請問幾多歲先好食Ritalin呢?

shirleycnf

我仔仔今年9月就升小一lu. 佢已被診斷有adhd (主要係唔專心, 多嘴和旭身旭世, 不過在學校無同圍走/打人), . 油麻地診所個心理學家話衣家已可以比佢食藥. 但係佢才差不多6歲我好擔心副作用. 請問你們覺得幾多年級/幾時比仔仔食會好d呢? 謝謝幫忙

faye525

正式讀左小學, 開始做功課果時, 你就會求醫生俾佢食架啦...

因為食左做功課真係差好鬼遠..........................

以我個女為例, 未睇醫生前, 日日做功課做六個鐘...

睇醫生食藥後, 小功課個幾鐘攪掂, 多功課都係三個鐘...真係天堂同地獄既分別.....

shirleycnf

多謝晒你的回應呀,我個仔E家越來越失按真係令我好難受, 請問你小朋友是可吃RITALIN 和有沒有唔好的副作用呀, 謝謝幫忙

MrsFung

回復 faye525 的帖子

請問食左藥上堂係咪會集中精神d,會學到野？ 我仔現在上堂遊雲，唔知自己學左咩，功課樣樣唔識做，測驗次次3x分。

faye525

回復 MrsFung 的帖子

我個女而家小二, 初初都係食RITALIN (呢隻係短效藥只KEEP四小時), 後尾轉左CONCERTA (呢隻係長效KEEP12小時), 因為醫生想佢長效D支持晒佢放學返到屋企做完功課, 同埋怕佢係學校唔記得食藥, 又怕佢俾同學仔問
食邊隻藥都好, 最主要既副作用係冇胃口食野, 初初會瘦好多架, 醫生會KEEP住觀察佢既體重, 唔理想會開開胃藥俾佢食, 咁我囡囡而家連開胃藥都唔駛食架啦, 方法咪唯有日日小食多餐, 一日飲兩杯奶, 等佢可以KEEP住重小小咁囉

另一樣副作用係初頭食藥會發生既, 就係頭痛同肚痛, 不過呢D通常大部份人過幾日就會冇事

第三樣副作用都係某一D人發生,  就係夜晚訓唔到覺, 會好夜先訓到

其實總知睇左醫生, 事無大小變化都話俾醫生知, 佢就會同你調較, 你信佢, 佢先會做到野.

食左藥後, 上堂真係會專心左架, 小左攪自己野囉.... 但係會有咩改變真係個個小朋友唔一樣既

始終ADHD呢個病, 其實人人都有D分別, 變左食左藥後係咪真係會變好多, 人人都有唔同

例如, 有D手多, 有D腳多, 有D咀多. 有D本身讀到書, 有D本身都冇咩書緣

宥書緣既, 咪更上一層樓, 得心應手左好多, 無書緣既, 食左都起碼入到DD腦, 不至於期期俾老師照肺囉

shirleycnf

回復 faye525 的帖子

非常多謝你的資料和意見呀.

Seep

回復 faye525 的帖子

Faye525
你女Ritalin食咩份量？依家Concerta又食幾多?我仔5歳幾開始食半粒Ritalin加半粒開胃，效果好好。但最近𡿨1年多D〉好像倒退了，又比老師話遊雲，做嘢唔專注，冇左好定個情況。雖然唔知同弟弟出生有冇關，但都請醫生調藥。現在食一粒Ritalin，再加一粒都係輔助性的精神科藥，每日兩次，話第二次可以將來小學放學先食。醫生話會好好多多，但似乎冇咩效，阿仔表現仍然有DD失控，當然好過唔食，但好像比AD操控多D！想試下Concerta會唔會好D。有冇其他媽咪可以分享下？

faye525

回復 Seep 的帖子

我小朋友初初頭兩個月食RITALIN 20MG 四分三粒, 朝早食完早餐食一次唧.
跟住就轉食CONCERTA 18MG 一粒, 都係朝早食, 中間有兩個月開左開胃藥俾佢, 每次半粒

而家就都只係食CONCERTA 18MG一粒囉~~ 唔駛返學同做正經野果時, 醫生俾佢放藥假~~

至於你個CASE, 我覺得未讀小學, 除非行為真係好有影響, 唔係都唔駛食咁多藥, 同補藥....

