鑽石山靈糧堂幼稚園家長分享

fostermak

續靈糧家長舊post
９．我都懶懶地架,會吾會吾岩架..係咪要媽媽或爸爸返屋企時時同佢玩架>>>
家長用心, 孩子才會出色, 我從不相信單靠學校, 孩子就會飛. 學校的教學模式, 引導孩子的學習方法, 測驗多、默記多, 我認為慢慢就會思考少、提問少.
學校有教學主題、有學習進度,活動教學加上功課少, 不代表下下玩, 書單上的書、閱讀計劃、輔助教具.
.. 全需要家長回家後, 齊齊 "親子樂"


１０
靈糧是一間真正活動教學的幼稚園, 採校本教材, 沒有特定的教科書, 如果家長以學校教材來評定課程深淺, 那或許可算淺, 但到校參觀學生所學, 又絕不可算淺, 學生學的不是死記硬背的知識, 而是透過實驗、觀察來了解一些原理及基礎觀念.
學校又透過閱讀計劃讓學生認識中英文字, 所以, 即使孩子寫的字可能不及某些幼稚園, 但認字及閱讀的能力絕對不差.
我喜歡靈糧的以孩子為本, 以及注重孩子的全面發展, 但如果家長認為培育孩子只是學校的責任, 自認懶, 那可能就不太適合, 因靈糧極重視家校合作, 親子互動和活動是不會少的.


靈糧不單單是開心吧。可能你的確要了解靈糧、你為什麼要入靈糧，你期望幼稚園的學習能帶給你的孩子甚麼？這是最重要的關鍵，因為是你在為你孩子的未來掌舵，不是靈糧。只要你知道自己要走的大方向後，你就再不會為小事煩惱。

另外，你也許可從多角度了解各間學校，我們必須能看通表相，才不至被外表迷惑。對家長特別友善是可取，但從另一角度看這也許是marketing的工夫，今天幼稚園維生也不易吧，聽說有些很商業的學校甚至連給學生的東西都是給家長看的，未必是切合學生所需。我們必須了解學校究竟能給孩子甚麼。


入讀靈糧要有心理準備，它不是傳統教學，如果家長是期待孩子是從書本中吸收知識的單向學習形式的話，那就可能錯配了。

１１
TT,

我兩位兒子都是在銅鑼灣靈糧堂就讀的。畢竟選校是非常個人的選擇，各有不同需要，各取所需，好難一概而論，我不敢給任何建議，你可以到「小學雜談」走一走，那裡有很多有用的資料。

不過我可以跟你分享一些經驗。我大仔跟他的靈糧堂書友仔久不久都會出來見面聚舊，家長又可以互相交換育兒心得，至今仍然有超過半班同學可以聯絡上並久不久出來。這班同學散落在不同類型的學校，但沒有人在銜接上有大問題，現在已經小二了，大家都讀得很好，成績都…….哈哈哈！。

無可否認，在小一初段是有一些沖擊，即使那些在標榜自由開放的新理念直資就讀的同學，同樣要面對很大的沖擊，始終小學和幼稚園有著很大的分別，但這個銜接期是很短的，大約三個月便可以跨過。當然，這班舊同學都有一個共同點，就是他們的爸爸媽媽都很用心去協助他們過渡，和花很多時間在子女身上。

我個人覺得幼稚園學生是否順利銜接小學，最關鍵是父母的關心和實質的支持，其次是小朋友本身的能力，再其次是能否遇到一位好的老師，之後才是個別學生的學習模式偏好和學校的教學模式是否配合。至於那一間學校和那一間幼稚園是否銜接，都係果句：非常個人化，沒有一定關連。

１２
aaacccsss,

和其他較注重語文訓練的幼稚園比較，靈糧堂的普通話和英文可能是較弱。這個取捨可能是先訓練語文能力，還是先建構內在能力和生活態度的問題，這個問題真係因人而異，各人有不同的需要。如果家庭教育已經把後者做得很好，便可以選擇一間較注重學業的幼稚園去操一操；假如你認為小朋友的資質不弱，學業的問題遲早可以趕得上，最緊要從小替他塑造基本的態度和價值觀，那麼靈糧堂是一個很好的選擇。

