教育王國

標題: 做完語言評估後,只有6-9個月既程度,唔知點去幫亞仔好?? [打印本頁]

作者: vicky2702 時間: 11-11-1 19:38 標題: 做完語言評估後,只有6-9個月既程度,唔知點去幫亞仔好??

今日係屯門醫院做完語言評估後,姑娘話佢語言只有6-9個月大既程度.但宜家亞仔係2歲9個月大,所以程度上有好大既距離,但係要排等醫生同埋只係介紹左d私人機構比我地叫我地可以去做下d訓練,同埋見左社工排兼收位.其他既都係要我地自己去搵.我想問有無人可以分享一下或者教下我可以點做呢?因為搵一個好既語言冶療師都唔知點去搵好呢?

作者: pocoyo123 時間: 11-11-1 23:35

坊間有好多私人機構有言語治療訓練做, 大部份先要做評估, 再做訓練, 可上綱搵 : 協康會(字號老)但要排好耐, 因很多人等, 基督教服務處心喬, 樂天教室, 邁步, 庭欣(有收費減免),理工大學康復治療, 耀能, 等等

作者: vicky2702 時間: 11-11-2 14:00

我今日都報左協康會,不過佢都係同我講話要等......唔知其他機構會係點既呢???有無人知呢??

作者: Hello101 時間: 11-11-2 14:20

試下才樓上pocoyo123所列出的機構...私人的那些會比較快...

作者: Hello101 時間: 11-11-2 14:21

試下樓上pocoyo123所列出的機構...私人的那些會比較快...

作者: Cman626 時間: 11-11-3 14:44

提示: 作者被禁止或刪除內容自動屏蔽

作者: vicky2702 時間: 11-11-3 16:10

可唔可以分享一下pocoyo123所列出既機構呀~!!因為我搵唔到呀~!!thx~!!

作者: pocoyo123 時間: 11-11-3 17:53

當年我亞仔兩歲, 言語DELAY 1年3個月, 我當時搵左, 基督教服務處心橋, 即有位做1對1言語治療, 約$500/@50MIN, 做左兩年, 之後, 轉左樂天PST, 1對1 約$480/@1HR, 當中, 我仲有同亞仔去耀能, & 協康上小組等等
最主要是睇你想唔想等, 因協康是要等好耐, 你或可一路排協康, 一路上住其他先, 你可考慮樂天, 價錢不太貴, 有一定經驗, 如你不要指定導師好以立即可上堂, 不過, 最好你自己同小朋友親身去睇下比較好

作者: ihpekkleduck 時間: 11-11-4 15:17

我都有排協康, 佢地話評估排 1-2 个月但冶療要排6 月以上！心橋評估等了2个月, 但冶療在評估后立即开始！這些机構都要你在那裡進行評估, 才可以在那裡做治療！
还有其他的:
優質
邁步
HK社區言語冶療中心
新一頁
啓言堂

作者: 方麗娟 時間: 11-11-5 01:57

...........

[ 本帖最後由方麗娟於 11-11-8 20:32 編輯 ]

作者: Laney 時間: 11-11-5 08:56

May I ask which therapist in 心橋? Why u changed center to heep hong? Thanks!

原帖由 pocoyo123 於 11-11-3 17:53 發表
當年我亞仔兩歲, 言語DELAY 1年3個月, 我當時搵左, 基督教服務處心橋, 即有位做1對1言語治療, 約$500/@50MIN, 做左兩年, 之後, 轉左樂天PST, 1對1 約$480/@1HR, 當中, 我仲有同亞仔去耀能, & 協康上小組等等
最主要 ...

作者: pocoyo123 時間: 11-11-5 18:02

laney:
當時亞仔的言語治療師: 黃姑娘(彩雲分校), 上到4歲幾, 排到協康小組, 咪轉下環境.

原帖由 Laney 於 11-11-5 08:56 發表
May I ask which therapist in 心橋? Why u changed center to heep hong? Thanks!

作者: Laney 時間: 11-11-6 12:10

Thanks... afterall, which center do u recommend? are the therapists good and professional?

原帖由 pocoyo123 於 11-11-5 18:02 發表
laney:
當時亞仔的言語治療師: 黃姑娘(彩雲分校), 上到4歲幾, 排到協康小組, 咪轉下環境.

