比學店更無情的浸幼！

kkeefamily

小女原本K1開始在浸幼上學。第一年還不錯，四個老師很有愛心，關心小朋友。如有任何疑問，寫在手冊上，必定在最短時間內得到答案及回覆，但噩夢在K1學期尾發生。學期完結，於家長日後得知2/3英文老師離職，當時已想看看學校如何處理。但在同學家長群中，大家意見為讓學校處理。

開學後，第一天上校車時間改早於7:45am(原來7:50），問題並不大，只是到校時間要到9:20。同樣，放學由原來的5:15pm,等到6:00pm才下車！最大問題係我女兒上落校車竟要在路中心，非常危險！

在第一天晚上，我們寫手冊著學校跟校車公司溝通。第二天上校車時間改早於7:40，回校同樣遲到。我在早上致電給副園長，得到的回覆是學校有指引小朋友要在一小時下車，由於是接小朋友時間，大家匆匆掛缐。於十一時多，副園長回覆我説教處及學校並沒有甚麼一小時的指引云云。我當時反應係這不是有沒有指引問題，而是我女兒沒有足夠的休息！要一個不到4歳的小朋友每天以3小時(實際車程只需少於一小時！)來回學校去上課實在令人接受不了！副園長跟住叫我自己打比校車公司傾，但因為實在有太多家長打去校車公司嘈，我並不希望加多一腳去嘈，而且學校亦要知個情況。再後來副園更加話學校只係幫我地去安排校車而已。去到呢度，🔥都來！我知佢唔會幫我架啦！再問埋佢新來老師師資問題，我問係唔係NET, 佢答我d老師有受過專業訓練，咁我再問係唔係NET, 佢話係外國返來，又話冇guarantee一定係NET...🔥🔥🔥. 最終草草收缐！當日下午也要到5:55pm才到站。對於一個不足4歲的小女孩來說，太辛苦了。當日老師只回覆其他書的問題，對校車問題至之不理。

之後一日3/9放假，我冇辦法只好打去校車公司。經過一番功夫，先至可以改上車點，時間要求再早5分鐘上車。係4/9就係新上車點上落，可惜回程依然要到5:50。手冊當然仍然冇覆，但就貼上其他訊息。

由於太辛苦，我幫個女請左一日假，但之後4日都無返學，要到星期三class teacher先打比(話打唔到比我喎！)我老公問下阿女點，我老公叫佢打電話比我。我同佢傾傾下時，佢已經口快快話叫我寫信！😡

琴日星期一，我what's app個校車EE話幫我女帶被舖返來，佢話學校話唔比。跟住我就收到email 話電話聯絡唔到我地，要我地email confirm係咪要退被鋪。今日星期二，我地比封退學信比校車EE帶返學校。下午，我老公收到學校園長的電郵，首先又話打唔到電話比我地，跟住又講返個副園長個番官腔說話，有話可以的就希望我地可以去學校傾下。不過最後話會叫校車退我阿女的物件比我地，仲祝我女係新學校順利！(我無話過我女搵到第二間學校喎！佢地推得一乾二淨，勁！)

呢間所謂有愛心唔迫細路的學校就係咁樣對d細路！學費收$8340,車費$1650，夾埋要$9990/月的學校！比學店更無情，無愛心！離譜到暈！！我女呢個real case, 請各位要入浸幼的家長三思！！！

wafong

請問係咪香港浸會大學附屬幼稚園?

咁小朋友現在米要停學?

mamacharchar

請問你個小朋友係唔係7 Sep 轉咗去樂基？讀得開唔開心？你係唔係target沙呂， 好似話上沙呂機會大啲？

浸幼校車安排差都有聽講，因為人少，好似話今年轉咗校車公司。

有時 又唔使反轉豬肚 嘅。話曬都讀咗一年， 見你除咗投訴校車， 好似係唔係仲有其他嘢？唔系又唔使咁鬧學店都不如。

ronniedad

咁其實做咩樓主既然唔想個小朋友坐咁耐校車返學，為何一開始又會選擇跨區上學嘅？如樓上所講係屬實，你似本身已處心積慮轉校多d噃！另細閱你的文章內容，感覺到你以自己付出的金錢，去衡量學校的課程師資等的'服務'，在下覺得係閣下將學校當成學店，有任何要求都要以客為先咋噃！另外由入學開始，你無理由唔知道校巴並不是學校所提供的。你絕對有權選擇架噃！

