- 在線時間
- 92 小時
- 最後登錄
- 16-1-22
- 國民生產力
- 36
- 附加生產力
- 230
- 貢獻生產力
- 0
- 註冊時間
- 07-3-15
- 閱讀權限
- 10
- 帖子
- 403
- 主題
- 32
- 精華
- 1
- 積分
- 669
- UID
- 128496
|
一直都想整理一下有關 DIR 地板時間既心得, 一於開個 post 講下, 講唔哂下次繼續講
Floortime 其實只係 DIR 裡面既方法, 其實 DIR 個理念係, 了解小朋友個別既差異(e.g. 每一項感統上既低敏,高敏 etc.), 然後採用最 "收到" 既 channel, 以遊戲/互動方式(所以叫地板時間, 因為強調同小朋友同 level 咁玩)黎達到"發展"/"教"既目的, 而重點係以"情緒""關係"作為發展既動力~
即係話, 目的唔係訓練佢做到乜做到物, 坐唔坐得定; 而係強調與人交流既能力, 而往往呢類小朋友無乜同人交流既意欲, 於是, 要抓緊一些有強烈情緒既時刻, 無論係開心或發嬲既情緒, 都可以係一些誘因和動力令佢要/想同人交流。而父母既角色就係幫佢越黎越延長交流既長度同深度。由開始可以幾下互動, 到可以維持幾十次互動, 甚至主動表達, 發展到想像遊戲 etc.
所以首先要了解小朋友既差異, 尤其係佢強項在邊, 可以在佢強項開始先, 到後來先慢慢加入佢弱項既部份。 e.g. 某些小朋友對音調高既反應特好, 咁父母玩既時候就可以戲劇性 d 咁吊高把聲, 扮聲咁同佢玩。
然後, 要投其所好, 例如小朋友鍾意玩門, 可以用玩門作為一個介入點同佢玩, 例如輕輕按住門睇下佢咩反應, 又或輪流關門, 慢慢, 可以加玩具收在門後, 開門就見到玩具。不過, 過程中一定要維持玩既氣氛, 同埋要慢慢黎, 直到小朋友接受你作為玩伴, 千祈唔好心急...
DIR 將互動分為 6 個 level, 所以, 可以先了解一下小朋友在邊個 level 先, 然後再用相關既遊戲黎幫助佢發展/同人溝通。
對地板時間既誤解:
我覺得對地板時間最大既誤解, 就係:由得小朋友點就點，變到無黎規矩，鼓勵小朋友錯誤行為，太過遷就小朋友，令佢地更固執．．
在實行既過程中, 我覺得以上都係一些誤解。其實一般依家私人/政府訓練都係用結構化教學為主, 好處就係, 可以有系統咁教小朋友一些知識/自理/社交既基礎。但係,我地個世界唔係一個咁結構化既世界, 尤其係與人溝通, 有好多變數, 好多突然發生既事, 有好多情緒交流... 呢 D, 一板一眼咁教, 初步既時候可能有些效果, 但, 之後反而會阻礙左自然既交流添...
咁, 係咪就唔好用結構化既方式教, 用哂地板時間?
我又覺得唔係。其實可以咁睇, 好似練踢球, 做訓練動作, 係咁練踢, 就好似結構化教學咁, 養成基本能力; 但咁係唔夠, 結終係要落場踢.... 地板時間就好似係練習賽咁, 有教練(父母)在場引導, 但場中既情境有好多係自發既, 讓平時既練習可以內化, 可以運用。
所以兩方面係相輔相成。我覺得結構化教學既時間應該較短和集中, 同埋可以用特地既場景, e.g. 書桌, 即係好似做功課咁... 而做完功課, 其他時間就可以用 Floortime 方法玩 (建議既長度係 20 - 30 min. 一次, 每日 6 - 8 次...其實, 點做到咁多次呀~ 我都最多係做到一,兩次乍)
可能係我個人性格影響, 我覺得成日 TRAIN TRAIN TRAIN 我都受唔住, 所以, 我平時會用玩的方法, 用 DIR 既理念黎同仔仔相處, 我覺得佢對人興趣大左, 玩既時候眼神接觸係好唔錯既。近來佢多左情, 所以我就捉住佢發脾氣既時間同佢 "floortime" 勒: e.g. 佢唔肯即刻瞓午覺, 平時我就壓住佢, 佢叫一陣就 sleep. 呢排可能大左, 反抗多左, 咁我就乘機教佢講 "唔制" (p.s. 我仔仔未識表達好/唔好的), 於是佢叫我就扮唔明, 扮"唔夠大力呀", 壓多佢兩下; 佢一講 "唔制" 我就放開佢... 結果只係一兩日, 佢就識講"唔制"~~ ^_^
其實我好認同 Floortime 講情緒係發展動力, 以往只用結構化教學時, 好多時都變左好惡咁, 要同個仔仔角力, 好累; 依家多左用 Floortime 既思維, 把情緒變成教佢既時刻, 自己心情都好左, 親子關係就更好。不過, 要實行其實要頂得住開頭佢既哭鬧, 所以, 都係在家中無人既就係最好既"欺負"仔仔既時刻勒, haha~~
少少既分享~ 我都仲繼續學緊~
至於 Floortime 當然都有佢既不足既地方, 所以後來就有 RDI 既出現, RDI 係更有系統咁訓練人隊關係互動, 比起 Floortime, RDI 比較接近訓練, 而 Floortime 就似"玩"多 d, 但 Floortime 的"玩"都係有目的咁玩; 至於 RDI 除左訓練其實都好多係玩既成分. 下次再同你地分享下 RDI 既資料啦. 或者講多句, FLoortime 最吸引我既, 就係溝通和交流既能力; 而 RDI 最吸引既, 就係更複雜既社交同人際關係既能力, 同埋有能力可以識到朋友~ 當然, 成效都係佢地自己聲稱既, 但 at least, 我睇到個方法係向住呢方面既方向去既~~ 而這些, 都係我最擔心仔仔將來既部份啦~
Reference: 對 Floortime 有興趣可以參考書本: "特殊兒教養寶典 上 下" 同埋 "自閉兒教養寶典"
p.s. 我覺得點解 Floortime 在香港唔係咁 popular, 係因為一來香港/中國人都係重"教"多 d, 而你諗下, 若治療師上堂收你幾百蚊成堂都好似 "玩" 咁, 係咪咁多人接受呢? 同埋個成效唔係咁容易量化, 究竟學左 d 咩呢? 好似交待唔到。但, 咁唔代表個方法唔好, 只係, 呢個方法岩家居/父母自己去做, 而唔係靠治療師~~其實協康, step etc. 都有引入 Floortime 既概念黎做訓練, 希望多 d 人認識呢 d 唔同既方法, 從而選擇岩自己小朋友既方法黎幫佢地啦~
[ 本帖最後由 anan3388 於 10-4-25 11:26 編輯 ] |
|
發表於 10-4-10 15:27
