唔好隨便去叩門？

櫺囹桼

升中派位好快就有結果(7月8)，呢個時候大部份家長應該填好(交了)選校表格在默默等待…而家之熱門話題莫過於叩門！
有以下幾個問題，值得大家思考思考：
1)
點解要叩門？
當然係派得唔多理想！
2)
點為之不理想？
有人認為band1生派不到英中就是不理想、也有人認為非派到第一志願不可、當然也有全級十名內但派去山旮旯冇雷公咁遠又冇填過唔識呢間係乜水之中學去…原因盡是不同！
3)
一間中學之叩門位有多少？
教育局規定：一所資助學校之收生每班只限40人，而一間中學中一五班計5*40=200人，而校方最多可以留番5%為留級生之用=10個，假如留班生不足10
人(如屬band3學校，大多數同學也不願留級，反正此地不留人，自有留人處；如屬英中，應該每班都有一兩名同學願意留級，因為英中出去已冇路行…中中唔啱讀，其他英中唔收你！)…剩餘就是叩門位~可能一隻手掌數得哂！
4)
一間傳統名校有多少人叩門？
潮流興叩門，有d家長認為唔叩過門，都算未盡為人父母之責任…即係話就算派到地區英中都會去傳統名校踫踫運氣，看來叩門已蔚然成風！所以形成不太出名之英中(如九龍城之銀禧連年都有四、五百人去叩門)…好多英中為免校門被叩爛，一早先小人後君子在校內網頁講明：
a)
學生須品學兼優
b)
全級十名內
c)
設考試及面試

當然有少部份中學收生著重父母是否專業人士、居住是傳統豪宅區…如果閣下冇以上條件 + 小朋友成績只屬中規中矩…叩門肯定是一件比考狀元更艱苦的事！

叩門睇落冇乜損失(最多叩一間只係幾十蚊報名費，一定冇人俾唔起！)但升中小朋友只係十一、二歲人仔，如果佢努力了六年、成績比上不足比下絕對有餘也派到合適中學之際(也受到四方人士祝賀)，理應可以同父母去慶祝一番等待畢業禮之來臨！誰不知媽媽一盤冷水撥過來：“我哋要去呢間、嗰間、那間叩門…daddy、姊夫、大伯已經專程請了假渣埋車嚟，我哋兵分三路…而家出發！”...原來惡夢而家先開始！

小朋友會諗：隔離軒仔全級第九都派唔到比我更好、我死檔毛記更話你派到呢間可以同校花一齊羨慕死人、老師話呢間中學好著重課外活動唔係死讀書架…點解我爸爸媽媽揀左佢做第三志願而家抽到又嫌棄佢，是否真係咁唔掂？死啦…如果叩唔門到要讀番呢間咪冇哂前途同希望？

其實就算叩到到聖喇拔，你唔發奮圖強一定唔會有A派；反之入到去先知天外有天好易嚇窒原本已屬不俗之小朋友！
反而一般中學，只要校風純樸可以專心讀書，小朋友信心大好多~一樣可出狀元來！



所以個人認為…當小朋友派到“合適”之中學，應該給予讚賞(過去六年所作之努力)、鼓勵(這雖然不是甚麼傳統名校，但在這區內也算地區名校，相信加上你個人努力之下，一樣可以前途似錦；如果是中中的話，可以說趁初中打好基礎，到高中時可入讀精英班，同一般英中無異！)…然後一齊去感謝老師、繼而去慶祝…這樣比盲目去叩門、去感受失落再落空再鎩羽、連續地打擊小朋友脆弱心靈…得的應該比失的多！

祝各位升中爸媽囝囡全部高中第一志願！

lazypigpig2

007兄,

小兒現就讀Band1英文私校, 考全級頭十名。成績和操行都不成問題, 體育亦有些少獎項(校內)。但是他比較怕醜和被動, 恐怕他到升中面試或Group Interview時會失分不少而未能被取錄。本人現有以下問題請教:

1.
如心儀LaSalle, DBS, St Paul Co-Ed, 機會高嗎? Interview 表現是否十分重要?

2.
如有中文直屬小學(出名但不是最Top)收小兒明年插班入讀, 值得轉校嗎? 直屬小學可以減少升中的煩惱, 但亦要放棄六年級時考入LaSalle, DBS等Top school 的機會, 如何取捨?

煩請賜教!

