教育王國

標題: 創價真不讀也吧 [打印本頁]

作者: klm402 時間: 11-12-13 20:43 標題: 創價真不讀也吧

好多人考，就算小朋友表現好亦唔等於必收，呢個道理我好明白！亦預左！
我女係大女，面試當日表現好好，我地住係大圍，下一站九龍塘，返學路程唔會辛苦小朋友係事實！
我哥女女係細b，面試當日所有野都唔做，家姐讀德望！
結果我女係備取生，我哥女女係上午正取生，收生準則，顯然易見！
學校呢種取態真令人側目！九龍塘就一定係豪宅？大圍就一定係平民區？事實我地住緊既屋不比九龍塘樓平！何解依家既學校如此不知所謂，既然如此，何必惺惺作態安排所謂面試比小朋友，不如直接叫我地申報資產來得爽快啦！
呢種學校，最後收我女我都不洩入讀！

作者: lukimama 時間: 11-12-13 21:10

其實面試除左睇小朋友既表現, 仲要睇埋個家長, 運數都好緊要, 同大人見工一樣, 請不要太介懷. 平常心吧了.

作者: 英俊爸爸 時間: 11-12-13 21:16

我住公屋，兩公婆不是公務員，不是專業人士！點解又會收我個仔？

樓主可以解釋下嘛？

作者: minnamy 時間: 11-12-13 21:21

英俊爸爸果然英

作者: fc1111 時間: 11-12-13 21:22

錯了錯了！樓主完全沒有領會自己女女的弱點在哪裡。。。玩這個遊戲卻沒有領會這個遊戲的潛規則，注定樓主會不開心。。。樓主的女女表現好不好先不說，樓主的小侄女可以有offer，跟家產什麼的沒啥關係，那是因為她姐姐是在德望讀，那樣小侄女進德望的機會也就大了，那麼對幼稚園來說，3年後又多了一個畢業生進好小學。。。這不是單單創價的問題，哪家都是一樣的考慮，朋友有小女兒今年進KV，其實她媽也承認面試時表現不好，但是她姐姐剛剛進了MarykXXX（剛剛KV畢業），那就表示小妹妹進MarykXXX的機會很大，所以KV就收了小妹妹。。。。（非喜勿插！）

ps。我女兒也是收到waiting，不過我心平氣和地接受了。

作者: derkin 時間: 11-12-13 21:23

除左睇小朋友既表現, 仲要睇埋個家長，樓主反省吓重好....

作者: chongnicole 時間: 11-12-13 21:29 標題: 回復 2# fc1111 的帖子

有道理！收這類學生有利學校「業績」。

作者: winghinlau 時間: 11-12-13 21:31 標題: 回復 3# klm402 的帖子

我家住Kowloon tong，本人是全職媽媽，大女讀民生，亞仔面試不過不失，最終rejected! 我都唔明啦？
其實面試我只是給小朋友作遊戲，比多些機會給他們看看，平常心啦！

作者: frederica7701 時間: 11-12-13 21:43

自問我個女(7月B)都IN得唔差，有問必答，仲答對晒，但都係REJECT 了。算吧！我早看化了！

作者: leapfrog 時間: 11-12-13 21:44

我地見創幼都係所有開題答哂同做哂, 我地係小康之家, 爸爸係專業人士, 結果都係rejected. 所以真係有好多因數去justify 收or 吾收! 不過, 呢間開心校園可能仲要睇埋其他因數, eg 小朋友夠吾夠天真同有無童真, even吾識答開題都不是大開題. at least 佢要有happy face! so.. not a big deal, 去找一間自己小朋友合適的學校吧!

作者: BBG1 時間: 11-12-13 21:46

老實講，小朋友咁細，我估學校注重家長多D囉！
正常來說，我估學校對大B的要求應該高過細B呢！
GH是私校，有家姐都未必優先入到呢！
塞翁失馬。主會為我們安排呢！

作者: Yipapa 時間: 11-12-13 21:57

Yes good hope and musang are private. There are no advantage to take sibling child.

作者: Littleboat 時間: 11-12-13 22:17

家長覺得表現好啫，可能仲有其他小朋友更好呢？又或者學校要平均收生，如果唔係咁，細b同平庸d小朋友咪冇書讀啦！輸打贏要呢d精神真係唔要得！！！

作者: CacaBebe_C6 時間: 11-12-13 22:27

原帖由 fc1111 於 11-12-13 21:22 發表
錯了錯了！樓主完全沒有領會自己女女的弱點在哪裡。。。玩這個遊戲卻沒有領會這個遊戲的潛規則，注定樓主會不開心。。。樓主的女女表現好不好先不說，樓主的小侄女可以有offer，跟家產什麼的沒啥關係，那是因為她姐姐是在德望 ...

這才是真理, 仲有, 如果亞爸或亞媽都是名小學出身, 就算是咕喱佬, 賣菜婆都一樣收... 這就是遊戲規則.... 無論你個小朋友 in 得有幾叻... 無以上既 "家底" 跟本最多就只係得 waiting... 一樣係輸比果d interview 時又喊又唔出聲既小朋友.... 看化了....

作者: ronniedad 時間: 11-12-13 22:31

其實兒女是自己的, 做咩要將佢地同人地比較? 不管你要比的是什麼. 另如閣下未有細閱此校的宗旨, 格言, 方針, 你再睇番就可能會知道你的反應基本真係同此校唔配合吧. 如你要呻, 相信好多家長都會安慰你, 但看你好像要怪此校沒收你的小朋友就當係人地的問題, 就好像有點兒那個了. 利益申報: 已放棄該校第二階段收生

作者: fatty64 時間: 11-12-13 22:34

我雖然冇in soka, 但係我同老公都係出身自屋村家庭, 唔係讀一等一名校,冇車冇樓, 但係都有offers, 我唔覺得係關事...睇o既係小朋友面試表現, 家長同小朋友o既相處...我覺得樓主唔好抹殺哂所有收o既小朋友都係有背景!