上到小學先係真正既開始黎...

醫生有同我講過, 佢地既行為係會時好時壞, 例如上個星期好好, 今個星期曳左. 係好正常既~~

只要有KEEP返好, 醫生覺得都係控制範圍~~

同埋開邊隻藥, 開幾多份量, 係同歲數+體重有關...


你可以問下醫生意見先既~~~

不過我覺得如果未讀小學就咁快食足12個鐘藥, 小朋友真係病情唔輕, 行為完全影響到日常生活

因為醫生俾我小朋友食CONCERTA意思都係想佢KEEP到全日返學上堂+特別可以支持到佢做晒功課為止~~~

散左藥後, 醫生都叫我有D野要隻眼開隻眼閉, 無謂同個女嘈, 一黎聽唔入耳, 二黎傷感情....做晒正經野唔太過份就由佢咁囉....

Seep

Faye525
多謝回覆，可能我對佢要求太高，因為上次開始食藥效果好顯著，所以覺得可以持續，其實佢唔算好嚴重，未食藥前學習能力都唔差，食左更充分發揮。但佢考到幾幾好的直資，學校係愉快地傳統，所以想早D準備，唔想佢第一學期被標籤，打擊佢自信⋯你都啱，要隻眼開，隻眼閉！

polly0503

想問下如果長期依賴藥物如不食會否使病情再差D。

faye525

回復 polly0503 的帖子

食藥唔係去醫好個病
食藥係令到佢地容易控制到自己~~~

所以係食左藥之後, 家長係有責任盡力教好佢地規矩, 等佢地將所有規矩變成日常生活習慣後, 簡單講, 叫習慣成自然, 咁就可以早D斷藥囉~~

如果諗住純食藥就叫醫~ 咁真係大錯特錯架~~~

家長一定要付出好多心力, 佢地先會學到是非黑白, 先知咩場合要做D乜野..先知咩叫控制情緒~~

醫生一早話左教佢地呢類小朋友, 係好辛苦, 過程都好漫長...

shirleycnf

真係好漫長, 好辛苦, 好痛苦, 我有時想, 不如比我死左去算把啦.

polly0503

我老公公司前排黎左個新同事,果個女仔D情況有好明顯的專注力不足結果2個月後被炒左,我老公一味係到講個女仔點點點其實D野同我個大女一樣我最擔心就係佢將來工作經常被人炒又無朋友.

HTML

我個大女都有同樣的問題. 上堂時唔專心, 搞呢搞隆, 上緊堂去廁所玩水... 搞同學仔, 玩擦膠, 間尺, 我都好煩.. 好想死..
今年九月會第一次見精神科, 唔知係咪一定會食藥控制呢..

polly0503

我上網睇左D資料食真係好受控。

polly0503

html :你係咪仲有小朋友。

shirleycnf

醫生終於開左Ritalin 比我仔仔, 一日一次(早上) 5mg 試藥. 我今日早上自己試下食10mg先. 但對我完全無幫助. 食左好似無食咁. 好迷網

bbricky

shirleycnf 發表於 12-6-21 14:33
醫生終於開左Ritalin 比我仔仔, 一日一次(早上) 5mg 試藥. 我今日早上自己試下食10mg先. 但對我完全無幫助. ...

俾多少少時間再試下,我囝囝食左Ritalin現在效果不錯,不果有side effect(無胃口&失眠)

faye525

回復 shirleycnf 的帖子

傻婆!!
D藥計重量開架~~

你大人重小朋友咁多, 食10MG梗係唔覺得有咩唔同啦~~~

Seep

我地個醫生話D藥對冇ADHD的小朋友冇用，唔會令佢地定D同叻D，唔知係咪真。