専注力不足及過度活躍症(ADHD)兒童家長站

gogoweb

囝囝今年9歲, 三年級, 一直以嚟都係活躍型, 但學習上無問題, 測驗考試多8-90幾分, 錯都係一啲唔小心既嘢.  
平日紀律唔多好, 小一後都間間斷斷被老師投訴坐唔定, 多嘢講. 但佢放學後, 可以好快攪掂啲功課, 執拾書包功課都無問題.
另外佢係課外活動都有唔錯成績, 游水係一年級時已被選入泳隊, 但一直都無太大進步. 平日無乜心機練水, 但叫佢唔好再練, 佢又唔肯. 教練亦經常投訴佢唔認真. 但到水運會, 佢又可以攞到獎牌返嚟, 教練都比佢攪到唔知點好. 另外學琴, 佢平時好懶好懶練琴, 上堂亦經常被老師閙. 但到校際及皇級試, 佢又有好好表現. 令老師都說跌眼鏡.
我一直都只當佢係較活躍型既孩子.
但前一排因在學校發生了一件小事, 同班主任傾談中, 她建議我帶小朋友去做專注力測試. ,跟住上網摷吓資料, 又發覺囝囝有幾多共通點. 學校社工比咗啲精神科醫生資料比我, 我隨便找了一間.
去到診所, 我哋等了差不多一小時, 期間囝囝一直乖乖坐低睇書. 到見醫生後, 佢同我囝囝閒話家常, 問吓佢幾歲, 屋企有乜人, 平日有乜開心, 有乜唔開心. 講咗大約5分鐘後, 就問我有無嘢想問? 我話我嚟睇係因為老師建議. 醫生聽後已即時話囝囝有輕微專注力不足, 會開啲藥比我食.
我好奇地問點解不用評估, 醫生就話其實啲評估係啲人特登定出嚟, 例如IQ Test, 佢話唔通定咗70以下係低能, 咁70無事, 69就有事咩? 佢話只要學校或家長有投訴, 咁佢就覺得要當係問題, 因為咁樣會影響小朋友心理同自尊, 從而影響佢既發展. 佢叫我放心, 話啲藥毫無副作用(Ritaline + Chlorpromazine), 食咗可以令囝囝既自控能力好啲, 追返正常小朋友既進度. 我鐘意幾時停就幾時停, 但因藥效顯著, 所以好多家長都會比小朋友食到考完中學為止喎!
我有啲懷疑, 覺得點解咁輕率就斷症, 而且後來我上網睇到啲藥係唔多唔小都有啲副作用, 但佢又可以話一啲事都無?
我想問吓大家去邊做評估? 評估內容係點? 大約幾耐同幾錢? 希望大家可以比多啲意見我, 等我可以再去揾多個醫生問, Thanks!

依嵐媽媽

我都有食藥問題~~
小兒今年小一,今年1月確診adhd, 因佢生得'細粒'又輕,所以醫生話暫時唔考慮食藥住~~因之後有好多在校行為問題, e.g. 反鎖學校toilet門,爬學校欄杆想走...佢日日新鮮,我都預左要比佢食藥, 但同老公再商量,其實仔仔做功課,默書,甚至考試都ok,成績就中文差D, 其他都有7x-8x分左右;而且,除左學校之外,同佢出街,返教會,返興趣班都比之前專注, 有進步,他亦針灸了4個多月了,我們亦稅有成效,我和C6都想再考慮下先決定食唔食藥, 始終仔仔真係幾'的息', 當然身邊有勁多人有反應,又話你害左佢, 又話而家唔食高年級都要食; 但亦有人話d副作用會有好長遠effect, 要三思
Can anyone give me some opinion?   Thanks

pattsui11@yahoo

請問有沒有人看過「過動不需藥」Overcoming ADHD這本書？

原帖由 依嵐媽媽 於 11-5-17 14:13 發表
我都有食藥問題~~
小兒今年小一,今年1月確診adhd, 因佢生得'細粒'又輕,所以醫生話暫時唔考慮食藥住~~因之後有好多在校行為問題, e.g. 反鎖學校toilet門,爬學校欄杆想走...佢日日新鮮,我都預左要比佢食藥, 但同老公再 ...

