亞仔今年九月到英國讀 year 9,我之前約見三間Guardian 公司。 第一間嘅負責人剛剛在香港嘅姨芙, 個好處係香港人,溝通上隨心所欲。由於我係零知識,所以問得比較仔細,亦都傾左兩個鐘頭。我同老公覺得”都OK嘅”。隨後再喺BK
度睇到家長分享呢間公司嘅事件,例如宿舍嘅安全標準,寄宿家庭每次都唔同,或者住印度人家庭等等嘅安排。 貨比三家,所以我搵多咗兩間!
第二間係Jamxx-Lee 因為當時還有兩個星期我會到英國睇學校,email /WhatsApp 約咗幾次都冇進展。可能係我唔會逗留倫敦,五日都只係睇唔同嘅學校,而全部都係郊區,所以最後都約唔成。而當中佢覆嘅訊息都比較簡短。
第三間 原來呢間公司係行頭老大,係BK家長講嘅. 首先回復WhatsApp查詢好快亦比較詳細, 我好滿意。我到當地睇學校嘅時候,地區經理係親自到我酒店嘅餐廳,詳談1小時。佢好認真同我個仔講,佢係企起我個仔嗰邊,如果係學校遇到問題,一定要搵佢幫手。另外Hostfamily 有profile 嘅,詳細資料如家長及房間相片等等,仲有開學前帶我地去探訪 host family呢啲基本服務。
AEGIS member is a MUST, 重中之重係地區經理每一個學期探訪學生兩次。呢兩次我收到嘅 post visit emails (Sept & Nov),每篇係長達超過800字同埋一張相。開咗學之後真係好難搵到亞仔,通常仔嘅答覆係好簡短 yes or no or ok, 又或者問佢幾條問題先至答一條,我有試過幾日搵唔到佢,唔係擔心佢有乜嘢事,但作為母親嘅係掛住佢多啲!對於佢嘅生活真係知得好少好少。 講返個探訪報告,內容包括 同房/同學 生活、問下 housemaster & housetutor 亞仔嘅表現 (housemaster 離開時,亞仔會企起身講thank yousir, 形容亞仔有禮貌同成熟)、如何融入生活、睡房及作息安排、bullying / 幾時需要尋求協助、關心佢邊幾位係最好嘅朋友同背景、參加左乜嘢嘅課後活動 (e.g.識唔識得玩Rugby, 鍾意打乜嘢位置)、上Drama / German course (亞仔有表達一d個人感受,etc)、如何安排完成功課 (有冇邊一個科目需要協助/學習成就)、 分享 Duke of Edinburghprogram (因為我希望個仔參加),Exeat pickup arrangement 等等!
我想分享嘅係,挑選Guardian 千其唔好只睇價錢,唔係淨係頭暈身㷫,exeat /term break, host family / travel arrangement 先至搵佢地。我覺得探訪孩子環節好重要,好嘅Guardian仲可以提供選科意見、代表出席家長會攞成績表(要額外付費),詢問有關學習情況。 我嘅地區經理自己係名牌大學畢業 (Russell group),我期望佢會更加懂得處理學業,同埋提供建議。另外如何整理personal statement (要額外付費) 等。
如果大家需要挑選Guardian, 留意吓佢地有乜嘢嘅服務可以提供。我嘅經驗唔多,只有呢三間,可能其他公司有差不多嘅水平。Guardian 公司和學校一樣,最好可以的話自己親身同仔女一齊去感受。 呢間收費比較高,但我相信一分錢一分貨, 而我真心覺得間公司嘅地區經理非常好. 只係想同大家分享下,不喜勿插!
之前有家長問收費,所以我順便喺度一齊講埋 每個term£750 + 20% VAT Host family 每日£42 Pixxa’s Guardians (請自己尋找,不可賣廣告) http://www.aegisuk.net/upload/949/List%20of%20Accredited%20Guardianship%20Organisations%20September%202018.pdf
|