初中編班安排

初級媽咪

想了解一下, 你哋小朋友F1升F2, F2升F3係點樣編班.
因為以前讀小學時比較簡單, 總之全級排名一半以上, 主科合格, 就入到精英班.
但升咗中學真係玩法有D唔同, F1編班淨係用PRE-S1 英文成績, 到升F2, 淨係用中英數成績.
咁變咗有D全級排名高的學生, 其實係入唔到精英班, 因為可能全級排名較後的同學, 中英數三科成績又比呢批同學高分, 所以變咗有全級排名較後的同學, 入到精英班.
其實咁樣編班, 係咪較用全級排名嚟編班好呢? 我意思係指教學方面, 謝謝指教.

liverpool2023

初級媽咪 發表於 24-8-16 10:45
想了解一下, 你哋小朋友F1升F2, F2升F3係點樣編班.
因為以前讀小學時比較簡單, 總之全級排名一半以上, 主科 ...

間間中學不同
我哋係平均分班，不設精英班，用全科排名去分
但中英文都係分組上課，全級六班混在一起分成八組

TAIOU4

似乎有人好想入精英班 / 跌o左落補底班

無論精英班定補底班都只個名
入到 / 入唔到都係自己能力問題
唔夠勁入到精英班只會不斷被打擊自信
勉強無益


個人認為
以津校計
有分精英班定補底班比起平均分班較好
因為較易拔尖補底

平均分班制比較適合神級直資
因為根本唔洗拔尖補底
個個食自己

liverpool2023

TAIOU4 發表於 24-8-16 12:28
似乎有人好想入精英班 / 跌o左落補底班

無論精英班定補底班都只個名

我哋唔神，但學校都有補底課架，不過唔會標籤某班，係個別email俾家長，仲好tailor made，有人grammar，有人writing⋯

初級媽咪

其實我小朋友入咗精英班, 只係有家長及小朋友唔明點解自己全級排名高D, 但入唔到精英班. 而我小朋友就係主科高分但閒科麻麻地嗰D. 所以先想了解下, 其實咁樣分班是否合適.

gracelam

初級媽咪 發表於 24-8-16 14:40
其實我小朋友入咗精英班, 只係有家長及小朋友唔明點解自己全級排名高D, 但入唔到精英班. 而我小朋友就係主 ...

各校分班政策不同， 貴校可能認為初中其他科成績好不代表什麼， 主科才為重要。

10090

每間學校不一樣，跟主科成績同總成績分別不大的，可能只差幾名
其實中學生開始有自己諗法，入咗最好嗰班，都可以識最差嗰班嘅朋友

LeeCC

每間學校不同

有學校主科各有精英班

也有學校有所謂運動班，學界比賽日子，無咗半班人上堂

bobo101^*^

初級媽咪 發表於 24-8-16 10:45
想了解一下, 你哋小朋友F1升F2, F2升F3係點樣編班.
因為以前讀小學時比較簡單, 總之全級排名一半以上, 主科 ...

副科拿高分, 主科低分但總排名前, 卻未被編入精英班, 都屬正常。始終中英數主科係最主要嘛!

200904

其實精英和補底班，真的有差別嗎？

我大女學校班級是平均分班，中英數有分組。一個年級兩個強組，其他都是平均。好像聽説英文有補底組，但不知道真不真。

我細女學校就全部平均分班。但有自己報名的拔尖班（課後）。

piyohk

200904 發表於 24-8-22 14:48
其實精英和補底班，真的有差別嗎？

我大女學校班級是平均分班，中英數有分組。一個年級兩個強組，其他都是 ...

自己報名的拔尖班（課後）

任何人都可以報名？不論成績？有報名，必收？是否每級每科都有拔尖班？張記都算有錢，而且公平分派資源。

200904

回覆 piyohk 的帖子

我不是最清楚，印象中只收到過中文科的拔尖班通告，是校外組織的，感覺是給所有學生的通告，要自己付款。