想請教嘉諾撒聖家學校 .....

vensusma

九龍城聯合道嘉諾撒聖家學校 與 九龍塘添褔道聖家學校
~~ 2間學校程度有分別嗎?
~~ 課程是深, 好深 定 淺 呢?
~~ 功課, 學習 壓力大嗎?
~~ 多唔多課外活動?
~~ 小六生有幾多%可以升回直屬中學"嘉諾撒聖家書院"?

~~ 嘉諾撒聖家書院程度如何?

Blythemia

據講聯合道個間深d.亦谷得行d.
九龍塘中文程度幾高,英文中挺.學習壓力?全香港邊間學校冇丫?,整體來講小朋友係讀得開心既.功課唔算太少但亦合理(例如詞語同改正每個抄三次),小朋友專心既話應付得到.課外活動一年級就得一兩樣可以揀,高班d選擇都算唔少,不過點算多,點算少,好難比較.
升上中學聽講七八成左右,呢點唔太清楚.而家年年有變數,講唔埋.中學band one,英文教學,程度點?同區來講最好既其中一間.

肥肥師奶

你好!  我的女兒現就讀嘉諾撒聖家(九龍塘)，所以不大清楚九龍城聖家的實際運作，也不想胡亂批評。聖家(九龍塘)學校環境不錯，校風純樸，程度方面，中文較深，而英文在一、二年級會較淺，上了三年級後便開始谷，但津貼學校的英文程度始終不及英文小學(除一些名校中名校)，老師對學生也很關懷，值得一讚是該校的校長，她對教育的熱誠和對學生的體貼令我非常欣賞，另外，課外活動亦很多元化，每個小朋友都要在上課時間內參加一項(最多兩項)的課外活動。至於中學派位，只要在五、六年級考試平均分達85以上，便可派往聖家書院，聖家書院是EMI，我想也是一間不錯的中學。以上是我的小小意見，希望可以解答到你的問題。

Blythemia

肥肥師奶 寫道:
老師對學生也很關懷，值得一讚是該校的校長，她對教育的熱誠和對學生的體貼令我非常欣賞

百分百同意.學生真有福氣.

vensusma

多謝Blythemia，肥肥師奶，wunma 既資料, 2間聖家小學都是相當好的女校,
因為小囡現時就讀一條龍幼稚園k1, 如果升讀原校的男女小學就要放棄攪珠. 現今社會風氣我希望女兒將來讀女校(我也是女中出身 ), 我不是教徒, 但入學計分制令我覺得考入宗教背景,津貼傳統名牌女小 (maryknoll, 聖家, 協恩....)像是賭運一樣.  
放棄一條龍?? 又驚一輪,二輪都派唔到心儀小學, 唉.........好煩惱..............   

vensusma

肥肥師奶 及 其他媽咪:
請問你知道聖家interview內容嗎??

S

Hope the following helps:

---

作者: StupidDog
日:   09-17-02 22:25

beequeen:

So far I am very happy about HFCS - brand new facilities, professional and nice teaching faculty, very good school net and a direct link with an MEI school.

Others can correct me if I'm wrong. I believe it is easier to get admitted by the school in the FIRST round. The simple reason is, HFCS has a far smaller number of pupils (total 532 in May 2002) than other schools (e.g. Maryknoll: total 1162). The smaller number is a result of only 2 classes from P3 to P6 (compared to 4 classes in P1-2). So there are fewer big sisters carrying little sisters under the current point system.

The good point about a small student body, is that the teachers and pupils are closer together.

---

主題 :  Re: 請問對 嘉勒撒(聖家) & 聖羅撒 睇法  
作者 :  電     (---.hkcable.com.hk)  日期 : 2003-11-23 07:02

嘉諾撒聖家學校 (Kln Tong)

See results from 2001-02 primary school subject benchmark tests below:

P6 pupils
English: HFCS 75 points; HK Average 54
Chinese: HFCS 78; HK Average 73
Maths: HFCS 76; HK Average 63

Go to school site http://www.holyfamilykt.edu.hk/
Click "校訊創刊號"" 下載" and you will see the details.

