請問你哋既小朋友放學返黎會做啲咩呀？

Suet813

我個女一放學返黎就玩ipad, 我要返工，平時阿媽同工人湊佢，我阿媽冇乜讀書唔識英文，個女又唔肯跟工人，想叫佢教佢讀書都唔得，但再係咁落去唔係辦法，我可以點呢？
有咩可以教佢做？

Gabumama

其實我唔覺得用iPad會好大問題，要識得用iPad，其實可以教到佢哋好多嘢。我會download啲phonics，認字，兒歌，Maths & games比佢。講真，我哋啲家長，識得幾多首兒歌可以陪佢哋唱？我都係同佢一齊喺iPad啲兒歌apps度，一邊學然後同佢哋一齊唱，上埋you tube聽兒歌，啲兒歌有晒畫面，要解釋歌詞內容比佢哋容易咗好多。有時唔駛教，佢自記一邊聽，一邊唱，一邊睇，已經明晒內容，仲訓練埋佢哋啲listening添！Phonics學校未開始教，佢已經thru iPad phonics apps學識咗好多音，到學校教時，佢已經有個認識喺度，好易掌握。Games有啲係考反應同觀察力，例如揾錯處。呢個年代，好多嘢都係講technology，我個囡間學校嚟緊仲有個online reader，要小朋友喺屋企上網睇書！另外學校都整咗套電腦教材，比佢哋喺屋企用電腦學嘢兼答問題。所以我覺得懂得善用iPad，其實好有用處，可能因為我老公係IT人嘅關係，所以我哋真係唔覺得用iPad有乜問題，最緊要係識得揀嘢比佢玩。而且用實物嘅教材又要搵位放，有時小朋友玩完後，又唔知點解會有啲唔見咗或者整爛咗，整到套教材唔完整，嘥晒！我哋揀比佢哋嗰啲apps係我哋&小朋友試過，覺得好，再比錢買full version返嚟，但係喺出面買教材比佢哋，係冇得試，買咗返去唔啱玩又冇得換，而且我哋唔駛怕佢哋整污糟或整唔見教材入面啲工具，又唔駛搵位放，我哋覺得非常好。咁當然我哋都一定要教佢，唔可以乜都靠晒件死物教佢嘢嘅。實不相瞞，我個囡一日斷斷續續大概玩兩個鐘iPad，但係佢都考到第一名，所有科目都攞滿分！

marcuscyrus

Suet813 發表於 12-6-25 18:53
我個女一放學返黎就玩ipad, 我要返工，平時阿媽同工人湊佢，我阿媽冇乜讀書唔識英文，個女又唔肯跟工人，想 ...

如果我係你，放學返黎叫工人同婆婆帶佢去公園放電，放夠電返黎訓一覺好o既，夜晚等你返黎同佢學習

sobmama

rainbowcov 發表於 12-6-27 11:52
有兩個人湊佢就最好, 工人專責做家務, 婆婆專責陪囡囡玩, 一起砌積木, 畫畫, 出外踩單車等. ...

我都係咁安排, but opposite, 工人陪玩, 99做家務 (因為99話寧願做家務好過陪玩, 佢會累c喎.... ) 工人下星期到, 希望ok啦 (佢本身有個3Y囡囡)

仔仔錫錫你

玩iPad 20minis ＞ 食午飯＞睇書1hr > 做功課 ＞ 落公園玩/睇電視＞ 玩玩具＞7：15晚飯 ＞溫習10~15mins ＞捉棋 \story > 9:15上床

gracedolly

對幼兒，玩具比ipad好，可訓練感統和小肌肉~^^ 貼紙簿填色冊都好好，有不少英文的貼紙書，可邊貼邊學~

gracedolly

四時放學，我囡會去公園/陪我去街市，天氣差便在家玩玩具，五時半，睡至七時半，起床晚飯，沖涼，玩一會玩具，看書或填色畫畫，臨睡前看半小時米奇卡通，聽我講故事，睡覺。

hohoyy

成日睇iPad, TV, 後患無窮.

我小朋友番下午班, 放學番黎訓一陣, 我放工後陪佢食飯, 跟著玩lego, 踢波, 睇書, 畫畫, 砌圖, 煮飯仔..............

當然最好父母陪小朋友, 但係如果遲放工, 就叫屋企人, 真係無得揀先叫工人. 我本人唔鍾意小朋友太癡工人.

jojodic

去公園玩可以嗎？或去超巿？時間好快過，總比iPad 好

LunB

我阿女在家會玩 puzzle, 串字遊戲, 看書, cooking toys 等。另外會去跳下ballet 同落屋苑樓下踏單車。小朋友其實你俾什麼佢都鐘意玩。 你可以試下在新接觸該件玩具/物品時陪下佢, 讚下佢, 佢接觸過之後就會自己得得閒取件玩具出來玩。

rainbowcov

有兩個人湊佢就最好, 工人專責做家務, 婆婆專責陪囡囡玩, 一起砌積木, 畫畫, 出外踩單車等.

rainbowcov

其實煮飯, 做家務等呢 d 先係傭人的基本工作, 講故事, 教小朋友野就真係好難.

Jane1983

除非你個傭係專職奏小朋友，吳使煮飯和做家務，否則佢吳會有心機。

陪小朋友玩、啓發佢，呢d係好悶的，我見好多年輕父母都吳耐煩，更何況係傭人。所以吳好旨意工人幫你奏仔呀，佢幫你照顧係基本生活、吳出意外就已經滿意。

yoyob230398

規定工人同佢一齊聽英文CD同講故事,每早一個鐘,婆婆可以陪玩同畫畫,你回來同佢講故事

TYBB1

其實佢有iPad在手，會跟工人才奇!  我係嚴禁工人姐姐開電視，我會每星期一次帶囡囡去圖書館借書，然後工人姐姐會每日講圖書給她聽，另外我買了些畫簿同水彩for工人同佢玩畫畫，仲有就係叫囡囡參予做家務，如搣菜，掃地等

Suet813

我都知唔好，但係宜家咁，唔玩ipad都係睇電視，我阿媽又唔會理佢，亦都唔識教佢啲咩，我老公仲遲過我返黎，我早既話六七點返黎，好多時八九點，我想諗啲野係阿媽可以陪佢做到… 所以想知道其他小朋友會做啲咩丫？

kufubaby

你唔買ipad or唔放出來, 你囡就無得玩啦, 小朋友咁細個唔好接觸電子產品, 日後有排佢用.
無見你提你先生既? 你要加班咁佢要唔要? 通常你地幾點返到屋企?

poonseelai

Suet813 發表於 12-6-25 18:53
我個女一放學返黎就玩ipad, 我要返工，平時阿媽同工人湊佢，我阿媽冇乜讀書唔識英文，個女又唔肯跟工人，想 ...

I won't recommend ipad. It's too fast and too colourful.  I'm afraid children are exposed to ipad for a long time, they will no longer have patient to sit down quietly to read books

Suet813

原帖由 ronniedad 於 12-06-26 發表
叫工人教佢野..............你真係好有創意.佢返上晝?

我想問… 如果只有工人湊既小朋友，啲工人唔會同佢唱下歌講下故事既咩？ 點解咁有創意？ 我唔係好明你意思？