作者: ChattyST 時間: 11-11-9 13:55

治療師同小朋友好講夾唔夾...

作者: checkylam 時間: 11-11-10 11:32

原帖由 ChattyST 於 2011-11-9 01:55 PM 發表
治療師同小朋友好講夾唔夾...

想問點樣先知道治療師同小朋友夾唔夾呢? 是否看小朋友的進度, 一般上幾多堂先知治療師同小朋友夾唔夾? 又或者, 小朋友上幾多堂會發覺有進步呢?

作者: pocoyo123 時間: 11-11-10 16:17

其實上言語治療最多咪每星期一次, 每次50MIN-1HOUR,係呢段咁短的時間裹面, 小朋友學到幾多, 老實講，言語治療師比到家長最好的是,家長學識怎樣在家訓練小朋友，　其實家居訓練先係最主要的，　如果家長只係旨意上堂的小小時間，　而昐望小朋友有大進步，　咁，　搵乜野最ＴＯＰ的導師也白費，　所以，　導師不是夾唔夾小朋友，　正確是家長夾唔夾導師

原帖由 checkylam 於 11-11-10 11:32 發表

想問點樣先知道治療師同小朋友夾唔夾呢? 是否看小朋友的進度, 一般上幾多堂先知治療師同小朋友夾唔夾? 又或者, 小朋友上幾多堂會發覺有進步呢?

作者: Ultrawan 時間: 12-1-13 11:16

提示: 作者被禁止或刪除內容自動屏蔽

作者: desmond100104 時間: 12-2-28 22:54

vicky2702 發表於 11-11-1 19:38
今日係屯門醫院做完語言評估後,姑娘話佢語言只有6-9個月大既程度.但宜家亞仔係2歲9個月大,所以程度上有好大 ...

請問評估只有6-9個月大的程度, 即是你小朋友有無單字或會講幾多個單字到呀?

作者: Janicechong 時間: 12-2-29 09:36

我小朋友21個月時評估言語只有6-9個月的程度,當時好無肋,自己好心急,但沒有家人明白,只有我老公明白我心情.
當時我是照住姑娘比我個List打電話,發覺係好貴及要等評估.我托人排協康言語,其間在協康做"幼兒導師訓練"因他其他發展都有D慢.排了耀能($650/45min),協康($650/50min)及庭恩(可減免).其實現在回看有幾點要注意,

1,由於遲緩得多最好每星期有訓練

2,言語治療師要夾小朋友(即是話是要針對小朋友的問題做訓練,有很多言語治療師只按本旨辨事(如我在耀能遇過),又或不懂得與小朋友相處(如我在協康遇過))如小朋友沒心機上課(沒趣味),不會學到什麼.

3,自己要清楚知道小朋友的弱點(如是發音問題,理解問題,表達問題等)
你可以在家試下

A, 叫小朋友坐好在沒雜物的棹上放不同類型的物品(5-6種),按你的指示取東西給你(可以知道他理解多少)或可否說出所有物品的名稱

B, 要小朋友取棹上物品的功能給你(如用什麼去切東西-他會否取膠刀給你?)或問物品的功能 (如刀是用來做什麼?)他可否回答(如可以,是詞語,還是句子)

C, 要小朋友按你指示去一個地方(如:睡房)取物件(枕頭)給你. (按能力加更多指令)

4,在家要有恆心幫小朋友每日做訓練, 就算未等到訓練都用不同類形的玩具教小朋友, 要記住自己(家長)才是小朋友最好的治療師,而上言語治療師的課是教家長技巧去訓練自己的小朋友(最好自己帶去做訓練,不要叫工人姐姐帶,因工人不會幫你訓練小朋友)

我自己發現小朋友有遲緩,立即退去工作,用這幾年時間幫小朋友跟上其他小朋友的進度.遲緩過了6歲就會有可能被定為"弱智".做父母的一定要為小朋友而努力!

作者: mimi_bbcat 時間: 12-3-2 15:34

回復 Janicechong 的帖子

你好, 我都幫阿囡報左耀能, 我想問下你覺得這間言語治療中心如何?
我每日放工都會跟阿囡(剛2歲)講野, 咩都會講, 但她說話和認知都唔合格.

