西灣河基灣家長請內進

Xanthe

Andyrain,

黃色通告是PTA出的，有些活動是給家長+小朋友，有些活動是給家長........。家長茶聚一定會有校方參與(校長如果唔得閒、副校都會出席)，因為要回答家長問題。

不要客氣!!! 只希望出一分力！

Sandylaw,

係呀，收緊保安問題我們家長已經曾經提出過但由於之前有工程進行不能做，所以.......現在校長先知先覺！       

AndyRain

Hi, Xanthe & Sandylaw

聽到你地話個新校長好就開心了.

保安問題......原來會有這情況出現嗎?  我真係一d都不知道, 因為唔係我去接亞仔及未試過唔係番學的時間回校.  mug唔係有校工坐在樓下叫人簽名先可以上去咩??

我9月頭放假去接左幾日放學, 我係個新翼個邊等既時候真係好辛苦.  因為我一去到d好嘈既地方就會好 won(隻耳仔)的, 跟住就個頭好唔舒服的.  因為太好人講野同d聲困住晒係入面. 同埋風扇真係好唔夠, 所以有哮喘及大肚婆係唔適宜係個度逗番的. 第二日我就特登唔咁早去, 費事係入面won到我頭都痛埋, 但係就無法可以見到d學生個樣, 因為前面有一排又一排的人, 無法"捐"到入去. 又走番去左邊樓梯先可以見到d學生(但係被老師趕), 後來見到亞仔落黎, 又因為無法 "捐"到入去, 最後而由最右邊的門口一路唔該借借咁入去, 點知亞仔又以為我係左邊入去, 佢就去左左邊度, 搵左一陣至搵到.  唉!!!!!! 我又唔想真係等d 人散得7788先去到, 因為咁樣亞仔又狽住個好重既書包耐d, 同埋佢個感覺一定唔好, 佢會開始擔心會唔會剩低我無人接呢.  

我有個諗法, 唔知可唔可行, xanthe煩請你幫忙諗下, 若可行可向校方轉達免有很多家長咁辛苦(一係d亞公亞婆, 一係可能會帶著一, 二個細d既小朋友既媽咪), 邊個有事都唔好, 同埋若係個時火警鐘響就大件事了, 可以會在人多爭相走避下發生人踏人的.  若在現在的低年級接放學等候區劃分每一班家長接放學的位置, 叫d家長好似學生咁排隊等, 例如1a班的家長在1a班的等候區排隊接放學.  咁1a班既班主任帶佢地落黎時將d學生帶到1a班等候區等d學生同家長相認. 咁可以省一點時間及唔駛無方向咁周圍望邊個係自己個仔, 女.  因為同一時間太多一模一樣的學生, 要分清楚都要一點時間的. 快d認到, 就快d可以散敢d人, 劃好接到學生之後的路線叫d家長跟住行.  有多過一個仔女係度讀的, 就唯有先接細的, 再到大的那一邊排隊.

-------------------------------------------------------
'1a' 出口"1b '出口"1c '出口"


唔知咁樣得唔得呢???  

sandylaw

Xanthe,

Sorry，本來答應左明天1:30幫手做義工，但二女明天參加旅行放2:00，所以黎唔到,Sorry
    

sandylaw

AndyRain,

你個分區放學方法都唔錯，但唔知學校夠唔夠地方去做呢樣野，其實我覺得如果在陰雨操場放學會唔會好些，唔駛咁迫，起碼學生唔駛在兩旁樓梯出，之後再行入停車場咁危險。

AndyRain

sandylaw

陰雨操場在那裏呀? 是否在校務處落一層呀?  我諗校方係考慮到唔駛D老人家及要帶小朋友的家長日日都要行咁多樓梯, 所以先至在停車場放學.  只係由於地方所限, 所以出現這樣的情況.

