大圍聖母無玷聖心小學好唔好？

CHmummum

是否可以直升聖心書院？

misshk12

雖不是直升，但有聯繫。淨係講校舍已跑贏晒同區小學。

CHmummum

原帖由 misshk12 於 14-10-14 發表
雖不是直升，但有聯繫。淨係講校舍已跑贏晒同區小學。

咁學習氣氛同品德培養如何？
因為將會搬去大圍，急搵緊附小學給囡囡插班，她上年P.1都在級首3名，有機會嗎？

ericby

贏晒培橋

kerkermui

CHmummum 發表於 14-10-14 15:22
咁學習氣氛同品德培養如何？
因為將會搬去大圍，急搵緊附小學給囡囡插班，她上年P.1都在級首3名，有機會嗎 ...

中途插班就難d，但插9月應該唔太難

校舍唯一問題，如果唔坐校車就行餐死！除非你住名城，平台有出口去學校通道

CHmummum

原帖由 kerkermui 於 14-10-14 發表
本帖最後由 kerkermui 於 14-10-14 16:06 編輯

我們會搬去田心村同奶奶住，但都係一年半載，然後會在附近物色單位定居⋯
老公好怕煩，佢朋友話聖心書院好，所以諗住近近地插班聖心小學對將來升中有優勢。
我估聖心係熱門小學，都怕插唔倒班，咁其實仲有咩選擇？有人提議培基，話易入些⋯這間是私小嗎？位置在那？
唉，因為太不熟悉這區校網，囡囡在學業上又好有天份⋯與其亂踫，都有諗過待明年升小三時才轉校。
如果咁，各位爸媽，你們可有建議，除了聖小，是否還可以留意區內某些小學？感謝感謝。



我地都諗過，插唔倒就明年。

kerkermui

回覆 CHmummum 的帖子

難都要試試嘅，但插九月一定易d阿仔同學啱啱插入小二，佢成績唔係特別好，但讀私小，教深半年嘅，有d著數囉

培基可能仲難入，因為係91網大熱，有直資中學，位置响火炭駿景園對上
如果你小朋友成績咁好，試埋沙官小，呂明才嗰d，入到又考得前，真係唔駛煩，沙田大把英中你揀！

CHmummum

Thanks for your information.
今個星期，我會去睇下你所講兩間小學的實際位置和交通。謝謝

Siusiumy

你囡囡學術好, 如果一定要88網 (大圍), 除咗聖心, 可以試埋沙官小同陳元喜, 如果考慮埋91網(沙田), 除了培基, 可以試一呂, 沙呂及一胡, 不過呢幾間全部都係大熱, 要插班都未必有位

Siusiumy

其實沙田校網唔錯, 即使入唔到呢幾間, 無論入邊間, 只要喺小學階段保持好成績 (如全級前列名次), 要入英中不難

samchan2179

原帖由 kerkermui 於 14-10-15 發表
回覆 CHmummum 的帖子

難都要試試嘅，但插九月一定易d阿仔同學啱啱插入小二，佢成績唔係特別好，但讀私小 ...

聖心係好的小學，較傳統，功課多。校舍正。培基係英文數學同科學，如果現在用中文數同科學，就要考慮適應問題，而且可能仲難入。