- 在線時間
- 616 小時
- 最後登錄
- 12-6-17
- 國民生產力
- 156
- 附加生產力
- 60
- 貢獻生產力
- 0
- 註冊時間
- 04-8-12
- 閱讀權限
- 10
- 帖子
- 535
- 主題
- 30
- 精華
- 0
- 積分
- 751
- UID
- 28470
|
呢層要睇番你心底裡想要乜野喇~
我細仔,0512BB,(好似細你囡囡一個月),佢唔算係一個好OUTSTANDING既小朋友,只係做番合付佢年齡既事;當今年同佢出去考08/09年度K1時,見到一齊考試既"大仔大女"個個都已經好札實(身體發展),又識好多野(智能上),我心想:"就算大家同一班,相差幾個月大對小朋友黎講已經可以差別好大... 將來我個仔同佢地一齊上堂,一定唔會夠大仔大女爭。"所謂爭,唔係真係指要爭d乜,而係自身學習能力、品行發展、自信心培養、甚至對學習o既興趣都會,都會有所影響,最簡單講,細仔細女當見到大仔大女做到某d野,但佢自己做唔到時,就算佢唔知咩野叫自尊心自信心,但都會識得唔開心。我有個舊同學而家做幼稚園教師既,佢話教咁多年,見盡好多細仔細女都係學習表現比較差,最影響深遠係,K1差,上到2時又再差D,K2差,上到K3就更加差,甚至到時佢已經抗拒番學。
學海無涯,我又唔認同遲一年讀書會有咩野唔好既影響,反而夾硬迫佢上花轎的話...冇錯,學制上係MEET到兩歲八個月呢個最低入學要求,但如果為左"睇落去唔好好似遲一年讀書咁核突"而影響左小朋友往後十幾年既讀書生涯,咁就唔值啦~
雖然我都會俾細仔番08/09k1,但問心我完全冇期望,當係俾佢番去玩下&學下群體生活,所搵既學校亦係以老師有冇愛心&耐性為重,而唔係要搵重學術重名氣既學校,我只希望呢一年佢會先愛上學習。
至於培正呢...我真係好欣賞呢間學校,雖然佢唔係英文學校,但中小學既程度比好多"假英文中小學"都要好,再者,佢地純樸既校風&注重小朋友德育方面既培養亦令我好放心將小朋友交托於培正成長。又或者再講,校園環境都好重要,我大仔之前向青衣卓思讀nursury,佢都好開心,但當佢轉出培正上K1後,佢成日都話番學好開心,好鍾意間學校,我問佢點解,佢答左個好簡單又純真既答案:"因為培正好大好多地方俾我玩!"所以校園環境(at least 學校大小)對小朋友都好重要~
你諗下啦~~~
原文章由 celialing 於 07-11-14 04:54 硐表
哦!其實我都有諗下年先同倬瑤再考,不過我老公應該會唔鍾意 |
|