回復 thylok 的帖子
可說是非常滿意中 ...
我好認同你的說法, 其實, 我仔仔都係中心讀緊N 班, 雖然有另一間幼稚園收了阿仔, 不過, 我都有交留位費, 原因在於我仍然諗緊是否轉校, 因為阿仔而家要好早起身返學, 我只怕他太辛苦而已!
以下是回應 r828828:
其實, 勞作方面, 我覺得你想一個只得兩歲幾三歲人仔, 可以整得有幾靚???? 如果真係好靚, 都唔係真係個小朋友做架啦!
你小朋友都係中心讀緊, 佢而個個星期要交功課架, 你咪幫佢做靚啲囉!!!
另外, 我又唔覺中心對小朋友照顧不足, 我阿仔有時放學返黎都會有除衫果啲喎, 如佢係學校濕咗, 會幫佢換褲, 老師會打電話比我講返情況~啲姐姐又好人, 我間唔中去接仔仔放學, 都一眼認得我~ 你無理由要求個個姐姐同老師都對你小朋友咁好~我所知, 佢地有分邊個姐姐照顧咩年級~咁一定有不同的對待態度架啦~不要抺殺老師, 姐姐們的好~~ 校園真的是有點小, 但無法的, 她是一間好有歷史的幼稚園, 香港地地方有限, 原址係咁大就咁大, 除非佢係一間收很多雜費既學校, 有好多資源啦~我覺得你自己當時選擇呢間幼稚園時, 已經知佢係咁細間架! 再者, 你認為學校要仔參加啲活動要收錢既, 你覺得不值, 你可以不參加的! 我唔知你囡囡返學開唔開心啦, 不過, 我仔仔就返得好開心, 所以, 我仍然決擇中! 這只是我個人意見. 你覺得呢間幼稚園唔適合你既小朋友, 走是對的!!! 祝開開心心~~~ |