聖安當幼稚園面試

stafeny

請問聖安當幼稚園面試係小朋友小組面試還是家長和小朋友一齊面試呢?

LaiMing1966

剛在1/11面試完畢，可與你分享一下！

面試前
interview時間係4:30pm，我地大約4:15pm去到，一入幼稚園門口，已有一group人係度，由於門口不是很闊，所以覺得好迫，我聽到D家長同校務處的職員講話黎面試的，有個嬸嬸就叫我地係校務處隔離間房等，但間房好細，又無椅坐，個個企哂係度，又無冷氣，好局好熱，因為間房唔夠位，有D家長就企係門口的走廊。等左約5分鐘，就叫我地去一間大課室，應該叫遊戲室，因為有滑梯和單車的，我個女見到，雙眼發光！

登記
入到去，見到有兩個職員(見個名牌應該係學校書記)先開始setup張登記枱，叫我地係枱後面排隊，交黃色的面見証，跟住就話等叫名！到現時為止，本人覺得學校準備唔夠，可能係第一日啦！

等候面試時
跟住我個女就去左玩，有D老師係側邊望住，無耐就叫名，因為我排第二，我聽到老師叫了兩個名(連我的小朋友在內)，跟住就入班房。

面試
班房有張大枱(幾張細枱拍埋的)，上面有好多玩具，分別有兩個老師，一個小朋友跟一個老師，
1.        老師首先叫我個女坐低，跟住叫佢砌lego，問佢係咩顏色，問左3種，紅﹑黃﹑綠
2.        跟住就叫佢斟水，斟完就叫佢比媽媽，跟住就問佢邊個未有水飲呀？我個女答得好細聲，老師可能聽唔到，就話，係咪爸爸呀？不如斟埋比爸爸啦！我個女跟住就斟多一杯比爸爸。
3.        跟住，老師面前有隻高身的杯，佢叫我個女出去攞多一隻，出去的意思係班房前面有張枱，枱面有很多唔同種類的東西，其中有一隻相同的杯，我個女行出去，攞左返黎。老師跟住就叫佢斟水比老師飲。
4.        最後，就係叫我個女扭螺絲。

考完小朋友之後，就問我地問題。
1.        問平時邊個湊佢
2.        每人有幾多時間同佢相處
3.        平時放假會帶佢去邊到玩呀！
4.        跟住就送左粒糖比我個女，跟住就say goodbye啦！

希望幫到你啦

stafeny

原帖由 LaiMing1966 於 11-11-3 16:10 發表
剛在1/11面試完畢，可與你分享一下！

面試前
interview時間係4:30pm，我地大約4:15pm去到，一入幼稚園門口，已有一group人係度，由於門口不是很闊，所以覺得好迫，我聽到D家長同校務處的職員講話黎面試的，有個嬸嬸就叫我地係校務處隔 ...

多謝你嘅分享~~