sandylaw

陰雨操場在停車場上面，校務處落兩層

Xanthe

Andyrain and Sandylaw,

多謝意見，放學問題我們在Sept時已同校長和副校長表達。但由於停車場兩邊不通，所以比較麻煩。曾想過幾過方法，但仍未想到一個比較安全的方法。基本上校長已經同屋宇署(好像是這個dept)互相 過，現仍努力爭取打通停車場兩邊，但未有feed back！    放學時有些家長比較緊張，所以會有咁前去到咁前。校長見到如此在開學第二日低年級已經要舉牌比企得遠的家長睇，同時要學生一定要同老師講bye bye才可以離開，確保安全！陰雨操場在1/F，是給校車隊排隊等車。希望大家比些時間給學校改善這個問題，這個問題比較難搞因為建築問題！

至於基灣堂樓梯(返學入口)，校長在9月大雨時已經影相給EMB要求申請維修......，好像批了但我相信要放假才可以做！

Sandylaw,

noted.

AndyRain

Hi, Xanthe

舉牌? 我去左幾天都無見話有人舉牌呀? 連後面通知邊一班放左學個個牌都成日俾人 "姐"住.  不過, 絕對明白是需要時間的, 尤其是要經政府部門, 只是幫手諗下辦法, 睇下用唔用得著.  

Xanthe

  

Xanthe

hi all,

基灣堂樓梯(返學入口)昨天開始維修！     

sandylaw

希望快些完工

    

AndyRain

Xanthe

謝謝告知有關的工程現己開工, 請問小朋友番學時改在那裏排隊等上課室呢? 另, 請問是否像基灣堂那邊有椅子可以坐下來吃早餐呢? 因我上班時間較早, 所以孩子到學校的時間相對亦早, 一路以來我都叫他不要排隊, 請願找個位坐下吃早餐, 等可以上課室時才上去, 這樣可以不用企那麼耐. 等我問下亞仔情況先.

Xanthe

Andyrain,

據我所知學生從基灣堂門口入然後從陰雨操場經另一樓梯上課室。小朋友一路以來返學都直接上課室，唔會係操場/其他地方停留。

Xanthe

all,

[size=xx-large]Merry X'mas and Happy New Year!!!!

AndyRain

Xanthe

你有睇新聞嗎? 那個頸巾被夾的女孩很慘呀!!! 看到後很唔開心.  加上亞仔又係搭小巴番學的, 所以也很擔心!!!

你知唔知幾時先有得派成績表呀? 差不多兩個月了!!!

Xanthe

AndyRain,

yes, i saw the news.....    

你知唔知幾時先有得派成績表呀? ==> 3/3

AndyRain

Hi, Xanthe

3月3號先派!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

sy123456

依家考緊試啦!各位有冇心得呢?

sandylaw

hi,all

三月三日真要等好長時間啊！ :cry:

AndyRain

Hi, all

3月3號先派成績表, 我覺得完全失去了意義.  我以前讀書是考咁多次試派咁多次成績表的(一年4次考試, 一張過寫晒).  上學期見一次家長, 下學期見一次家長.  這樣才能給家長適時的update.  

現在11月考試, 3月先派成績表, 無錯, 我是完全知道孩子的分數, 但其實作用不大.  因不知道overall的情況, 無法評估.  他很高分, 可能不是他很叻, 只是那一次的試卷出得很淺所以才拿到高分也不出奇.  同樣, 他低分也不知道是否份卷很深所致.  就算想只與自己比較, 看看有沒有進步, 也很難達到. 根本做唔到評估的效果.  或者只有老師才知道評估的效果, 可惜每班得個幾位老師(當每科一位老師)又是否可以有能力去幫全班咁多學生呢?  況且, 亦唔見得老師會主動做些什麼去幫忙學生.  咁.....考黎做mug呢?

要去分析一件事, 必須要有全面的資料才能做到較準確的分析.  我想這是一個很普通的常識.  所以我不肯定學校派成績表的目的是給家長得個知字?!!!! 還是希望能做到家校合一, 大家互相幫忙教好小朋友呢??!!

或者我是火星人, 想法較另類, 所以只有我才覺得有問題!! 唉!!!!!!!!!!!!!!!!!!!