教育王國
標題: 沙呂學生扣分制 [打印本頁]
作者: ACCWING 時間: 11-9-21 22:14 標題: 沙呂學生扣分制
沙呂小新人事新作風，對學生實施學生扣分制，不守秩序，遲到，校服不整齊，欠帶用品，欠量體溫，欠圖書，逾期交飯單，欠交回條及其它都要扣分。
作者: happyfitfit 時間: 11-9-21 23:29
原帖由 ACCWING 於 11-9-21 22:14 發表 
沙呂小新人事新作風，對學生實施學生扣分制，不守秩序，遲到，校服不整齊，欠帶用品，欠量體溫，欠圖書，逾期交飯單，欠交回條及其它都要扣分。 ...
其實沙呂小也有獎勵劵制度, 還會有機會被邀請與校長一起開 cookie party之類的party等. 有獎有罰也不錯的.
作者: ABC-DAD 時間: 11-9-22 00:22
一套消極的訓導方向。懷念以前嘅關愛，合作同體諒。
作者: ACCWING 時間: 11-9-22 00:39
原帖由 happyfitfit 於 11-9-21 23:29 發表
其實沙呂小也有獎勵劵制度, 還會有機會被邀請與校長一起開 cookie party之類的party等. 有獎有罰也不錯的.
作者: daidai 時間: 11-9-22 11:32
我buy 呢個計劃, 可訓練小朋友自我負責任, 自律, 宜家啲小朋友被大人寵壞, 造就好多港孩, 愛鍚子女係啱, 但好多時照顧得太全面, 令小朋友冇機會自己照顧自己, 為培養優等孩子, 請大家一齊努力.......
作者: fkkfi 時間: 11-9-22 11:40 標題: 回覆 4# ACCWING 的文章
新人事當然有新作風! 但係見校長馬不停蹄約見家長收集意見, 我相信如果唔work o既措施一定會修改或癈除. 的確扣分制給我不少壓力, 但習慣過後, 一切又如常. 但值得一讚的是小朋友為著增取多些獎勵劵, 看到他們努力做整齊功課, 俾心機溫默書, 更有一些小朋友為著得到獎勵劵而小息時間去英語室找外籍老師玩, 那也不失為一件值得讚的事.
他們為著所儲得到的獎勵劵, 實在很興奮.
作者: happyfitfit 時間: 11-9-22 12:55 標題: 回覆 6# fkkfi 的文章
原來可以小息時間去英語室找外籍老師玩, 等我鼓勵囡囡與同學仔一起去試. 
作者: silverplate 時間: 11-9-23 16:31
提示: 作者被禁止或刪除 內容自動屏蔽
作者: daidai 時間: 11-9-23 17:45
我也是雙職家長, 小朋友合作我相信係可以做得到的, 紀律, 責任係要從少培養, 唔通要等上中學先開始做????? 你估到時會點????
每項制度都會有人贊成, 有人反對, 學校進行得呢個計劃我相信佢預計成效係對小朋友有幫助, 再講學校也有好多獎賞計劃的, 有獎有罰好公平喎....
[ 本帖最後由 daidai 於 11-9-24 08:35 編輯 ]
作者: silverplate 時間: 11-9-23 20:04
提示: 作者被禁止或刪除 內容自動屏蔽
作者: Beloved 時間: 11-9-26 08:58
今年新制度有很多，有賞，有罰．
可是「罰」的制度多過「賞」的制度．而且賞的制度一值都有，如：閒時與外籍老師談話、校長共膳、party……等等，只是轉了轉形式，學生亦十分開心和關注！
罰的制度看似讓學生品德提升，可是最受影響的是較弱的學生，他們既難以有「賞」，更活在「罰」的恐慌下。
希望「有教無類」、「因材施教」
作者: phibow 時間: 11-9-27 16:47
原帖由 ACCWING 於 11-9-22 00:39 發表
我住在沙呂對面,我同座有幾位沙呂學生，家長都說扣分帶來壓力，每個父母都希望自己兒女可自己獨立處理自己的事，鄰居陳太個女沙呂升小六，陳太在尖沙咀工作，夜更收工要晚上12點走，有需要時仲要飛的士返家，因為個女驚扣分要等呀 ...