你覺得自己小朋友in得好... 好多家長都會一樣咁覺得, 但係有時就係未必做到學校想要o既~

平常心啦! 天時地利人和!!!

作者: 菠蘿媽媽 時間: 11-12-13 22:42

淨係分大B細B就已經知呢個規則啦...

作者: polarbearlee 時間: 11-12-13 23:04

其實大部份幼稚園收生準則都睇新生未來入名校機會率，傳聞如下。
1. 哥哥家姐讀緊名牌小學。E.G. Maryxxxx, SPCX, LS, DXS, ..... (收襲生必收，直資私校加分)
2. 父母畢業於名牌小學。 (加10分)
3. 所住校網。NET 31, 41, 12 .... (大抽獎)
4. 宗教。天主教,聖公會 .. (加5分)
5. 首名子女。 (加5分)
6. 仔女Interview 時表現, 父母表現，父母職業....

報名表每一格都有用途，所以唔收你仔女唔等於你仔女唔叻，只係幼稚園太現實。

作者: wanleungleung 時間: 11-12-13 23:05

我覺得本身樓主心態都好有問題囉

作者: chongnicole 時間: 11-12-14 00:02 標題: 回復 2# polarbearlee 的帖子

哈哈，真系要第一個小朋友幫吓手入間好學校，等d細佬、細妹無咁辛苦。

家長從醫院歡天喜地接BB回家，誰想到之後揾學校會咁愁，難怪咁多人吳生仔。

作者: Christi 時間: 11-12-14 00:15

>創價係好好的學校.
>而面試係一場賭博,特別係當大多數人都大包圍起勢咁報好多好多KG的時候.賭運氣的成份就越來越大
>面試答晒問題家長表現一流唔一定代表你一定中.因為可能有200個候選人都係咁.
>中,係要表現好+運氣
>如果唔中而嚟怪學校睇人家底(有冇根據先),並得出[不讀也吧]的結論......咁我諗樓主同創價真係冇乜緣亦唔多夾了.

作者: bcf 時間: 11-12-14 00:28 標題: 回復 19# wanleungleung 的帖子

同意。我阿囡in果日得爸爸同婆婆陪同，原先都諗住唔得，但最後都得到pm offer。我同英俊爸爸一樣，無任何背景、亦都只係住响將軍澳（非名校網）。
請樓主放鬆d, 你話哥哥嗰細女in得唔好都收，其實你又唔在塲，會唔會係你哥哥謙虛或要求高先這樣講呢？
又講到哥哥大女讀德望，我記得張申請表無叫我哋填其他仔女讀咩學校，朋友個大仔讀培正，佢話佢都想講，不過老師無問。

作者: yslgirl 時間: 11-12-14 00:32

姑勿論收生準則係點, 我地做家長都係要受架啦. 就算所有幼稚園都開宗名義係收有錢既, 有大機會入到名小既學生先, 貢你又可以咬佢食咩? 政府小學計分夠有首名, 宗教, 世襲分啦, 講到明架, 夠有好多人覺得唔公平咯, 咁又如何? 咪又係要跟遊戲rule玩!

我老公話考幼稚園, 真係識人好過識野, 不過我又咁睇, 識人只係可以入到間好既學校, 識野就跟你一世, 你都無謂太慶了.

作者: klm402 時間: 11-12-14 02:16

今年比女女做大b，呢個遊戲第二年玩了，明白收勻唔收唔等於一切！
每人都有權發表對學校既感覺，沒有既定對錯，我反你撐各有不同，我唔會因你意見不一而評價你有問題！
創價見我哥嫂有問家姐邊間讀，一聽見德望巳兩眼發光，呢啲都係面試時老師給他兩感覺，家住九龍塘不代表一切，但呢個確係好現實大多學校會睇既條件係好多過來人既朋友所分享得出來的！
我女不只呢間係waiting,不明白取生定位，而且競爭事實大！今次完全覺得創价取態在於家住地點同名校效應係最確實我見到知道既事實！上來講預左有挺創价派既人反，那又如何！你覺得佢好米讀，我不會批評你選錯！反正他給我感覺如此，備取生身份後會收不收亦不介意，反正不讀也吧！

作者: carolyan882 時間: 11-12-14 02:55

原帖由 英俊爸爸 於 11-12-13 21:16 發表
我住公屋，兩公婆不是公務員，不是專業人士！點解又會收我個仔？

樓主可以解釋下嘛？

我都係住黃大仙公屋, 我係家庭主婦, 爸爸都係店務員, 但都收我個女喎. 我覺得都要睇彩數, 呀女IN靈糧堂時表現一樣好, 但最後都係後備生.

樓主平常心吧! 唔好一竹高打一船人. 其實其他學校都會有咁既情況, 只是有了比較, 就感覺上覺得不公平.

