，或者自己阿仔都有Ｄ唔好野，人地睇咗，學咗，個心會怨自己個仔。

原帖由 Anpanmama 於 11-7-1 00:49 發表

咪鬼唔果啲乜易入難出啦！
要退學邊個阻到你！
3歲幾無語言、表達唔到自己, 情緒當然唔好！
咪鬼等E位啦, 轉過去S位條隊都係用等E位嗰冧把，你再睇吓邊間S位快啲又口碑唔錯, 同社工直接話要轉填表啦！
邊間S位排到邊個期睇吓 ...

作者: pipi331 時間: 11-7-2 02:15

提示: 作者被禁止或刪除內容自動屏蔽

作者: longheifung 時間: 11-7-4 00:31

多謝大家意見

歡迎光臨教育王國 (/)