早產龍鳳B但是個仔有問題，好難好難！

VickyDan

35周早產龍鳳B開心佐一輪現在跌落谷底，仔囡1歲10個月最近發現阿仔極少眼神接觸，無手指指動作同只會BB語，家姐雖然都唔多理人但是會同小朋友玩，會互動。去睇過兒科醫生，個醫生聽我講兩句再睇兩下就話個仔有自閉，噶時真係想一死了之。現在廣華排緊做鑒定，呢排我萬念俱灰日日生不如死，呼吸都感覺好難但又怕影響到媽咪心情(佢現在都算好堅強話努力面對)，反觀我就懦弱好多。各位朋友我真係好難受又覺得唔知以後點樣去經營好頭家，如果我唔振作就對唔住父母老婆同囡囡，但是未來的路又充滿坎坷

vanemama

我相信好多媽媽都同你一樣心情。 我同老公發現仔有自閉傾向既時候都受左好大打擊.. 見到其他同齡小朋友同佢差距咁大.. 難免好心酸好沮喪..
但唔好氣餒！你個仔仲咁細，加油訓練一定會進步！
我依家見到個仔慢慢一步一步進步，都開始冇咁沮喪啦。 雖然重會有D擔心日後點，不過起碼佢有進步，我都安慰D

aexpresstsw

其實好多自閉症小朋友係接受過訓練之後，情況都會有改善，尤其係幼兒階段；有時甚至會發現BB係某方面的強項。可以試下幫阿仔搵下訓練，平時係屋企又陪下佢做訓練，當然過程中可能會有氣餒，因為始終阿仔未必可以即時有效果比你見到，但只要不灰心，情況一定有改善，加油~

Ks918

VickyDan 發表於 20-1-20 14:11
35周早產龍鳳B開心佐一輪現在跌落谷底，仔囡1歲10個月最近發現阿仔極少眼神接觸，無手指指動作同只會BB語， ...

我情況與你相同，也是早產龍鳯B，仔歲半時懷疑自閉做評估，自費密集訓練，早上上密集訓練下午上N班，放學休息一下自己再和他訓練半至一小時，當初感覺很無助，怕將來怕人家的眼光，什麼也怕！我先生為此得了抑鬱症，萬念俱灰，什麼也提不起勁，隨著時間流逝，我兒快上中學了，當初什麼也不懂，不懂説語（2⃣️歲9個月才懂)，不懂眼神接觸，不懂處理情緒，不懂手指指，甚至連拜拜這簡單的動作也要教，反之家姐樣樣都懂，那分別真的很大，那時心想只要將來他能照顧好自己便滿足，後來排到政府E位，繼續不斷訓練，我們也常帶他和同路人玩丶去郊外去沙灘，讓他接觸多些人多些事，過程辛苦難堪受人不少白眼，但都過去了，當你看到他進步你便會覺得值得，現在的他升中了，除了說話有時難聽一點脾氣差一點外，其實他和其他小朋友也沒多大的分別啊日子難過總會過，不要絕望，向好方面看，起碼我見好多A仔都過得很好，不要放棄，加油！

monsoon21

我最初都接受唔到，但都要接受，畢竟是自己的兒子嘛
盡量比多d訓練佢，情況會有改善

小菜豆

其實而家自閉症並唔可怕, 又唔洗死嘅。
不要停留係自閉症就是痴痴呆呆, 不說話或情緒失控那些印象。
現在幼兒支援普及, 好多表面正常, 或智力正常的小朋友都有自閉症癥狀。大部份自閉症小朋友只是天生社交障礙。
佢地都有優點, 好多鍾意思考, 係學術或一些範叻過一般小朋友。
好好發掘他們優點, 加強訓練不足或遲緩方面就是了。
如果早年幼兒支援普及, 我估年幼都係自閉症兒童, 我幼兒時期認知極差, 各樣發展都遲過比我小一年的細妹。

VickyDan

因為係早產B所以一直以為各方面係會慢D，就連爬同行路個仔都慢過家姐，直到現在1歲10個月發現不會指物同少理人才發現問題。佢又無發現有例如重複某些動作，玩車碌，玩手指等，而且家人翻到屋仲會開心衝過去迎接。不過其他症狀已經讓我打定輸數了，年後馬上做鑒定同上ABA，希望仔仔可以多D改善。天下父母心，日後大家共勉。