讀'聖瑪加利大幼稚園'家長入來傾傾啦!

heima

Jo Jo

由面試到收通知係好短時間, 好似唔夠兩星期, 而收通知到註冊差不多有半個月, 俾多d時間決定讀唔讀, 我有無記錯呢? 請各媽咪指正

Liu

JoJo

我唔係好記得幾時有結果,不過印象中唔係等好耐.我諗你唔洗咁擔心o既,宜家出生率咁低,應該唔太難入.你囝囝係大仔定細仔?因為我聽聞好多學校都鍾意收大仔大女.我之前確實有咁經驗;上一年我幫阿囡報咗三間幼稚園,其中一間面試時,校長要每個小朋友都同佢講再見,睇下佢講說話清唔清楚,同係咪怕羞.我個囡可能心情好又夠瞓,見到校長就自己肯講,跟住校長望o下佢張申請表話:都係大女好D喎!

Liu

JoJo

heima, Liu,
多謝意見呀..

Liu,
我個仔係10月出世家.. 佢係細仔黎既.. 不過說話方面佢都算okay..今朝都有老師請佢食野.. 佢亦有同老師講"謝謝老師", 仲有"拜拜老師"

heima,
因為我而家都諗唔到揀多邊兩間做backup.. 所以得呢間我想去咋.. 我係未冒險左d 呢   

各位,
想問下個時你地除左報呢間之外仲報左邊幾間interview呢... 等我做個refernece.. 因為既然聖馬加利大我都揀得既.. 其他區我都可以揀呢..Many THanks..

heima

Jo Jo

仔仔係12月的, 都收在了, 你更加唔需擔心, 而且學校將細仔放埋同一班方便照顧的

見多幾間都好, 可以俾小朋友去玩下, 攞多幾次經驗, 又可安心d, 你住邊區? 睇下有無心水, 同埋想仔仔番上午定下午?

Pochacco2001

JoJo,
上年我都係幫我囡囡報o左兩間學校,一間係'聖瑪加利大',另一間向赤柱,兩間都收,所以我決定選'聖瑪加利大',因我朋友話這間學校好,而且小一派位亦好好,所以不用諗!
你唔好擔心啦!現在多數都收的,因小朋友唔夠!

JoJo

Pochacco2001,
係喎.你住赤柱呀.. 咁去跑馬地遠唔遠呢..

我其實諗住報多一間穩鎮d 家咋.. 雖然我知而家小朋友唔夠..

我亦知呢間派小學好正家.. 所以我想揀囉..

heima,
我係諗住讀上午, 因為有工人呀.. 同埋時間control 得好d.. 我放工時間穩定.. 咁會okay..

Pochacco2001

JoJo,
雖然聽到好似好遠!但其實一D都唔遠,我們有直接小巴出到銅鑼灣,之後我們有時間會行返學校,一係就搭電車(一個站)!非常之方便!

heima

Pochacco,

咁你幾點出門口? 係唔係坐40號小巴? 真係好快出到黎, 有時我都會同仔仔去赤柱玩, 好relax, 我多數會坐63號巴士, 都好快去到

JoJo

Pochacco, heima,
其實你地會幾點出門口, 好似我咁, 我樓下就係地鐵站啦.. (筲箕灣), 我可以搭地鐵去銅鑼灣再轉叮叮.. 不過唔知咁樣會否麻煩左d 呢.. 定係坐校車好呢?

Liu

JoJo,

我住係太古,但我要返工.所以就比囡囡撘校車.開學頭五日沒有校車,我地都係撘MTR轉的士or小巴.但未試過撘電車(放學就試過),因我擔心時間難掌握.

Liu

Pochacco2001

heima & JoJo,
我每日都係7點45分出門口,8點30分會到學校!星期二四我會同囡囡向銅鑼灣食完早餐先返學!都幾方便!一程車,因我囡囡好鍾意坐電車,所以有時會坐多一程電車返學的!

JoJo,
我覺得如果你自己可以帶到小朋友返學就自己帶最好!起碼有問題都可以立即問老師!

Liu

各位家長,

請問星期五要帶透明活動袋嗎?

Liu

helencyl

Liu,
我明日記得就問下老師.


今日接個女放學見到OUTDOOR PLAYGROUND 做左D 萬聖節裝飾.

heima

星期五要帶透明活動袋嗎? 我都想知

papadaddy

heima
對，是要帶透明活動袋的

JoJo

Liu,
我想問下搭校車幾錢一個月呀.

Pochacco2001,
其實我都想自已帶個仔返學.. 不過我要8:45am返到公司..(炮台山).. 可能會好趕喎..    

Liu

JoJo ,

$510

Papadaddy,

Thanks.

Liu

Pochacco2001

helencyl,
你見到的報置可能係d媽咪幫手一齊整的!因昨日羅主任在早上叫d媽咪如果得閑可以留在學校裡幫手報置萬勝節partyD野!所以我估應該係她們幫手的!

JoJo,
咁你真係唔夠時間陪仔仔返學了!因他們星期一,二,三早上都會在禮堂玩同早會,大約到9點15分才完,所以你應該趕唔切!

kakibeebee

Liu,
你搭校車咁平, 我要$770(保母車)

Pochacco2001

各位媽咪,
你們星期日會唔會去明愛賣物會呀?如果會,你們會幾時去呀?