小六家長, 自行收生選民生要不要寫自薦信

patchan3

jw402/mimikitty28,

你們說得對，自從我轉左現在工作之後，個人變得有點
精神緊張，以前份工朝九晚六，準時收工，返屋企往樓下
褓母接返阿b返家煮飯仔，幾好呢 !

現在，放工後衹會致電回家問阿b今晚想食物 ?? 通常
星期一至五都是吃外買，所以我對阿b都十分內疚，
不個，可能我自小個性獨立，所以阿b亦被我訓練
得很獨立，試過有一次，返家後，阿b已煮好三餸
一湯，雖然衹是 很簡單，但是已給我無限快慰.....

現在亦以想通，唔開心我都不會帶回家，不過可能
想想末解決問題，怎樣處理..... 平時我都不愛說話，
由其是不熟識的，但偏偏現在工作就要常常面對
客戶，佢地個個都係我老板....
明天續談。

mimikitty28

patchan3 & jw402,

我亞大已執好背囊啦, 你地兩位點呀, 我今晚放工會買D零食比佢帶去夜晚食, 你地有咩打算呀.

patchan3,
你個b好乖, 你應該感到安慰, 我兩個b仲傻下傻下, 要佢煮野食, 寧願食零食同睇電視, 你要感到欣慰呀.

jw402

我都唔知要俾d咩佢帶去, 昨晚睇過個list, d野都冇咩特別, 又已經鬼咁夜, 咪叫佢去瞓, 聽日(今日)先執啦.  你講開話零食, 都好喎, 放工先去買少少啦.  咁大班同學, 一人一d, 食零食都飽lu.  我試過有一次幫手帶亞細同d同學去旅行, 竟然有個同學帶左7包薯片做lunch!  都唔明d家長係咪以為咁樣先叫愛錫d細路.

patchan3, 你亞b竟然可以煮出成餐飯出嚟?! 好感動呀!!!  所以話點可以淨係睇成績就斷定個小朋友的好壞, 你亞b咁細就咁懂事, 又孝順, 幾好成績但冇左呢d基本品德又有咩用?  我都見過有d細路讀名校, 幾好成績, 但就不斷嫌呢樣嫌個樣, 只要求物質享受, 當父母係亞四.  但好無奈, 而家呢個世界居然係buy後者.

呢個年頭冇咩細路識煮飯架啦, 連大學生係宿舍都只會食麵包, 以致營養不良.  我亞b淨係識煮公仔麵, 煎隻蛋都唔係好得.  我以前小學已經要自己煮俾自己同亞哥食.  我諗都係時候認真咁train下佢先得啦.

mimikitty28

jw402

你講得啱, 依家的家長吾知佢地諗咩, 我最反對比小朋友食媽咪麵, 我亞大話好多同學食, 咁多味精, 真係吾死就假啦.
我亞大從來吾會煮野食, 佢童軍學左都無去煮, 佢都試過煎下蛋咁啦, 好求其. 我早兩日上一個家長網, 有個家長話係要成績叻先叫好, 好似我同你的思想是落後同out呀. 唉, 依家的家長好進取..............

patchan3

jw402/mimikitty28,

今晚遲左返家，連超市快收了，回家後阿b已經執晒嘢，
不過連學校要帶物品都帶唔晒，還問我有無大d背袋，
同佢換左又唔高興，發小姐俾氣，唔好講零食，學校叫
帶佢都唔想帶，總之比佢激死la.....

至於佢煮??餸，因現以夜深，明日會早d坐定定與大家
分享。   

patchan3

jw402/mimikitty 28,

你倆位因阿b往宿營，所以跟著在留言板都要休息la....
今晚約晚上十時，我個b致電給我，話玩得好開心，
剛剛與同學唱完卡拉ok，現在等沖涼wor隨即急急
收線，你倆b是否有致電回家報平安???

言歸正傳，其實不是煮什麼好餸，是很簡單的，你倆真是
過獎la，弄得我不好意思  ...
     

