民生書院小學部家長分享 - (高小集中地)

菲媽

Zoey,

11月棟篤交響show 出左詳情啦, 你有冇收到優先訂票表格, 28/7 開始訂購, 但睇唔到有折扣wor! 係咪大小同價呢! 票價有3種 480, 280, 120 又唔想座山頂, 480 又太貴 ….

24/11, 25/11 你話邊日好呢? 唔知會唔會撞測驗考試呢

Heidi 靚媽,

你又真係幾靚wor!   

講起學游水, 菲菲都係怕水一族, 初初學要比多d時間佢地, 唔使太擔心, 但私人教授會比較有依賴, 記得菲菲由暑假開始學, 大約一年一直冇停, 但也未能放膽游, 第二個暑假去左泳會游, 可能係組員既影響下, 進度好快, 但今年就沒有再參加啦……希望明年繼續學啦!

菲媽

Zoey,

一號風球現正懸掛……好擔心呀, 星期六天氣報告話會落大雨, 點算呀?    要做足防雨措施

我打電話去問過, 導師不建議帶零食或糖, 如在活動中吃要和大家分享, 而在活動其間會有小量零食供應, 我想帶少少喉糖防下身, 應該冇問題既.

雖然天氣不穩定, 希望活動順利進行, 她們能盡情投入活動, 體會及享受個中樂趣!

Heidi媽,

你請左呢個工人, 年中可以儲多好多$....

菲媽

Zoey,

唔好客氣啦! 經常要你兜埋我, 我要多謝你就真! 到時我又癡實你! : 你出門口call我啦!

菲媽

Zoey,

紅館$120真係太遠, 相比起大會堂, 我怕效果未必好, 但 jim jim 真係幾好笑, 所以我都有興趣, 請問最遲幾時答你呀!  :

Heidi媽,

我估都有機會撞測驗考試, 不過星期五,六就休息下啦!

菲媽

Zoey,

星期五, 六都ok, 但計計下$280真係貴左d, 你話我姑寒都好 , 都係$120好d, 我想問下Jovie 先, 星期一話你知.

菲媽

Heidi媽,

多謝你! 今日天氣真係唔錯, 希望所有活動都順利進行..

講真話...你地唔好笑我, 我真係好擔心菲菲 , 個心唔係好舒服, 又驚呢樣, 又擔心個樣....做媽咪真係矛盾...有想佢學習下獨立和群體生活 .....佢唔係我身邊又真係唔慣 ...好掛著菲菲呀!

不過我約左朋友食飯, relax 一下, 希望大家都玩得開心啦!  :

菲媽

Zoey, Heidi媽:

去完camp菲菲有d唔舒服, 可能太辛苦, 好似有小小發燒, 所以今日去唔到fun day, 真係唔好意思 , 我唔知會除消, 攪到你地都冇得去tim ….

Zoey,

星期五係咪去元朗睇古蹟, 四年級常識會教香港古蹟, 唔好錯失呢個幾會啦!

24/11 我要2大2小, 唔該哂…

Please check PM.

菲媽

個晚可能哂到慶合合, 臉頰和手臂紅卜卜, 探熱後有小小燒…….可能體力透支, 見佢個樣死死下, 所以想佢休息下 , 現在已經好精神, 多謝大家關心 ……

Zoey,

你幾點上堂呀? 你方唔方便帶佢出去睇maggie上堂, 我放工出去接佢, 又或者我放4:00 但去到北角可能要4:45, 可唔可以等咁耐呢?

菲媽

又想講下菲菲今次去camp, 想同大家分享下.
不過我怕悶親大家. 如有興趣又有時間又有耐性, 請慢慢看.

教練對菲菲的評語是她需要學下獨立, 而且太細膽, 要多多訓練! 明年再參加啦!
唉! 菲菲經常也不用心去找物件….個背囊有多大? 竟然找不到牙刷! 你知最離譜是…..我回家打開背囊, 她的低低褲立時跌出來…..比她激死 :evil: ….平時真係要多d訓練下佢地!

整體上菲菲都好開心, 滿分十分都有八分…….不過真係好辛苦, 遲睡早起, 哂到紅卜卜,.....今次係佢地人生中最大既挑戰….係一個美好既回憶………問佢下次仲去唔去, 菲菲話考慮下….

奪寶特工多元智能歷奇之旅日記
日期: 二零零六年八月五日至七日  
地點: 馬灣環保小島, 馬灣青年營
教練: Wendy姐姐, Cow 哥哥, Candy 姐姐, David Sir
B組: 12人

第一日: 11時正集合.
玩了很多集體遊戲, 如數字雞, 拋手巾, 用腳傳鞋…….
有一個尋寶遊戲, 要分組找路, 自己看地圖和指南計….但遺失了指南計..最後找到二盒珠寶
去到一個魚村, 參觀魚排, 還要訪問村民是甚麼職業? 村民回答: 正職是打麻雀, 兼職是哂蝦醬 ~ 攪到答錯這題
晚餐食公仔麵, 生菜, 還有水果, 食完後要分組自己洗碗…
最攪笑是菲菲食晚餐時, 有一隻大牙突然鬆脫了下來!
最驚險是夜行, 在黑漆漆晚上, 蒙上眼晴, 全組踏住肩膀慢慢行走,  平常只需行幾分鐘的路程 …..竟然行了十幾分鐘….

