IB & DSE

天外之人

這個主題好像影響各家長想小朋友將來入大學之路選擇，在升中版停止了討論，但為以後既小朋友學習路，值得討論一下。


看到有專業家長提及IB 的歷史原因係支持外交官及經常relocation 的家庭，這一點我係十分之認同及有需要，始終香港係國際社會，有不同地方國家既家庭小朋友搬遷到來生活，自然相應用他們地方的教學方式學習，這樣冇咁容易不適應。  我既著眼點係，香港教育制度做得唔好，且有點識英文會有高人一等心態，以便從小偏向英文重於中文學習幣處(有數據講先識英學中困難過先識中學英)，自然慢慢中文能力越來越抗拒，心態上為了入大學偏向這個IB模式方向學習，從而令本土既DSE不吃香，且更令部份如有位med.家長所指本土學生不公平心態。

我唔否認IB有佢既好，DSE亦都唔係差，衹係一個小朋友有心學習，向那一種模式都一樣可以。衹係教育局應該係要攪好自己梗式，令本土既人對自己地方既教育模式唔抗拒，讀到各地大學認可人才能力，自然其他地方大學都一樣招攬，本地大學更多於招收，咁先係香港教育制度之福。


講到直資有IB學習咁好，家長又真係十分願意交學費，自然學校唔怕冇學生，政府就更唔需要資助IB學校，它們都一樣有能力辦好，應將更多資源投放於DSE統一學校仲好，若然直資都教DSE，那便統一跟所有學校一樣教學，咁樣政府才可給予教學資源比直資學校。  唔明白家長為何會怕統一教學，最起碼大部份家長唔會因此有選校煩惱，北區同中環學校都係一樣咁學，資優學生可在網上學取到高知識(唔明白可小休或放學時候向老師提問)，唔需要學校去遷就呢類學生，這樣每間學校就在於老師教學能力(老師更唔會固步自封)，且學校就更用心向著學生和老師，唔會衹為了學校名聲去教學，容易走向壞方向發展(德信學校就是其中一個例子)。

poonseelai

何謂"專業家長"？ 為何討論兩個不同制度由英文講起？

retriever

天外之人 發表於 23-4-24 12:59
這個主題好像影響各家長想小朋友將來入大學之路選擇，在升中版停止了討論，但為以後既小朋友學習路，值得討 ...

我親友在大學教書, 他不太喜歡IB 入來的學生;

討論兩學制有不同方面, 學習方式, 入U 機會... 後者涉及資源分配機制!


如果提到如舊POST 說到的公平問題, 我總覺得有資源的家庭永遠有更多選舉, 沒什麼好怨的...



如果可以重來, 我寧願復古, HKCEE/HKAL, YES, I AM AN OLD CAKE

天外之人

回覆 poonseelai 的帖子

專業各人定義都不同,在EK會講很多什麼數據分析呢類家長都算係專業人仕.

冇咩特別會帶出為何由英文說起,其實兩個制度都係需要學英文,衹是帶出為何好多家長所講中文好難原因,中文漢語公認係全世界最難學排名第一,且小朋友正常從小學習階段學野好快,舊世界主導既英文語言更令各家長覺得小朋友能流利運用會有優越感,且又是不難學語言之一,好多便從小捨難取易,從小不停咁灌輸英文,自然成長越大,對更難運用既中文更抗拒.自然慢慢在升學路上,涉足了家長會偏向小朋友用那一種教育制度,甚至出國去.

天外之人

回覆 retriever 的帖子

所以"教育"呢方面就更顯重要,
  
的確有資源家長係有多方面選擇,這衹是個人家庭問題,制度方面是大環境,每個地方應有自己獨特專業及好既教育制度,令學習既學子真正學有所成.

PS: 睇今次在國內旅行,在其中一個景點與幾位中小學生傾計,真係兩個唔同世界,令我孩子都獲益良多.

retriever

天外之人 發表於 23-4-25 12:03
回覆 retriever 的帖子

所以"教育"呢方面就更顯重要,

"政府就更唔需要資助IB學校，它們都一樣有能力辦好，應將更多資源投放於DSE統一學校仲好"


直資是按人頭收資助的... 我很好奇揀了IB 的學生, 是否仍然為學校收到政府資助...




