好激氣呀 之- Part I (完)

trustmetoo

原文章由 ruby2004 於 08-3-18 10:40 發表




trustmetoo :
我諗作為父母的 , 都很明白你們現在的担憂 .
1. 以我所知 , 就算開Xanga有左自己A/C , 如果版主set 左
    password , 唔知都一樣係入唔到 .
2. 字裡行間感覺到你們好像沒有對亞仔講過性教育,唔知 ...

其實一路都有講，我們成家乜都講，可能自已細個時屋企好多事都無教，就希望個仔吾要行番呢條路，所以同老公由細己經教佢乜都要講出來，我們亦同佢share很多我們細個時d嘢，無論bad or good!我自已都有同佢講sex d嘢，到兩年前我老公就覺得由佢講會合適d，其實佢都同我們share好多係學校d事，但女朋友、cousin & sex呢d就點都吾深談，就算我們點引出個topic,結果都一樣！唉！

ann.ann

原文章由 silviang 於 08-3-18 14:31 發表



係咪所有反叛期既仔女對住屋企人都係勁黑面呢?我家姐話早兩年佢大女又係咁, 好似全世界既人欠佢. 佢話勁難受, 有時個女上咗牀之後, 一面掃背一面同佢講. (個女係背住佢)佢照講, 講到個女有時會  . 所以我 ...

恭喜你家姐先, 成日喊我都有, 由佢讀中一時, 轉變咁大, 當時我真係好唔開心, 好傷心, 但係到而家知佢咁憎我, 有時我都會好嬲自已, 但只係向著一個目標, 就係希望佢再過多年, 會改變, 唔知係咪風氣, 係咪啲仔女多數都會憎父母?定係得我呢個係咁.?

ruby2004

原文章由 ann.ann 於 08-3-18 23:24 發表


恭喜你家姐先, 成日喊我都有, 由佢讀中一時, 轉變咁大, 當時我真係好唔開心, 好傷心, 但係到而家知佢咁憎我, 有時我都會好嬲自已, 但只係向著一個目標, 就係希望佢再過多年, 會改變, 唔知係咪風氣, 係咪啲仔女多數 ...

佢地正值成長期 , 開始成長獨立 , 有自己的主 見 , 但仍未能力
去處理 , 我地家長當然唔會全部放晒隻字啦 , 我都匿埋廁所 左好多 , 希望佢地大d , 會瞭解父母的苦心

silviang

唉, 真係日日新鮮日日金, 阿女又搞D新嘢出嚟俾我"歎". 昨日佢偷偷帶電話返學. (佢話只係想放學一個人坐車時可以聽歌) 結果係書包跌咗出嚟,俾MISS收咗, 等學期尾先俾返佢, 仲要記缺點  佢初時都有D後悔. 我話希望你經一事長一智啦. 以後唔好再犯. 但後來我覺得佢好似又無所謂. 激死我喇.   我都唔知點同佢爸爸講. 一定大發雷霆

ruby2004

原文章由 silviang 於 08-3-19 10:31 發表
唉, 真係日日新鮮日日金, 阿女又搞D新嘢出嚟俾我"歎". 昨日佢偷偷帶電話返學. (佢話只係想放學一個人坐車時可以聽歌) 結果係書包跌咗出嚟,俾MISS收咗, 等學期尾先俾返佢, 仲要記缺點  佢初時都有D後悔. 我話 ...

亞女間學校准帶手提回校 (有d放學後直接去補習) , 但唔准在校內打, 違規沒收 , 要家長親自去取回 .
你亞女個手提要等學期尾先俾返佢 , 對家人來說 , 是會造成不便,
但無同學打比佢又少左好多憂心 , 有次SAT. 我打電話回家 , 同亞女講  , 聽到佢手提響 , 原來個同學叫佢出街
呢個同學的父母連星期日都要返工, 好free , 好喜歡去網吧.