其實衹是我每日都晚歸，我又無能力請傭人照顧阿b，
所以咪樣樣要自己做，事原有一天阿b話唔想食外買，
叫我明天可否早些回家煮飯仔，所以我早上等阿b
返學後即往街市買菜及弄好梅菜肉餅，我估可能佢
當大gel煮飯仔玩玩吓。

    金寶栗米罐頭湯
    梅菜蒸肉餅
    白灼菜
    菜(保)炒蛋

失禮晒 !
  

mimikitty28

jw402 , patchan3

我亞b尋晚都打左兩次電話比我, 一次七點, 一次十點, 佢都好開心, 但實在太嘈, 太多小朋友講野, 我都吾係聽得好清楚, 知佢分左房, 同D同學好開心, 十點時已食緊我買比佢的百力滋, 又話會去買零食, 因為我叫佢帶左40元去買野食, 總之就好開心, 我亞細就好悶, 搶住個電話講. 我叫亞b每日都要打電話比我, 佢應承左.     

jw402

patchan3,  我地等緊聽你個續集呀嘛........雖然簡單, 但我亞b都煮唔出呀.  真sweet呀......

我亞b昨晚都有打番嚟, 鬼死咁開心, 話"我依家食緊杯麵(佢自己帶去), 睇緊電視呀! d同學話今晚唔沖涼喎!"  吓! 咁都得??  作反呀!!  亞細一聽見亞哥打番嚟就走過嚟企係度聽, 我同亞大講 "有人好掛住你呀!" 亞細即刻話 "我企係度啫嗎......我都冇話掛住佢......唔洗同人鬧交都唔知幾好.....", 真攪笑.

亞b未出發就話老師已經分咗房, 仲叫佢做房長, keep住房key, 我話 "吓?!  老師咁睇得起你?" 連佢自己都話 "係呢, 我咁大頭蝦, 都唔知點解搵我" 不過佢就好有責任心咁, 執野的時候, 連個探熱耳機都話要帶多幾個套去, 佢話 "我係房長嚟架, 如果d同學有發燒, 又唔記得帶探熱嘅野, 咁咪可以俾佢用lor."

都唔知昨晚究竟有冇瞓......???

mimikitty28

jw402, patchan3,

新年快到了, 大家買了衫比小朋友未呢, 我兩個就買左, 但我自己無呀, 實在太忙, 抽吾到時間買.
蘭花就買了, 好靚, 開得好合時, 而水仙會遲D再買. 我是一個傳統的女子, 我最喜歡的節日就是新年, 我鐘意整到屋企好有新年氣氛, 比D小朋友感受中國的傳統節日, 希望他們長大了不要忘本. 知道自己是中國人

jw402

我過年都冇咩特別買新衫俾地, 自己就更加冇啦.  我都會買d水仙擺下咁.  我舊年買左盆吉, 過左年冇丟, 一路擺係到, 咁呀賓賓見到就照淋水, 最近居然再出左d新吉.  雖然好細粒, 不過都幾好意頭 :  :  :

最近呢幾年d揮春都係我地買d紅紙自己寫, 當係親子活動, d小朋友又開心, 你地都試下!

patchan3

jw402, mimikitty28,

你倆位就好啦，家裹有兩個小朋友會熱鬧很多呢! 大家又
有伴，真好la 好善慕你倆，相比起我個b就孤單得多了
衹有她一個都幾擔心當我們老了的時候，沒有兄弟姊妹
有事時不知怎麼樣.....

每年新年，我都會買新衣服給阿b過年穿的，自己當然
沒有，都忘記自己幾多年沒有買新衫過年了，不過今年
阿b已吩咐我不要買新衣服，穿回牛仔褲便可，可能佢
真係長大了，至於年花，我同你倆亦一樣，因為我自小
便很喜歡花藝，想當年，我都做過part-time開張花籃
，結婚花球等，因當時衹為興趣不是用作賺錢的，又
在新年期間做過小販及在花壚賣花等。

如今，過年衹會買蕙蘭及水仙，至於揮春都是由阿b
選購的，由選購及佈置都由阿b一手包辦，我不用
費神。你們在那裡選購蕙蘭 ????

今晚是我打電話給阿b，佢都話好開心，我問她是否
吃得飽，因平日晚飯我們已習慣夜食，她告訴我今
天忍不住買杯面吃，不過昨夜二時才睡，聽唔清楚
誰投訴誰??? 最後老師介入，罵完後了事...... 不過
玩得很開心wor。

明天阿b返家la    

mimikitty28

patchan3 / jw402,

大家有無發覺我地個專欄都幾多人睇, 有成2千幾人次, 但就無人加入我地的討論?????