mamacharchar

ronniedad, 系樓主自己講嘅：

http://www.edu-kingdom.com/forum ... ead&tid=3042654
http://www.edu-kingdom.com/forum ... ead&tid=3131700

mamacharchar

我根據樓主所講，事發經過應該系咁，用無良呢兩個字我覺得幾過火，同埋向校車EE退學，我O嘴。不論如何，希望小朋友能夠開心上學啦。  其實樓主同浸幼會唔會系錯配呢？  

03/9 (Thu) - 之後一日3/9放假，我冇辦法只好打去校車公司。經過一番功夫，先至可以改上車點，
04/9 (Fri) - 係新上車點上落
05/9 (Sat)
06/9 (Sun)

07/9 (Mon) - 由於太辛苦，我幫個女請左一日假 (浸幼）。。 但應該開始返 樂基 ？
http://www.edu-kingdom.com/forum ... ead&tid=3131700

08/9 (Tue）- 但之後4日都無返學 (浸幼）... 返 樂基 ？
09/9 (Wed) - 但之後4日都無返學 (浸幼）... 返 樂基 ？
10/9 (Thu) - 但之後4日都無返學 (浸幼）... 返 樂基 ？
11/9 (Fri) - 但之後4日都無返學 (浸幼）... 返 樂基 ？
12/9 (Sat)
13/9 (Sun)
14/9 (Mon) - 我what's app個校車EE話幫我女帶被舖返來，佢話學校話唔比
15/9 (Tue) - 今日星期二，我地比封退學信比校車EE帶返學校。

ronniedad

樂基可以話轉就轉咁多吉位可以隨時插班？呢個相信係唔少家長的喜訊噃！

mariyar

原帖由 kkeefamily 於 15-09-15 發表
小女原本K1開始在浸幼上學。第一年還不錯，四個老師很有愛心，關心小朋友。如有任何疑問，寫在手冊上，必定 ...

睇唔到有乜野「無良」地方

1/校車問題的確唔關學校事，不過學校可以做好D，就係去了解下，但係真係唔可以干涉校巴公司嘅運作/上落車安排，因為校巴係另一間公司

2/net問題，係樓主一相情願，認為比咁多錢就要有net提供，建議去搵國際學校

3/你俾得信，學校通知校巴第2日cut 站好正常，難道仲要去你屋苑行一轉？定你認為學校要致電留你？

Ryuurakai_M

樓主根本就一早想轉校! 只係自己搵一個理由俾自己吧!
樓主在上年時已POST過想找一間有全日的學校給轉K2! 覺得浸幼的學生不夠出面的學生在考小學時有利!
咁點解當初要幫小朋友報考浸幼?你應該都會做RESEARCH或聽簡介會吧! 浸幼是一間Happy school! 功課不會多, 不會多抄寫.是一間不會谷小朋友的幼稚園! 而且浸幼好似無講過一定有NET TEACHER 喎!

而且NET TEACHER都唔一定係英國純正口音英文. 如果咁執著8千幾蚊學費無NET TEACHER唔抵, 我係你樂基都唔好去讀吧! 因為佢地既NET都唔會全是純正英國人教吧!國際學校都唔好去讀, 應該立即移民去英國生活會好D!

而新一年有幾個英文老師走. 唔俾私人理由嗎? 如果你是愛浸幼這間學校和鍾意老師, 不是應該知道老師走的原因嗎? 不是祝福她們? 只緊張有什麼老師教你小朋友! 反之要學校給你交代?

而校車公司問題, 你已讀了一年K1,應知道校車公司不是學校的資產! 因多年搭校車的中數少, 做開的校車公司係唔我學校合作, 園長和副園長搵了好耐才幫大家搵到一間新校車公司接送! 開學初期一定會有少少混亂和遲吧! 包容一下都咁難?因為校車遲了, 而覺得小朋友唔夠時間休息, 那為什麼當然要誇區上學?