[ 本文章最後由 ruby2004 於 08-3-19 11:06 編輯 ]

樂樂

原文章由 silviang 於 08-3-19 10:31 發表
唉, 真係日日新鮮日日金, 阿女又搞D新嘢出嚟俾我"歎". 昨日佢偷偷帶電話返學. (佢話只係想放學一個人坐車時可以聽歌) 結果係書包跌咗出嚟,俾MISS收咗, 等學期尾先俾返佢, 仲要記缺點  佢初時都有D後悔. 我話 ...

咁佢有冇叫你再買過部給佢?

我仔間學校都係唔給帶電話,要帶就要向學校申請,
但有好多人都係靜靜雞帶,

我今日返工時,係樓下見到個中1仔,唔肯返學,佢父母同佢講緊道理,
我又慶幸自己個仔有時係激氣D,但又唔至於唔肯返學.

樂樂

原文章由 ruby2004 於 08-3-19 11:00 發表




亞女間學校准帶手提回校 (有d放學後直接去補習) , 但唔准在校內打, 違規沒收 , 要家長親自去取回 .
你亞女個手提要等學期尾先俾返佢 , 對家人來說 , 是會造成不便,
但無同學打比佢又少左好多憂心 , 有次SAT. 我 ...

你個女群佢咁多都唔係幾好,又冇可能叫亞女唔好痴佢喎,

正46

老實講, 依0架冇0左個手電真係好唔方便, 連個小朋友放0左學去0左邊都唔知.
所以阿女間學校都俾帶, 不過就會返到學校要交出0黎, 放學先派返,
違反者都要沒收, 到見家長先攞得返.

原文章由 樂樂 於 08-3-19 14:50 發表


你個女群佢咁多都唔係幾好,又冇可能叫亞女唔好痴佢喎,

ruby2004

原文章由 樂樂 於 08-3-19 14:50 發表


你個女群佢咁多都唔係幾好,又冇可能叫亞女唔好痴佢喎,

呢d又咪係頭痛囉 , 青少年時期既人 , 你彈吓佢地d fd 都唔鐘意喇,
昨天借意又講比佢聽好多娛樂場所都係由"黑"控制的 , 例如就叫佢講 , 佢地暗中留意你 , 跟住什麼k仔呀、迷藥呀、靚仔呀(芥菜時期) , 統統搬晒出黎 , 希望佢收到 .
遲d要用sammy_007教既3g .

死啦 . 呢個暑假都很難keep到佢係屋企 . 一定成日嘈住要去街

ruby2004

原文章由 正46 於 08-3-19 16:29 發表
老實講, 依0架冇0左個手電真係好唔方便, 連個小朋友放0左學去0左邊都唔知.
所以阿女間學校都俾帶, 不過就會返到學校要交出0黎, 放學先派返,
違反者都要沒收, 到見家長先攞得返.

...

放學先派返幾好喎 , 不過如果d學生唔交出黎都唔知架喎 ,
亞女小六d同學就係廁所度偷偷打.

樂樂

原文章由 ruby2004 於 08-3-19 16:30 發表




呢d又咪係頭痛囉 , 青少年時期既人 , 你彈吓佢地d fd 都唔鐘意喇,
昨天借意又講比佢聽好多娛樂場所都係由"黑"控制的 , 例如就叫佢講 , 佢地暗中留意你 , 跟住什麼k仔呀、迷藥呀、靚仔呀(芥菜時期) , 統統搬晒出 ...

真係去街多又驚,唔去街又驚,
我仔除左打波,佢冇街去架.

silviang

原文章由 樂樂 於 08-3-19 14:45 發表


咁佢有冇叫你再買過部給佢?

我仔間學校都係唔給帶電話,要帶就要向學校申請,
但有好多人都係靜靜雞帶,

我今日返工時,係樓下見到個中1仔,唔肯返學,佢父母同佢講緊道理,
我又慶幸自己個仔有時係激氣D,但又唔至於唔 ...