作者: xiazaimami 時間: 11-12-14 07:58

點解成日話住公屋吃虧﹖
我若是學校
如果2個小朋友表現一樣
我會收公屋那個
因為家境普通，竟也有如此好表現(你估培養小朋友不要錢，不要精力﹖斷估住公屋的應是工作較辛苦的一群)
值得鼓勵和肯定

而且，勢利d諗
收個公屋小朋友，對學校的宣傳價值難以估計
可證明：拿拿拿，邊個話我地睇背景來收﹖公屋都收啦
(有無發現貴族直資被人插時，最鍾意用的擋箭牌是甚麼﹖就係：我地有幾多幾多貧困生，我地為貧困生提供學費減免)

所以，住公屋有著數
反而住得普通的，吃虧﹗高不成低不就，
似乎這也是社會現況
中產最慘

[ 本帖最後由 xiazaimami 於 11-12-14 08:02 編輯 ]

作者: cherryird 時間: 11-12-14 08:56

提示: 作者被禁止或刪除內容自動屏蔽

作者: LUCUSMaMa 時間: 11-12-14 09:19

提示: 作者被禁止或刪除內容自動屏蔽

作者: cwymama 時間: 11-12-14 09:20 標題: 回復 1# klm402 的帖子

我諗未必關地區問題，因為我朋友住元朗都收咗，反而可能係家長與學校理念問題（應該有問點解選擇佢哋間學校），其實你將小朋友裝備得咁好，只要佢讀得開心，邊間都一樣啦！唔好嬲啦，其實你寫得真係有啲過分，但明白你嘅感受，响到寫無所謂，但唔好响小朋友面前講，會影響佢架。希望小朋友可以入讀最心儀嘅學校。

作者: cheungkitty 時間: 11-12-14 13:22

我個仔有讀INTERVIEW CLASS, 老師一早說明創價其實不是考小朋友, 主要看父母的,所以於面試過程中, 你們不覺得考小朋友的東西很淺嗎? 相反問父母的問題比較多嗎?幸運地最終收了我個仔.............所以我覺得面試這遊戲, 不是單單看小朋友的.

作者: porporchi 時間: 11-12-14 13:44

其實我知道樓主好唔開心, 大家唔好咁話佢啦, 比係你, 自己既小朋友係超大b, 等多一年, 表現好, 以為有人收, 結果冇, 所以都要同情下佢既感受

樓主呀, 其實你唔開心, 我地明, 不過你既標題有d 得人驚, 又唔好講到soka不顫也罷!

我申報先, 我小b報左n間kg, 間間都收, 除左soka呀! 我幸運地兩公婆都是叫做有ok既職業, 小b說話能力很高, 住既地點都唔錯, 都冇offer 呀! 聽說soka 喜愛收細b的, 唔知真定假, interview呢個game 算啦...由佢啦!

我小b 去年in 5間, 得1間有offer, 今年in 15間, 14間有? 代表咩? luck 運氣都好重要! 你真係鐘意soka既, 就去寫下信, waiting 下, 其實咁多間學校, 去到5月一定有好多好多位放出來架!

作者: dakkilee 時間: 11-12-14 14:14

我個女in創價都無收，其實開頭都有的唔開心，不過諗深一層，我地住在上水咁遠就算創價收佢，每日要佢咁早起身都好辛苦，所以最後都係在粉嶺近近地讀一間算了，其實做父母為了仔女都會想盡辦法揀最好比佢地，但凡事以平常心去處理是否會開心的？畢竟現在只是開始還有漫漫長路......

作者: w_y 時間: 11-12-14 14:15

有無人超大B 入到創價呢? 有創價學會會友告知: 創價培養小朋友好全面, 不單強調在學術方面成就. 佢地好驕傲能拿到全港XX 幼兒教育獎項(好似仲係政府定特首之類頒發的). 可能就係考慮到有些家長 "鬥心" 太雄, 反而唔符合佢地要求.

呢個標題和內文所言, 以我認識的就讀創價的家長, 學生和會友, 真係唔多符合. 老實講, 真係間學校咁現實, 以其口碑, 所在地段和校舍, 一早唔用學劵, 收貴一貴學費都大把人爭住入.

作者: porporchi 時間: 11-12-14 14:22

講句公道話, 1間kg有咁多老師, 唔可以保證個個老師對教育熱誠, 方向一致!

好多人都覺得名校既老師會係好d, 高d 程度; 村校既老師就有愛心呢, 但事實係唔係呢?

樹大有枯枝, 話唔定樓主亞哥去soka interview時見既老師真係咁樣呢?

講多樣,我既職業係幼稚園老師見到都應該好好好喜歡既, 不過soka 唔收我小b呀!!!!

作者: Christi 時間: 11-12-14 14:33 標題: 回復 33# w_y 的帖子

true. 創價一啲都唔係算死草的學校,亦唔係致力於上位的學校.我之前有機會同佢地設計課程(創價最終因為呢個課程設計而得到政府頒的最佳教育獎)的負責人傾偈,完全feel到佢地份心意.

其實面試主力同家長傾談,我覺得係正路.老實講,大部份3幾歲的小朋友,能力同埋潛力基本相若,家長點帶領佢地,點培養佢地的性格,好有主導作用.創價好重視培育自信小孩,我諗自唔自信,好睇家長的教育同埋價值觀.

講開公屋. 點解成日覺得基層一啲就會冇學校收? 如果大人睇事物咁多框框,小朋友都好難衝得出呢啲框框. 講一個例子,我的一個朋友(住公屋)的女兒,升中時DGS同St.Paul co-ed都收佢. 不如多啲關注子女的發展,好過思考KG面試呢度唔公平,嗰度唔平等...

作者: sumaggie101 時間: 11-12-14 15:15 標題: 回復 30# derkin 的帖子

提示: 作者被禁止或刪除內容自動屏蔽

作者: mimics218 時間: 11-12-14 17:43

提示: 作者被禁止或刪除內容自動屏蔽

作者: Christi 時間: 11-12-14 21:03 標題: 回復 36# sumaggie101 的帖子

the rumors you've mentioned, no offence, is totally unfounded. even it's a consideration of admin, still, totally unfounded. never trust rumors...

