內向小朋友適合讀那類型幼稚園？

yuyu_yujai

我小朋友係仔，性格內向，慢熱
如果揀好活動教學既學校，有些擔心佢難適應
因為佢怕羞，動作都唔肯跟住做
請問有冇過來人分享下，感謝你

hht-jamie

小班教學。其實都係年紀細 大D會好好多

melobi12

yuyu_yujai 發表於 23-2-11 06:22
我小朋友係仔，性格內向，慢熱
如果揀好活動教學既學校，有些擔心佢難適應
因為佢怕羞，動作都唔肯跟住做

本帖最後由 melobi12 於 23-2-21 17:12 編輯

成日聽人講話外向好動就揀活動教學/多presentation 嘅學校，內向文靜就揀傳統型坐定定聽書嘅學校。

我就唔buy呢套… 我覺得越內向先越要由細去啲活動教學型學校。show and tell、同其他人分享自己諗法、小組合作 係日常返學嘅一部分，或者初初小朋友會冇外向型小朋友做得咁好，但又有咩所謂？久而久之，呢個會成為習慣，小朋友唔會咁怕做呢件事，係好好嘅訓練。

我自己係內向文靜型，細個靜靜聽書就會有老師讚，結果越大越唔敢表達自己。一直到大個出嚟做嘢，先迫住自己同陌生人講嘢，練多幾年，先發現其實同陌生人講嘢冇想像中咁可怕。 3歲開始訓練大膽定23歲先開始練習？由幼稚園遊戲之中開始輕鬆練習、定大個見工面試、工作時先揾個客嚟練習好啲？俾我一定揀3歲開始練習成效更大。

唔係話內向嘅人由細訓練就可以成為外向嘅人，亦唔係話外向人比內向人優勝。只係我作為一個內向人，完全明白呢個社會係外向有優勢，內向人無論幾唔鍾意，都要學識一啲表達自己、同人溝通嘅技巧，而呢啲係可以練返嚟嘅。

IvansweetHeart

本身一個小朋友，我都擔心小朋友冇朋友

964000

melobi12 發表於 23-2-21 17:12
本帖最後由 melobi12 於 23-2-21 17:14 編輯

本帖最後由 melobi12 於 23-2-21 17:12 編輯

絕對同意
研究顯示，小朋友6歲前對人和事的體驗，會影響長大的看法和行為，唔係大D話改就改。
6歲前覺得老師和學校係友善的地方，大人係好nice的，發表意見係受鼓勵的，慢慢就會有改善，所謂neuroplasticity。所以Autistic的行為訓練都似6歲前為黃金期。
小朋友內向，在傳統幼稚園強調要靜要乖，唔準傾偈，只有愈來愈靜。

964000

IvansweetHeart 發表於 23-2-26 22:04
本身一個小朋友，我都擔心小朋友冇朋友

呢幾年疫情好影響社交
否則父母有心培飬社交方面，唔會冇朋友。平時上堂補習太忙，就冇時間同朋友玩。兄弟姊妹絕對代替唔到朋友和學習social skills.

Mechthild

幼稚園？而家性格未定，我覺得唔需要俾個框框先

iammonkey

年紀仲細，性格有機會因環境而改變，我選校會以有愛心為第一考慮

Baymax

活動式較適合,

yuyu_yujai

多謝大家意見

celinechan117

真係不能一概而論,內向嘅小朋友就話適合活動教學
我真係識朋友因為自己嘅小朋友係內向而擺咗係好外向嘅幼稚園，結果個小朋友仲越嚟越縮唔想講嘢，所以真係睇下個小朋友係咪好固執?好受教?好容易受環境影響？係咪高敏小朋友？仲有好多其他嘅因素會影響...其實自己父母最清楚

潔西卡

幼稚園通常好少分到太細，都會培養小朋友自信心，唱歌跳舞呢