參加課外活動冇動力

CPLau129

而家大部份小朋友都會參加課外活動, 我都唔例外.但阿仔就冇恆心温習和練習.由細到大,學過 phonics, 畫畫, kwik maths, 游水,彈琴,跆拳道,圍棋,珠心算....動靜都有.上堂就開心,一叫佢練習就話悶,嚇佢話唔練就唔好學,佢都冇乜所謂. 我唔係一次學好多樣,一至五冇嘢學,星期六及日就各一樣,應該唔辛苦.

想由得佢乜都唔學,但又怕好快被比下去,唔夠競爭力.請問有冇好提議?

Charlotte_mom

我有去, 不過我傻下傻下唔識去後台接人呀
唔知17號"聯歡會", 有無校隊制服呢可(我認我貪心)
btw, 我女話7月1-3可能去佛山定珠海比賽wor......

原帖由 sheenaho 於 11-6-3 09:49 AM 發表
上次高山劇場個比賽你有去嗎? 不知會否在後台擦身而過?

sheenaho

上次高山劇場個比賽你有去嗎? 不知會否在後台擦身而過?

Charlotte_mom

HI, 係小5呀
咁我地應該見過大家好多次了, 竟然一直無相認

原帖由 sheenaho 於 11-6-2 12:26 PM 發表


Hi Charlott_mom,

你好. 我個仔都係 港小 school dance team. 今年四年級. 你個女 P.?

sheena

sheenaho

原帖由 Charlotte_mom 於 11-6-2 11:20 發表
我仔都係, 之前問佢, 要唔要JOIN呢樣果樣, 佢話唔想
心裡一方面覺得"車, 慳返", 一方面又擔心佢會唔會樣樣都唔識
早2個月, 偶然發現屋企附近有RUGBY TEAM, 心唸好WOR, 唔駛坐定定, 我仔試過堂好鐘意, JOIN左RUGBY之 ...

Hi Charlott_mom,

你好. 我個仔都係 港小 school dance team. 今年四年級. 你個女 P.?

sheena

Charlotte_mom

我仔都係, 之前問佢, 要唔要JOIN呢樣果樣, 佢話唔想
心裡一方面覺得"車, 慳返", 一方面又擔心佢會唔會樣樣都唔識
早2個月, 偶然發現屋企附近有RUGBY TEAM, 心唸好WOR, 唔駛坐定定, 我仔試過堂好鐘意, JOIN左RUGBY之後, 似乎我仔開竅喇, 之後JOIN奧數, PHONICS等, 佢都肯去
我都讚成, 小朋友想唔想學, 可以好影響佢動力, 我仔之前唔多願郁, 而家去RUGBY, PAR晒街去交波佢都肯, 佢鐘意數, 我問佢學奧數好唔好, 佢開心到偷笑
所以試多幾樣, 等小朋友發現下興趣, 都係好事, 唔岩既就唔好勉強, 呢D怨枉錢我以前都洗唔少, 而家學識左放手, 俾個例子: 我女3歲, 我俾佢學BALLET, 學左一年, 連老師都話佢"表現同同齡差好多", 我問佢係咪無興趣, 佢話唔學, 咁咪算LOR, N年後, 無啦啦學校又選返佢入舞蹈校隊(期間一直無學跳舞架WOR), 佢去比賽, 又得過獎, 又有表演, 佢D信心同興趣返晒黎, 最近自己要求學返BALLET由基本功學起, 而家佢大個左, 學校又有跳舞老師, 我又多左D專業意見點去搵適合佢既課程, 我見個女本身有ACHIEVEMENT, 俾錢既信心又大左

redkoni

原帖由 CPLau129 於 11-5-29 17:32 發表
而家大部份小朋友都會參加課外活動, 我都唔例外.但阿仔就冇恆心温習和練習.由細到大,學過 phonics, 畫畫, kwik maths, 游水,彈琴,跆拳道,圍棋,珠心算....動靜都有.上堂就開心,一叫佢練習就話悶,嚇佢話唔練就唔好學, ...

你兒子不停試咁多種課外活動,如果樣樣只是蜻蜓點水咁,冇動力其次,攪到佢冇晒專注力重大鑊!   讓小朋友參加課外活動,要先明白參加課外活動對學生的功用,因應小朋友的興趣和進度作悉心安排,當他對某種活動發生興趣,而活動時間有所限制,他便會珍惜機會和更專注,有進步時你又可再加,當獎勵也好,要令他覺得,這些不是必然,要自己爭取.如果要風得風,要雨得雨,你只會寵壞他.

Rainy

其實個個小朋友都係咁... 我果個都係咁架...

但家長要堅持, 揀一至兩樣你認為佢係最有天份同埋又有興趣既野學.

到佢自己識左啦, 佢自然會有成功感, 到時唔使你叫佢自己都會日練夜練.

panala

D 課外活動係咪真係佢嘅興趣先， 如果唔係， 動力真係可以爭好遠。

happyvalley

原帖由 CPLau129 於 11-5-29 17:32 發表
而家大部份小朋友都會參加課外活動, 我都唔例外.但阿仔就冇恆心温習和練習.由細到大,學過 phonics, 畫畫, kwik maths, 游水,彈琴,跆拳道,圍棋,珠心算....動靜都有.上堂就開心,一叫佢練習就話悶,嚇佢話唔練就唔好學, ...

要學『沉思』，方法是『放手』，比番自由佢自己決定，即係由佢比番壓力比自己。我都教囡四年，發覺我叫佢咪做一做，唔叫就唔做，現在我講明『考試我唔幫妳溫書』，佢反而自己又溫又問，分數高左。