第一晚在青馬大橋下露營, 全組人合力扎起營幕, 營幕是蒙古包形, 當晚天氣清涼, 景色優美, 只是沒有地方洗澡.  這是第一次露營, 大家心情興奮, 12點多才睡覺, 半夜突然下起雨來, 姜和Maggie也被大雨弄醒, 時間已是二點多, 就因為Maggie 睡在最近門口, 所以衣服被弄濕了, 而菲菲就睡得像死豬一樣…

第二朝5時便要起身做早操, 早餐是菲菲最喜愛食的脆脆米加維他奶…..好美味!
行山時有幾位教練陪同, 地面很濕滑, 菲菲找緊前面的組員, 最辛苦是行石灘, 最不開心是行石灘時菲菲的袋破爛了, 水樽跌了落石灘下, 無法撿回, 幸好有Maggie 借水樽她用 ~下次切勿攜帶20紋的袋去遠足….
最舒服是在碼頭休息時吃午餐: 有麵包, 朱古力餅, 布甸, 蘋果……之後到一個好靚的沙灘下休息.
有一個遊戲叫鐵達尼號, 每組員把一隻鞋放再一起, 只可踏在鞋上, 全組最快到終點便勝出….
晚餐有住家飯食~冬瓜湯最好味……

最舒服是第二晚, 入營舍住, 地方大, 有冷氣, 又有熱水沖涼, 不過要自己整理床單, 十二點才上床, 六點幾便起身, 菲菲說就好似一合著眼2-3分鐘便被人叫醒, 但睡得很舒服.

第三日早餐一定要食3片麵包, 有火腿, 蛋, 茄汁豆, 花生醬選擇….午餐有雞冀, 西蘭花…..
最慘是玩大長碌, 因為大肥仔在上面碌過, 菲菲被撞到好痛, 攪到腳瘀了….又喊了!
最好玩是幾人幾足, 菲菲,Maggie和姜, 3人4足, 全組12人13足, 最後贏左另外一組….
還有攀石活動, 菲菲好用力, 好辛苦才攀到第3格….(總共有9格)
最後用咸水草做了一個草人….
到最緊張的頒獎時間, 每人也有證書, 而B組獲得最後勝利, 每人有2包芝士圈獎品.
下午2:30 在青衣地鐵站解散.

菲媽

Zoey,

唔該哂!

Zoey 寫道:
菲媽 & Heidi媽,

小交既 concert 上星期已經寄左表出去啦, 遲些收到消息再通知大家!

菲媽

Zoey,

我check 過上年學琵琶係九月尾開始, 如果報呢個course 最少要放棄5堂琵琶 , 但又覺得呢個course 好好, 我個心十五十六 ……  

菲媽

Zoey,

參加樂團有不同的體驗, 而音統弦樂團好多時會出外交流, 又可以識更多新朋友, 放眼世界, 真替Maggie 開心.   

菲媽

Zoey, 桃子, Olivia1997,

明天就有分班結果, 希望大家同一班啦!

菲媽

雯雯:
嘩! 恭喜哂! 有咁好消息都唔通知我地開個party 慶祝下!  

雯雯 寫道:
Zoey

係呀!多謝! 桁桁終於入到我既dream school, 直到今日我還像做夢一樣,我覺得這是神給我一家的恩典   

菲媽

hi, beast_jojo, 歡迎你! 日後大家多多交流!

其實我地都想知小一有咩改變, 家長會後可否上來報料, 尤其是測驗考試時間, 究竟是否全級也改2測2考呢?　我記得小一真係冇unseen，唔使擔心！

Joanne2004,

我上年都試過周圍撲書, 心身疲累, 心驚膽怕…..
所以就算有套舊書, 都要在學校買一套, 然後退書就唔使煩…

菲媽

Joanne2004,

只要保持書本新淨原好冇缺, 在指定日子到學校退書, 就原銀原奉還. 我囡囡每年都有幾科係用舊書, 又環保又省錢……   

Joanne2004 寫道:
菲媽,

多謝你的指點,我下次會學精d囉.退書是退錢嗎?還是換其他文具/書籍呢?

菲媽

beast_jojo,

時間過得好快, 小女今年升小四, 我們在這裡交流已踏入第四年....發覺自己老左好多 , 有心冇力, 唯有大家繼續互相支持和鼓勵......

beast_jojo 寫道:
Dear 菲媽,

Thanks for your welcoming.  May I know your kid is now studying which grade?

Thanks,
beast_jojo

菲媽

雯雯,

好呀! 暑假都快過了! 遺憾是未能和大家一聚!

miffy2, Zoey,

快d行動啦! 一於安排最後一擊!

雯雯 寫道:

我也跟miffy2商量,不如遲D開學後來一個gathering,大家分享下!

菲媽

Hi, BHF , 歡迎你!  

多謝BHF & Joanne2004報料! 解釋得非常清楚!  直得一讚
仲有冇其他改變呢? 真係開心學校不斷有改革!   

希望來年所有小朋友都能好好享受學校生活, 開開心心上學, 快快樂樂回家!

菲媽

Lkyma,

你說得對[要以志願派位,唔一定派到原校囉],
以我所知: 如果你是100名內, 只要你是選第一志願, 必能入民中, 其他當然要報'自行'和填選第一志願, 幾會都好大, 今年都差不多有8成升民中, 聽說其他派位都不錯.  

唔知幫唔幫到你呢!

lkyma 寫道:
請教各位,本人不太明白,民幼升民小唔使經派位,因民小係私立,但民中係津貼,味要以志願派位,唔一定派到原校囉,對不對呢