有無愉城方方家長？ - 幼校討論 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 幼校討論 › 有無愉城方方家長？

1 ... 8 9 10 11 121314 15 16 下一頁

發新帖

樓主: meta	go 有無愉城方方家長？ [複製鏈接]

Rank: 5 Rank: 5


	1184

241^#

發表於 07-10-31 20:55 |只看該作者

hi Tracy & Vanessa,

子俊星期一&二都無返學, 因為咳同流鼻水. 今日好番返左學喇, 今日我接子俊放學, 見到工人姐姐接家睎, 我叫家睎, 但家睎都係無睬我呀, 不過可能係放學時門口太多人, 家睎聽唔到我叫佢.
另外係車站子俊介紹左另一個同學仔比我識, 係和希. 佢媽咪同我講原來係叫"利和希".

今日工人洗左d冬天校服, 校樓同運動褲都"退色", 條褲仲染到一撻撻紅色. 你地有無咁既情況?

親子旅行仲15/16, 諗緊去唔去???

Rank: 4


	560

242^#

發表於 07-10-31 23:27 |只看該作者

meta,

多謝，有心．我返埋今日放產假啦，終於可以休息吓．

原文章由 meta 於 07-10-30 22:45 硐表
快d放假啦！因為您係第二胎，真係隨時生得架。雖然生得會容易，但係您都要有足夠休息嘛！小心、小心。

Rank: 4


	560

243^#

發表於 07-10-31 23:33 |只看該作者

Hi Vanessa,

係啦，我會聽話架．
不過臨放假前比大老闆整古，又叫我做呢樣又ｏ個樣，今日都仲要
開會take minutes, 依家攞左d野返屋企做

.
聽日我會湊薳然返學(如果今晚無作動

), 聽日見啦.
係呀, 要等妹妹出左世, 先可以同薳然參加呢d活動, 真係要薳然犧牲吓啦.
您地玩得開心d啦.

原文章由 lsw0316 於 07-10-31 01:12 硐表
Hi Tracy,

真係要聽醫生話, 唔好四圍走呀, 遲啲先食飯無問題. 如果妳未生得, 咁我哋 11/1 湊放學時見啦!

我都估妳去唔到o架啦, 就算妳未生得住, 個肚咁大, 要帶住薳然去一日旅行真係會好攰o架. 下次等妹妹出咗出 ...

Rank: 4


	560

244^#

發表於 07-10-31 23:43 |只看該作者

Hi Carmen,

係呀，薳然好鐘意利和希架，但薳然成日ｕｐ唔正佢個名，話袁和希，之前我都問過梁老師，利和希個正名，不過我大肚婆無記性唔記得，所以跟左薳然叫佢做袁和希囉．

薳然件運動服用洗衣機洗無甩色，件校褸呢，因為我見ｄ質地差，所以打電話問學校要點洗，佢話用手洗，然後用大毛巾印乾ｄ，之後先至ｌｏｎｇ，不過我無用大毛巾印乾，就咁用手洗完之後就ｌｏｎｇ，無事播．

您可能件校褸甩色，整到件運動衫染左色．

見呢個星期涼左，我今日比薳然著左冬季運動衫返學啦．

另外，子俊係咪姓保架？　薳然成日話保子俊．
仲有ｍｉｎｇ　ｍｉｎｇ呢，我記起啦薳然話佢叫廖敏明，我覺得好似女仔名咁，我問薳然幾次佢都話係男仔，唔知薳然係咪又講得個同學仔個名唔正呢？

原文章由 子俊寶寶 於 07-10-31 20:55 硐表
hi Tracy & Vanessa,

子俊星期一&二都無返學, 因為咳同流鼻水. 今日好番返左學喇, 今日我接子俊放學, 見到工人姐姐接家睎, 我叫家睎, 但家睎都係無睬我呀, 不過可能係放學時門口太多人, 家睎聽唔到我叫佢.
另外係車 ...

Rank: 2


	86

245^#

發表於 07-11-1 00:10 |只看該作者

各位好:
我仍未是方方家長, 已報下年全日班K1, 但未選國際/雙語, 請給我意見

.謝謝.
如選雙語班, 但家中冇英語環境(全家都唔識), 故只在學校才接觸英文(每天只有30分鍾會否太少), 當讀完K1後~是否能用簡單英語溝通?

自已唔識英文, 希望佢識.
但如選國際班, 因全沒有教中文, 將來讀主流小學會困難嗎? (小學冇打算讀國際學校).