作者: dolphinmama 時間: 11-12-14 22:15

哈哈,樓主應該係同佢亞嫂(佢哥哥個老婆唔多岩),今次事件,好明顯係因為收左佢亞嫂個女,唔收佢個B,咁咪唔公平囉,佢覺得好"瘀"呀!哈哈哈~~~~
(以上純粹個人估估下,不喜勿插)

作者: jlbb1 時間: 11-12-14 22:20

提示: 作者被禁止或刪除內容自動屏蔽

作者: leapfrog 時間: 11-12-14 23:19 標題: 回復 36# sumaggie101 的帖子

Yes!! 我小朋友幾間名校都收了, 係呢間無收呢! 其實小朋友當日的表現中上, 全部做哂又答哂! 不過都係rejected! no problem! 沒有打擊到我們的信心!

作者: dada3210 時間: 11-12-15 09:47

其實每間學校收生準則都唔同, 表現好但唔收, 唔代表你小朋友唔好, 只係今年真係有好多人申請, 學位有限! 我見第2 D學校, 唔好計國內家長, 連外國人都有去申請, 所以樓主都唔需要咁勞氣, 平常心面對! IN 左5間, 我到依家都係得1個PM OFFER 咋, 有2間係WAITING, 但我諗咁多人爭, 機會都不大, 之前收到REJECT 信, 都好唔開心GA, 因為我囝當日表現好到, 連老師都讚叻仔, 但結果都係REJECT, 所以唔好俾自己咁大壓力, 輕鬆D面對, 大家一齊加油LA~

作者: lrxsam 時間: 11-12-15 10:44

我都有樓主的感覺...感覺呢間野好表面好直接, 或者d老師唔識收藏啦....哈哈...好現實...
仔仔, 都有in 呢間... 家姐個日都係度, 一來就問家姐邊度讀, 一聽話係屋村小學, 即刻求其in 我個仔....那西到不得了....
仲好, 仔仔現在安心去kv 讀...

[ 本帖最後由 lrxsam 於 11-12-15 11:03 編輯 ]

作者: marie12345 時間: 11-12-15 10:46

還有眼緣都很重要的，不用因為學校不收而失落，向前看吧。

作者: karen55407 時間: 11-12-15 11:05

我分別幫過兩個仔女考創價，大女考到唔讀，細仔都一樣考到，大女讀女校，細仔一啲著數都無，八月尾出世，面試表現也平穩。兩次面試的體驗，我覺得是揀家長，我好清楚學校教學理念，我倆夫婦面試時非常合拍，讓老師感到我們與學校抱有同一理念，同時我們在面試時均表現出好有誠意。

原帖由 cheungkitty 於 11-12-14 13:22 發表
我個仔有讀INTERVIEW CLASS, 老師一早說明創價其實不是考小朋友, 主要看父母的,所以於面試過程中, 你們不覺得考小朋友的東西很淺嗎? 相反問父母的問題比較多嗎?幸運地最終收了我個仔.............所以我覺得面試這遊 ...

作者: BBSG 時間: 11-12-15 12:00

我覺得面試同考試有D唔同。我覺得小朋友唔一定要答到同答案一樣的答案才是好的interview。有時小朋友唔識答但係答出令人意想不到的有趣答案更令老師留下深刻印象（無heart的老師另計）。所以我都係覺得要用平常心去對待。

作者: sumaggie101 時間: 11-12-15 13:27 標題: 回復 6# leapfrog 的帖子

提示: 作者被禁止或刪除內容自動屏蔽

作者: CatEgg 時間: 11-12-15 13:39 標題: 回復 23# yslgirl 的帖子

"識人只係可以入到間好既學校, 識野就跟你一世" super like !!!!

作者: klm402 時間: 11-12-15 22:26 標題: 回復 39# dolphinmama 的帖子

你真想得太多！

作者: klm402 時間: 11-12-15 22:38

我從睇輊住公屋既人，唔好惡意扭曲，我地既年代大多出身公屋！事實依家學校確係現實，呢個係我感覺，你可以唔認同，你可以係創价既支持者，唔妥！呢個題目我發表係基於所知所感，要爭論誰是誰非巳離題啦！離到講我覺得於又話同嫂嫂關係差！咪噤盼人！所以話你真想得太多囉！

作者: leapfrog 時間: 11-12-15 23:35 標題: 回復 50# klm402 的帖子

無錯!!!! 上次去見佢地見到我個仔塊面有少少敏感, 即刻好緊張問乜野黎, 我地話少少乾燥, 佢地之後都好黑面同無誠意地in 我地. 4分鐘吾駛就攪掂! 其實本身都無諗過讀, 所以不收也罷, 至在去睇睇點解講到咁好! 不過, 真係feel 不到佢地老師真係幾有愛心. 至少有兩個係...

作者: Cindyjasper 時間: 11-12-16 00:22 標題: 回復 1# klm402 的帖子

好明白樓主嘅感受, 因舊年同亞仔in 10間, 居然10間都唔收, reject letter都有, 創價係其中一間, 但其實佢interview 表現好好, 全部答晒同做晒老師要求嘅野, 所有朋友都唔信亞仔無學校收, 因亞仔講野好叻, 又聰明.

後來我慢慢發覺原來好多學校會收一D唔答問題嘅小朋友, 但佢哋會乖乖坐喺度, 唔周身郁. 因老師/學校相信佢哋可以用三年時間教識呢D小朋友好多野, 但最緊要唔好一言九頂, 舉一反三, 周圍郁, 周圍走, 影響課室秩序.