我一直反對DSE. 覺得由廣受認可的HKCEE 轉為全新的DSE有點不明不白... DSE 當年加入LS 目的也是可疑的...




你可否分享一下, 從幾位國內中小學生傾計, 如何獲益良多?

天外之人

回覆 retriever 的帖子

作為普通家長的我,你我所認知既獲益良多可能都不同.


我的普通話普普通通,所以大部份都是孩子與他們傾計居多,我同先生都係隨意插些話,在我感覺這次傾計國內中小學生全無害羞之心(可能現今國內安全指數提昇好多),孩子與他們的熱情對答如流亦令我感覺她自信感滿滿(或許本身都好有自信心),這點已經令我覺得她有獲益良多感覺,真的要再有深層次學術交流,更不是一般半天或幾小時遊學可以做到,當然現今科技咁發達,留了雙方面Wechat也可以得到,

ANChan59

IB 係相對香港小學，初中及NSS學制，IBDP 相對DSE係考試，係兩回事。

天外之人

ANChan59 發表於 23-4-26 07:41
IB 係相對香港小學，初中及NSS學制，IBDP 相對DSE係考試，係兩回事。

不論所指學制好,考試制度好,大部份家長最主要都係一個原因,令小朋友學得到好,這個才是最根本.問自己就知道,若小朋友真係攪到冇心學習,你比咩學制都於事無補,再細心啲睇這些問題既開始,大部份都從幼稚園開始做成. 這是我個人睇法.

poonseelai

天外之人 發表於 23-4-26 10:11
不論所指學制好,考試制度好,大部份家長最主要都係一個原因,令小朋友學得到好,這個才是最根本.問自己就知道, ...

不知你講下dse好同無咁好嘅地方, 包括學制和考試制度兩方面

天外之人

回覆 poonseelai 的帖子

其實我衹係個普通家長,無稔到咁複雜既野,o黎到EK多年來見到好多專業家長所指呢樣好呢樣唔好,各持己見.
但都如我上幾版所講,孩子有興趣學習,邊類學制及考試制度都一樣可以做到,衹係我o地身在所謂公平既香港,有自己制度,應該攪好自己制度令世界認可. 好多人講DSE中文科好難考,仲講係死亡之科,咪睇下考評局點樣攪好啲,唔係話要個個教育官員係"孔子",但希望都貼近啲"孔子"教育思想,唔好將名利金錢影響到教育. 我係覺得攪好咗幼稚園及小學部份,肯定大部份中學學生都係精英,自然話之理IB或DSE都有信心.

poonseelai

中文已不是死亡之科, 英文取3比率已低過中文, 家長們又好似無問題咁。我同意幼稚園小學中學打好個底好重要, 而家比大學資源好多, 有人比喻好似養隻雞仔自小無啖好食, 大個打補針效用有幾大？

你又對dse無睇法, 一句唔差, 唔知怎討論

retriever

天外之人 發表於 23-4-25 17:31
回覆 retriever 的帖子

作為普通家長的我,你我所認知既獲益良多可能都不同.

國內細路無咁害羞, 這點是的, 看起來自信也可能是的...

這方面跟兩地的教養習慣有關, 香港可能規舉較多, 特別中產家庭; 內地較鬆, 內地大部分小孩由老人帶養, 除非老人是退休老師或軍人之類, 否則對孩子帶養限制都較少的...

這方面有好有不好啦. 跟國內孩子一起吃飯, 會看到明顯差別.

國內小孩說話滔滔, 但搶起飯菜來有點無規無舉...  所以, 雙方家長聊起, 國內家長會讚香港孩子有禮乖巧, 香港家長讚國內孩子口才了得



能力方面, 要看遇到哪裡的孩子... 譬如: 某校國內交流, 遇杭州某私校, 會驚訝對方代表中英文了得... 這裡重點關鍵字是, 杭州, 私校, 代表...

retriever

天外之人 發表於 23-4-26 10:51
回覆 poonseelai 的帖子

其實我衹係個普通家長,無稔到咁複雜既野,o黎到EK多年來見到好多專業家長所指呢樣 ...

唔知如何比較以往HKCEE 跟現在DSE 的中文... 但DSE 中文科有包袱... 因為要保留教育中華文化的目的 ... 即係要保留文學部份, 包括賞析...

以往的英文, 當外語學, 是以應用為主要學習目的... 要賞析, 可唸英國文學...


