教育王國

標題: 請教各位熟悉三十四校網的媽咪 [打印本頁]

作者: 大姑媽 時間: 12-9-25 21:34 標題: 請教各位熟悉三十四校網的媽咪

因家中的小女非常頑皮，坐唔定同唔專心，令我非常頭痛。因此想揾間無咁大壓力的小學。以下三間希望各位比少少意見:
合一堂學校: 因住在土瓜湾，驚路途遙遠，未知上、下課的時間如何？課程如何？
基道小學: 校風如何？每天平均多少樣功課？中學派位大如何？
獻主會聖馬善樂: 會否太谷？多不多默書同測驗

謝謝各位

作者: 冬菇仔 時間: 12-9-25 22:06

合一堂 ﹥基道 ﹥獻主會

作者: wonderbaby 時間: 12-9-25 22:10 標題: 引用：合一堂+﹥基道+﹥獻主會

原帖由 冬菇仔 於 12-09-25 發表
合一堂 ﹥基道 ﹥獻主會

我聽幼稚園老師講今年小一9月已有10樣功課喎

作者: 冬菇仔 時間: 12-9-25 22:11

獻主會?

作者: 大姑媽 時間: 12-9-25 23:47

回復冬菇仔的帖子

請問為什麼妳會這樣排呢?

作者: 冬菇仔 時間: 12-9-26 08:31

回復大姑媽的帖子

你不是說要無咁大壓力的學校嗎? 如果壓力不大，一定是二線學校，而二線學校中，合一堂及基道的校風，關愛及支援較好及可取。而兩間獻主會即是本區最谷的。個人對兩間獻主會無好感，印象簡直差差差。

作者: 大姑媽 時間: 12-9-26 09:09

回復冬菇仔的帖子

謝謝妳! 唔好意思，為什麼合一堂會排在基道前嘅？因為呢兩間學校非常少人談論。其實基道是近屋企少少，但我又唔知將來會唔會搬，因為唔係我話事。如果由土瓜湾去公主道返學，會唔會遠咗啲呀?因為我驚要五點幾起身.

作者: ac917 時間: 12-9-26 09:27 標題: 回覆：請教各位熟悉三十四校網的媽咪

會唔會考慮牧愛，聽聞老師們都好有愛心好用心，我都只係曾經住果頭，由街坊聽到返來

作者: 冬菇仔 時間: 12-9-27 08:23

排合一堂係基道前面，係因為升中派位好少少及學校支援好D。

作者: 冬菇仔 時間: 12-9-27 08:35

其實合一堂及基道差不多的，你住土瓜灣可考慮基道。我小朋友的同學仔係基道讀P.1都讀得好開心，她的父母都話D老師好好。係今年叩門的經歷中，兩獻主會俾我的印象最差，我當時即時反應係就算offer都唔讀(同場面試的另外兩位家長的感覺一樣，結果那兩位家長真係收到offer而最終推了)。

歡迎光臨教育王國 (/)