懷疑自閉仔仔評估

gor_gor

仔仔剛3歲大,5個月時因抽筋入咗醫院住咗10多日,並食了兩年抽筋藥,到去年年底才停藥.現在懷疑仔仔有自閉,因為佢講說話比較遲,係近呢數個月先至開始講多咗說話同埋多咗詞彙,但仍然未可以組句子.

之前去過大口環做評估,佢地無跟進自閉評估,反而話佢學習遲緩,排梗一種叫小組訓練0既活動,仲未排到.

我想問吓大家我仲有咩途徑可以安排仔仔去做評估,因為我都要返工(銅鑼灣/灣仔/中環或港島區等都方便)私人或其它(聽說:協康會等),係咪約時間就可以,同埋要$$$(如太貴,經濟未必可行).

仔仔仲咁細,佢日日都閙情緒,發脾氣,尖叫,哭,周圍走無時停(成日要出街,唔比就哭),出街成飯仲慘,一定唔可以坐定,如果唔係又黎閙情緒...真係唔忍心佢咁樣,同埋搞到我自己情緒都好差,好多時都要閙佢同打佢,跟住就埋怨自己...

希望各位有同樣經歷0既父母可以分享一吓,同埋教吓我可以點做.

yookko

自閉並不可怕，只要早發現，係可以幫小朋友fine tune，因為自閉是行為的disease，於５歲前都可以做好多嘢

我個仔剛被評估有自閉傾向，坦白講，心中有數，只希望都多d野幫得幾多就幾多，佢１歲起，發脾氣時會撞頭，我一於唔埋佢，佢逐漸便沒有在我面前做，現在２歲半，已甚少再有撞頭，所以大家記住，要有耐性，最好的醫生就係父母，雖然過程是很艱辛

原文章由 gor_gor 於 08-3-28 17:10 發表
昨天終於返到QM覆診,醫生係仔仔住院時候既腦科專科,所以好開心因為佢好好人同主動教導家長點做(而唔係一般覆診見無事就叫個patient可以走既機械人).
由於仔仔speech delay,由舊年11月見完大口環個speech therapist就 ...

gor_gor

昨天終於返到QM覆診,醫生係仔仔住院時候既腦科專科,所以好開心因為佢好好人同主動教導家長點做(而唔係一般覆診見無事就叫個patient可以走既機械人).
由於仔仔speech delay,由舊年11月見完大口環個speech therapist就只有排到11月為期6堂的st.但今次慘勒,醫生要我地同小朋友轉番channel,由出世都現在我地都係同仔仔講英文,佢係明白我地講咩0架.咁即係要重新再黎過,突然間覺得之前既野好似白費咗咁.再加上仔仔上既PN係國際kindergarten,英文為主.
仲有我比咗張兒科專科既referral letter比醫生話佢Autsim,佢話無理由,舊年3月先做完assessment話無呢個徵狀,但我同佢舉出好多e.g.,唉,都唔知佢地會點安排.
其實仔仔已經講多咗,亦識得好多vocab都醫生話多vocab係無用要meaningful先得,即係蘋果要黎做咩,要黎食羅.我而家就好似兩頭唔到岸,企咗0係條橋中間,唔知應該由左落定由右落,我選擇唔到.
已經同時排咗協康(約3個月)同STEP(21/4)做評估,真係好想日子快d過,等有一間centre排到可以即刻去做評估,心裡已打定輸數,但起碼有個答案,同埋可以同仔仔對症下藥.定係而家先揾個speech therapist(之前有位媽媽所介紹既Benji)同佢上st堂先呢.
唉,我真係唔知應該點做好...

gor_gor

多謝晒,我相信呢d資料可以幫到有需要0既家長.同時我都好羡慕妳有個健健康康0既囡囡.

係呀,妳講得無錯,我0既壓力好大,真係好唔開心.可能husband唔0係身邊搞到好似要自己孤身作戰啦.所以我發覺呢排我個樣老咗好多,30多歲望落好似40咁樣.仲有近呢數個月,面上仲長咗兩達啡色斑tim,好慘.呢家揾梗d美白淡斑0既skin care products,會去買黎用.

又要顧仔仔又要顧自己又要返工...煩~

原文章由 ioi624 於 08-3-26 13:01 發表
之前我知香港教育學院有攪過評估服務，不過好似完哂啦!
  另外，香港康服學會都定期有做免費評估日你可以打去問下，佢地主要做幼稚園同小學(校統局查批訓練內容，因要用校統局錢)到校支援服務，但都有小組同個別訓練。(8103845 ...

gor_gor

ioi624你好,好多謝你0既意見,為咗可以揾到一間適合同改善到小朋友問題0既機構,作為家長0既我地都會盡可能嘗試唔同0既渠道.

基本上,家長們揾得呢d機構0既話都有9成9係confirm小朋友係有問題,而大家亦會找唔同方法去改善小朋友0既情況.所以就算好似要STEP咁貴都會試吓0羅.呢個係其中一個辦法,我相信每間機構係靠口碑,就好似cecilau媽媽咁樣,如果佢join咗之後發現佢0地真係唔好0既話,會同我講,一轉十...

