想問下kts初小功課量，有媽媽可以幫手答一下嗎？

Babyarsene

本人好鐘意kts, 仔仔今年k3, 但有朋友話kts都好辛苦，好多功課，我仔仔未做到自動自覺做功課，而我又係working mum, 想知道真實情況係點？默書又多唔多？

Yanamami

功課由P1~P6都喺唔會多過6樣一日。多數4、5樣。默書中、英每學期3次到~唔計落成績表的，只當溫習用。每日有功課堂，如果專心既話，大部份功課已可完成。話KTS辛苦，主要喺教得快同深，但測考都多喺考番教過的。同埋因無中學backup，要花時間喺體藝度，所以每個學生都好忙。如果仔仔未能主動完成功課，你最好及早訓練他，事關去到邊間學校都要識自己做好本份。

Babyarsene

咁功課量都唔多，默書都唔多！但啲人話好谷就係因為教得快同深？

Babyarsene

Forum都有人話教得深，考得仲深？

Yanamami

Babyarsene 發表於 14-9-22 13:02
Forum都有人話教得深，考得仲深？

Forum既人有小朋友喺度讀緊嗎？其實每間學校都有跟得上同跟唔上既人。跟得上，咪話易。跟唔上，咪話難。你可以照申請。交表果日，留意下學校環境同學生。面試當日中可以搵個同學仔或義工家長問下，瞭解下間學校。睇下d學生喺咪讀到呆呆的，或者睇下d老師喺咪惡死的。我會話，KTS既workload真喺一d都唔重，只喺教得深同快。如果有同學跟唔上，自然會覺得難，因為一堆積，就只會越黎越跟唔上。當小朋友要應付課程同體藝的訓練時，time management喺好重要架。

Babyarsene

原帖由 Yanamami 於 14-09-22 發表
功課由P1~P6都喺唔會多過6樣一日。多數4、5樣。默書中、英每學期3次到~唔計落成績表的，只當溫習用。每日有 ...

再想問下，你話默書中英一學期三次到，即係唔係一個星期一次？

Yanamami

Babyarsene 發表於 14-10-6 20:11
再想問下，你話默書中英一學期三次到，即係唔係一個星期一次？

唔喺！喺咪好開心呢？

我大女初小果個年代，每星期中、英各默一次，到佢高小，就一個星期中默，一個星期英默。到細女P1/2，直情取消默書，到P3時又有番默書，但就每個學期中、英各3次，仲唔計落成績表添。當然會有同學覺得唔計分就唔盡力溫默書，但老師會提同學點都應該認真對待自己既學業。

Babyarsene

原帖由 Yanamami 於 14-10-06 發表
唔喺！喺咪好開心呢？

我大女初小果個年代，每星期中、英各默一次，到佢高小，就一個星期中默，一 ...

Thank you so much for your reply. 我好鐘意kts, 希望我仔有機會入到

cc0813

今年小一，小朋友覺得功課雖然多，但每日好想返學……功課我覺得尚可應付

chun媽

我最鐘意kts默書唔計落成績表,家長可放手讓子女自行溫習默書

natat