通告唔一定要媽媽簽, 爸爸都可以簽
雖然我都唔係太BUY呢個扣分制度, 不過某程度真係可以令學生提高自理同責任心, 以係鄰居個CASE, 阿女就係因為唔想被扣分而等媽媽回家簽, 比著上年, 阿女會唔會咁等呢, 會唔會由媽媽唔簽就算呢, 如果我係呢位鄰居, 我會教個女將D通告擺係一個特定位置, 我回家就會簽, 第二朝由阿女放回書包
[ 本帖最後由 phibow 於 11-9-27 17:01 編輯 ]
作者: phibow 時間: 11-9-27 17:01
原帖由 silverplate 於 11-9-23 16:31 發表
呢個計劃係可train小朋友, 但難為要返工家長, 當然不及全職媽媽照顧週到, 小朋友做唔足仲有呀媽補球.
但此舉亦令小朋友返學戰戰兢兢, 再也不能說是愉快學習, 小朋友偶然欠交東西, 除他本人不小心外, 亦有機涉及外在 ...
沒有那麼嚴重吧, 感覺在監獄中
呢個扣分制度係希望學生提升自理同責任心, 我明白作為一個家長都希望仔女係完美, 人生係冇污染, 但你唔比佢地跌過, 佢地又點會長大呢
作者: Hcmama928 時間: 11-10-13 00:28
我唔覺得呢個計劃可以幫到同學, 反而增加左家長嘅壓力. 以前無扣分, 家長會放心放手俾小朋友學習自己處理家課, 收拾課本, 同學若果忘記帶嘢, 被老師寫手冊, 已經有警惕作用. 但依家學校吓吓要扣分, 扣分愈多, 會影響操行分數, 分數又會反映係成績表上, d家長仲點敢放手, 真係一分都不能少!
有d較弱嘅學生, 扣分制只會令佢地同其他同學嘅距離愈拉愈遠, 永無翻身之日, 仲講咩"有教無類"! 對呢D同學
嚟講, 並無鼓勵作用!
學校以學生是否記得帶物品, 作為評估學生操行嘅做法, 理念上亦有問題, 因為粗心大意, 唔應該等同操行差, 呢個唔係一個公平的評分方法.
作者: coco_destiny 時間: 11-10-13 13:16
原帖由 Hcmama928 於 11-10-13 00:28 發表
我唔覺得呢個計劃可以幫到同學, 反而增加左家長嘅壓力. 以前無扣分, 家長會放心放手俾小朋友學習自己處理家課, 收拾課本, 同學若果忘記帶嘢, 被老師寫手冊, 已經有警惕作用. 但依家學校吓吓要扣分, 扣分愈多, 會影響 ...
個人認為入得這間學校就應該信任學校,校長一定是想攪好間學校及教好班學生的,如果在小時侯都守不到學校規矩,將來長大後怎樣守社會法律呢?
難道將來子女出來社會工作遇到問題仍然需要父母出面幫忙咩?我相信學校會以很多種不同因素作為評估操行分的標準,不會單單因為忘記帶東西而斷定學生的操行。
家長亦都不需要『小題大做』,其實要帶齊東西上課,本來就應該是學生的責任。
作者: Hcmama928 時間: 11-10-14 00:18
教好學生可以有好多方法, 只不過分消極同積極2種. 消極方法是扣分, 積極方法是鼓勵. 總唔相信唔用扣分方法就教唔好d學生, 不過就要睇領導人d功力!
作者: coco_destiny 時間: 11-10-14 11:49
原帖由 coco_destiny 於 11-10-13 13:16 發表
個人認為入得這間學校就應該信任學校,校長一定是想攪好間學校及教好班學生的,如果在小時侯都守不到學校規矩,將來長大後怎樣守社會法律呢?
難道將來子女出來社會工作遇到問題仍然需要父母出面幫忙咩?我相信學校會以 ...
消極抑或積極要看家長如何灌輸給兒女正確信息,我看法這個制度是積極的!好處多纙纙!
好想同大家分享一段經文....
箴言22:6 教 養 孩 童 ， 使 他 走 當 行 的 道 ， 就 是 到 老 他 也 不 偏 離 。
作者: 賓尼糖 時間: 11-10-15 00:59 標題: 扣分制好好
唔係啊!!呢個扣分制好好!!起碼個小朋友會自動自覺check下D野有無帶漏!從小教導佢有責任心.咁樣都係幫下D在職家長!
作者: 賓尼糖 時間: 11-10-15 01:14 標題: 回復 18# ACCWING 的帖子
ACCWING:
你個女唔係今年K3嗎???
http://forum.edu-kingdom.com/viewthread.php?tid=2329951&extra=page%3D1
咁你又知道呢個扣分制唔好。
開學都唔夠半年就話唔好?你都話新人事新作風啦!!可能會好過之前個幾年呢!