但係聽你話仲有其它地方可以幫到小朋友做評估0既,咁請問可唔可以同大家分享一吓.唔該晒.

原文章由 ioi624 於 08-3-26 01:37 發表
ha,
  其實只睇你簡單介紹好難講小朋友係咩問題，不過佢咁怕同人接觸，(特別係身體上)你真係要注意!可以講多些小佢平日同家人或其他人接觸既情況嗎?例如：望唔望人(叫都唔望定玩緊唔望)?對咩最有興趣?平日最鍾意做咩?有無 ...

cecilau

多謝你的分享呀.... 等我留意下先啦... 不過佢地都講明一個星期先有25mins 係治療師上堂, 其餘都係老師上堂呀.

我都試下俾仔仔上先啦. 如果真係唔好, 可以上幾個月就唔上啦. 佢地都好flexible 呀.

原文章由 ioi624 於 08-3-26 01:14 發表
大家好!其實我不敢講STEP好唔好，不過$7500一個月唔值，如果佢地真係有效果多多錢都要俾，只係大家要小心考慮，我知佢地好多時同小朋友上堂都唔係由治療師去做，而係由助理上堂，可能佢地以為家長唔識分...(有次我同朋友帶個女女 ...

cecilau

唔駛客氣呀... 我都好明白做母親的憂心呀.. 見到自己的小朋友同其他的小朋友唔同, 真係好唔開心的... 我都喊左好多個晚上呀.. 好在我有好多朋友同教會的support 呀.

希望你快d 同仔仔安排到一個評估呀. 咁你唔駛再估估下呀.

真係要駛好多錢的.. 我仔仔1歲10個月就開始做training 啦. 都駛左唔少錢, 但係見到佢不斷咁進步, 咁我又覺得係值得呀.

原文章由 gor_gor 於 08-3-25 13:16 發表
妳好,cecilau媽媽,好開心妳咁快回覆,我近來一發現小朋友有自閉傾向開始我就日日都好唔開心,心不在焉,可能因為我husband要0係廣州做野,唔係成日可以返黎啦,總覺得好似要自己一個人向面對咁樣,好辛苦.多謝妳地可以一齊 ...

gor_gor

妳好,cecilau媽媽,好開心妳咁快回覆,我近來一發現小朋友有自閉傾向開始我就日日都好唔開心,心不在焉,可能因為我husband要0係廣州做野,唔係成日可以返黎啦,總覺得好似要自己一個人向面對咁樣,好辛苦.多謝妳地可以一齊share吓,我先至知多d,學多d,衷心感謝.

其實仔仔佢5個月大0既時候因為抽筋要入院住咗10多天,呢兩年多都食梗隻抽筋藥至舊年年尾先至停(因為醫生話要食一個療程喎!).所以一直都要返QM覆診,直至有一次醫生話佢唔望人轉介咗去大口環評估,但係醫生話唔覺佢唔望人,做完個test後計分先至話佢比同齡小朋友慢咗,即係發展遲緩咗差唔多9至12個月,其它視力聽力都無問題.但仔仔一直都係唔肯講0野,只係'阿...阿...阿'.

咁跟住排期上咗為期8堂0既遊戲學習堂話佢有所進步,但係都比較遲,之後就無再安排仔仔上堂0勒.但當中都有見過一個社工姑娘,係話安排仔仔排期去一d中心學習0既(因為我無比仔仔排0個d特殊幼稚園返學,所以就選擇咗呢種,唔知係咪其他家長講0既咩i/s位,我唔係好識區分).

另外見0既一位係言語治療師,都話佢講0既同接收比較慢0既,test完就話會安排為期6堂0既言語治療,排到期0係11月可以去大口環到上堂0勒,所以其實我唔係好識得區分係邊樣打邊樣0羅.

以前我成日都唔帶仔仔出去玩,平時只係得工人同佢一齊,到晚上我放工先返去,同埋好遲先比佢去playgroup,所以我都好自責點解唔早d比仔仔出黎見識吓.佢已經3歲,舊年9月比佢入一般幼兒園讀pre-nursery,聽教師講由開頭唔守秩序唔講0野到後來都大有改善,都比較安心.

直至最近我帶仔仔去朋友到gathering,朋友居然同我講話叫我最好帶佢去做吓自閉評估,話覺得佢唔多妥,同埋家庭醫生都發現佢都有咁0既情況,咁可以肯定佢都係有啦,只不過要做評估再一步證實吓佢個情況去到咩地步.

所以而家我0係STEP排期,又0係協康會排期,星期四會0係QM排期(覆診同妳一樣K座兒科),希望盡快睇吓邊到會快d0羅.

好似妳咁樣,如果仔仔真係有咁0既需要,多多$再辛苦都要,唉...為人父母,無計!

原文章由 cecilau 於 08-3-25 11:39 發表
你排到期都好啦.... 我都明你所擔心的, 盡快搵到小朋友的問題, 咁去幫佢都好呀..

我小朋友4月1日就係返佢$7500一個月的服務啦. 到時再話你知好唔好呀. 我小朋友講野唔得, 同口水好多呀. 所以我試下俾佢讀intenvise ...