701003

原文章由 櫺囹桼 於 08-5-23 21:44 發表


我大舅住元朗，個仔年年全級一定係第一...升中時都唔搏~第一選擇揀天官入左...中學都算級內精英...好快又七年~去年已經入了港大！

我都希望亞仔成為校內精英，亦想佢大學畢業 反而英中內部競爭大，亞仔會讀得辛苦

櫺囹桼

原文章由 701003 於 08-5-22 23:32 發表

有見地 我仔band 1，我反而選間band 2學校在頭三志願中，穩打穩紮

我大舅住元朗，個仔年年全級一定係第一...升中時都唔搏~第一選擇揀天官入左...中學都算級內精英...好快又七年~去年已經入了港大！

千紅

面試的2閒學校如果不收的話，我沒打算再叩門。

可能學校覺得你不適合讀他呢閒，無謂勉強啦，

我會考慮直接去心儀的直資中學叩門。

beaclem

七兄講得啱, 其實全香港所有中學, 都有好學生同壞學生, 只不過係比例多少而已, 本人聽過有港島兩名女校都有人吸煙, 講粗口(咁當然係乖多過壞, 亦有個案係升中讀名女校, 跟住群咗班壞人(高年級), 去公園吸煙, 後來佢亞爸送佢去第二間唔錯直資讀書, 都唔掂, 成日唔返屋企, 最後佢亞爸escort佢去咗英國"阜仔"讀書, 唉

所以, 如勉強囝囡讀唔啱佢能力既中學(咁當然係初中時都要睇實個小朋友), 無心機讀書之餘, 真係好易學壞........

原文章由 櫺囹桼 於 08-5-22 21:22 發表


band3生搵中學唔好過於著重band幾，搵間校風純樸成績差點也不怕之中學等小朋友可專心讀書(希望囡囡中學後會開竅)...好過追求學業成就更高但校風一般之中學(一驚追唔上二怕學壞)，屆時更頭赤！ ...

701003

原文章由 櫺囹桼 於 08-5-22 21:22 發表


band3生搵中學唔好過於著重band幾，搵間校風純樸成績差點也不怕之中學等小朋友可專心讀書(希望囡囡中學後會開竅)...好過追求學業成就更高但校風一般之中學(一驚追唔上二怕學壞)，屆時更頭赤！ ...

有見地 我仔band 1，我反而選間band 2學校在頭三志願中，穩打穩紮

櫺囹桼

原文章由 Carmen2004121 於 08-5-22 12:52 發表
老師話我個女全港是排 Band 3 頭 . 所以填 form 只叫我填一間校區 band 2 . 之后 2 - 7 band 3 . 您們應為如排了 band 3 . 如真是派 band 3 , 應否試試叩 band 2 門 , 榑一個機會 . 其實學生 banding 我們是不會知 . ...

band3生搵中學唔好過於著重band幾，搵間校風純樸成績差點也不怕之中學等小朋友可專心讀書(希望囡囡中學後會開竅)...好過追求學業成就更高但校風一般之中學(一驚追唔上二怕學壞)，屆時更頭赤！

櫺囹桼

原文章由 kuenkuenmum 於 08-5-22 09:38 發表
請問如果小朋友最初考到某一著名直資，但為了搏派位而沒有交留位費，最後派位不滿意，可否到那間曾收他的直資扣門?  入讀機會大嗎? 學校會否覺得你無誠意，人地唔收你才吃「回頭草」?

抑或是最初不投考那直資中學，等派位不滿 ...

當然可以，學校都唔理你係唔係食回頭草...會擺在waiting list內，waiting list點排？一般係照顧先前投考及格而向隅之學生，再而係你那一類、再繼而係叩門者！
問題有幾多空位？空位太多又唔符合”著名”兩個字、空位太少又僧多粥少！
祝好運！

Carmen2004121

老師話我個女全港是排 Band 3 頭 . 所以填 form 只叫我填一間校區 band 2 . 之后 2 - 7 band 3 . 您們應為如排了 band 3 . 如真是派 band 3 , 應否試試叩 band 2 門 , 榑一個機會 . 其實學生 banding 我們是不會知 . 老師話幾多就幾多 , 但我曾聽一些家長意見 . 她們說學校為了要取到高 % 頭三志願收生率 . 如有 50% 派 band 1 . 就叫您選他區 . 中標較易 . 80% 派頭三志願 . 就叫您吾好榑 . 只能榑一間 . 所以我真不知道怎樣玩這個遊戲. 現在還要等到 7 / 8 才派彩 .

kuenkuenmum

請問如果小朋友最初考到某一著名直資，但為了搏派位而沒有交留位費，最後派位不滿意，可否到那間曾收他的直資扣門?  入讀機會大嗎? 學校會否覺得你無誠意，人地唔收你才吃「回頭草」?