作者: 賓尼糖 時間: 11-10-15 01:17
學之前個家長所講
教 養 孩 童 ， 使 他 走 當 行 的 道 ， 就 是 到 老 他 也 不 偏 離 。
作者: 蔚晴 時間: 11-10-17 00:35
我就好欣賞呢個扣分制,以前我囡對所有野都求求其其,樣樣野都話唔緊要,問親佢學校既野都係話唔知,無咩責任感,就連考試測驗都亂黎,而家佢知道要扣分,自理能力好咗!起初可能會有d壓力,但長遠習可以訓練學生獨立,要返工既家長可以唔駛咁辛苦~~~~
作者: coco_destiny 時間: 11-10-17 19:51
原帖由 蔚晴 於 11-10-17 00:35 發表
我就好欣賞呢個扣分制,以前我囡對所有野都求求其其,樣樣野都話唔緊要,問親佢學校既野都係話唔知,無咩責任感,就連考試測驗都亂黎,而家佢知道要扣分,自理能力好咗!起初可能會有d壓力,但長遠習可以訓練學生獨立,要返工 ...
贊成你的見解,真的不想將來小朋友長大後變成不懂負責任的人,現在沙呂少比以往有很大改變,是變得愈來愈好,領導層努力呀!
作者: 蔚晴 時間: 11-10-17 23:53
我起初對學校既事情都好緊張,但慢慢發覺我越緊張,我囡就越依賴,我日哦夜哦,佢當我唱歌,而家佢開始知道,關於學校既野,如果做得唔好就要扣分,所以自己會檢查清楚。
作者: coco_destiny 時間: 11-10-18 12:09
原帖由 蔚晴 於 11-10-17 23:53 發表
我起初對學校既事情都好緊張,但慢慢發覺我越緊張,我囡就越依賴,我日哦夜哦,佢當我唱歌,而家佢開始知道,關於學校既野,如果做得唔好就要扣分,所以自己會檢查清楚。 ...
你囡囡幾年級呀？我囡囡讀三年級，現在早讀好有氣氛，學校似反間學校無禁多閒雜人出入，對學童都安全多了。
作者: 蔚晴 時間: 11-10-18 13:19 標題: 回覆 24# coco_destiny 的文章
我囡係3C班,其實舊年我有想過轉校,因為我囡好似有d力不從心,我見佢都有付出努力過,而且都有些微進步,可能都未係好成績,進展得比較慢,老師仍覺得唔係咁理想,而家學校改革後,感覺校長好似著重學生多咗,以往校長好多方案都係點樣改善學校.
作者: coco_destiny 時間: 11-10-20 14:40 標題: 回覆 1# 蔚晴 的文章
其實小孩子在沙呂小是讀得好開心的,努力呀!
作者: Hcmama928 時間: 11-10-21 01:18
改革係咪著重咗學生多咗, 就真係見仁見智!
以前我知道每級都有老師協助跟唔上嘅同學, 放學之後幫佢地補習, 反而我最近聽到唔少家長話老師已經無時間幫低年級嘅同學補習, 集中火力去補五, 六年級, 因為準備評分試.
以前, 我聽到家長話, 舊校長會為有學習障礙嘅同學, 找尋額外資源去協助佢地! 唔知新校長又做咗幾多?
以前有彈性家課政策, 同學若果有合理原因, 可以向老師申請豁免. 宜家遲交都要扣分!
以前, 家長服務隊陣容龐大, 為嘅係幫老師減省工作, 令老師可以更專心教學, 但宜家學校守衛深嚴, 家長隊人數驟減. 更有家長隊嘅家長話唔夠人做嘢! (聽聞連去廁所都指定要落地下果個, 唔可以去就近果個!) 可想而知, 老師嘅工作量如何! 大家睇吓上次連續開幾晚家長會, D老師日日朝7晚10, 次次家聚, 又係有老師坐鎮, 長此下去, 鐵人都難捱!
以前, 興趣班嘅時間比較有彈性, 有D有心嘅導師願意留耐D時間教導學生, 令進度較慢嘅學生可以得到幫助. 聽聞宜家興趣班限時限刻, 夠鐘就要清場, 其實有時學生因為班務已經遲咗放學, 學校又規定等齊人先至可以上興趣班, 七除八扣, 仲有幾多時間上堂? 最慘係一早已經俾晒上學期嘅錢! 萬一學唔到嘢, 都唔知追邊個!