個人認為學習普通話對我們香港人不是很困難，即使我幾十歲人才去學也趕得上。學習英文方面，始終要靠自己平時多讀、多聽、多講，如果父母親有能力有時間在家裡幫一幫，問題都不太大。

１３
TT,

我兩位兒子都是在香港靈糧堂讀書，大仔已經畢業，現就讀小二，細仔亦快將畢業，要離開靈糧堂了。我前前後後連續共六年在靈糧堂，我自己都就快要畢業了，真係好唔捨得離開靈糧堂。

就你的個案，我有一些不同的想法，希望你唔好介意。六年來，我也遇過一些靈糧堂家長，面對跟你一模一樣的抉擇，有人決定留在靈糧堂，也有人決定離去。那些拖到最後才決定離去的，他們的抉擇過程非常痛苦，是全家人一起痛苦，轉校後又衍生很多大大小小的問題。

以我見過的個案，在靈糧堂K1轉過去果間幼稚園重讀K1，獲接納的機會非常高。我建議你應該在投考之前就要決定將來的去留，決定了去，就全力以赴，獲取錄後就頭也不回地離開靈糧堂。若現在沒有明確的取向就去投考，只不過是把煩惱推遲，甚至是自找煩惱；若現在都未能下決定，以你們一家人那麼喜愛靈糧堂，到時只會更加舉棋不定，無論Go or Stay都會耿耿於懷。

既然學校好、教學方法好、老師好，囡囡開心，爸爸媽媽又鍾意，眼前一片美好，那為甚麼要變呢？如果為了替妹妹開路，而要姐姐放棄愉快的學校生活，轉到一間陌生的學校再重讀一年，他日姐姐問你點解的時候，你如何回答呢？小朋友的記性其實很好，我的大仔現在還時常跟我討論在靈糧堂K1時的點點滴滴呢！

如果轉校是為了入讀一間好學校，這樣也無可厚非。不過靈糧堂畢業生入讀好學校的比率其實也非常高，況且近年出生率每創新低，又多了很多新理念直資，所以要入讀一間好學校其實並不太難。往年六月放榜後，因派不到好學校而要求曾校長介紹學校的家長都迫爆校長室，但近年則非常「清閒」，甚至有些同學經校方成功推薦入讀好學校，但家長最後自己找到更好的而放棄校長推薦的那一間，每每令到校方很尷尬呢！

你說：「唔想日後後悔損失最後機會令佢地可以入讀一間比較好的小學」其實機會每年都有，各大名校每年每級總有一些騰空了的學位，只要你繼續栽培令千金，終有一天她能入讀你心儀的學校。

芷芊

fostermak,
星期六晚約左99食飯, ,
睛晴一星期返4日英文班,係咪在將軍澳呀?我也為囡囡揾緊英文班,有D在何文田,有D在太子,有間在樓下,1)何文田(環語通)聽說好生動,有趣,2)太子(偲誠)-老師係港大碩士生,3)Johnwing樓下好處[近],而家重未知邊間好D!

原文章由 fostermak 於 08-3-14 01:14 發表
芷芊 & wing:
我呢個禮拜放緊假陪姊妹花,過下全職媽咪滋味,不過下個禮拜要返工,本來想同佢地落樓下玩滑梯,爸爸都話唔好,於是今日約左n1舊同學上屋企聚舊...


聽晚真道書院有入學簡介,你地有冇興趣了解一下?
電話係  ...

芷芊

喧嘩,
我都係一個囡囡,所以我好明白你,我囡囡依家k1,係細女,我眼見其他大仔可以識寫自己個名,可以由1數到100,我心裡也有点擔心,前排試過叫佢一日寫一頁連線,佢開頭都好開心架,但過了兩三日,佢就唔想寫,接著發脾氣,我當時都好唔開心,心裡想[你唔好浪漫時間啦!咁樣會好虧底架!],足足攪左三四日,一日我放假,在home又同佢寫連線,由於多時間今次我同佢玩了半小時後,才叫佢寫,佢竟然寫了四頁紙,我終於明白,無時間個個係我,唔係佢,
唔好俾小朋友在你眼上或行動上Read到你的煩和擔心,平日在家輕鬆地看英文TV,係home同小朋友講英文,如果講講下唔記得,講左中文,咪當玩遊戲咁,睇下邊個可以維持最長時間用英文,or 揾d開心D英文班會好D(以上純個人意見)