阿女學校可以申請帶電話, 上下學期分開申請, 返到學校交校務處, 放學去攞番, 但佢好大頭蝦, 驚唔記得交校務處. 所以都冇申請. 而且學校有公眾電話(要入錢)可以打.
佢都唔敢要求買過個啦. 雖然係冇咁方便. 就當俾個教訓佢.

ruby2004

原文章由 樂樂 於 08-3-19 17:03 發表


真係去街多又驚,唔去街又驚,
我仔除左打波,佢冇街去架.

真係針無兩頭利 .
我寧願佢乖乖地過度左個青春期

ann.ann

原文章由 樂樂 於 08-3-19 17:03 發表


真係去街多又驚,唔去街又驚,
我仔除左打波,佢冇街去架.

你真係身在福中不知福啦, 講開手機, 你哋啲女嘅學校就好啦, 我個女間學校, 話唔比, 知佢哋帶, 但係唔理, 所以有時聽佢講, 有同學唔見手機都唔敢出聲, 佢哋會係上堂sms, 所以全部都有帶手機, 唔係點會send到1000-2000 個(同台)一個月, 我叫個仔帶手機, 方面我揾佢, 佢又唔肯帶, 所以唔到你唔信係性格生出嘅, 我同個仔成日一齊出街, 好friend, 我知佢都會好鐘意同父母一齊. 呢樣嘢係暫時令我感到欣慰. (因為呀女以前都係咁, 好乘, 好friend. 乜都講, 而家)

正46

又唔使咁驚青0既, 老實啦, 如果間學校算OK0既, D學生都唔會壞得去邊0既, 個個父母都會關心仔女0架啦, 你估淨係你咩! 所以, 仔女同d同學 Friend , 去下街唔緊要0既, 最緊要留意佢0既言行,
唔好俾一d極端0既報導, 單一事件嚇親!

原文章由 樂樂 於 08-3-19 17:03 發表


真係去街多又驚,唔去街又驚,
我仔除左打波,佢冇街去架.

正46

哈哈! 你唔使慌, 子朋友青春期一定反叛, 最緊要多d溝通,
最重要係唔好夾硬0黎, 一定冇好結果!

原文章由 ruby2004 於 08-3-19 17:25 發表




真係針無兩頭利 .
我寧願佢乖乖地過度左個青春期

ruby2004

原文章由 正46 於 08-3-20 08:37 發表
哈哈! 你唔使慌, 子朋友青春期一定反叛, 最緊要多d溝通,
最重要係唔好夾硬0黎, 一定冇好結果!

呢句真係道盡教導青春期少年的寫照.

而係我個人case黎講 , 無論亞女幾唔肯聽兼撐到行 , 都唔可以 , 亦係 一定冇好結果!

[ 本文章最後由 ruby2004 於 08-3-20 10:02 編輯 ]

樂樂

原文章由 ann.ann 於 08-3-19 23:52 發表


你真係身在福中不知福啦, 講開手機, 你哋啲女嘅學校就好啦, 我個女間學校, 話唔比, 知佢哋帶, 但係唔理, 所以有時聽佢講, 有同學唔見手機都唔敢出聲, 佢哋會係上堂sms, 所以全部都有帶手機, 唔係點會send到1000-20 ...

我仔唔仲意出街,小學同學聚集又唔去,我驚佢唔識同人溝通,
變成隱青囉

ruby2004

原文章由 樂樂 於 08-3-20 10:00 發表


我仔唔仲意出街,小學同學聚集又唔去,我驚佢唔識同人溝通,
變成隱青囉

樂樂 :
你亞仔有咩興趣係最鍾意 , 睇書?打機?運動?旅遊? and.......

樂樂

原文章由 ruby2004 於 08-3-20 10:06 發表




樂樂 :
你亞仔有咩興趣係最鍾意 , 睇書?打機?運動?旅遊? and.......

佢仲意打羽毛球,一星期打3日(因為係定時操練)如果放幾日假,佢可以幾日唔出街架都得架,