不過, 宜家一星期中, 有幾日最後一堂可以俾學生做功課, 都不失為一個好措施.
原帖由 蔚晴 於 11-10-18 05:19 發表
我囡係3C班,其實舊年我有想過轉校,因為我囡好似有d力不從心,我見佢都有付出努力過,而且都有些微進步,可能都未係好成績,進展得比較慢,老師仍覺得唔係咁理想,而家學校改革後,感覺校長好似著重學生多咗,以往校長好多方 ...
作者: coco_destiny 時間: 11-10-21 10:33
原來一間學校少了家長服務隊幫手,會冧下來的,真是天大笑話
作者: 賓尼糖 時間: 11-10-21 12:01 標題: 回覆 2# Hcmama928 的文章
你有咁多不滿，你可向校長講，不需係度吹水，你究竟有甚麼目的？
你可轉校！！！
作者: coco_destiny 時間: 11-10-21 12:50
現在也可以向老師申請豁免功課的,有學習障礙嘅同學,同以往一樣, 現在也有額外資源去協助他們,(家長服務隊陣容龐大)以前好多人為左攞個泊車証,泊好架車去SHOPPING跟住接放學,以前興趣班的電腦好多都壞的現在都修理好,好多沙呂小的學生及家長都很熱愛學校的,請不要在這裡胡說八道.
箴言 15:9
惡人的道路, 為耶和華所憎惡. 追求公義的, 為他所喜愛.
[ 本帖最後由 coco_destiny 於 11-10-21 12:52 編輯 ]
作者: 賓尼糖 時間: 11-10-21 13:49 標題: 回覆 1# coco_destiny 的文章
係呀！講得一D都無錯，現在還比以前好，人會進步o的！！
回味以往，倒不如回味自己讀書時代。
作者: coco_destiny 時間: 11-10-21 14:42
如果要講退休校長响到十幾年,咪一様有好多投訴....
非常贊成學校守衛深嚴,
[ 本帖最後由 coco_destiny 於 11-10-21 22:46 編輯 ]
作者: coco_destiny 時間: 11-10-21 18:41
我都明，以前曰日朝6晚4响學校打嚏的家長現在無的反去，緊係唔like格•••••
[ 本帖最後由 coco_destiny 於 11-10-21 18:43 編輯 ]
作者: Hcmama928 時間: 11-10-21 23:02
我都係將耳聞目睹嘅嘢講出嚟, 相信有唔少家長都向學校反映過類似嘅意見, 有無人聽到, 又會唔會從善如流? 無論舊又好, 新又好, 都應該有改善嘅空間, 但係就要小心係唔係矯枉過正, 以致令學生, 家長, 甚至老師受到影響.
沙呂小之所以係沙田區出名嘅學校, 都係舊校長帶領住一班有心嘅老師, 加埋熱心嘅家長一齊建立嘅, 請唔好用一D負面嘅字眼去形容佢地!
我相信你地當日報呢間學校, 都係因為認同當日學校果一套方針, 先至會放D仔女入嚟讀書!
最後, 希望唔好用聖經經文嚟嚇人, 經文唔係攞嚟咁用, 會令好多未信嘅人跌倒! 而且呢度係言論自由嘅平台, 大家只係平心靜氣討論問題, 交流意見, 唔需要咁緊張!
原帖由 coco_destiny 於 11-10-21 04:50 發表
現在也可以向老師申請豁免功課的,有學習障礙嘅同學,同以往一樣, 現在也有額外資源去協助他們,(家長服務隊陣容龐大)以前好多人為左攞個泊車証,泊好架車去SHOPPING跟住接放學,以前興趣班的電腦好多都壞的現在都修理好, ...
作者: 賓尼糖 時間: 11-10-22 00:03 標題: 回覆 1# Hcmama928 的文章
你都知學校開了幾次家長會，又點會無人聽？而你講又不是事實，你先係令學生, 家長, 甚至老師受到影響。新校長以前都係沙呂小教左十年，佢都有份建立。
作者: 賓尼糖 時間: 11-10-22 00:22 標題: 回覆 2# Hcmama928 的文章
咁點解你自己又用一D負面嘅字眼去形容佢地!
你先係破壞校長所建立根基！
作者: coco_destiny 時間: 11-10-22 01:13
詩篇 19:9 N NA
耶和華的道理潔淨, 存到永遠. 耶和華的典章真實, 全然公義.