喧嘩

係ar, 你講得好啱, 最冇耐性同時間係我地, 香港人乜都急急急, 講真我真係冇乜時間, 就算而家每日限住自己抽一小時同佢溫書, 都好辛苦, 放棄左自己d休息時間, 我又要返工, 又要返學, 做功課, 考試, 仲有少量家務要做, 自己都冇乜多餘時間, 所以先希望學校可以幫我地多d, 其實你話k1d同學仔好多都識寫自己個名, 我諗全部都係屋企教, 因為個女到而家學校都冇教過佢地點寫自己個名, 我上次去觀課, 小朋友做完d嘢, ,要寫名, 咁我又唔識佢地, 有d冇帶名牌, 諗住叫佢地自己寫, 我接觸果d全部都唔識寫自己個名, 有d話只係識寫英文名, 我琴日問過女鐘唔鐘意返學, 佢話鐘意, 不過唔鐘意寫字, 我問點解, 佢話有d寫好難唔識寫, 老師都冇教我點寫, 都唔識寫, 咁我又諗, 可能係個女想人地留意佢, 重視佢, 所以我開始覺得就算佢識寫的功課, 都要陪佢一齊做, 佢先會開心, 先會鐘意,
我自己住喺34校網果邊, 唔知你或你地知唔知有邊間學英文好d呢? 或者黃大仙果頭有冇ar?

原文章由 芷芊 於 08-3-15 00:45 發表
喧嘩,
我都係一個囡囡,所以我好明白你,我囡囡依家k1,係細女,我眼見其他大仔可以識寫自己個名,可以由1數到100,我心裡也有点擔心,前排試過叫佢一日寫一頁連線,佢開頭都好開心架,但過了兩三日,佢就唔想寫,接著發脾氣,我 ...

fostermak

喧嘩:
你要返工,又要自己讀書,仲要顧囡囡學業同家務真係好辛苦,唯有盡力而為啦,唔可以單靠學校,家庭都好重要,係相輔相成架...
講真,幼稚園不論程度淺或深,即使我朋友個囝囝根德園,咪一樣私人搵人補習英文...

芷芊:
我唔係同囡囡報英文班呀,果d係以前靈糧家長post黎架,我copy俾喧嘩睇,等佢知道以前靈糧家長的做法及靈糧生升小一的情況...

我淨係尋晚聽小學(將軍澳真道小學)簡介會乍,我知仲會有好多場,你可以打去問時間留座,呢間係一間活動教學,非傳統教學o既小學,校長冇講明入學要求,但講明面試唔係睇小朋友學識有幾高,主要睇小朋友是否適合該校教學風格,即係睇性格...

至於英文班,我暫時都係主要播英文vcd,同佢睇英文書及同佢講英文,反而我要勤力d同佢認中文字及中文書,學校疊中文字卡唔係成日玩,所以佢淨認字麻麻地...

原文章由 芷芊 於 08-3-14 23:55 發表
fostermak,
星期六晚約左99食飯, ,
睛晴一星期返4日英文班,係咪在將軍澳呀?我也為囡囡揾緊英文班,有D在何文田,有D在太子,有間在樓下,1)何文田(環語通)聽說好生動,有趣,2)太子(偲誠)-老師係港大碩士生,3)Joh ...

[ 本文章最後由 fostermak 於 08-3-15 19:44 編輯 ]

芷芊

喧嘩:
34網係咪即係土瓜灣?聽說YMCA(尖沙咀)英文班phonics都ok架,但因為要用筆寫字,所以我無資格参加,重有English Talktown,Story Adventure,English Drama Club....你可以試試,不過好多人報名,如果入會做會員就一定有位.

芷芊

fostermak,
哎~我尋日去了johnwing佢話week1-6都無位,偲誠叫我暑假才開班,何文田唔就腳,
而家維有連工聯會都look look啦,因為真係好平$340(12堂)@28.3(一堂),當玩都ok喎.