Rank: 2


	86

246^#

發表於 07-11-1 00:38 |只看該作者

hello, 咁多位mummy,

好耐無上黎啦. 因為都好忙. 你地會唔會去學校旅行呀?

Rank: 3 Rank: 3


	211

247^#

發表於 07-11-1 01:43 |只看該作者

Hi Carmen,

乜家晞咁曳唔啋妳呀! 可能因為佢唔認得妳啫, 我聽日會去接放學, 睇吓撞唔撞見妳, 等家晞知道妳係媽咪朋友, 認吓妳個樣. 我見家晞平時喺屋企樓下撞見啲街坊婆婆, 連我唔識嘅佢都識, 會同啲婆婆揮手打招呼o架, 如果佢認得妳就唔會咁 cool o架啦!

我洗咗運動衫褲, 但原來工人未洗校褸, 所以都唔見有甩色喎, 我同意 Tracy 講話絨褸最大嫌疑, 一般紅色嘅牢固度係差少少, 而且係毛絨特別容易甩色o架, 我嘅職業病又嚟啦!

旅行我交咗錢啦, 諗住唔好俾藉口自己懶, 其實小朋友去到郊外一齊玩應該會好開心o架, 平時家晞除咗每星期去一, 兩個 playgroup, 都係室內, 其實都好少機會去郊外同空曠嘅地方玩, 所以即刻報咗名, 如果唔係我自己諗多兩諗就會縮沙, 因為, 一來好早出發, 二來, 得我一個帶住家晞由早到晏晝3:00-4:00, 仲要燒烤, 應該都會好攰囉!

原文章由 子俊寶寶 於 07-10-31 20:55 硐表
hi Tracy & Vanessa,

子俊星期一&二都無返學, 因為咳同流鼻水. 今日好番返左學喇, 今日我接子俊放學, 見到工人姐姐接家睎, 我叫家睎, 但家睎都係無睬我呀, 不過可能係放學時門口太多人, 家睎聽唔到我叫佢.
另外係車 ...

Rank: 3 Rank: 3


	211

248^#

發表於 07-11-1 01:49 |只看該作者

Hi Tracy,

咁妳係咪做埋呢份功課就開始放假啦! 算罷啦, 老細係咁o架啦, 佢覺得出咗糧俾妳, 叫妳做嘢係應份嘅! 過埋今日就話之佢, 十星期後先算.

聽日見啦, 我有信心聽日會見到妳嚟接放學嘅!

原文章由 薳然媽媽 於 07-10-31 23:33 硐表
Hi Vanessa,

係啦，我會聽話架．
不過臨放假前比大老闆整古，又叫我做呢樣又ｏ個樣，今日都仲要
開會take minutes, 依家攞左d野返屋企做 .
聽日我會湊薳然返學(如果今晚無作動 ), 聽日見啦.
係呀, 要等妹妹出左世, 先可以 ...

Rank: 3 Rank: 3


	211

249^#

發表於 07-11-1 01:57 |只看該作者

Hi Cacamummy,

妳好嗎! 妳囝囝讀下午國際班適應成點呀? 妳覺得學校嘅英語環境可唔可以令小朋友有好多機會講英文呀? 咁平時妳同囝囝喺屋企用英文溝通多啲定廣東話?

我就報咗名去呀, 因為係平日, 得我自己一個同家晞去. 妳會唔會同囝囝去呀?

原文章由 cacamummy 於 07-11-1 00:38 硐表
hello, 咁多位mummy,

好耐無上黎啦. 因為都好忙. 你地會唔會去學校旅行呀?

Rank: 2


	86

250^#

發表於 07-11-2 01:22 |只看該作者

HELLO lsw0316,

會去呀. 我同先生3個一齊去. 我應該點稱呼你呀? ^v^ 你bb讀上午定係下晝班呀? 唔知會唔會係同學呢?

下晝班其實最唔好就係小朋友d時間亂晒. 軒軒都適應左返學. 至少無喊. 不過, 我weekend同佢講, 不如我地返學囉. 佢就擰晒頭叫唔好.

我人覺得學校嘅英語環境可唔可以令小朋友有好多機會講英文.......咁真係有保留...因為成班同學都係香港人. 而且雙班主任制. native既英文班主任呢, 問親呀仔都無反應. 反而問佢中文老師, 佢就有問有答. 同埋呀囝太細啦.

