物業管理業吉祥物創作比賽

pmsa_cc

誠邀全港所有中學及大專院校學生，參加由物業管理業監管局 聯同 香港高等教育科技學院 及 香港知專設計學院舉辦嘅 物業管理業吉祥物創作比賽！ 發揮你嘅創意，展現你嘅才華，讓你嘅作品成為香港物管業界嘅新焦點，並透過大家嘅創作加深社會對物管專業的認識，向擔任「物業守護者」角色嘅物管無名英雄致敬！


比賽獎品非常豐富！每位參賽者都可以獲得由監管局頒發嘅參與證書，冠、亞、季軍嘅作品仲會獲得最高$10,000獎金！勝出作品亦有機會協助監管局推廣物管行業。獎品咁吸引，你唔係唔一齊玩啊？


以下重要日期大家記得記低佢啦！ 監管局今年12月19日會於香港知專設計學院舉行比賽簡介會，並於同日開始接受提交作品，2025年4月30日截止，有興趣參加嘅同學仔記得把握時間喇！


快啲將呢個好消息分享畀你身邊嘅朋友，唔好錯過呢個千載難逢嘅機會去展現你哋嘅創意！如果想了解多D詳情，記得留意物業管理業吉祥物創作比賽專題網頁（https://www.pmsa.org.hk/tc/pm_mascotcompetition）或監管局Facebook專頁！