喧嘩

我好鬼懶gar, 最緊要就腳, 何文田勝利道果間聽閒都出名, 不過真係遠左d, 我都考慮緊, 而我樓下有公文式學, 唔知學唔學好, 學公文式要好有恒心, 有人話好, 有人話唔好, 我又考慮緊, 又怕自己冇時間, 而且都唔平, 點好呢? 乜工聯會都有咩? 超平喎, 真係當玩就ok, 當俾多d機會佢地聽下英文囉, 但係想係果度學到d乜就比較難啦, 乜你屋企好近工聯會咩? 我只係知土瓜灣有. 唔通你住我附近? 睇完八掛俾我聽啦

原文章由 芷芊 於 08-3-16 19:00 發表
fostermak,
哎~我尋日去了johnwing佢話week1-6都無位,偲誠叫我暑假才開班,何文田唔就腳,
而家維有連工聯會都look look啦,因為真係好平$340(12堂)@28.3(一堂),當玩都ok喎. ...

芷芊

喧嘩,
我唔係住將軍澳,不過我由頭look到尾,啱私個女D班只有將軍澳,我住Diamond Hill都無工聯會.

原文章由 喧嘩 於 08-3-17 17:58 發表
我好鬼懶gar, 最緊要就腳, 何文田勝利道果間聽閒都出名, 不過真係遠左d, 我都考慮緊, 而我樓下有公文式學, 唔知學唔學好, 學公文式要好有恒心, 有人話好, 有人話唔好, 我又考慮緊, 又怕自己冇時間, 而且都唔平, 點好 ...

fostermak

芷芊:
工聯會有乜野班o岩我地d小朋友架?有冇適合三歲半o既課程?

喧嘩:
最近公文又有一個月o既免費試堂,你有冇興趣試下?我舊年都係同囡囡試左一個月,佢ok我地先幫佢報公文數,你可以考慮下英文或中文,因為可以教佢識好多英文及中文生字,如果報平日上堂,仲有免費半小時playgroup,不過我地果間報星期六淨得半小時上堂...

原文章由 芷芊 於 08-3-21 23:32 發表
喧嘩,
我唔係住將軍澳,不過我由頭look到尾,啱私個女D班只有將軍澳,我住Diamond Hill都無工聯會.

[ 本文章最後由 fostermak 於 08-3-31 10:32 編輯 ]

喧嘩

咁好? 有一個月免費試堂? 係咪間間都係ar? 我附近果間喺係土瓜灣偉恒昌, 唔知果間係咪都係有呢? 我前排去過, 佢地關門大吉, 好似係因為流感冇開

原文章由 fostermak 於 08-3-31 10:29 發表
芷芊:
工聯會有乜野班o岩我地d小朋友架?有冇適合三歲半o既課程?

喧嘩:
最近公文又有一個月o既免費試堂,你有冇興趣試下?我舊年都係同囡囡試左一個月,佢ok我地先幫佢報公文數,你可以考慮下英文或中文,因為可以教佢識 ...

fostermak

喧嘩:
係全港公文文中心都有,如果試左唔報,都冇問題,你睇下覺得囡囡鍾唔鍾意,同埋你睇下呢個課程可以幫到囡囡...

原文章由 喧嘩 於 08-3-31 19:39 發表
咁好? 有一個月免費試堂? 係咪間間都係ar? 我附近果間喺係土瓜灣偉恒昌, 唔知果間係咪都係有呢? 我前排去過, 佢地關門大吉, 好似係因為流感冇開

喧嘩

我見到廣告啦, 要喺15號前報名, 不過試堂得半個月, 冇一個月咁耐喎, anyway我都會去試下, thanks

原文章由 fostermak 於 08-3-31 20:21 發表
喧嘩:
係全港公文文中心都有,如果試左唔報,都冇問題,你睇下覺得囡囡鍾唔鍾意,同埋你睇下呢個課程可以幫到囡囡...

lisalu17

各位，大家好。我刚刚搬来钻石山，想帮女儿转来靈糧，有多问题不清楚，想请问。1。请问靈糧可以用学券吗？学费是多少？2。插班插得进吗？3。有全日班吗？4。一个班级大约有多少个小朋友？请知道的家长帮忙告诉我，谢谢！