依嵐媽媽

書局是否有得買 ??

pattsui11@yahoo

我剛在博客來訂了，很快便送到來。

這是打算放在資源中心遲些讓大家看的，我未有時間看，若你有興趣，給你先看，然後寫幾句讀後感介紹一下，好嗎？

原帖由 依嵐媽媽 於 11-5-18 13:36 發表
書局是否有得買 ??

bbwai

hi, 好耐無上來.

今年升小二, 在今年暑假做左評估, 好緊張, 好希望唔係ADHD, 但又要叫自己冷靜D, 要預左. 終於知道結果了. 醫生話唔係, 呼~~~ 當堂鬆口氣, 我問了好幾個問題, 為何不是ADHD 孩子會這樣, 醫生說, 全因專注力偏弱, 語言偏弱, 他不是有心的. 只要有恒心教導, 會改善的, 但要預左佢讀書唔叻, 比一般小朋友較難去結交朋友. 較難令佢明白道理, 要佢學習如何表達自己......
醫生再說: 媽媽, 現在你知道了, 那你以後不用再為這些事而煩惱, 亦不用再勞氣了, 因為你預左....

由於REPORT 說不是, 沒辦法, 要STOP CASE FOLLOW.  我當然不想, 請求醫生可否再FOLLOW多一年, 但醫生說, 由於不用吃藥, 因此沒需要再回來....

這個結果, 應否滿意?
滿意: 因為不用擔心吃藥會帶來什麼副作用..
不滿意: 問題並沒有因為REPORT寫沒有ADHD 而得到解決.....

又或者係.. 在這3年間, 不停的訓練, 不停的看專家, 不停的看醫生, 可能真的從中得到無形的改善, 而得到今天的REPORT 吧.

大家別再懊惱, 就讓孩子順其自然吧....

TTeresa

同你個case一樣成績可以，當你以為佢唔得佢又做到比你睇，我仔都係咁，好無奈。

hinhinmami10

Hi Shouxi

Pls PM me 刮痧資料, many thanks.

KERORO911911

請問可以係邊到CHECK 到, 去健康院問個醫生, 佢好求其咁問下就話唔係, 我想自己帶小朋友去CHECK 下, 因我懷疑我小朋友有專注力不足.

external

依嵐媽媽
我想要針灸医生的資料, 請PM 或EMAIL 給我[email protected] 唔該

pingu_k

如果只是專注力不足,都是一種病態嗎?

K1小朋友可以check到係吾係ADHD嗎?我而家都想喊......番學個多月,斷斷續續都聽到仔仔多手,多口,吾留心,攪破壞,亂畫工作紙.......等等,連老師都好似無乎咁,我見到佢又好煩,好忟!!

究竟佢係咪都係ADHD?(今日打電話去健康院,都要去到12月先有得見姑娘評估!!但去健康院評估係咪都無乜用呢???)

wewe

原帖由 TTeresa 於 11-10-1 01:37 發表
同你個case一樣成績可以，當你以為佢唔得佢又做到比你睇，我仔都係咁，好無奈。

agree!!!  當你以為佢唔得佢又做到比你睇

rebecca0113

原帖由 goodbaby 於 11-3-25 12:00 發表
我個仔一早已經比人label咗... 今年仲多啲tim... 佢今年讀p.3... 唔單只, 老師, 同學, 連校長都label埋佢... 想佢走.. 總之, 有咩都係佢錯先..所以令到我個仔宜家冇晒信心, 唉... 一言難盡... 我會pm我個電話比你,  ...

其實有無地方可以睇到那間小學會有ADHD 支援呢?
我現在很煩惱,因為我兒現在間學校完全唔support 呢類學生,將佢列入為壞學生.......佢讀得好唔開心,even 係佢小息時唔小心踏到1個同學隻腳都只係罰佢,話佢攪事,學校係知道佢有ADHD都唔會體諒......

lokhimbb

如果學校知道都咁對佢...小朋友會好慘...轉校吧..      