我反而覺得佢係識左好多廣東話. 同埋軒軒返左2星期, 有一日就突然同我數 one to ten... 我之前係無教過佢. 打番去俾個中文既班主任, 佢話係佢教既. 咁2星期就識. 都算bouns.
亦睇到miss有落心機

你呢? bb返左方方後, 你覺得點呀?

Rank: 5 Rank: 5


	1184

251^#

發表於 07-11-2 18:01 |只看該作者

hi Tracy,

子俊係姓杜, 唔係姓保

．

而ｍｉｎｇ　ｍｉｎｇ應該係男仔, 因為我之前問個子俊好多次, 佢大多數都係答我boy. 薳然答啱左

, 除非佢兩個都呃我地啦.

Rank: 3 Rank: 3


	360

252^#

發表於 07-11-3 22:10 |只看該作者

爹地無假放，我同晴晴去。

原文章由 cacamummy 於 07-11-1 12:38 AM 硐表
hello, 咁多位mummy,

好耐無上黎啦. 因為都好忙. 你地會唔會去學校旅行呀?

Rank: 3 Rank: 3


	211

253^#

發表於 07-11-6 01:59 |只看該作者

Hi Cacamummy,

我囡囡讀上午雙語班 Nursery Truth I a.m., 叫陳家晞. 我英文名叫 Vanessa. 妳呢?

我囡囡返學之後都係學識講多好多嘢, 廣東話同英文都講多咗, 我諗喺學校佢學識要用語言表達, 所以講多咗嘢, 至於, 講英文其實係我喺屋企同佢溝通時會儘量用英文, 或者諗啲佢識嘅嘢用英文問佢, 同佢多啲用英文傾計, 因為囡囡自細睇同聽 (其實都係睇多過聽) 迪士尼美語 DVD 大嘅, 一啲簡單英語問題佢會明白, 所以同佢練多啲, 唔想佢生疏, 學語言最緊要有適合語境俾佢哋運用, 所以, 我想知方方國際班有無足夠語境俾小朋友講英文.

我覺得小朋友暫時只係返咗學 3 個月, 有咁嘅進步已經唔錯o架啦, 都算幾滿意, 不過, 我都有報考兩間國際學校幼稚園 08-09 年讀 k1, 唔知考唔考到, 如果考唔到就會留喺方方讀, 我覺得方方學術程度絕對可以應付升上主流小學.

旅行得我同家晞去, 希望到時見到您哋一家三口啦!

原文章由 cacamummy 於 07-11-2 01:22 硐表
HELLO lsw0316,

會去呀. 我同先生3個一齊去. 我應該點稱呼你呀? ^v^ 你bb讀上午定係下晝班呀? 唔知會唔會係同學呢?

下晝班其實最唔好就係小朋友d時間亂晒. 軒軒都適應左返學. 至少無喊. 不過, 我weekend同佢講, ...

Rank: 3 Rank: 3


	211

254^#

發表於 07-11-6 02:17 |只看該作者

Hi Happyhome,

我都問咗其中一個 mummy 關於國際班是否有我哋家長預期嘅英語環境俾小朋友用英文溝通, 妳可以睇吓 Cacamummy 嘅回覆, 我對於 Cacamummy 所講嘅情況就覺得有時係我哋家長一廂情願, 以為國際班竟一定有好啲嘅語境俾小朋友講英文, 事實又未必, 喺唔同學校有唔同嘅運作, 我估方方嘅國際班唔係真係國際學校嘅教學方法. 不過, 我哋嘅囝囝囡囡只係讀緊 Nursery 班, 未到 K1, 而且, 只係讀咗短短 2-3 個月嘅時間, 所以, 我嘅感覺同評語可能遲啲會唔同o架, 但係無論如何, 我覺得屋企都應該要俾小朋友講英文, 只靠學校嗰幾個鐘, 同埋始終, 囝囝囡囡會同屋企人講多啲嘢o架嘛, 喺學校學到英文, 返屋企有機會俾佢哋繼續練習同運用都好重要o架, 諗清楚先決定呀!

原文章由 Happy-Home 於 07-11-1 00:10 硐表
各位好:
我仍未是方方家長, 已報下年全日班K1, 但未選國際/雙語, 請給我意見 .謝謝.
如選雙語班, 但家中冇英語環境(全家都唔識), 故只在學校才接觸英文(每天只有30分鍾會否太少), 當讀完K1後~是否能用簡單英 ...

