教育王國

標題: 見社工可自己要求s位嗎？ [打印本頁]

作者: cherryyau1209 時間: 15-4-29 22:07 標題: 見社工可自己要求s位嗎？

仔2歲7個月，一個月前同仔去協康會做評估，評估仔有輕微自閉症傾向，言語遲9個月，大小肌遲6個月，心理學家建議排e位。

今日，帶了仔去大口環評估，醫生評估言語大小肌都慢半年，建議e 或i位。

那我見社工可否要求s位？我想仔趁黃金時期做密集訓練，但私人又太貴。

我仔其實講詞語多，大約40-50個詞語，會講媽媽抱抱，爸爸番工，顏色認到好多但係講英文，識唱a-z,生日歌，學校既歌，認到a-z,數字。這樣要求s位可以嗎？

作者: 營養多多 時間: 15-4-29 22:44 標題: 回覆：見社工可自己要求s位嗎？

社工決定唔到，社工都係跟臨床心理學家封信去安排

作者: SWT 時間: 15-4-30 00:00

其實言語慢半年是很小的,很快可追返，真的不用s位！S位是俾D能力較低小朋友

作者: szenana 時間: 15-4-30 03:44 標題: 回覆：見社工可自己要求s位嗎？

我仔仔3歲果時評估有輕微自閉 ,佢之前排s位同e位,4歲返緊e位,其實e位好睇邊一間,我仔返緊果間無野拎返屋企做,一味叫我交費,叫我買迷宮練習比佢做,好在醫院幫我仔仔排左社交小組,返左醫院社交小組講野比之前好在肯合作守規矩同埋望人眼神好在,仲好過返e位,e位一星期一次自己要返屋企同佢訓練 ,s位就日日訓練,幫小朋友度身訂做一個訓練,唔一定能力低先讀s位,果時評估中心醫生剩係幫我仔排e位,佢果時問我仔仔有無學校收,我話無佢幫我排埋s位,如果我選擇我另原讀s位好過e位,就算讀左s位都可以讀融合小學

作者: cherryyau1209 時間: 15-4-30 17:03 標題: 回覆：szenana 的帖子

你好！Szenana ,想問你係邊度評估？我小朋友評有輕度自閉症傾向但心理學家都無建議我地可以排s位

作者: shareholder 時間: 15-5-1 12:11

言唔慢半年好小事, 何必自尋煩惱

作者: lulumelody 時間: 15-5-1 14:42 標題: 回覆：見社工可自己要求s位嗎？

最重要，s位留給真係有需要的小朋友!

作者: legolas625 時間: 15-5-2 13:21

其實同齡刺激都好重要，S位並無社交學，如果小朋友情緒、行為、專注、指令沒有太大問題，留在主流亦是可以，另加ST訓練，大小肌肉其實好易操，日常生活都可以操到。

如果講語言評估，語言治療師會比醫生準確，我仔同你仔都一樣大，最差語言，慢半年。

作者: cherryyau1209 時間: 15-5-2 13:28 標題: 回覆：見社工可自己要求s位嗎？

謝謝大家，其實我仔排緊e位，但排到要成日叫老人家帶去有問題，i位又覺得訓練太小先唸到s位。近排上ST進步好快，希望遲點加埋其他訓練會更好。

作者: legolas625 時間: 15-5-3 09:24

其實無論排咩訓練，最好是家長陪上訓練，學技巧後回家再操，先會進行快，老人家未必講到俾你聽學左咩。

作者: DENNIS201 時間: 15-6-1 08:07 標題: 回覆：見社工可自己要求s位嗎？

本帖最後由 DENNIS201 於 15-6-19 09:35 編輯

小朋友情況唔太嚴重，可能未必排到S位？

作者: KCHK 時間: 15-6-1 09:07 標題: 回覆：見社工可自己要求s位嗎？

樓主, 你仔仔識知能力似乎唔錯，只需要加訓練言語。而且應該要多d 同年齡刺激和社交訓練，所以I /E 都已經足夠了

作者: cherryyau1209 時間: 15-6-19 07:57 標題: 回覆：見社工可自己要求s位嗎？

謝謝大家意見，我小朋友上了3個月ST進步了，不過社交方面未搵到班～

作者: DENNIS201 時間: 15-8-14 07:25 標題: 回覆：見社工可自己要求s位嗎？

最後排左咩位？九月有學番？

作者: cherryyau1209 時間: 15-8-16 12:05 標題: 回覆：DENNIS201 的帖子

最後排左e位，無得㨂報告只可以排e或i位。我同老公決定報多點私人st,ot.有一間幼稚園收左下午班k1

作者: cherryyau1209 時間: 15-8-16 12:12 標題: 回覆：DENNIS201 的帖子

暑假我不用番工，不斷同佢上ST, OT,又帶佢公園玩多點千秋，講野叻左社交好點會同小朋友講野多左，但皮氣差左要求多左又痴身左～

作者: Baby豬1209 時間: 15-9-10 22:43 標題: 回覆：cherryyau1209 的帖子

你好，請問你於那裏做言語治療？我仔2.5歲，協康評估話要做言語治療

作者: 奀珠 時間: 15-9-11 00:00 標題: 引用：其實同齡刺激都好重要，S位並無社交學，如

原帖由 legolas625 於 15-05-02 發表
其實同齡刺激都好重要，S位並無社交學，如果小朋友情緒、行為、專注、指令沒有太大問題，留在主流亦是可以 ...

同意，我仔之前排S位，跟住一直訓練佢，最近去CAC評估，醫生提意I 或E位。
同therapist discuss過，佢覺得如果阿仔入S位會係比較叻嗰㧗，therapist多數會俾多啲attention 俾能力弱啲嘅小朋友，對阿仔嘅attention實會少啲，所以我最終排E位。

歡迎光臨教育王國 (/)