有冇英文小學家長喺度, 入來分享下

marinayiu

我想問下你地, 小朋友讀英文小學, 在學習上會否有困難? 特別係在家中用母語溝通的小朋友, 會否更加辛苦?

你們有冇這方面的經驗, 可否分享下.

Thanks!

wyl

我都想知如果家中只用母語, 亦無菲傭照顧的小朋友是否很難適應英小?

Mimi_Ma

marinayiu & wyl :

我女讀小二, 現暫沒有問題,  可能幼稚園讀國際班, 升英小比較容易適應.  及她讀的學校小一及小二都是活動教學.  

marinayiu

Mimi_Ma,

多謝你的回應, 咁你有冇問過你囡囡,識唔識聽老師上堂所講既野?  回家做功課時有冇覺得好多生字唔識而要查字典呢?

sorry, 我好似問得唔係好恰當, 但真係好想知道下

krin

其實在家中說母語或用口吾用外傭,好個人,最重要是有冇正確的英文學習途徑,好似父母指導子女多看益智的英文卡通,多閱讀英文書,好過唔咸唔淡跟小朋友用英文溝通,外傭雖然不失令小朋友可增加說英文機會,但係佢

marinayiu

[quote]
krin 寫道:
其實在家中說母語或用口吾用外傭,好個人,最重要是有冇正確的英文學習途徑,好似父母指導子女多看益智的英文卡通,多閱讀英文書,好過唔咸唔淡跟小朋友用英文溝通,外傭雖然不失令小朋友可增加說英文機會,但係佢

麟媽媽

唉~~ 我仔4年幼稚園生涯都有native speaker老師班主任，基本上佢listening方面無咩問題，他跟英國籍姨丈都溝通到。
但上小一之後，佢是中文上課的，咁我係屋企咪有時全英同佢講野囉。但個仔總是我英文問，佢用中文答，無咩計…點攪好？
佢同表弟玩又講英文架喎！但我家姐又叫我仔唔好同表弟講英文喎，佢想個仔多講中文...唉，無咩機會比佢講英文添！

marinayiu

大家好似都無答到我的問題喎?

其實我都覺得小朋友學英文的最好途徑, 莫過於日日浸淫, 所以我都比囡囡讀幼稚園國際班, 希望佢多d機會接觸英文, 第日唔會咁抗爭學英文啦.  現在仲考慮比佢讀埋英文小學, 但由於家中真係無辦法配合講英語, 所以有時問起囡囡在學校明唔明老師講乜,佢都話唔係好明   , 現在幼稚園就話唔明唔緊要啫, 但如果到小學都唔明老師講乜的話, 咁點追呢?

所以想問下大家意見, 在母語環境下成長,接受英語教學, 會唔會有困難呢?

Mimi_Ma

marinayiu :

先回答 今早的問題 : 我囡囡她上堂明白老師用英語講解及能夠和外籍老師溝通,  在課文方面甚少查字典找解釋.
但這是個別例子,  她都有很多同學聽講都唔得.  但經過小一一年時間後,  現小二很多都聽得明老師講解及能夠放膽用英語溝通. 其實她學校初期老師都會中英並重,  按程度分班的.  所以唔需要太擔心.  

marinayiu 寫道:
大家好似都無答到我的問題喎?

其實我都覺得小朋友學英文的最好途徑, 莫過於日日浸淫, 所以我都比囡囡讀幼稚園國際班, 現在仲考慮讀埋英文小學, 但由於家中真係無辦法配合講英語, 所以有時問起囡囡在學校明唔明老師講乜,佢都話唔係好明   , 現在幼稚園就話唔明唔緊要, 但小學就唔可以la嗎.

我明白你的想法, 因我的情況也和你一樣, 家中各人的英文都是有限公司(冇人講英語).   所以由她少時候已開始制造一個英語環境給囡囡學習.  幼稚園時上國際班.  及每天開電視祗看英文台卡通, 買附有CD 的英文故事給囡囡聽及讀.  升小時選讀英文小學,  使她每天能繼續有多些機會接觸英文及能多和同學用英語溝通,  經過幾年(幼稚園兩年及小一)浸淫後都有少少成績.   

希望這少少資料能夠幫到你.

twokidsmum

我女兒的幼兒園是中文幼兒園，但卻要升上英文小學．我於是問幼兒園老師小朋友升上小學後真的能適應小學的全英語環境嗎？老師居然答我，有小部份學生在小二時仍未能聽懂announcement! 所以我覺得這方面還是要靠家長自行努力．

我個人認為請菲傭應”有助”提升孩子聽講能力的，但不能依靠她們教小孩英文．

我有這個想法是由於我先生和我每天都有一個時段跟女兒說普通話的．她雖然聽得懂，但她一直只肯以廣東話回答我們．直至我聘請了一個只會說普通話的印傭後，她在沒有選擇的情況下只得以普通話跟她溝通，６個月後的今天她已能自然地跟各人說普通話，只是慢了點和間中有語法問題．

我印傭普通話雖然一般，但我們只為了提供一個語言環境給她．當我們一聽到女兒有任何說得不對的地方，會立刻糾正，所以這幾個月她進步得非常快，口音亦比我印傭準得多．

我正考慮印傭約滿前轉請一個菲傭，讓女兒practice英語聽講能力，再找一個普通話老師教女兒中文．現在她的英文仍是以我教為主，慢慢再找外籍老師執口音，那成本會低一點．

以上只是我個人經驗，若有其他媽咪有更好提議，請賜教．

twokidsmum

marinayiu

Mimi_Ma,

多謝你提供咁祥細的資料, 我總是很矛盾, 既想繼續給囡囡一個好的環境(英小)接觸英文, 又怕囡囡佢一但唔適應追唔上, 就得不償失. 不過聽完你咁講, 我想我可能係太過擔憂了.

marinayiu

marinayiu

好開心及好多謝大家的分享

stccmc 寫道:
你能送囡囡讀幼稚園國際班, 已經比多數小朋友好。  其實如果有人話唔得, 你會點做?  送你女女去中文小學?  唔比她試?  我想不通我們的意見如何幫你做決定?!