抑或是最初不投考那直資中學，等派位不滿意後才去叩門，校長不會覺得你吃「回頭草」。

請各位給意見。

LV77

007 返黎，好開心呀  

原文章由 櫺囹桼 於 08-5-18 21:09 發表
好高興好多爸媽都明白點解唔好隨便叩門...不過假如小朋友派到超出心理準備範圍 + 事前又要同佢哋做足心理輔導 + 不要抱太大希望 + 唔得都要讚賞所派之中學...去搏一搏也可以理解的！
最後當然祝人人派得第一志願！ ...

Ms.ChanChan

原文章由 xmanman 於 08-5-20 09:15 發表
我仔仔都係選了一間校風好的band 2 中學, 希望入到!!  作為家長的我只是希望小兒有一個快快樂樂的中學生活,  有良好的品格, 做個好人, 這些都比攞好多個"A" 更為重要!!  

希望大家的兒女都入到自己想入的中學,  愉 ...

xmanman

我仔仔都係選了一間校風好的band 2 中學, 希望入到!!  作為家長的我只是希望小兒有一個快快樂樂的中學生活,  有良好的品格, 做個好人, 這些都比攞好多個"A" 更為重要!!  

希望大家的兒女都入到自己想入的中學,  愉快學習

原文章由 SALLY媽媽 於 08-5-19 12:30 發表
#1 同意, 同意.
所以我都是為我的女女選了一間band2校風好的中學,
希望她讀得開心, 希望她入到啦.

ZZdaphne

原文章由 SALLY媽媽 於 08-5-19 12:30 發表
#1 同意, 同意.
所以我都是為我的女女選了一間band2校風好的中學,
希望她讀得開心, 希望她入到啦.

係咪梁文燕, 陳震夏, 胡中，
聖若瑟和基督書院校風好嗎？？？

[ 本文章最後由 ZZdaphne 於 08-5-19 13:45 編輯 ]

SALLY媽媽

#1 同意, 同意.
所以我都是為我的女女選了一間band2校風好的中學,
希望她讀得開心, 希望她入到啦.

<<實就算叩到到聖喇拔，你唔發奮圖強一定唔會有A派；反之入到去先知天外有天好易嚇窒原本已屬不俗之小朋友！
反而一般中學，只要校風純樸可以專心讀書，小朋友信心大好多~一樣可出狀元來！

所以個人認為…當小朋友派到“合適”之中學，>>

櫺囹桼

好高興好多爸媽都明白點解唔好隨便叩門...不過假如小朋友派到超出心理準備範圍 + 事前又要同佢哋做足心理輔導 + 不要抱太大希望 + 唔得都要讚賞所派之中學...去搏一搏也可以理解的！
最後當然祝人人派得第一志願！

丸媽媽

原文章由 dad1234 於 08-5-17 00:35 發表



我都贊成唔好隨便叩門

我就選擇隨遇而安,一定唔會叩

(皆因阿囝band3尾+有主科唔合格派到10以內志願都燒炮仗)

dad1234

原文章由 櫺囹桼 於 08-5-9 21:41 發表
升中派位好快就有結果(7月8)，呢個時候大部份家長應該填好(交了)選校表格在默默等待…而家之熱門話題莫過於叩門！
有以下幾個問題，值得大家思考思考：
1)
點解要叩門？
當然係派得唔多理想！
2)
點為之不理想？
有人認為band1生派 ...

我都贊成唔好隨便叩門

saiyeest

係直屬男女校。但佢地話如果有位都係得一個半個。要留俾有關係的前校友親屬。因為而家等住入翻中學的等侯名單已很多。加上教育局嚴格規定每班四十人。不能担多兩三張椅。所以不會有位留給現時小六叩門。

原文章由 beaclem 於 08-5-16 11:44 發表
唔明? 咁你囝果間係唔係直屬呢? 咁校友係邊類人呀?