教育王國
標題: K2 全日班下午日程 [打印本頁]
作者: fwsaefong 時間: 13-9-9 11:45 標題: K2 全日班下午日程
本帖最後由 fwsaefong 於 13-9-9 11:49 編輯
阿女今年開始返全日,佢每月學費比佢舊年半日貴差不多 1.5K。由於平時係屋企都係工人湊,加上係獨女想佢多啲時間學習下群體生活,今年都畀佢讀全日…
早幾日,我問返阿女佢下午做啲乜,佢就咁答我:
上午放學;
午飯;
刷牙;
午睡;
摺被;
睇卡通片;
下午茶點;
放學;
本來我都唔期望佢下午班教多好多嘢,但都想佢會用啲時間做多啲練習或上多節運動課。
但聽完阿女個日程,做梗平日係屋企做既嘢,當塘肉都赤哂…
作者: asteroidchau 時間: 13-9-9 15:22
回復 fwsaefong 的帖子
如果是學卷學校, 教育局規定半日班同全日班的課程是一樣的。 至於學費, 貴左既錢, 應該當係「托兒費」, 學校都要俾租金, 同多左責任照顧小朋友, 所以收貴D囉~
全日班的學生我諗適合要返工但屋企又無人可以看管小孩的家長。
又或者D人鐘意返全日係因為想佢接觸多D其他小朋友, 多D群體生活, 雖然只是睇電視同食茶點, 但都有其他同學仔一齊, 社交機會會多左。
所以如果覺得無必要, 返半日可能會較適合, 之後再用D錢用另外半日時間自己報興趣班俾小朋友上。
作者: fwsaefong 時間: 13-9-9 19:41
怪唔得啦,之前我問過老師全日班同半日班有乜分別,個老師口快快答咗我話冇,但之後就話有,梗係有嘢學啦…
本來都想佢多啲群體身活,不過真係太貴,頂唔浦…加上半年前轉咗行,人工少咗成半,要申請學費減免…
可惜學生資助辦事處只計上個報稅年度既收入,計埋舊年份糧,剛剛過咗額…
作者: 已刪除用戶 時間: 13-9-10 17:11 標題: 回覆:fwsaefong 的帖子
本来囡囡都係八月全日k1,佢話比我知午睡後都係睇碟碟,我最後忍唔住轉左半日
作者: fwsaefong 時間: 13-11-5 15:57
回復 toljai 的帖子
學校成日同我講如果轉咗就冇得返轉頭,話好多半日班既人排梗隊插班全日。初初我都以為佢凶我,點知今日送阿女返學,真係畀我聽到有個同級半日班既家長問有冇位轉全日班,個老師又好老實同佢講全日班都有個家長話可能唔讀,但佢前面都有幾個家長排梗隊,要過埋呢個學期先知有冇位畀到你。
唉,學費減免果邊仲未批到落嚟,依家個心都十五十六…
作者: hobby 時間: 13-11-5 16:02
我囡間學校, 如果全日班, 下午起身, 食完茶點, 是要求做好全部功課, 仲有自由活動時間, 可讀故事, 畫畫, 睇電視, 一星期再加一次運動堂
作者: fwsaefong 時間: 13-11-5 16:07
回復 hobby 的帖子
我阿女又唔係,佢規定學校有一半功課係要返屋企自己做,有時佢手快快做多咗,老師會叫停佢番屋企做。
原來佢係校學做功課同食飯都好快,但返到屋企就成日阿支阿左多多借口唔做或嘆慢板﹗
作者: hobby 時間: 13-11-5 16:11
回復 fwsaefong 的帖子
完全明白個個係屋企都係咁上下
阿囡話, 學校食得慢冇時間睇電視喎
作者: superwife 時間: 13-11-5 22:13 標題: 回覆:K2 全日班下午日程
我覺得如果有工人, 應該比仔女番半日, 全日好多其係比在職家長, 幼稚園全日8點到6點, 肯定唔會全日學野, 小朋友都專注唔倒全日啦。
仲有, 你個b 番全日,兩公婆返全日, 工人hea 足全日, 邊有咁多家務做? 話做你都唔信啦, 全日班下午都係瞓覺同 hea, 其實只係幫你睇仔,有工人不如叫工人睇, 指定工人要同佢做啲野,set 定一個星期時間表, 如填顏色、用膠水貼下野、講故事、睇書、去下圖書館、同仔仔去買餸 ( 教仔仔食物,數數,睇數字,價錢等), 當然你唔可以期望太高, 但都可以作為工人既duty, 還可以喺夜晚親子時間時問下仔仔佢今日做咗咩, 可訓練覆述、說話技巧等。一黎唔駛工人hea, 二黎可以慳啲學費
作者: hithit 時間: 13-11-5 23:47 標題: 回覆:superwife 的帖子
我仔也是讀全日制,他學校只有全日制課程,冇半日制。而他下午課程安排如下:
午餐,
午睡,
上普通話堂,
茶點,
等放學, 其間不會看碟, 但可以玩玩具.
我覺學校安排得ok.
作者: 魚王 時間: 13-11-6 00:12 標題: 引用:我覺得如果有工人,+應該比仔女番半日,+全
原帖由 superwife 於 13-11-05 發表
我覺得如果有工人, 應該比仔女番半日, 全日好多其係比在職家長, 幼稚園全日8點到6點, 肯定唔會全日學野 ...
我個仔返全日,昨曰病了無上學,姐姐晚上同我講,個仔企上張凳上想開廚房櫃拿野食,從凳跣了下來。這個是我比個仔反全日的其中原因,你估你個姐姐在家真係看實個仔咩,又米係行左五知去邊倾電話!
歡迎光臨 教育王國 (/) |
Powered by Discuz! X1.5 |