其實諗深一層如果我係老師/學校都會選D小朋友係乖乖地上堂, 留心老師講乜, 唔影響課室秩序, 唔周圍攪事, 所以樓主唔好咁勞氣.

如果講唔公平第日考小學咪仲唔公平, 什麼世襲又加五分, 宗教又加五分......記住香港嘅教育係無收生準則, 無公平.

作者: cashcash 時間: 11-12-16 00:55 標題: 回復 3# 英俊爸爸的帖子

me too....

作者: winnie1227 時間: 11-12-16 01:11

樓主的態度............

這樣的態度,又難怪唔收嘅,其實係有少少in 父母嘅,

大家明啦

作者: winnie1227 時間: 11-12-16 01:20 標題: 回復 19# wanleungleung 的帖子

我都係咁諗

作者: bluigugub 時間: 11-12-16 10:24

原帖由 sumaggie101 於 11-12-14 15:15 發表

我都收reject, 但平心而論大心同小朋友表現中上

但我知其中一個創價的收氐準則是:
不收表現A級的...........因為他們自知非一線學校，為免不必耍的行政手續，故只一些他們認為 "必讀" 的小朋友 LOR......

...

oh my god ~

I just passed by but really couldn't help responding to this very "interesting" post ~ with respect, this is one the most ridiculous things I have ever heard of.

really want to ask this parent, are you trying to say you received a "reject" letter because yours is a A-class kid, who is too good for the kinder to 高攀 ... whereas all those being accepted are just "so-so" and beneath your kid?

oh my god ~ how could such thing happen?? I know competition is tough this year, or anyone who receives reject letter would be disappointed, but this should not be the attitude ... ... and this is also a dis-respect for the parents and the kids who did well and get their well-deserved offers from the kinder!!!

Just to avoid any doubt, I never applied to this school ... so i should be considered "neutral" here ! just that it is too outrageous and I couldn't withhold voicing out ...

作者: porporchi 時間: 11-12-16 10:38 標題: 回復 52# Cindyjasper 的帖子

去年我都o係bk呢度見到有朋友話過某些學校會唔收一d睇起來好叻既學生, 即係有d 說話好叻, 看起來好有精神, 好醒神既!

我上兩個月參加左interview class, 老師都話過, 唔好以為講野好叻既smart kids, 下下都爭住答問題既小朋友會一定有人收, 因為學校都未必會收呢d 小朋友, 因為佢地相對地冇靜既學生咁易搞!

至於soka, 我本身睇左佢地既視學報告令我覺得呢間學校真係好好, 所以我都有去in, 問我小b 既問題好少, 只記得問佢圖畫度有2個小朋友係度做咩, 我小b話: 佢地o係度等, 等佢地玩完先到佢地玩, 兩位老師都即時好surprised, 仲話"咁樣你都識講呀"

另外一條問題問佢個媽媽o係度做咩: 佢幫個小朋友, 驚小朋友跌倒 (之後我小b仲做埋跌停地既動作)!

坦白講, 我小b幾多口, 外人睇好似覺得佢幾醒, 但係可能老師未必鐘意呢d 多咀怪! 所以我小b 冇比soka 收呀!

每間學校有佢既收生標準, 我相信既係有d會收d 好active, 有d 會收d 靜既, 比係我係老師, 我其實會揀大部份比較靜, 易handle, 加小部份好活躍, 咁樣就易d o係課堂上handle所有人了!

作者: TerryC 時間: 11-12-16 11:48

我識人係創價做並做我介紹人，表哥亦是在創價讀，我們職業ok,只是仔仔當日表現一般，結果係...rejected.
我都開心因証明依間學校並唔係黑暗收生，今年4000人考收180人，難道樓主真係認為囝囝表現加家長（好重要）表現係好過其他3820個小朋友？平常心啦！我只覺得我囝囝同依間學校無緣，就算我有咁多介紹人而且平日表現幾好都無用。

作者: chongnicole 時間: 11-12-16 14:33 標題: 回復 2# porporchi 的帖子

好多學校中意收所謂「受教」的小朋友，即是可以靜靜地、坐好上堂的。但安靜坐好，有些可能是受教，亦有些可能是呆。

精靈活潑多反應是很好的quality...反而有時教育制度為了種種原因，變成了train個聽話的factory worker，多過educate、培養一個會思考的entrepreneur

作者: Dressup123 時間: 11-12-16 15:15

我有報創價, 唔收都好唔開心, 但睇完咁多有關創價嘅POST, 真係覺得係我哋倆公婆IN得唔好, 返而小朋友IN得好, 有啲內疚累咗佢添!

樓主都唔好咁激氣, 好似大人見工咁真係一山還有一山高, 咁你哥哥有冇話佢倆公婆答問題答成點呢? 會唔會係佢答得比你倆公婆更接近創價嘅教學理念佢哋入到呢?

當然, 我亦好認同IN嗰兩位老師嘅主觀取向, 真係未必同校長/創價咁一致都唔定, 咁就要睇你彩數喇, 所謂一命二運三風水, 講得玄咗添.....不過好似我小朋友咁, 講明今年11月同12月入學試會遭滑鐵盧, 未IN時梗係希望醜嘅唔靈好嘅靈啦, 點知真係連村校都係WAITING, 都咪話唔邪! (有啲off topic)

[ 本帖最後由 Dressup123 於 11-12-16 15:16 編輯 ]

作者: ckhmama 時間: 11-12-16 15:23 標題: 回復 60# Dressup123 的帖子

咁你小朋友而家有OFFER未呀/

作者: szechu2004 時間: 11-12-16 15:33

樓主其實唔使咁激心，創價由以前到而家收生準則都係"你估佢唔到"架啦! 不過我相信同家長背景無直接關係。

記得三年前仔仔面試創價都係俾佢reject左! 我地住係九龍站凱x門，論地點唔俾九龍塘差，我同我先生都係專業人士，仔仔係大仔，PN班個個老師都讚佢乖，夠定又受教，個日面試表演都唔錯架(我地自己覺得啦!)，最後連waiting都無!

