教育王國

標題: 他區中學 (非 Band One 情況) [打印本頁]

作者: jk67jk 時間: 13-2-25 14:54 標題: 他區中學 (非 Band One 情況)

(假設兩間中學級別絕對地相同)
在統一派位階段, 選一間「他區」中學作為第一部份及第二部份的首志願﹐比較於選一間「本區」中學作為第一部份及第二部份的首志願﹐入讀機會會否一樣？

有沒有知道呢？

作者: 安格斯媽媽 時間: 13-2-25 16:34 標題: 回覆：jk67jk 的帖子

機會要視乎熱門程度及隨機編號，我上年是觀塘校網，順利派入第一志願是將軍澳區b1中學，另一個同學第一是本區男校落空入了第二將軍澳中學，但約將軍澳生未必順利入原區b1中學，他區選非熱門校機會有的，但選全港人都心儀他區校會比較微，他區只有少量位，一至十多個要四月才公佈學額

作者: jk67jk 時間: 13-2-25 17:10

回復安格斯媽媽的帖子

原來4月份會公佈所分配學額。
Thanks a lot.

作者: 安格斯媽媽 時間: 13-2-25 17:30 標題: 回覆：jk67jk 的帖子

視乎地區，上年我們借將軍澳區學位，但將軍澳只安排少量觀塘位，有些區會借沙田，但若想靠抽獎入top band1比難

作者: jk67jk 時間: 13-2-25 17:42

回復安格斯媽媽的帖子

謝謝, .... 我不是關注 band one 組別

我相信我開始有頭緒了

心理壓力真有點大, 或許要放棄選擇他區中學作首志願吧

作者: 安格斯媽媽 時間: 13-2-25 18:08 標題: 回覆：jk67jk 的帖子

看錯題目，若非band one會相對容易些，點解要放棄

b2校甲部份不是他區位上年都有學生抽入

作者: jk67jk 時間: 13-2-26 09:42

回復安格斯媽媽的帖子

其實我係睇緊 Band 3.
因為他區有間中學, 太多親友推薦, 而且又識得人讀緊, 知道學校對學習能力較低, 未懂發力的學生很關顧, 真係有心機去推動哩類學生, 所以對哩間他區學校信心比較大。

反觀自己嗰區 (荃灣), 同上述嗰間一樣有英文伸延的Band 3 中學, 始終未有一間令我有信心會肯花時間去跟進學生無心學習的問題。我最怕老師一味只用罰罰罰的方法。講真, 歸入band 3 的學生, 當然有一定的問題, 「懶」的背後可能還有其他因素。只曉用罰, 只會令學生討厭上學, 更加找不到學習的動力。

最近兩年的小學生涯, 已經打擊到他失去學習動力, 所以, 除咗想揀一間學術成績不太差的中學, 還希望慎選一間能真正照顧有不同學習障礙學生的學校。

不過, 如果第二輪統一派位, 選他區中學而獲派位的機會會稍遜的話, 我可能都會選本區中學為首; 始終不想跌入第三或更後的志願。

作者: 安格斯媽媽 時間: 13-2-26 11:48 標題: 回覆：jk67jk 的帖子

本帖最後由安格斯媽媽於 13-2-26 12:01 編輯

懶是很多學生問題，我仔間學校學生都好懶，要學校有方法唔放棄多關懷，同家長配合才會教好學生，b3校咁多推介會唔會競爭大，交通方便嗎?統一階段若屬於你校網他區選擇也可試，但要放最前，否則機會微及浪費，甲部全港10%也可嘗試

作者: jk67jk 時間: 13-2-26 14:23

回復安格斯媽媽的帖子

係, 如果選, 一定放第一志願。

其實口碑好是各有不同, 但因為識人讀緊, 唔係以訛傳訛, 所以感覺真實啲而已。到四月, 知道學額後, 再考慮。

作者: cambo 時間: 13-2-26 16:09

我轉地址由灣仔去東區，呀仔係Band 2，灣仔得鄧鏡波係B2，其餘係B3，好恐怖，

唔搬去東區就誤了呀仔的前途，所以要孟母三遷。灣仔網係啱Band 1女和仔，唔啱中游細路。

歡迎光臨教育王國 (/)