肥肥師奶

vensusma，你好!  聖家是政府的津貼學校，是用計分及攪珠仔制度入讀，是不用面試的。你的case比較難取捨  ，因為怕放棄直上小學的機會，而又派不到理想的小學...... 真懊惱!!!  唸回數年前，自己也亦選擇那間小學而感煩惱非常，我想你也知道同區另有一間天主教女校(紅磚屋)，這間眾所週知是程度深、英文程度高的一間傳統名校，本想讓女兒博一博，但又怕競爭大，最終都是放棄選擇.....一講幫小朋友選學校、課外活動等... 都覺得煩惱!! 哈哈!

ballpen

vensusma,

你個女依家先讀k1,仲有時間去諗,而且小一入學計分法,遲啲好似又改,聽講話宗教唔計,慢吓手連舊生都唔計,加埋出生律低,咁到時你個女入讀嘅機會又會高左,所以你應該唔使咁煩住,睇吓政府點改先.

我覺得九龍塘聖家係新校,無舊生,我諗會比較易抽中.

你不如講吓你個女依家讀邊間幼稚園,睇吓值唔值得放棄政府派位.

肥肥師奶

聖家(九龍塘)都有舊生呀!!  其實聖家(九龍塘)係前聖家(九龍城)的上午班學生搬過去的。以我所知，有很多媽咪以前係舊生都讓自己的女兒入讀，多數第一輪都收，不過因為有兩所聖家在同一區，所以競爭應該不太激烈。

Blythemia

ballpen 寫道:
我覺得九龍塘聖家係新校,無舊生,我諗會比較易抽中.

唔係呀,今年係五十周年校慶呀.不過你可以話上下午班各自轉左全日制(應該有八班小一)咁將舊生人數分開一半.比例上可能覺得好少少.

menmen

Ballpen,

小女現讀民生K2, 我想問如果係你會唔會考慮放棄直上小一,而去攪珠?

vensusma

肥肥師奶:
你所指是Maryknoll?? 我朋友的2個女兒在此校完成中,小學(成績是頭10名內), 他們說老師教既野不足以應付考試想考得好成績就要補習.  功課, 考試壓力大幾乎晚晚開夜車至凌晨   :-x   

我只希望找一間程度中上, 校風純樸的女小 .  maryknoll, DGS..........太勁

vensusma

ballpen,
政府攪的 "一條虫"  "小一六合彩" 令家長一頭煙, 我同menmen一樣讀民生, 民生是一間好學校, 棄他而去博一鋪.....如果買莊開閒.........   :-x   

ballpen

肥肥師奶 寫道:
聖家(九龍塘)都有舊生呀!!  其實聖家(九龍塘)係前聖家(九龍城)的上午班學生搬過去的。以我所知，有很多媽咪以前係舊生都讓自己的女兒入讀，多數第一輪都收，不過因為有兩所聖家在同一區，所以競爭應該不太激烈。

sorry呀!唔係一定要同一地址先算舊生嘅咩,即以前喺九龍城聖家讀嘅媽咪,申請返九龍城聖家先至有分,我以前睇啲章程係咁講要同地址的.

以前聖家上下午班係唔係都有一年班至六年班的呢?同唔同校長呢?

ballpen

menmen,vensusma,

首先聲明只係個人意見,我本人就唔係幾鍾意民生,但唔代表民生唔好喎,大家要搞清楚,我點解唔鍾意,唔知點解我覺得民生係左左哋,不過呢啲都係幾十年前我對民生嘅認識,依家對民生嘅了解唔多,所以我從來都無諗過考民生,所以你問我,我就會話去搞珠.

不過民生幾十年都係名校我就知喎,所以如果你認同佢嘅教學理念,又鍾意間學校,咁放棄大抽簽,都無問題,民生出來嘅學生應該都唔會點曳,因為我覺得佢哋真係幾嚴,校風都幾好.

肥肥師奶

ballpen, 你好!  我以前亦有同一疑問，後來問清楚以前在小學讀聖家的媽咪，原來如果媽咪以前讀上午班，就要到九龍塘聖家，而讀下午班，便要到九龍城聖家。

以前上、下午校都有一至六年級，而校長亦不同的。

Blythemia

ballpen,
其實我都係舊生,等我答下你丫.大約兩三年前,上下午校都同係聯合道上堂.係政府角度來睇,佢地係兩間學校.無論校曆表,校服.用書,教職員,校長都完全唔同.九龍塘校舍啟用後,兩間學校分番開.如果係上午校舊生,就要報九龍塘個間至有五分,下午校舊生就要報聯合道.以前同而家都係有齊小一同小六架.