Rank: 3 Rank: 3


	211

255^#

發表於 07-11-13 23:33 |只看該作者

Cacamummy,

今日去完旅行, 因為學校先到先上車嘅安排其實都幾難認識新家長, 好多人, 又唔係分班坐, 所以可能迎面行過都唔識. 等下次學校再有聚會先可以認識啦!

我日今同家晞係揀咗 barbecue o架, 原來一共得30 幾人揀 barbecue 咋, 您哋呢?

原文章由 lsw0316 於 07-11-6 01:59 硐表
Hi Cacamummy,

我囡囡讀上午雙語班 Nursery Truth I a.m., 叫陳家晞. 我英文名叫 Vanessa. 妳呢?

我囡囡返學之後都係學識講多好多嘢, 廣東話同英文都講多咗, 我諗喺學校佢學識要用語言表達, 所以講多咗嘢, 至於 ...

Rank: 3 Rank: 3


	211

256^#

發表於 07-11-13 23:50 |只看該作者

Hi Carmen,

最後有無同子俊嚟旅行呀, 真係後悔無帶工人一齊去, 得我一個人帶住啲嘢又重, 學校又送咗一套小型球柏同紙鳶, 最幣係回程時仲等緊車, 家晞未等到o架車嚟到已經瞓著咗

, 我要拎住啲嘢, 一共兩袋加一隻紙鳶, 仲要抱住家晞上車坐上層. 如果今日妳有去旅行就知愉城方方 book 咗兩架城巴去旅行. 抱完家晞上車上埋上層坐低之後, 我覺得自己似 superwoman, 諗都無諗過拎住咁多嘢仲可以抱住家晞上車落車, 自己讚吓自己叻先

原文章由 子俊寶寶 於 07-11-2 18:01 硐表
hi Tracy,

子俊係姓杜, 唔係姓保．

而ｍｉｎｇ　ｍｉｎｇ應該係男仔, 因為我之前問個子俊好多次, 佢大多數都係答我boy. 薳然答啱左, 除非佢兩個都呃我地啦. ...

Rank: 5 Rank: 5


	1184

257^#

發表於 07-11-15 16:52 |只看該作者

hi Vanessa,

我無同佢去旅行呀, 尋日同子俊去disney玩補返數

. 聽你講方方無編排同一班家長一齊, 學生同家長咪好難認識, 即係各有各玩, 失去左個意義喎

. 你覺得學校安排得如何? 好唔好玩??

今日接子俊放學時, 見到家睎個眼袋同隻手傷左, 姐姐話去旅行跌傷, 隻眼有無事呀?? 今日家睎有應我, 但係好似好唔開心咁:cry: , 係唔係唔舒服呀? 我見佢有鼻水呀, 小心身體呀

Rank: 2


	86

258^#

發表於 07-11-16 21:16 |只看該作者

HELLO,

無錯! 當日真係各有各玩. 本來以為係小朋友一齊去郊外玩, 大人就認識下, 交流下.

一去到, 大家都各有各玩, 感覺似跟旅行團.....

最覺得唔舒服就係, 食飯個陣, 大家都發揮港人本色.
對住碟炸子雞係咁搶... 我見到有人都未放低隻夾,
有位家長已經搶隻夾係手....

我最後都無咩點食野..真係食唔落......

玩單車, 就聽到有MUMMY同小朋友講:[你一行開, 你架車就俾人搶左架勒...

所以個日都唔係特別開心...

俾我再簡, 我寧願去迪士尼......

仲有, K1國際班AM班主任亦都係 N1國際班PM外籍班主任, 無再教... 老師話有安排第二位老師. 你地有無聽過呢?

Rank: 4


	665

259^#

發表於 07-11-17 01:47 |只看該作者

原文章由 cacamummy 於 07-11-16 21:16 硐表
HELLO,

無錯! 當日真係各有各玩. 本來以為係小朋友一齊去郊外玩, 大人就認識下, 交流下.

一去到, 大家都各有各玩, 感覺似跟旅行團.....

最覺得唔舒服就係, 食飯個陣, 大家都發揮港人本色.
對住碟炸子雞係咁搶 ...

yes, I haven't seen Miss Kissie for a long time (i don't know if you are talking about her) . She is a very very very nice and response teacher. She only taught my son phonics since he joined the phonics class.

Rank: 3 Rank: 3


	344

260^#

發表於 07-11-18 07:57 |只看該作者

各位方方的mami, 請問記唔記得當初要比多少留位費, 有冇得refund?

‹ 上一主題|下一主題 ›

1 ... 8 9 10 11 121314 15 16 下一頁

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