本帖最後由 ab081178 於 13-8-26 15:33 編輯
我是兩個女嘅父親，亦是一個頗注重女兒學習或者成長的父親。大女現在十八個月大，都是諗住明年讀兩歲班，見大家都咁緊張子女能夠考入一些名牌幼稚園，真想同大家分享一下之前的面試經驗。 今年我本想幫大女報考八間幼稚園的2013年兩歲班: 1.
嘉德麗(第一城) : 此幼稚園是我的第一志願，預備功夫亦最全面，分享會&開放日都有參加，精心編寫面試時我的對答講稿，大女的表現亦是最好。一坐底老師俾張form問女女相中是誰，之後同佢玩砌圖形板，叫佢做簡單指令，例如俾野老師或收拾玩具，又問吓眼耳口鼻位置等等。最後問家長為何選擇它那幼稚園。 評價 : 由細已開始讀中國古典文學，語文程度深，校舍比較舊&細，沒有露天話動空間，學費貴。 2.
啟思(帝堡城) : 此幼稚園是我心宜之一，大女的表現普通。只可一位家長陪同入校，登記完後安排入一個課室，當時有四對考生與家長分別座於三張枱。老師俾本布書叫女女找出車&花，問吓眼耳口鼻位置，叫佢做指令，例如俾野爸爸或收拾玩具等等。沒有問家長問題。 評價 : 校舍新又大，但老師俾我嘅印象麻麻，活動教學，語文程度比較淺。 3.
樂基(駿景園) : 因為3/11先可以報名，最後沒有報考。 4.
榮光
: 初時此幼稚園不是我杯茶，因為對此校沒有太多認知，面試時入到校室老師讓考生玩，我估老師有觀察考生表現，大家玩咗一陣後，老師就逐一問家長幾條問題，誰照顧孩子，識唔識自己食飯，沒有考女女什麼，只叫佢做簡單指令，例如俾野爸爸或收拾玩具。 評價 : 校舍是我所見之中最大，老師亦非常友善，K1開始只有全日班。 5.
孫方中
: 12月頭面試 6.
呂郭碧鳳
: 此幼稚園只是我的水泡，女女的表現好好，因為只考吓佢切野，煮吓飯仔，俾部大字典機佢按吓d掣，積木疊吓高。最後問家長誰照顧孩子，只寒喧幾句。 評價 : 校舍比較舊&細，老師都好友善。 7.
英藝(沙田) : 很遲才知溱岸八號有幼稚園，所以十月才報名，還要去大埔面試。女女的表現普通，等咗差不多一個鐘才面試，幸好那裡有好多大型玩具，仲有個波波池，可以消磨吓時間。老師同佢玩砌圖形板，叫佢切吓野，做簡單指令，例如俾野老師或收拾玩具，又問吓眼耳口鼻位置等等。 評價 : 校舍一定新，但未有得參觀，老師可能大部份都係新請，所有野都有待觀察。 8.
小時候 : 收到面試信, 但沒去面試 總結 : 考咗5間幼稚園，面試時老師話上午班好full，問我會否考慮下午班時，我全部都否決。結果呂郭碧鳳、嘉德麗、啟思、英藝和榮光都取錄為2013年N1上午班學生。
面試深淺排名: 嘉德麗、英藝、啟思、呂郭碧鳳、榮光
校舍環境排名: 榮光、啟思、嘉德麗、呂郭碧鳳、英藝(2013/8開啟) 學費價錢: 英藝(估計最貴)、嘉德麗、啟思、榮光、呂郭碧鳳 課程深淺: 嘉德麗、英藝、榮光、啟思、呂郭碧鳳 留位費: 呂郭碧鳳($660)、英藝($660)、啟思($660)、嘉德麗($600)、榮光($600) 最後希望大家能夠考取心宜幼稚園 ! 後記: 24/8/2013參加了榮光的家長會, 十分喜歡這幼稚園有一個名為"混齡活動", 讓高年班的哥哥姐姐帶領學弟妹參與活動, 如講故事或玩遊戲等... | 
發表於 12-11-9 15:46