我囡囡明年才讀小學, 你地所提供的寶貴意見, 可以作為日後選校的一個參考. 其實如果想有效地吸收知識, 我個人認為始終係母語來得直接, 而英文呢, 只要能應付學校所教授的便已不錯了,而且很多途徑都能學英語, 所以才會好矛盾讀英小or中小.   唔知你地同唔同意呢?

麟媽媽

我可以講吓我自己既經歷。
我幼稚園到中學都在女子英文學校讀書的，我媽咪不太懂英文，但我有一個大學生祖母。從小放學回家都由祖母跟我們溫習，我祖母只容許我們看4點才開台的明珠台，看的只是芝麻街同其他英文卡通。
我想講的是我們家亦不是一個英語環境，但可看看家長如何製造英語會話機會。長期看英語節目，不是VCD喎，是次次不同的。我都唔知幾時開始，我便聽得明那些外籍人士在說什麼。因我家姐妹多，嫲嫲有時強要我們說英文，初時有點亂咁講，好攪笑！但久而久之，見到爸爸生意上的英藉夫婦，唔知點解又可跟那太太談起話來。
如你問我初時上課有沒有聽不明的地方？我唔太記得，應該有的。我記得我K.2時因唔識講：「May I go to the toilet, please?」，因而賴左尿。哈！我又無咩hard feelings喎，可能仲細個喇。我小一時常打電話問同學仔的，我諗佢都覺我煩！但上到小二、小三，便自己攪得掂。
嫲嫲常要我們大聲朗讀課文，好有用。第一有信心喇，讀得多便放膽講，起碼唔會窒窒吓先。第二，睇得多，知道人家如何寫，唔多唔少抄到D啩。
細路仔吸收能力好高，佢地會在不知不覺中學習。當年我母校有很多學生都是中等家庭出身，一定不是什麼全英語環境中長大。但中學畢業時，大多學生都說得一口好英語，會考英文科大多取得credit以上的成績，當然好學校、好老師功勞亦不少。

twokidsmum

真羡慕妳有一個高學歷而且會教小朋友的好嫲嫲呀！

我有很多英語不錯的朋友小時候經常看英文節目或愛看芝蔴街的。我都同意大聲朗讀是一個很好的訓練。

twokidsmum

麟媽媽 寫道:
我可以講吓我自己既經歷。
我幼稚園到中學都在女子英文學校讀書的，我媽咪不太懂英文，但我有一個大學生祖母。從小放學回家都由祖母跟我們溫習，我祖母只容許我們看4點才開台的明珠台，看的只是芝麻街同其他英文卡通。
我想講的是我們家亦不是一個英語環境，但可看看家長如何製造英語會話機會。長期看英語節目，不是VCD喎，是次次不同的。我都唔知幾時開始，我便聽得明那些外籍人士在說什麼。因我家姐妹多，嫲嫲有時強要我們說英文，初時有點亂咁講，好攪笑！但久而久之，見到爸爸生意上的英藉夫婦，唔知點解又可跟那太太談起話來。
如你問我初時上課有沒有聽不明的地方？我唔太記得，應該有的。我記得我K.2時因唔識講：「May I go to the toilet, please?」，因而賴左尿。哈！我又無咩hard feelings喎，可能仲細個喇。我小一時常打電話問同學仔的，我諗佢都覺我煩！但上到小二、小三，便自己攪得掂。
嫲嫲常要我們大聲朗讀課文，好有用。第一有信心喇，讀得多便放膽講，起碼唔會窒窒吓先。第二，睇得多，知道人家如何寫，唔多唔少抄到D啩。
細路仔吸收能力好高，佢地會在不知不覺中學習。當年我母校有很多學生都是中等家庭出身，一定不是什麼全英語環境中長大。但中學畢業時，大多學生都說得一口好英語，會考英文科大多取得credit以上的成績，當然好學校、好老師功勞亦不少。

marinayiu

麟媽媽,

多謝你將你的親身體驗同大家分享, 但好想知道點解你無比你兒子繼續讀英小呢? 是否覺得打好中文基礎更加重要呢?

麟媽媽

我間學校是女子學校，唔收我仔呢！
如果我有一個女兒，我一定一定想比佢讀我學校，因為母校除了給我知識外，亦給了我快樂難忘的校園生活！(仲係joint school function識到我老公呢！)
我老公是華仁舊生，佢想兒子讀佢間學校。我以前有諗過報St. Joseph 的，人地係英小嘛，同老公提吓佢想反面咁呀！
所以而家想同佢跟足D英文喇，佢學校好多學生都有係出面再自己學英文既。雖然華仁小學是中文小學，但校風很好，老師亦好，兒子日日返學都好開心，呢樣都同樣重要。

marinayiu 寫道:
麟媽媽,

多謝你將你的親身體驗同大家分享, 但好想知道點解你無比你兒子繼續讀英小呢? 是否覺得打好中文基礎更加重要呢?

emily_lo

May I know which school you were in (as I have a girl)