我的蘭花一月中已在花墟買了, 六枝菖, 盤花好多花蕾, 依家已開了十幾朵, 個名叫"天生麗質", 好靚呀

亞b尋晚打左黎, 唱K唱到把聲沙哂, 但就feel到佢好開心law, 今晚會煲定潤喉湯比佢飲, 仲有佢最鐘意的豬排

Zoey

各位前輩         ,

Hello 妳地好, 其實我都係一部份經常 click 入黎看妳們分享既民小家長        , 我囡囡讀緊小四, 所以實在要向妳地多多取經        !  

B.t.w, 首先係度祝妳地小朋友個個入到民中, 品學兼優, 前程似錦          !

patchan3

mimikitty28, jw402

mimikitty28, 你一講完後，即刻有反應，快D同人
say Hi, Joey，有興趣的大家交流吓意見。

mimikitty28, 你已買年花過年la，話有六菖花，咪好貴
係咪花壚最多舖個間x紛呀?? 是否比人拉左隻金牛走，
     我今早都有到過花壚一遊，好多人又貴，所以
都係走為上著，無收獲。

jw402, 阿b返黎後，好唔得嫻la，唔見你入pm，我想
有樣野想請教倆位，什麼叫 "酵素果" ??? 可以在那裡
找到。幫有位好朋友代購。  

mimikitty28

Zoey,

Hi 你好, 希望我地的緊張吾會嚇親你啦.

patchan3 & Jw402,
我的蘭花在一月中買的, 真係要500大元呀, 你好叻呀估到, 諗住一年一次豪比佢啦.
我個b返黎好似好累咁, 猛話咩都要計時, 過左時就比人鬧, 我咪話比佢知做人係要有規律同守時呀, 佢又話校長唱月亮代表我的心, 我問佢好吾好聽, 佢話佢地唱得仲大聲過校長, 所以聽吾到.

jw402

Zoey, 歡迎你.  我諗我地幾個係屬於緊張形, 希望冇嚇親你.

mimikitty28, patchan3, 我呢幾日好忙 (公&私), 公係因為自己之前懶懶閒, d野堆埋到friday先發覺好多功課到期要交, 倒瀉籮蟹咁. 私係要攪團年飯, 平時weekend都已經周身唔得閒, 所以又另一籮蟹.

亞b去完camp返嚟有d古怪, 係camp入邊打番來次次都話好開心, 返到來d情緒就大上大落咁, 又發老脾又喊哂咁, 問佢做咩佢又話唔知.  同亞b老豆研究左一陣, 估佢係camp到雖然好開心, 但又好冇安全感 (佢又怕呢樣又怕個樣), 再加上唔夠瞓, 所以返到來就盡情發洩. 攪到我d火都嚟埋.........不過到左星期日晚就似乎回復正常.

我咩新年野都未準備, 都要<的>起心肝先得啦.

jw402

patchan3,  

"酵素果"?  冇聽過喎.

mimikitty28

patchan3,

我剛上網看過了資料, 酵素果是桑椹果, 網上說用來浸了醋叫桑椹果醋, 對扺抗疾病很有幫助, 好像是台灣的出品, 我不知何處有售, 您可以試下去TASTE睇下.

Zoey

Hello jw402, mimikitty28, patchan3,

妳地冇嚇親我呀     :    !

依家讀書, 都冇乜邊個家長真係唔緊張       , 尢其到高年班, 好多野都要靠佢地自己上堂留心, 識得變通, 有時大人想幫都幫唔黎喇.

patchan3

mimikitty28, jw402, zoey,

你們好，zoey 我想問你是否一個虔誠基督徒 ?

mimikitty28,

Tks u，是我一個大病初痊好友，叫我幫佢搵，我都知要上
網找，但你知我每晚幾時上網，所以想大家幫手，唔想擔
誤時間，無論如何，充心多謝。
至於蘭花，如果有六菖花，一隻牛一d都唔貴，可能
現在買唔到，我去x紛睇要接近仟圓，我是想買給我的
好爸媽呢 !

jw402,

年尾真的會較忙些，這是正常的，老闆看見亦會好
開心，發放花紅及雙糧都手鬆d啦! 努力!加油我地
支持你。講起發火，我昨晚阿b先比我丙完，無辦法，
無名火起     
但出奇，我想阿b實唔采我，點知佢若無其事???
奇怪 ???