分享讀了三星期培僑小學的感想

BB200903

有冇2015-16讀小一呀?

BB200903

我小朋友讀左培僑小一已經三個星期, 真係有好明顯轉變.  我好欣賞佢地有個計分制, 學生每日按上堂表現, 舉手答問題, 吃飯態度好, 會給予星星, 一粒至4粒星, 4粒星再上係皇冠, 有壞行為, 傾計又會降級.  
以前幼稚園老師常常話我小朋友唔會主動舉手答問題, 現在老師話我小朋友好主動, 真心覺得老師真係好有辦法令佢地進步, 唔係下下罰小朋友.
中文科又有支點讀筆免費比學生, 對於我呢d唔識普通話嘅家長, 同佢地溫習真係好方便.
老師們係課餘時間都會係我班whatsapp group度解答問題, 完全冇架子.
我問返我小朋友喜歡培僑小學, 定係以前間幼稚園, 佢竟然答我喜歡培僑.
呢間小學真係冇野可以挑剔, 唯一可以挑剔就係佢冇四小龍咁出名. 我真係好滿意呢間學校.

CreativeAccount

我兩個讀第三年，只可以說資源多，部分老師很有耐性有心教。

不過程度唔算低，開頭功課少，但後來啲默書及測驗都幾密，但相對四龍冇咁大壓力，但都係僅僅低於四龍。

每日睇英文書對小朋友有幫助，開頭係我地讀同解比佢聽，到現在係佢地解比我地聽。

如雙職家長，搵定補習。不過自己放工都要睇。

BB200903

暫時比起其他學校係輕鬆好多, 只係英默和數學小測一次, 範圍都唔多.  

zbp

我囡囡二年級，校長好親民，接受意見，會改進，
老師好喜歡同家長溝通，
整體學校氣氛良好

BB200903

回覆 zbp 的帖子

同意...........個個老師都有問必答, 仲成日SEND 相去我地GROUP度分享

BB200903

回覆 CreativeAccount 的帖子

終於這兩個星期, 默書和quiz 都開始密啦, 不過大家都要努力啊

emilys0705

回覆 BB200903 的帖子

我住筲箕灣都想入呢間, 請問有校車服務到筲箕灣嗎?另外, 想問一下學校有冇拔尖補底架?
功課平均一日有幾樣呀?一星期默幾次書呀?
thank you.

BB200903

回覆 emilys0705 的帖子

請問有校車服務到筲箕灣嗎?
有, 詳細地點要問返學校

另外, 想問一下學校有冇拔尖補底架?  
拔尖唔知有冇 (有冇高年班家長可代答)  
補底一定有, 開學三星期, 老師發現同學有問題, 就即通知家長, 同學要上補底班

功課平均一日有幾樣呀?
功課真係唔算多, 每日四-五樣, 一小時內一定完成.
免費網上練習有中文和數學, 但唔係要即日做, 星期六日做都得

一星期默幾次書呀?  
由9月至現在:
中文 - 一至兩星期默一次 (冇背默), 只默詞語, 還有些要思考嘅題目, 只要平時留心上堂已可應付.
英文 - 每個月一次英默 (冇背默), 一次小測
數學 - 教完兩至三個單元會有一次小測