喧嘩

今日睇亞女午會, 真係焗到個人就黎暈, d小朋友好慘, 個個都流晒汗, 塊面要貼住同學仔d頭髮, 真係容乜易嘢到其他小朋友d病, 都唔知點解已經夠迫啦, 仲要俾家長留低睇午會,  不如午會唔好俾家長睇啦, 等小朋友可以多d位企, 企得鬆動d, 因為家長都佔左好大部份位, 日日幫小朋友探熱都冇用啦, 空氣都唔流通, 唔知你地覺唔覺得呢, 不過上午班會好過下午班, 因為天氣相對冇咁熱

fostermak

lisalu17:
希望解答到你的問題啦...
１．靈糧可以用学券
２．学费$2400,扣除学券,即$1400

學費	分 10 期繳交	每月 2400 元
茶點費	分 10 期繳交	每月 140 元
車費	分 10 期繳交	由 503 元至 1218 元 （本校特設校車接送各區學生）
書簿勞美代辦費 ( 可選擇訂購 )	分兩期繳交	幼兒班   ： 上學期約 1680 元 下學期約 1110 元
		低班  ： 上學期約 1740 元 下學期約 1220 元
		高班  ： 上學期約 1720元 下學期約 1520 元

3.沒有全日班,只得上下午班
4.每班大約二十五至三十位小朋友
5.插班這個問題,相信你要向校方查問,電話:2955 9797
或登入靈糧網頁了解一下
http://www.lingliang.org.hk/top.htm

原文章由 lisalu17 於 08-4-2 19:31 發表
各位，大家好。我刚刚搬来钻石山，想帮女儿转来靈糧，有多问题不清楚，想请问。1。请问靈糧可以用学券吗？学费是多少？2。插班插得进吗？3。有全日班吗？4。一个班级大约有多少个小朋友？请知道的家长帮忙告诉我，谢谢！ ...

fostermak

喧嘩:
因為近日搭起左馬騮架,所以小禮堂迫左d,或者你向校方反映意見,睇下有冇方法改善一下...

我見呢幾早會唔算太熱,小禮堂反而有少少涼風,都可以接受,係就真係迫左d,但係小朋友見到爹地媽咪陪返學,睇佢地上早會好開心架,我都開心可以睇佢地做運動唱歌...

原文章由 喧嘩 於 08-4-8 14:35 發表
今日睇亞女午會, 真係焗到個人就黎暈, d小朋友好慘, 個個都流晒汗, 塊面要貼住同學仔d頭髮, 真係容乜易嘢到其他小朋友d病, 都唔知點解已經夠迫啦, 仲要俾家長留低睇午會,  不如午會唔好俾家長睇啦, 等小朋友可以多d ...

喧嘩

咁我都好同意, 亞女見到我睇佢午會真係好開心, 但係下午1330, 天氣最熱的時候, 每個小朋友都臭著其他人呼出黎d廢氣, 真係好容易病, 鬼叫間學校先天不足咩, 就算平時冇馬騮架, 都覺得好迫, 亞女k1喺香港果間好鬼正, 午會分開k1, k2, k3, 只係k1午會地方, 已經有而家lee度咁大, 所以相比真係舒服好多, 而且冷氣又夠, 不過, 我相信,要到有事發生, 學校先會有所改變, 我記得亞女以前讀k1, 試過唔知點解d小朋友一齊病, 新聞都有報, 咁就全校取消午會

原文章由 fostermak 於 08-4-9 13:23 發表
喧嘩:
因為近日搭起左馬騮架,所以小禮堂迫左d,或者你向校方反映意見,睇下有冇方法改善一下...

我見呢幾早會唔算太熱,小禮堂反而有少少涼風,都可以接受,係就真係迫左d,但係小朋友見到爹地媽咪陪返學,睇佢地上早會好 ... [/quote]

SamKit

原文章由 fostermak 於 08-4-9 13:18 發表
lisalu17:
希望解答到你的問題啦...
１．靈糧可以用学券
２．学费$2400,扣除学券,即$1400
學費 分 10 期繳交 每月 2400 元茶點費 分 10 期繳交 每月 140 元 車費 分 10 期繳交 由 503 元至 1218 元 （本校特設校車接送各區學生 ...

１．靈糧可以用学券 - 学券08-09 是$11,000 分 10 期即$1300　一個月学费
2. 車費 分 10 期繳交 加至523 元至 1267 元 （本校特設校車接送各區學生
3. 茶點費加至上$170 　i/o　＄１４０　
４．加收泠氣費每期＄２５０
５．雜費上下二期＄２１３８

夏安

請問各位

校內的內聯網會有老師留言／回覆嗎?

另外  你們的小朋友乘校車回校的經驗都是愉快的嗎?

26/4 要交費喇
有D緊張