國際學校學中文, 是當外語學, 當然比DSE 易...


IB 的中文有不同等級, 我不太清楚, 留返比其他高人講啦...

poonseelai

retriever 發表於 23-4-26 11:10
唔知如何比較以往HKCEE 跟現在DSE 的中文... 但DSE 中文科有包袱... 因為要保留教育中華文化的目的 ...  ...

我唔係高人, 只係一個孩子唸ib school嘅師奶

ib所有語文分3級, 母語水平, 2nd language and 從未學過（ab initio), 可按孩子能力選, 當然個別學校有規定, 例如大部分IS要求考或只提供英文母語水平, 另外一個語文可以考2nd language or ab initio, 如孩子母語不在學校提供課程內（見過日文）, 有學校會提供協助考母語水平。

直資大部分要求考中文ib母語水平， 有只提供英文 as second language

據我所知, dse中文無分科, 好似英文可考少一張paper? 但最高只會獲4分

retriever

poonseelai 發表於 23-4-26 11:36
本帖最後由 poonseelai 於 23-4-26 11:39 編輯

我唔係高人, 只係一個孩子唸ib school嘅師奶

請教一下:

我理解IB 中文分A, B... 中文A 給母語為中文的學生... 是否還有HL, SL 之分?

內容是否以應用為主?




DSE 中文包含文學內容及賞析是事實, 也是難攪之處... 包袱不能掉... 當天還攪了 "不用範文"...

poonseelai

其實今時今日更要考慮在AI日益普及情況下, 孩子需要什麼技能, 學校教育模式如何配合更重要

poonseelai

retriever 發表於 23-4-26 11:45
請教一下:

我理解IB 中文分A, B... 中文A 給母語為中文的學生... 是否還有HL, SL 之分?

所有ib母語水平也包括文學分析, 分HL and SL, 兩者分別在教學時數及paper數目。母話水平再分literature同language and literature, 後者有分析文學作品以外作品, 例如廣告。選literature 要看好多本（唔肯定是否十本左右）文學作品。

ib中文無範文, 由學校選文學作品, 有時間分享下D考試題目

poonseelai

retriever 發表於 23-4-26 11:45
請教一下:

我理解IB 中文分A, B... 中文A 給母語為中文的學生... 是否還有HL, SL 之分?

ib 語文A literature HL 要睇13部作品, SL 9部

https://www.ibo.org/programmes/diploma-programme/curriculum/language-and-literature/language-a-literature-slhl/

ib 語文A Language & literature HL 要睇6部作品, SL 4 部

https://www.ibo.org/programmes/diploma-programme/curriculum/language-and-literature/language-a-language-and-literature-slhl/

IBO has prescribed reading list.  I think school decide the list of books to study:

https://ibpublishing.ibo.org/prl/?lang=en

poonseelai

下面是2016年Nov Chinese Language and literature SL paper 2, 一小時三十分內選一條回答, 佔25分：

回答下列任何一個討論題。你的回答必須以課程第三部分選修的兩部文學作品為基礎。如果沒有根據這兩部作品進行討論，就不能得到高分。回答中應闡明你是怎樣通過語言文字和相關背景來閱讀理解每一部文學作品的。
1. 在你選修的兩部文學作品中，作者如何通過友誼的刻畫，來加強作品的主題？
2. 在你選修的兩部文學作品中，作者如何透過描寫低下階層的貧困生活，進而突顯當時的社會問題？
3. 在你選修的兩部文學作品中，作者如何通過家庭中的代溝現象，來探討社會中不同的價值觀？
4. 在你選修的兩部文學作品中，人物性格如何受到社會環境的影響，而產生了不同的變化？
5. 「文學作品的作用不在於提供娛樂，而在於達到某個政治性或社會性的功能。」你同意嗎？ 請透過你選修的兩部文學作品，加以分析說明。
6. 在文學作品中，作者有時會使用特別的方法來處理時間元素，例如改變敘述的時間順序，或對現在和過去做些特別的安排。請分析在你選修的兩部文學作品中，作者如何使用時間元素去達到特定的效果？


我知有家長以ib取7分比率高於Dse取5**比率, 總結ib easy job, 我只可以話好彩唔係我考, 而選chinese A 的孩子中文唔會太差, 才敢選。