作者: Janicechong 時間: 12-3-5 11:01

回復 mimi_bbcat 的帖子

我只遇過耀能一個按本子辨事的言語治療師, 我自己覺得每一間中心有好的言語治療師也有沒有愛心的言語治療師,所以我不能評論那一間言語治療中心是否好.

我可以分享在耀能遇過一個按本子辨事的言語治療師的經歷,

第一堂是有一位言語治療師評估,沒有問題, 好快就有位可以幫我仔做訓練,RECEPTION第一堂要我交9堂費用($5000+),我沒帶足夠錢,但先上堂,同評估的言語治療師與做訓練是同一位言語治療師.

佢第一堂訓練係要我個仔講"要"及"唔要",我自己知道我個仔係識講"要"及"唔要", 個言語治療師同我個仔玩玩具,問我個仔要唔要玩, 我個仔每次都會答個言語治療師話"要",玩了15分鐘(我不斷看手錶,因我覺得$600+/45MIN好貴)我以為個言語治療師已經知道我個仔是識表達及講"要"及"唔要",但係個言語治療師又取另一個玩具,問同一個問題"你要唔要",我就出聲同個言語治療師講, "X姑娘,其實我個仔一早就識講"要"或"唔要"架啦." 個言語治療師話"係呀!", 我以為佢會教其他野,好可惜佢繼續問我個仔同一個問題,又過多15分鐘, 佢拿出一張寫功課,要我回家問我個仔"要"或"唔要", 就這樣45MIN完了,我出去同個RECEPTION講我只會付這堂費用,及不再需要佢的服務.

我自己知道如果繼續下去,要用好多錢,這位言語治療師也不能教我個仔講到一句說話,因她不是針對我個仔的問題去教/訓練,佢只是按書寫的去教,而且不聽家長的意見, 這樣是學不成的. 最清楚個小朋友是家長(因我每日對住自己個仔)

我可以給你一些意見,我個仔以前都同你個女差唔多, 首先小朋友要有認知能力才可表達(說出來),有時可能要上一些"幼兒導師訓練"來增加小朋友的認知能力,才上言語治療會比較有效.

最好是自己每日幫小朋友訓練, 由2選1 開始, 首先每一樣小朋友見/接觸到到的東西,你都要介紹比小朋友知,介紹完就立即取兩樣不同物件(要剛介紹完),要小朋友拿其中你指示的東西給你, (如:請你比橙給我(棹上有橙及蘋果),這是一個好方法增加小朋友的認知能力及你會知道小朋友識多少.

同小朋友多玩不同類型的玩具,你要不停用口描述你在做什麼.

希望幫到你!

作者: mimi_bbcat 時間: 12-3-6 11:48

回復 Janicechong 的帖子

謝謝你的詳細回覆, 我會睇下治療師表現如何, 再考慮是否接受這間.
想再問下你,
1) 你用左幾耐時間幫阿仔追番與其他小朋友的進度,
2) 如果我keep住每日放工都教阿囡物件, 唱歌...之類, 是否可以不用上言語治療(因為真是好貴)
近星期阿囡講野叻左, 開始(有時)會跟大人講野

作者: Janicechong 時間: 12-3-8 12:09

1, 每個小朋友的進度是不同, 我個仔正式上言語治療剛1年了,進步好大,但而家還要繼續上,佢快4歲,而家學描述故事.
2, 我覺得言語治療是應該針對小朋友問題幫助你去教小朋友追番與其他小朋友的進度,要看小朋友情況(要評估過),如有需要最好不要放棄言語治療,因小朋友的進度是隨住年齡有不同要求.

