華仁小學遷東區 恐爆搬屋潮

ppmmbb

東方日報

與傳統名校香港華仁書院屬直屬學校的灣仔區番禺會所華仁小學，擬於三年後落戶東區轉為全日制小學，但校網亦因而由灣仔第12校網改為東區第14校網，令甚受家長歡迎的華仁小學在灣仔校網消失。有家長團體批評當局亂改校網，打亂灣仔及東區家長的選校部署，料將引發「搬屋潮」；因適齡學童人口急跌、被喻為「殺校重災區」的東區校長代表則極力反對，批評教育局此舉是任由華仁小學將來在東區「偷走」小學生，到其灣仔直屬名校升中，進一步「扯薄」學生來源。

教育局向立法會遞交的最新文件顯示，當局擬在北角百福道前丹拿道已婚警察宿舍地盤興建兩所小學，讓兩所半日制小學包括灣仔區的番禺會所華仁小學及東區的北角衞理小學，轉為全日制小學，估計需約六億六千萬元，如獲財務委員會批准撥款，當局計劃於今年第四季展開建造工程，並於二○一八年第一季竣工。而有關基本工程計劃完成後，現時分別在灣仔區和北角區開辦十二班半日制上下午班級的華仁小學和北角衞理小學，將遷往位於北角設有廿四間課室的新校舍。

雲景道北角官小轉入灣仔
教育局表示，華仁小學和北角衞理小學均為政府資助小學，如遷往新校舍，華仁所屬的小一校網將由灣仔第12校網改為東區第14校網；北角衞理小學則維持在第14校網不變。當局解釋，由於灣仔區及東區的地方行政區分界將於明年一月一日起更改，故令現時屬東區第14校網的北角官立小學（雲景道），其小一校網將轉往灣仔第12校網，故認為華仁遷往東區新校舍後，將不會對兩個學校網的整體小學學位構成重大改變。

「偷走」小學生 到灣仔升中
東區學校聯絡委員會顧問羅世光批評，教育局「盲搶地」，沒有理會東區校長的反對，堅持在北角百福道興建兩所小學。他認為，此舉不但會導致百福道一帶在繁忙時段的交通更擠塞，更會導致原本適齡學童人口急跌的東區，在增建兩間小學攤分生源下，區內整體小學的收生不足問題勢將更嚴峻。

羅並指，原本位於灣仔的華仁小學與灣仔的香港華仁書院屬直屬學校，若日後將華仁小學搬到東區，即變相讓該校由東區「偷走」小學生，日後到直屬灣仔名校香港華仁書院升中，「仲要係扯咗批喺東區成績較理想嘅學生走」。

東區家長教師會聯會主席趙明坦言，有關消息對東區家長而言是喜訊，因有多一間受歡迎小學供區內家長選擇，但對灣仔區的家長則不公平，估計或有灣仔區的適齡學童家長為入華仁，或需計劃搬入東區，「始終華仁小學係家長心目中嘅名校」。他批評，教育局僅按地方行政區分界重新劃分校網，嚴重打亂灣仔區及東區家長的選校部署，對兩區的家長均不公平。

ppmmbb

會不會少了男生家長搬去灣仔？

HMmummy

好事呀，分散吓，又有新校舍？

hkpapa852

話搬話搬都講咗N年, 依家都只係話最快2018先搬得成, 仲有大把時間

Charlotte_mom

華仁出名小位, 第2時有幾多位都未知, 為左咁去搬屋........睇定D先啦
(我估搬就唔會, 借地址就大把)

hkpapa852

Charlotte_mom 發表於 15-5-7 12:13
華仁出名小位, 第2時有幾多位都未知, 為左咁去搬屋........睇定D先啦
(我估搬就唔會, 借地址就大把) ...

好似話上下午校合併, 咁就變咗一級有120人, D位仲多過好多依家14網小學一級既人數.... 到時仲唔爭崩頭

雲牛

立法會拉布,批到$再講。

saiwinghei

知唔知現在讀緊的學生畢業後升中會去返12網還是14網

hkpapa852

saiwinghei 發表於 15-5-7 12:28
知唔知現在讀緊的學生畢業後升中會去返12網還是14網

就算轉網, 都係轉網之後個屆既小一先受影響, 對現有學生一定唔會有差咗既影響. 好似雲景道北官既學生, 有幾年過渡期俾佢地揀用灣仔定東區派中學, 都不知幾好.

而且, 華小學生另既學生, 要走一早走咗, 走唔到既一定揀番用保留位搏上番直屬中學, 轉咩網對太多數學生都唔會有咩影響 (除咗最差同唔好彩個兩批)

poodlema

越推越遲, 不知何年何日先搬到去

mcl203

hkpapa852 發表於 15-5-7 12:37
就算轉網, 都係轉網之後個屆既小一先受影響, 對現有學生一定唔會有差咗既影響. 好似雲景道北官既學生, 有幾 ...

上唔番直屬中學都好吖...東區咁多選擇

mcl203

Charlotte_mom 發表於 15-5-7 12:13
華仁出名小位, 第2時有幾多位都未知, 為左咁去搬屋........睇定D先啦
(我估搬就唔會, 借地址就大把) ...

甲部抽入.....

過路客

How about St. Paul Catholic Primary School? Anyone can confirm the school will move out? Where they go?

mcl203

hkpapa852  叩入  發表於 2 分鐘前
**************************************************

叩入好少人用.....要忍口幾星期唔可以同人講...辛苦左少少

chingcging

如果好似聖彼德嘅安排就好啦！聖彼德轉全日，攞st paul舊校舍，st paul搬走，冇人嘈，因為st paul係直資，搬去邊都冇影響

b16a

財務委員會
工務小組委員會討論文件

http://www.legco.gov.hk/yr14-15/ ... /papers/p15-35c.pdf

dorchiu

原帖由 過路客 於 15-05-07 發表
How about St. Paul Catholic Primary School? Anyone can confirm the school will move out? Where they  ...

Not move, just temp school address at Chai Wan.