英藝好應該檢討下

pumpumpurin

咁多個幼稚園討論區, 無一個好似呢個咁熱鬧買賣校服~!
人地個個都係問緊課程, 校車, 書本, 茶點,師資 呢D貼身D既問題, 唔知係英藝太好定係無人有興趣, 大部分人都係關心賣唔賣得出或者買唔買到舊校服(唔係針對買賣校服問題)。
正正常常一間幼稚園點會有咁大流失率呢~? 正正常常一間學校點會咁多人D書用一年就唔要?
英藝財雄勢大...收學費又早過人..收雜費又早過人(但係校舍又唔係企理過人)...次次收親D回條都實有一句...如未能在XXX前收到回覆, 即當放棄學位處理, 就係知度人地騎牛搵馬, 晨早收左你錢話知你死..~
下下利字當頭, 到處燒著火頭, 成日比人投訴, 私校都唔會做到咁乞人憎。

可能英藝老師個個都好PROFESSIONAL, 好有愛心, 教學成效好好, 個個老師都化行裝番工, 年青力壯...所以好多人都唔介意管理有幾差。
仲有大批B6單非雙非幫襯, 洗乜驚, 只怪香港教育制度失敗。

小女八月入讀大埔英藝N1, 正正就係一D又要讀又要鬧,騎牛搵馬既人.....
因為無得揀~大埔今年乜野情況大家都好清楚。
以英藝既管理同埋師資...做得大大方方,安守本份...係香港各地區唔難做得有聲有色....真係唔知點解要做成咁。

Mandykenji

什麼也是錢錢錢

Misako

入面其實D老師係比小朋友周圍走,唔理佢地架

homommy

我女將會九月讀, 睇下到時點樣

skyline7471

終於都搵到/睇到同病相憐嘅父母，我都係住大埔，不過都算"新移民"!!  皆因我自出世就在中西區長大，都係呢兩年由中西區移民到大埔區！！！！大埔有邊間kindergarten我都唔知，呢兩年狂去睇資料，都唔知有咩好kindergarten比阿女將來入讀，舊年去過英藝in N 班，成個街市咁，安排混亂，身邊大部份都係講國語嘅父母帶仔女嚟in..... 我阿女係細b,  都係諗住去"見識"吓，明知考唔到多，當時佢行都未識，講嘢，指領更加係零。不過最後都收到佢哋取錄！！！

aby336

skyline7471 發表於 14-8-17 12:14
終於都搵到/睇到同病相憐嘅父母，我都係住大埔，不過都算"新移民"!!  皆因我自出世就在中西區長大，都係呢 ...

其實咁唔鍾意呢間學校, 你大可以唔駛個小朋友讀N班囉, 咁就算讀得幾叻你都唔會開心啦! 又何苦最後都要比佢讀英藝呢, 好啦, 就算讀得好啦, 返到屋企識唱英文歌啦, 你地都唔會多謝D老師架啦~

間間私校都係向錢看架啦, 呢個社會係咁架喎! 其他私校一樣~ 我成日都唔明D家長根本都未入有小朋友入去讀過, 就狂數一間學校~

BTW, 都開左學啦, 樓主個小朋友讀成點呢~
仲有, 其實個個GROUP都係咁樣賣校服架啦~