好煩呀~~第二次呈分試落晒級~~><

宏頌媽咪^0^GARY

第二次呈分後老師話佢係B2頭至中學生，叫我唔好去考B1中學，但我又想考屯門譚伯羽，都唔知點算~~~

宏頌媽咪^0^GARY

想問下B2學生，係唔係唔好考B1中學呢～～

YuYuMother

宏頌媽咪^0^GARY 發表於 13-12-21 13:26
想問下B2學生，係唔係唔好考B1中學呢～～

如果係B2頭，我會自行時試一間B1C＋一間B2A。

問清楚老師係B2頭定中，差好遠呀，會影響決定。

katrinaau2002

原帖由 宏頌媽咪^0^GARY 於 13-12-21 發表
第二次呈分後老師話佢係B2頭至中學生，叫我唔好去考B1中學，但我又想考屯門譚伯羽，都唔知點算~~~ ...

譚佰羽係band1中，相信只會收番band1學生，band1尾自行機會都好細，何況band2頭至中呢！

orangebb

宏頌媽咪^0^GARY 發表於 13-12-21 13:26
想問下B2學生，係唔係唔好考B1中學呢～～

如果係邊緣人, 仲有D機會, 但係去到B2中, 會唔會太過勉強呢!  再者, 小朋友除非去到中學突飛猛進(呢樣真係無人知....), 如果唔係, 好彩比你入到去, 除時長期墊底, 最後要煩轉校, 真係要三思.......

小蜜蜂BB

自行試下，屯門今期可進取d.其實妳小朋友突然失手，以前是ok!不用氣餒！

rookiemom

如果只是一次失手，當然會搏。但眼見好多同學由P5開始，成績跌了落Band2，他們的媽咪忡話自己個仔係失手，老實講，連續三次考出來的成績都是Band2，那不能說是失手，只是那些媽咪不肯面對現實而已。

宏頌媽咪^0^GARY

真係好難決擇

Phoebenana

回覆 宏頌媽咪^0^GARY 的帖子

我知道的幾家band1中學，校長都講過只收band1生。

Phoebenana

回覆 rookiemom 的帖子

係。小學時期，小一至小三都是基本知識，孩子比較容易掌握，到小四開始學習就開始是一個轉折點，程度慢慢深了，到小五更會由淺變深，所以就有好多同學在這個轉折的時期，成績降落來。中學將又是一個轉折點，到時不少小學成績好的會降，而小學成績一般的會升。
只要孩子盡力了，我們家長就要面對這個現實。

Viman

其實在自行階段，你考band1 中學，可能連面試機會都冇。就算有面試，中學亦不會考慮你，除非你有其他優點！哪個是很現實的。如小朋友考了第三次都是band2中, 就應該找間合適的學校，愉快學習對小朋友來講是很重要的。

rookiemom

回覆 Phoebenana 的帖子

Agree! 大把小學成績一般的，上了中學才開竅呢。

orangebb

Viman 發表於 13-12-21 23:18
其實在自行階段，你考band1 中學，可能連面試機會都冇。就算有面試，中學亦不會考慮你，除非你有其他優點！ ...

絕對係 ! 所以, 咁樣做, 差不多等同自行放棄!  與其咁做, B2中, 我會寧願揀B2頭學校, 老實講, 都唔一定入到, B2頭校風好學校, 都係會極受歡迎, 而且入到去, 都唔一定易讀; 自行階段, 學校都係揀"best of the best", 真係諗唔到理由自行階段, B1學校點解要去收B2中學生 (特異功能例外)!

宏頌媽咪^0^GARY

好奇，有d嘢想問下大家，我仔仔，其實中英數分數，都有9字頭同8字，都話係b2學生，唔通現在d小朋友，個個都禁高分，所以考100分先係b1學生～～～

orangebb

回覆 宏頌媽咪^0^GARY 的帖子

出卷間間唔同, 深淺唔同,  可能之前你地學校考PS1成績取B1位少(呢個Ohonono/Khmama之前解釋過), 所以直接影響你地幾多個係B1生.

如果以我女兒小學, 主科98+, 都係級前20/180, 排位大家好微小, 唔係一分一分落, 可能係零點幾分咋, 分勝負就在雙對較閒科目, 如中作, 視藝等.

moniquechoy

其實坦白講, 大家小六都是用來用去個幾本書, 大家既考試範圍都差不多, 其實小學有幾多野讀, 大家都知啦! 只要小朋友上課留心, 明白, 做功課認真, 考試前讀下, 都唔會好低心啦.  成績既高低, 就在乎小朋友既吸收能力, 當然生字都要寫下, 溫下啦!

女孩子小學成績比較好就是小學課程內容不多, 只要肯花多一丁點時間去溫, 就可以高分, 反之, 中學就要先理解, 並要掌握答題技巧才能高分. 當理解能力較弱時, 那就讀得比較辛苦!

在小六, 有很多黑馬衝上來, 其實並不代表小朋友聰明左, 只是他們用心左, 謹慎左,  啱多題, 錯多一題, 都成3-5分啦, 就是差多個名次了.