另外唔返學請假不是應該家長每天早上9:00 前致電回校嗎?
退學信不是親身交去給學校, 而叫校車姨姨轉交, 不覺荒謬嗎?是有禮貌的行為嗎?
作為一個家長, 不是應該自律去身教嗎?
重要叫其他家長不要讀此校, 咁我都祝福樂基或其他學校, 希望他們不要有任何上差池, 否則又有另一間樓主所講的 " 比學店更無情的幼稚園和小學"!

wafong

回覆 Ryuurakai_M 的帖子

請問您的小朋友是否就讀浸幼?全曰班?

其實，本身幾鍾意呢間幼稚園，但見到個post後好擔心！

請問有冇浸幼的全曰班/ 半日班的家長以分享？感激！

Ryuurakai_M

回覆 wafong 的帖子

已pm你！

ronniedad

咁要先問你自己，究竟自己及小朋友需要d乜，如需要一間學術性很強，學校會盡量滿足家長的要求的所謂學店學校，相信這並不是你杯茶。

hongk

擔心很正常，多聽多問多觀察吧！現在香港教育系統非常混亂，就看你自己的期望了。如果合得來，學校一定不錯，合不來，一定有千錯萬錯。

看看很多兄弟姐妹都選這家的幼稚園，本身就說明了家長對學校的認可。當然，有小朋友中間轉校，原因各异，比如K1之後去了那個基督教幼稚園的也有，K2之後升讀國際學校的也有。英文老師離職原因各異，有離開香港的，有轉做全職媽媽的，等等。

這一定是一間按照幼兒發育歩伐而定的學校。現在香港很多幼稚園為了升小成績特意拔高對小朋友的要求，其實是不是對小朋友長期一種傷害呢？傷仲永？

麥兜MaMa

真心感激浸幼教好我仔, 令佢喜歡上學.

我仔較活躍及專注力較弱, K1開始真坐唔定, 又社交又不太好.
但佢係敏感的人, 如果只係係 鬧及罸便易失去動力.
浸幼老師俾左好多心機引導, 鼓勵, 又多同學接納,令佢喜歡上學, 愈來愈進步.

麥兜MaMa

浸幼方案教學的討論內容都很班本, 同學都參與討論決定深入討論的內容, 較多启發性, 及建立自信.

浸幼鼓勵小朋友多接觸不同的朋友, 不要只和相熟的玩, 上K2,/K3會把不同班的同學混一混. 仔是pm, K1上K2,有些同學轉了全日, 轉am, 亦有少數轉校. 相反, 亦有新轉來的.

本來一班的pm, 學校分成2班, 只12~13人一班.  家長間有說笑, 這2班恐怕蝕本了.  見微知著, 學校是很用心去辦學.

魚與熊掌各有所慾, 相信學校亦想和有共同理念的家長一起努力.

hongk

不知道家長們怎麼想的，我會選下午班，師生比例明顯好很多啊

幸福寶貝豬

原帖由 wafong 於 15-09-21 發表
回覆 Ryuurakai_M 的帖子

請問您的小朋友是否就讀浸幼?全曰班?

好明顯個佢自己有問題，非常家長

hkengineer

其實浸幼嘅校巴係外判, 同其他好多幼稚園都係一樣,所以校巴上落安排校方冇話語權, 加上學校用小班教學, 學生數量唔多, 仲要有全日班, 所以除返條數, 同一程校巴, 學生少咗, 車費貴返, 校巴公司都係做生意, 好合理。呢間係一間好好嘅幼稚園, 能夠培養小朋友主動自信,學校資源又足夠,三仟幾蚊有咁好嘅教學設施,出面好難搵到

wafong

Thank you all your advise and comments!!

I think I will apply and try my best to show my sincerety.

Ryuurakai_M

wafong 發表於 15-9-30 19:05
Thank you all your advise and comments!!

I think I will apply and try my best to show my sincerety. ...

祝成功！ 加油！