冷靜一下，你女女而家先至幼稚園jar，我仔仔而家考小學，真係身心疲累!

作者: Dressup123 時間: 11-12-16 15:44 標題: 回復 61# ckhmama 的帖子

未呀, 全部waiting.

作者: Charlotte_mom 時間: 11-12-16 15:57

讚成, 我姑仔個女, 把口鬼咁叻, 去interview時有d做得好好(佢話, 包括一見到自己張相即將指住講自己個名, 又用晒complete sentence答問題, 動作題亦岩晒), 不過一直唔肯乖乖坐低, 結果係waitlist
而我同事個女係文靜受教型, 都肯答問題但有d部分怕羞唔肯做, 係正選

答得岩晒, 唔等於一定係學校鐘意既類型, 我同意"受教"更殺食

原帖由 chongnicole 於 11-12-16 02:33 PM 發表
好多學校中意收所謂「受教」的小朋友，即是可以靜靜地、坐好上堂的。但安靜坐好，有些可能是受教，亦有些可能是呆。

精靈活潑多反應是很好的quality...反而有時教育制度為了種種原因，變成了train個聽話的factory worker，多 ...

作者: ckhmama 時間: 11-12-16 16:10 標題: 回復 63# Dressup123 的帖子

DON'T WORRY...出年5,6月就會有好多OFFER放番出黎架喇..到時簡到你唔簡呀~ 希望你最心儀個間會有OFFER比你啦..加油呀
!

作者: Cindyjasper 時間: 11-12-16 19:27

原帖由 szechu2004 於 11-12-16 15:33 發表
樓主其實唔使咁激心，創價由以前到而家收生準則都係"你估佢唔到"架啦! 不過我相信同家長背景無直接關係。

記得三年前仔仔面試創價都係俾佢reject左! 我地住係九龍站凱x門，論地點唔俾九龍塘差，我同我先生都係專業人士，仔 ...

真係唔知創價收生準則, 其實佢哋D學生背景唔係特別出眾,唔會因你住豪宅就收你 ; 有家姐哥哥喺度讀都未必一定收, 父母好似都係專業人士喎 ......所以我覺得呢間算係一間實事求事嘅幼稚園.

作者: chingcat 時間: 11-12-17 21:10

O，唔通我個仔當日不停發問問題，所以唔收？

作者: klm402 時間: 11-12-18 18:51

先多謝理性回覆的某一群人，老實講的，我相信好多人都會將呢間幼稚園設為保險線，所以到明年五六月都會有大把位放出來一啲都唔出奇，但今次面試經驗令我知道它不如我起衫所預計的好，相反反感了，倒也是好事吧！不會廢神祈求佢賜予入讀机會！
有人話可能家長面見時所回答的跟學校理念不一，呢個我個人不大認同，其實面見噤多小朋友，有幾多時間可以跟你溝通有關學校理念，耒去不礙於問家長對小朋友期望，我跟哥們回答大同小異，所以更令我質疑他們約收生標準你基於更實質的表面條件！
有啲人認為我既䏲法敏感，甚至偏激！不打緊，人對每—件事既感覺睇法總有不同，大家各取所需！情況好像我好討厭長毛，公文袋等人，但有人覺得佢對先係英雄一樣！
大家都為仔女選認為最好既路，實際上係仔女位置出發是好是錯不得而知，但到底盡了努力就好了！對呢間幼園睇法依然！無論有人不認同也不打緊，反正對錯沒準則！

作者: klm402 時間: 11-12-18 18:54

重點係收既話我都唔會入讀！

作者: BBSG 時間: 11-12-18 20:28

其實你讀唔讀都無人會理會，只不過係睇吾慣你gei態度。點解你等到結果公佈後先出尼個post，一考完又吾出，你尼種輸打贏要gei精神真係吾要得。

作者: klm402 時間: 11-12-18 21:29

你真惹笑！我無需要你理會不理會，我就是講出我的睇法與結論！再者，你明白沒有時間先後次序問題，若不是他出了結果，便沒有我所認為的問題，天下事你認為睇唔過眼的事何其多，認為人家不該的時候，你又何嘗不是硬要將自己睇法強加於別人身上！甚麼叫輸打嬴要，你先看清內容再問吧！如真的如你所說這是輸打嬴要，那我更不應只有對創價—間有如此的評價！