原帖由 rebecca0113 於 11-11-25 10:57 發表



其實有無地方可以睇到那間小學會有ADHD 支援呢?
我現在很煩惱,因為我兒現在間學校完全唔support 呢類學生,將佢列入為壞學生.......佢讀得好唔開心,even 係佢小息時唔小心踏到1個同學隻腳都只係罰佢,話佢攪事,學校 ...

rebecca0113

原帖由 lokhimbb 於 11-11-25 11:29 發表
如果學校知道都咁對佢...小朋友會好慘...轉校吧..      

我都好想轉校,但我好驚轉去另1間學校都係咁label佢....所以好想知那些學校會support呢的小朋友?

kc1016

真係好難一下子看晒64頁的post.

我個仔最近在學校真係好多煩嘢, 好想請教你哋.

第一, 佢未做過專注/過活的test, 所以唔知佢係唔係, 但我好多朋友都話佢唔係, 因為佢可以坐定定玩同讀書, 成績都中上, 錯D大意分/寫錯字.

從升咗小二後, 好似問題越來越多, 如
- 有D嘢, 同佢講, 你甘做唔係甘好, 佢話覺得好. 愛相反.
- 喜愛同其他人玩, 佢會去作狀吻人
- 固意做錯考試卷, 話想等我教番佢
- 做網上功課答錯, 會喊
- 上堂, 唔專心, 好易分心
- 情緒唔好, 愛發皮氣
- 今日又.....小息時, 在班房跑, 把抬踫跌了, 同學叫佢唔好, 佢都唔聽仲跑 (佢話小息好悶)

我想問下你哋, 覺得佢有咩問題, 我可以點幫佢.

kaka121205

大家好：我個小朋友睇左私家精神科醫生，個醫生咩test都沒有做就直接開藥比小朋友，我覺得好兒戲。而家經私家精神科醫生轉介去瑪麗精神科，請問去到瑪麗會唔會有心理醫生做任何評估，定係直接睇精神科醫生咩評估都唔做直接食藥?如果係咁，我使唔使去智能評估中心排隊？謝謝﹗

maydog

我囡囡一月就會係八歲, 沉日係私家精神科醫生(何定邦醫生)確診左係混合型(過度活躍症+專注力不足+對抗性反抗症)


點解要帶個女去評估細節唔需要講啦~我相信呢度D媽咪會好明白係咩一回事.

入到去醫生度, 醫生問有咩幫到我, 我講出唔知個女係唔係專注力不足, 跟住醫生就請我個女出去等, 同我傾左好耐, 佢將所有細節全部抄低, 問左我好多問題, 小時候情況, 老師既評語, 興趣班老師既評語, 同輩小朋友既評語, 跟住就請我出去叫囡囡入去傾左陣, 又叫返我入去. 就話我知佢已經確診左. 叫我食藥, 解釋利害關係, 藥既副作用等~
我諗左一陣就決定食...

而家食RITALIN 20MG, 朝早半粒. 醫生話我講得情況越清楚, 佢越快較岩藥量. 估計我講既情況, 佢較三次就得. 但因為我個女輕磅, 所以唔可以俾太重藥~

今日個女第一次食完, 放學返黎已經話個頭好痛. 冇胃口食野~呢D我都全部係預計之耐, 唯有同個女講忍耐下.
但係好神奇~只係半粒藥~ 我女都發覺佢今日集中精神好多. 係到屋企, 我同我屋企人都覺得佢脾氣好左, 溫柔左, 純良左~ 好彩把口都係咁多野講, 如果唔係真係以為湊錯左人地個女放學......

我想問呢度各位媽咪, 你地D小朋友初初食完藥係咪都係有咁既反應架?? 另想問, 頭痛冇胃口會持續幾耐架???

Maryahwan

終於鼓足勇氣去見社工，討論小兒是否需要轉介去看政府精神科醫生，評估是否是（ADHD）。姑娘話最快要3個月到半年時間見醫生。就快知道真相，這麼多年的懷疑就快有結果。

[ 本帖最後由 Maryahwan 於 11-11-30 13:53 編輯 ]