- 在線時間
- 1016 小時
- 最後登錄
- 21-3-6
- 國民生產力
- 744
- 附加生產力
- 1784
- 貢獻生產力
- 0
- 註冊時間
- 70-1-1
- 閱讀權限
- 10
- 帖子
- 2787
- 主題
- 363
- 精華
- 1
- 積分
- 5315
- UID
- 349
 
|
為佢搵學校?
滿足自己虛榮心?
拔尖補底?
....???
我仲諗緊好唔好大拿拿幾千蚊去同個仔做. 佢小四喇, 個人好聰明, 有可能O係某方面資優, 不過肯定唔係學業上資優. 相反, 佢既學業為我地帶黎好多麻煩.
佢成日講大話, 左瞞右瞞, 老師/同學/父母/工人... 見人講人話, 見鬼講鬼話, 你同佢對質, 佢一路同你解釋一路諗大話出黎, 要破解佢, 好似警察查案咁... 總之為求過骨, 咩大話都講. 但係普通人唔會信佢咁大膽講咁多咁合邏輯既大話, 因為佢平時個人真係行出黎好成熟又有禮貌, 講野好TUM得人歡心...
唉... 為左要佢戒大話, 已經用左幾年時間, 同佢不斷講道理, 同老師夾計, 比獎勵佢, 打佢閙佢, CANCEL佢既至愛活動....咩都試過!
問佢點睇自己成日講大話, 佢話: 我覺得我好聰明好成功. 你話我擔唔擔心???!!! 我真係好驚佢大個左以騙術黎搵飯食呀!!!
其實... 我唔係想要咩虛榮心, 亦唔係想學校比特殊對待佢, 我亦冇打算同個仔轉校.
咁既話, 要唔要同佢做評估? 做左之後, 有冇幫助? 如果有, 可以幫到我D咩? |
|
發表於 08-11-12 22:31