耶穌的話語是教導人們的只有惡者才覺得嚇人
作者: coco_destiny 時間: 11-10-22 08:36
歪理......係唔需要理會的
(提摩太後書 3:16-17)
聖經都是神所默示的，於教訓、督責、使人歸正、教導人學義都是有益的，叫屬神的人得以完全，預備行各樣的善事。
作者: coco_destiny 時間: 11-10-22 08:38
我都明，以前曰日朝6晚4响學校打嚏的家長現在無的反去，緊係唔like格•••••
作者: fkkfi 時間: 11-10-22 14:01
原帖由 coco_destiny 於 11-10-22 08:38 發表
我都明，以前曰日朝6晚4响學校打嚏的家長現在無的反去，緊係唔like格•••••
嘩! 大家有好多不同意見喎!
不過我想講, 校長叫我哋用教職員洗手間, 係因為如果響走廊行出行入, 有可能影響學生上課(俾著自己上課中, 有人響出面行過都會望吓啦), 當然如果你o既位置去原層洗手間唔會經過有學生上緊課o既課室咪無問題囉!
其實大家可以放心, 因為大家響呢度o既所有意見, 校長都有機會睇到的!
作者: coco_destiny 時間: 11-10-22 20:42
原帖由 fkkfi 於 11-10-22 14:01 發表
嘩! 大家有好多不同意見喎!
不過我想講, 校長叫我哋用教職員洗手間, 係因為如果響走廊行出行入, 有可能影響學生上課(俾著自己上課中, 有人響出面行過都會望吓啦), 當然如果你o既位置去原層洗手間唔會經過有學生上 ...
謝謝正義的你說出真相
彼前4:14你們若為基督的名受辱罵、便是有福的．因為 神榮耀的靈、常住在你們身上。
作者: coco_destiny 時間: 11-10-22 20:47
( 會令好多未信嘅人跌倒)
跌倒果個應該.....係你
耶17:9 人心比萬物都詭詐、壞到極處、誰能識透呢。
作者: shinkazama 時間: 11-10-22 21:53
原帖由 ACCWING 於 11-9-21 22:14 發表
沙呂小新人事新作風，對學生實施學生扣分制，不守秩序，遲到，校服不整齊，欠帶用品，欠量體溫，欠圖書，逾期交飯單，欠交回條及其它都要扣分。 ...
嘩!!!!聽你咁講....小學生真係唔好"守秩序，遲到，校服不整齊，欠帶用品，欠量體溫，欠圖書，逾期交飯單，欠交回條及其它"
小學生的責任真係"小"啦!!!
作者: BTSMing9 時間: 11-10-23 13:06
原帖由 coco_destiny 於 11-10-21 18:41 發表
我都明，以前曰日朝6晚4响學校打嚏的家長現在無的反去，緊係唔like格•••••
果D人心地真係唔好,擺明响到唱衰學校,以前舊校長咪又係好多投訴,又唔見有人幫佢發揚光大.........衰人!
作者: coco_destiny 時間: 11-10-23 18:17
緊係依家好過以前啦! 看得到校長好落力攪好間學校。只係有些害群之馬响到唱衰！
作者: BTSMing9 時間: 11-10-23 19:12
熱愛沙呂小的家長，不要信害群之馬的謊言。
作者: BTSMing9 時間: 11-10-23 19:44
熱愛沙呂小的家長，不要信害群之馬的謊言。-/
作者: 蔚晴 時間: 11-10-23 23:46
可能新措施要一d時間適應,起初一定會唔係好習慣,但我覺得方向係訓練學生解決自己既問題,明白讀書係佢地既責任,校方製造一個可以讓學生有空間而且安全既地方學習和成長,唔係最好咩!＂豁免功課＂可以話有好有唔好,其實做齊和準時交功課,係每個學生最基本,暫時呢三年間,我都唔覺得係好多功課,都ok啦!舊校長咁多年對於建設學校係付出好多,硬件係非常之好,但始終都雖要軟件；我唔明守衛深嚴同家長隊人數多少有咩關係？家長隊唔係自願參加咩？以我所知學校好似向政府申請多咗資助和請多咗兩位老師係幫助學習障礙既學生,個別陪同一d有障礙既學生上堂。我只係想客觀咁去討論,並唔係想開火
~~~
作者: BTSMing9 時間: 11-10-24 10:14
原帖由 蔚晴 於 11-10-23 23:46 發表
可能新措施要一d時間適應,起初一定會唔係好習慣,但我覺得方向係訓練學生解決自己既問題,明白讀書係佢地既責任,校方製造一個可以讓學生有空間而且安全既地方學習和成長,唔係最好咩!＂豁免功課＂可以話有好有唔好,其實做齊 ...