作者: BBSG 時間: 11-12-19 12:29

既然你gum講，我就分析下你個post啦。
第一：如果你小朋友比創價收左我100%sure你唔會post啦，所以你其實系妒忌你哥個小朋友收左而你個小朋友無收而發尼個post。所以我會話你輸打贏要。
第二：你小朋友入唔到你就complain間學校有問題，而你從來無思考過你的小朋友或者系你自己有無問題。我相信面試得好的不會只有你小朋友一個，再者可能你小朋友面試得好好而你面試得唔好都唔知。因為據我了解很多學校對家長的誠意看得很重。
第三：你啊哥個小朋友入左，你話“所有野都唔做，家姐讀德望”講都無人信啦！如果系真，你就去complain下個校長！問是否”所有野都唔做“。如果佢真系”所有野都唔做“而入到。我都幫你去complain個校長。我相信一系你啊哥謙虛，一系你誇張。
第四：絕對唔同意你話住系邊同收生gei關係。我都唔系住豪宅住九龍塘，我小朋友都收左正取生。所以唔好以為住貴屋就一定入！因為有大把人都系住貴屋。黎的面試gei家長就預左比最好gei小朋友。
第五：遊戲規則一早已經定左，一系你就唔好玩，玩輸左就話個game唔fair，gum你又要玩。收生尼D野同見工請人一樣，唔系話樣樣第一就請你，都要你適合個post先得gar。如果一唔收就系度怪人。態度實在有問題，而且一D都唔客觀！
以上純屬個人意見！如有不快請勿見諒！！

作者: karen55407 時間: 11-12-19 16:51

本帖最後由 karen55407 於 11-12-19 17:01 編輯

無論你小朋友幾叻，你見得有幾完美，單憑樓主知道結果後的反應就值得創價唔收你位千金。我有個朋友都閙某幼稚園連面試都無得面試，叫幼稚園等笠，我都覺得佢態度好有問題。

作者: YanYanWai 時間: 11-12-19 17:02

回復 BBSG 的帖子

十分同意, 創價收咗我小朋友, 我都冇reg, 所以我一定唔係創價派..
但樓主分析論點牽強, 偏激!

作者: sumaggie101 時間: 11-12-19 17:30

提示: 作者被禁止或刪除內容自動屏蔽

作者: karen55407 時間: 11-12-20 09:24

家姐讀德望都唔一定收呀妹㗎！德望有幼稚園㗎！如果咁樣，創價應該收晒所有有家姐呀哥讀名官津校，四千個考生，容乜易揀百幾個，首名子女嘅，咪全部唔收到。樓主，你只會估人哋唔收你你的唔関自己事嘅理由，你會唔會自我檢討自己或女兒呢？呢個世上好多同你一樣的人，有啲人比女拔reject，就話間學校點世利，間學校咁差你又去考？你唔讀，大把人等住讀，最好你唔好waiting㖭！

作者: 拾仔 時間: 11-12-20 09:57

回復 klm402 的帖子

我舊年個女考K1都係唔收.......佢咩都識哂諗住實收啦,仲要係大女....點知唔收都好勞氣,我都係公務員啦...反而有朋友個
女咩都唔識....仲發埋脾氣都收.....LEE間都唔知咩學校黎架,,又佢啦唔收就算又唔係D咩咁好GA學校,,,,,所以唔好激氣~~

作者: winwin2012 時間: 11-12-20 12:49

因這種事而唔開心, 有情緒, 會影響小朋友的, 放開D啦!

作者: carfoon 時間: 11-12-20 13:39

回復 klm402 的帖子

已經一兩年無上來BK留言了, 不過見到這個post, 忍不住想講幾句....
我是創幼的用家, 小女今年畢業了.....
見樓主講到"老師聽到是德望, 雙眼發光", 覺得好好笑......老實講, 創幼的確有好多專業人士家長, 醫生律師都會有, 而小女的同學仔, 亦有好多兄弟姐妹是讀名校的, 當然, 亦有部份是讀一般普通村校的(年齡相距較大那些); 而我自己覺得, 老師未至於會因為聽到"德望"而"雙眼發光"吧?? 會不會她的反應只是一種尊重? 相信即使你阿哥說的只是一間村校, 老師亦會做出相對反應的! 會不會是你本人已將此校加了光圈, 特別敏感呢??
創幼的老師都懂得尊重人, 特別是對創幼的學生.....每個小朋友都會學"堅強, 正直,活潑" 的道理去做人!
這是一間充滿關愛的學校, 很和諧, 每個小朋友都非常喜歡上學! 家長之間並非競逐分數, 唔係鬥叻. 相信以樓主的心態, 即使學校收了你的小朋友, 日後你本人都不會覺得開心. 學校或者看得出你這類家長根本不適合創幼吧!
我們做家長的, 要教自己的小朋友正確人生觀, 不必下下好強爭勝, 要有一顆善良仁愛的人, 才是最重要啊~

作者: Christi 時間: 11-12-20 14:20

我不是創價用家,只是看不慣'不讀也罷','都唔知乜野學校','都唔係乜野好學校'的言論.

作者: ckhmama 時間: 11-12-20 16:13

其實樓主需然佢既言論係有D問題..我都認同..但可能佢寫法太直接了..但大家都是家長...都試過,面試過程..如果真係覺得自己仔女IN得好好而唔收..但人地個D IN得唔好既都收..確認係會一有一點兒失望既..可能樓主都係愛子心切同反應大左小小..收左既家長顧然之聽唔入聽啦..佢而家話緊你將會入既心儀幼稚園嘛...但如果對於一D有同樣待遇既家長黎講...其實都有D認周佢既講法既..我小朋友都有去IN呢間..不過係WAITING..但我就真係平常心囉..本身都鍾意呢間學校既..可能自己小朋友當日表現真係唔係咁好..同埋我真係覺得佢係IN家長多D既..問家長好多野..可能係我地答得唔好啦..估物論點都好啦..呢個都係一場遊戲..IN的叻既唔係一定收..IN得唔好既又唔係一定唔收..都係好睇當日既表現,眼緣既..可能你而家問番個老師點解要比WAITING你..比REJECT你..點解收你..佢都解釋唔到..一日咁多人IN..又唔係即時比答案既..仲要等一輪先去決定..你當日點好..個老師都未必會記得你..認得你啦..所以算啦..大家上得黎傾都係為自己仔女好既父母..何必爭論呢? 當然遊戲輸左..你地會開心咩..點都有點失望..WIN左既就顧然之開心啦..大家都係人地度諗下..我覺得樓主其實都係想講下自己對呢間學校既感覺啫..不過佢用詞就真係有少少偏激左既..所以容易引起人不滿啫~

作者: wishwong 時間: 11-12-20 16:27

其實大家心平氣和..