作者: mimi_bbcat 時間: 12-3-14 16:59

我囡囡做左評估了, 言語遲左6-9個月, 我已經成日同佢講野, 一齊玩玩具, 但點解佢都是好少講野

作者: Janicechong 時間: 12-3-16 10:06

回復 mimi_bbcat 的帖子

有時我們(家長)也要了解小朋友只是言語遲緩,還有沒有其他問題引至言語遲緩,例如社交方面.如果沒有其他問題,可以當小朋友有要求時(例如佢想伸手想吃餅),這個時候是一個很大的動力教小朋友說話(例如一開始每次要小朋友說"餅餅",才給她(要不斷鼓勵她).當她每次會自動說"餅餅"時,就要求她說"我要餅餅"(一邊說一邊加動作)可以幫助小朋友記憶及明白).玩玩具也是一樣,要小朋友說出名稱才給她.多謝鼓勵,就算說錯了,不要說她"錯了",你只要說正確名稱給她聽(你係唔係想要XX呢?),及鼓勵她有努力嘗試(例如:好叻呀,下次你可以叫XX,就更加叻).如果你話小朋友錯,有些小朋友可能不想再嘗試說話.
希望幫到你啦! 努力呀!

作者: mimi_bbcat 時間: 12-3-16 10:54

回復 Janicechong 的帖子

對啊, 除了言語遲媛, 她認知和口肌都比較弱, 到現在還成日流口水和眼耳口鼻也不懂得指, 多謝你的鼓勵, 我會加油的,
8月返N班了, 我真是擔心她比其他同事笑...咩都唔識又成日流口水

作者: Janicechong 時間: 12-3-16 11:25

回復 Janicechong 的帖子

如果想知更多玩具如何幫小朋友做言語治療,可參考以下LINK關於我的分享.

假想性玩具對兒童的語言發展有很大幫助
http://www.edu-kingdom.com/forum.php?mod=viewthread&tid=2281167&extra=page%3D1

作者: Janicechong 時間: 12-3-16 11:44

口肌方面,
1,要多D比佢咀嚼 (例如:肉類,牙仔餅,中國造的白兔牛奶糖等)
2,又可去問下一D言語治療的CENTER買牙膠比小朋友咬
3,每日2-3次幫小朋友按摩口腔(上下唇,兩邊口腔)
4,用果醬塗在小朋友上下左右咀邊,要小朋友用舌頭舔
5,吃雪糕,但只可用舌頭舔
6,吃或飲一些酸味的食物或飲品例如:橙汁

我知的是有限, 希望幫到你!

作者: mimi_bbcat 時間: 12-3-19 11:20

剛上了一堂, 個治療師借左個牙膠和口琴比我地回家練習, 希望有進步啦!
你說那d磁石, 請問可以邊度買, 請PM我. Thank you!

作者: Janicechong 時間: 12-3-21 10:43

已PM資料給你. 不但治療師叫你做練習(回家每日都要做), 家長也要自己多幫小朋友做不同的練習(如之前有提過私),進步速度會加快.
係呀,我自己都有買一個口琴(在通X大約$39/個,膠面,可吹好多音,我小朋友喜歡吹)比小朋友吹又可帶小朋友多D去公園吹泡泡同其他小朋友溝通吓.
可以(用遊戲方式)同小朋友一齊照鏡, 做不同口部動作叫小朋友跟住你做.
小朋友和家長都要加油!

作者: mimi_bbcat 時間: 12-3-22 10:41

多謝你的資料, 真是好有用.
Thank you very much!

作者: Ultrawan 時間: 12-3-22 11:38

提示: 作者被禁止或刪除內容自動屏蔽

作者: Lavanda 時間: 12-4-15 23:13 標題: 回覆：做完語言評估後,只有6-9個月既程度,唔知點去幫亞仔好??

我仔仔21個月，仲係講緊BB話，連爸爸媽媽都唔識叫，又唔識指眼耳口鼻，教佢又唔聽，我已經同佢見咗姑娘，排緊見醫生，我依家會試下各位媽咪教嘅方法教下佢，希望佢會有進步。我真係好擔心

作者: mimi_bbcat 時間: 12-4-20 12:24

如果是指眼耳口鼻手腳的話, 你可以每日教佢幾次, 如果你個仔唔聽你講, 你可以係佢訓底食奶的時候, 先教佢,..
我仲買左個BB公仔比阿囡教佢, 阿囡現在已經識指和識講了, 不過眼, 耳和手的發音不是太準...

作者: Lavanda 時間: 12-4-20 15:34 標題: 回覆：mimi_bbcat 的帖子

我試下先，多謝你嘅提議

歡迎光臨教育王國 (/)