老師這樣做...作為家長會有何想法??

brian61950

當然係感謝,痛哭流涕添呀!

Lilo

感謝老師肯花時間去教小朋友品德培養！

老實講，今時今日大部分小朋友都會出去補習，老師教少一堂半堂又有乜所謂，再唔係老師下幾堂教得快d，一樣可以追得番，但係老師肯花時間教德育，證明老師真心想小朋友好，唔係單單為份工教書，一定要比個讚！

我個人覺得學業成績有高有低，但只要有好品德，小朋友先會成為個好人！

qkhui

係, 我絕對同意.
講真, 依家小朋友在學校真係可以利用上堂時間去學識一樣野, 我覺得真係好難, 因為現在的學校, 跟本不夠時間去教書, 老師都可以只係將要教o既野講一次, 等學生回家自己再去溫.  所以真係教少一堂真係無太大影響
但如果老師肯用時間去教小朋友品德, 真的好難. 因為他們都會怕會比家長投訴唔教書. 同埋老師講1句, 真會好過我們家長講10句.
所以真的要多謝老師

原帖由 Lilo 於 10-11-17 12:04 發表
感謝老師肯花時間去教小朋友品德培養！

老實講，今時今日大部分小朋友都會出去補習，老師教少一堂半堂又有乜所謂，再唔係老師下幾堂教得快d，一樣可以追得番，但係老師肯花時間教德育，證明老師真心想小朋友好，唔係單 ...

petunia

要睇情況。

如果呢個問題，係嚴重，同時能正面教育全體學生，就要用一堂。

萬一，呢個係欺凌事件/未婚性行為/打架？你會唔會調轉頭去質疑，點解學校唔處理呢？

不過，如果果件事，只係某同學跌左支筆，稍為提醒就可以解決，用一堂就好過份了。

相信老師，佢地趕唔切進度的話，影響更大！

happyvalley

應該用一堂時間去解釋比家長知，講比小孩聽有鬼用，好容易比人『投訴』

雪瑩媽咪

原帖由 ming2 於 10-11-17 22:49 發表
多謝各位0既回應...

繼早前細囡發生0既一件事之後...事件可看下面條link..
http://forum.baby-kingdom.com/viewthread.php?tid=3520748

之後,學校旅行...旅行通告上話學生可帶不多於$20零用錢去旅行...但係細囡就 ...

真係要感恩~
我地哩代可以有既物質已經好豐富，但係好多時都係用八達通，佢地可能真係連基本既概念都無～

老師利用實際既事，用黎做解釋，係活生生既例子，好過只講書上既理論多多聲！

happycj

如是班主任課，很多時，堂數都會多過實際教書所需。花一兩堂講些課程以外的事，對進度應該無問題。
再講，學校做的是教育，不只是教書。教育包括貫輸人生價值，態度等。十分替你高興你孩子有這老師。