教育王國

標題: 如何同自閉bb戒片 [打印本頁]

作者: cindychui 時間: 15-5-18 13:50 標題: 如何同自閉bb戒片

阿囡9月返普通幼稚園k1,佢好抗拒,點都唔肯坐便盆,又唔肯去真坐厠.頭大....

作者: 營養多多 時間: 15-5-18 14:19 標題: 回覆：如何同自閉bb戒片

咁可能佢未準備好，我仔原本都好抗拒，除咗沖涼之外唔肯入洗手間，之後我每次去廁所都會特登開門比佢可以見到我，如果佢跟我入去，我就會時況轉播咁話比佢知“媽咪坐馬桶、媽咪vv、媽咪冲水、媽咪洗手、媽咪洗面、媽咪擦牙”……之類，之後佢慢慢會知道原來馬桶係用來vv嘅，並不可怕，再之後佢見我坐馬桶，開始會自己講媽咪vv，然後再用玩嘅方式比佢試坐，一步步令佢唔驚馬桶，跟住再同學校同步訓練佢定時去廁所，然後佢開始自己會表達要去廁所。
唔好強逼佢，佢抗拒可能係因為驚，強逼效果差，大家心情都會好差

作者: cindychui 時間: 15-5-18 14:36

回覆營養多多的帖子

Thank you.
其實我都唔慣係阿囡面前坐馬桶vv,突破唔到.

作者: April2019 時間: 15-5-18 15:51

回覆 cindychui 的帖子

媽媽, 要試下啦. 小孩多看才會冇咁驚.
我全屋都係女人, 爸爸成日唔在家. 阿囝剩係見到人坐著 v v, 死都唔肯站著v.
好彩愛心幼稚園老師帶阿囝去男厠望著其他男孩子 v v, 看了一個星期, 又陪佢企足5分鐘等佢試 v. 結果K1開學2星期便成功了.
努力!

作者: 營養多多 時間: 15-5-18 16:20 標題: 引用：回覆+營養多多+的帖子 Thank+you.其實我都

原帖由 cindychui 於 15-05-18 發表
回覆營養多多的帖子

比阿囡睇都叫好d，我嗰個係囝，又係單親，唔單止去廁所，連沖涼都一齊。其實小朋友依家仲細先唔會咁尷尬，等佢再大d，想用呢個方法都唔適合了。
由親近嘅人示範比佢睇，佢會比較容易接受，而且也算係用視覺策略令佢了解。

作者: funghon 時間: 15-5-18 20:41 標題: 回覆：如何同自閉bb戒片

我見訓練中心最初係迫佢坐便厠，然後數十聲，就可俾佢起身。過左一段時間佢就知要vv。

作者: 芒果米池 時間: 15-5-18 20:56 標題: 回覆：如何同自閉bb戒片

仲有一點，係佢唔習慣，加無安全感，所以抗拒。我從來唔關門去廁所，我仔由細細個開始見到慣，亦見慣同學點去，但就係死都唔肯。由2歲開始教，學校同屋企都教佢，都唔得，如果唔得，我會等一排先再教，到而家快4歲，先等成功左大半，係學校會未意比老師知，幾日沒有賴尿，我想講咁耐唔成功，係因為生理加心理都未ready，就算佢肯坐，都係要好用力去運功，先柯到，其間，係屋企未肯入大人廁所，但已經train到自己識去便盆，但褲仔成日都有少少濕，但學校方面，就肯坐廁所仔，不過總係柯唔出。呢幾日好好，學校又柯到，屋企都肯入大人廁所，好開心。我想講真係要一步一步黎，人人都唔同，有人好快，但有人遲遲未ready，我都心急過，但佢未得，迫都無用，當時老師同我都無哂辦法，我都由佢，心諗唔會到5歲到未得嘅去安慰自己，點知呢排，真係有明顯進步，加油呀！

作者: 芒果米池 時間: 15-5-18 21:05 標題: 回覆：如何同自閉bb戒片

初時佢超抗拒廁所，但就唔太抗拒便盆，咁我放哂佢鐘意嘅食物，野飲，仲有違禁品ipad比佢，坐左45分鐘，唔為意柯左，大讚佢，我以為會好快成功，但之後2、3次已經無效，真係好失敗，而且有一排仲忍屎，忍到第二朝先柯，忍到有尿片先柯，所以等到所有野成熟先可以事半功倍，加油呀！

作者: cindychui 時間: 15-5-19 13:44

Thank you All!!!
阿囡嘅視覺能力好好,好多嘢睇咗人哋點做,可以模仿到.
我會俾d時間佢同我自己,大家一齊突破.

歡迎光臨教育王國 (/)