試想想... 面試除咗俾機會學校揀學生都俾咗個機會家長揀學校... 有OFFER既未必好... 冇OFFER既都未必唔好...

就當大家 "因誤會(面試前既感覺)而結合(面試中), 因了解(面試後)而分開" 囉~~

作者: TheWiseMom 時間: 11-12-20 19:31

回復 polarbearlee 的帖子

I didn't apply for this school. But I want to ask: if my son got into, say, a boys' school like LS/DBS/YW, then it would be no help for my daughter? I'm preparing for her K1 application.

作者: Billson 時間: 11-12-20 21:26

klm402 發表於 11-12-13 20:43
好多人考，就算小朋友表現好亦唔等於必收，呢個道理我好明白！亦預左！
我女係大女，面試當日表現好好，我 ...

全香港好多幼稚園、小學、中學等等，我們都吾知佢地啲收生標準。莫非樓主知道 St Paul Co-ed, DGS, DBS 用什麼準則收生？我從來無聽過有家長話此等學校不讀也吧。用個人主觀意願去批評學校收生的決定，只能反映樓主的無知。

作者: lrxsam 時間: 11-12-20 21:39

如果上來唔可以將自己情緒表達，而要避忌得罪某學校，虛假地禮貌週週講D啱聽的話，咁樣係咪就係好呢？我個人唔覺得樓主有什麼大問題喎！

作者: sumaggie101 時間: 11-12-20 22:42

提示: 作者被禁止或刪除內容自動屏蔽

作者: klm402 時間: 11-12-23 09:53

我發表自己對創價既感覺同睇法，我有我既睇法同感覺，你地又有你地支持佢既理由，又唔係要跟支持派既人論輸嬴！但支持派既人去睇人家對你支持既學校有負評既時候又太過專制，說我偏激，只因我太過直接，我點樣想便點樣寫，無甚不妥！說人家不是的時候，看看當中回覆者有啲今本係惡意挑釁的，那又如何，說我輸打嬴要的你有你睇法，in十間只有對呢間有這樣的負評唔係因其餘9間都收，有意見有不滿就叫輸打嬴要呢個係你地自己既定義，我一直都客氣回覆說大家各有睇法並無不妥，社會本身就是這樣，回覆既人呢總如何硬將自己既睇法絕對正確化何不是另一種偏激！說冇証據所以唔應噤講，同樣可有証據說當時嗰兩位老師既取態不在於此? 有好冇好，如何求証！感覺就係感覺，直接了當，再講都係呢句，你有你支持，我有我對佢的不滿睇法！不讀也吧既態度比起邊埋怨邊要求位既來得直接爽快！發表自己對創價既感覺同睇法，我有我既睇法同感覺，你地又有你地支持佢既理由，又唔係要跟支持派既人論輸嬴！但支持派既人去睇人家對你支持既學校有負我我發表自己對創價既感覺同睇法，我有我既睇法同感覺，你地又有你地支持佢既理由，又唔係要跟支持派既人論輸嬴！但支持派既人去睇人家對你支持既學校有負評既時候又太過專制，說我偏激，只因我太過直接，我點樣想便點樣寫，無甚不妥！說人家不是的時候，看看當中回覆者有啲今本係惡意挑釁的，那又如何，說我輸打嬴要的你有你睇法，in十間只有對呢間有這樣的負評唔係因其餘9間都收，有意見有不滿就叫輸打嬴要呢個係你地自己既定義，我一直都客氣回覆說大家各有睇法並無不妥，社會本身就是這樣，回覆既人呢總如何硬將自己既睇法絕對正確化何不是另一種偏激！說冇証據所以唔應噤講，同樣可有証據說當時嗰兩位老師既取態不在於此? 有好冇好，如何求証！感覺就係感覺，直接了當，再講都係呢句，你有你支持，我有我對佢的不滿睇法！不讀也吧既態度比起邊埋怨邊要求位既來得直接爽快！發表自己對創價既感覺同睇法，我有我既睇法同感覺，你地又有你地支持佢既理由，又唔係要跟支持派既人論輸嬴！但支持派既人去睇人家對你支持既學校有負評既時候又太過專制，說我偏激，只因我太過直接，我點樣想便點樣寫，無甚不妥！說人家不是的時候，看看當中回覆者有啲今本係惡意挑釁的，那又如何，說我輸打嬴要的你有你睇法，in十間只有對呢間有這樣的負評唔係因其餘9 評既時候又太過專制，說我偏激，只因我太過直接，我點樣想便點樣寫，無甚不妥！說人家不是的時候，看看當中回覆者有啲今本係惡意挑釁的，那又如何，說我輸打嬴要的你有你睇法，in十間只有對呢間有這樣的負評唔係因其餘9

作者: iantsang 時間: 11-12-23 11:19

本討論區歡迎各位自由發表意見，但懇請大家能保持冷靜討論的氣氛，不要人身攻擊或作出侮辱性的言詞。

由於文責自負，請盡量留意用詞，免生誤會及負上不必要的責任。

不理智的攻擊言論，發言者將被禁言，讓其冷靜。

多謝大家合作!

版主 iantsang

歡迎光臨教育王國 (/)