好多謝你的正義分享，我百分之一百同意，你說得一點也沒有錯，事實就是這樣。
我也不想開火的，只是看到有人利用這個原本是給一班愛子女及關心學校的家長發表意見的平台，給人用作造謠生事，打擊學校及校長的地方。
是否舊校長離任了，我們就要把學校聲譽毀壞？
請不要給人利用這裡作政治舞台
作者: 賓尼糖 時間: 11-10-25 10:18 標題: 回復 2# 蔚晴 的帖子
非常同意你的講法
作者: k808964 時間: 12-2-3 14:31
回復 happyfitfit 的帖子
Cookie Party 等的Party要默書滿分才能要入場卷
作者: ABC-DAD 時間: 12-4-28 19:20
本帖最後由 ABC-DAD 於 12-5-4 15:03 編輯
真心講，扣分制引出咁多人身攻擊嘅討論，不少對立面，咁算咩教育，講少少感受就拉到新舊校長的比較，連聖經都出埋去攻擊，點解...我識嘅沙呂小學生會見到同學有需要，會主動幫忙，會照顧其他學弟妹，尊重師長，笑面迎人，現在呢？應該重有.....好多前人建立值得讚許的地方。應該將焦點放在有建設性行為上。立新不一定要破舊。
作者: ABC-DAD 時間: 12-4-29 11:31
詩篇133-1
看哪﹗弟兄和睦共處，是多麼的善，多麼的美。
作者: Flower 時間: 12-5-4 08:08 標題: 回覆：ABC-DAD 的帖子
如改名加分制更佳
作者: ABC-DAD 時間: 12-5-4 14:54
改名唔改內容？本來就行錯路，重棟個錯路標， .....好好 ，加分到逹標就操行C再加就D。其實俾多的時間同指導就得，小朋友唔係一味靠嚇會學好，扣分教左佢避重就輕.....不過有唔同意見就唔受歡迎；算啦，希望唔會成為擦鞋文化啦。教小朋友明理、懂事係要負出嘅； 唔聽話就罸，咁做師長、父母未勉太簡單直接啦。祝福沙呂小.....。
作者: ABC-DAD 時間: 12-5-4 15:07
本帖最後由 ABC-DAD 於 12-5-12 02:53 編輯
Deleted 內容重複
作者: Flower 時間: 12-5-4 18:22 標題: 回覆：ABC-DAD 的帖子
我認同你意見，孩子是係鼓勵下成長，不是嗎？若用扣分方法，他們會得到或學會什麼？是要為了自律，動不動要寫手冊，家長又要有責任簽嗎？究竟是學生責任還是家長責任？以前的獎勵券還有用嗎，儲了幾年，作廢嗎？以前取得一張獎勵券非常開心，還要好好收藏，閒時取出來數數還欠多少張才換到獎証，孩子對我說，我要比心機努力取多點獎勵券。現在若被分便自己抱怨，埋怨父母點解唔提醒一下。
試問問自己小孩，今年學會自律的原因是什麼，點解會自己收拾好書包？他答我怕被老師扣分寫手冊。
成人係工作上，主管不斷捉你錯處，要簽簿記錄，又要老細加簽，無錯，你因此會改過，但是用什麼心情改正？開心還是怕的心情改？
我孩子今年每次找不到書都會大喊，求其他人幫他找，結果全家幫他找。
扣分令他們得益什麼？
作者: ABC-DAD 時間: 12-5-4 19:32
扣分最大的好處，就係訓導工作好易交差。
作者: ABC-DAD 時間: 12-5-4 19:35
好唔好？ 二、三年就現形。
作者: ABC-DAD 時間: 12-5-7 15:09
我以前都好開心入到沙呂小架，題外話，法利賽人係咩人？希望我唔算係啦。
作者: tszyan1001 時間: 12-5-11 14:54
我是路過的，也是宣小學生家長，這扣分制我校已源用多年，所以學生和家長都沒有多大的感受或感壓迫!!!
作者: ABC-DAD 時間: 12-5-12 01:58
本帖最後由 ABC-DAD 於 12-5-12 02:49 編輯
恭喜，我真係投降.....
作者: ABC-DAD 時間: 12-5-12 02:24
有必要強調，對扣分制唔太認同，唔等如唔支持新校長。
前鄧校長亦親在離任前曾表示新校長係有抱負有經驗的資深教育工者，十分合適的接任人。
| 歡迎光臨 教育王國 (/) |
Powered by Discuz! X1.5 |